وهيآآآآآ.... كوكا كولا في كوالالمبور +لنكاوي 11/6/2012م

[كوكا كولا]

أحلى همبه كويتية

الله يعافيج يا حياتي ومتابعتج فرحتني والله
وجاري تكملة التقرير اليوم ان شاء الله

 

[كوكا كولا]

ابتسمامه

حياتي كل شي حلو سوقهم عجيب
بس ذكريني اول ما اخلص التقرير ارد عليكم بالتفصيل الممل
لأن مع الصور راح اذكر لكم المجمعات الحلوة وشنو فيها ومحلات الأطفال وكل شي

 

[كوكا كولا]

zqertya

الله يعافيج يا حياااااااااااتي
وجاري تكملة التقرير فديتج

 

[كوكا كولا]

*الهنوف*

بشوفه ان شاء الله بس اخلص تقريري علشان البنات يلحقون قبل السفر فديتج
اتوقع يعتمد على وقت السفرة انا شهر 6 لما رحت لنكاوي كان جوها عجييييييييييييب احلى من جو كوالالمبور حيل

 

[كوكا كولا]

رونه

انشغلت والله يا حياتي
تعرفين العشرة الأواخر والعيد عسى الله يعودة علينا وعليكم يارب بالخير

وجاري تكملة التقرير وبخلص اليوم بإذن الله

 

[كوكا كولا]

نـعـومـه

ايييييييييي واااااااااااااايد حلوة حيل حبيتها وفيها ذكريات حلوة
وبخاطري اروح لها مره ثانية
ادعولي ربي يكتب لي روحه لها مره ثانية
من صجج في وايد اماكن حلوة في كوالالمبور وحواليها غير السوق وايد حبيتها حيل كوالالمبور تهبل

 

[كوكا كولا]

اليوم السابع

العودة من لنكاوي إلى كوالالمبور

~~~~~~~~~~~~~



قعدنا الصبح ورحنا نتريق وخلصنا وكان الجو هوا والأمواج شوي عالية

تمشينا على الشاطئ










وكتبت على رمال الشاطئ i Love Langkawi








وتمشينا وجمعنا أصداف شاطئ لنكاوي وكانت الأصداف وااااااااايد حلوة وغريبه شوي
جمعتها للذكرى خذيت جم حبه










بس حسافه البنفسجية بالأبيض لما رديت الكويت انكسرت وضاااااااااق خلقي كانت وايد حلوة


وقعدنا فوق عالبلكونه شوي بعد ما غسلت الأصداف وخليتهم ينشفون
علشان نسوي الجيك أوت الظهر وطيارتنا العصر

وقعدت اصور جم صورة ختامية





وجوز الهند شحلااااااااااااااته





وأخيراً شفت السنجااااااااب الي كل يوم اشوفه يطامر يمين ويسار طلع المسكين خايف من الطيور

حطيت عليه دائرة حمره علشان تشوفونه








وجهزنا اغراضنا كلها ونظره أخيرة للبلكونه مكان قعداتنا الحلوة كل يوم





والجنطتين جاهزين





ووصلنا المطار وفتحت البوابة ورحنا نركب الطيارة علشان نرجع لكوالالمبور فديتها
والعبره خانقتني لأني راح اودع لنكاوي الساحرة الحلوة الي قضيت فيها أحلى 3 ليالي





ركبنا الطيارة








حسافة شفت شي وتحسفت طيارات صغيره برايفت تأجرينها ويطير فيج الطيار حوالي الجزيرة وين ما تبين








بس اتوقع تأجيرها غالي اكيد بس تستاهل والي تجربها خل تقول لنا عن التجربة


وطارت الطيارة








ومع السلامة لنكاااااااااااااااوي ودعتها وقلبي ما يطاوع وداعهاااااااااااااا



يتبـــــــــــــع....>>>>​

 

[كوكا كولا]

وشوفوا المنتجع مالنا بيلانقي بيتش مبين على الطراف أكواخه الحمره مميزة





































وهذا اتوقع نهر أشجار المانجروف المكان الي رحنا فيه رحلة المانغروف البحرية





وطيري طيري يا طيارة........... مناظر خيالية للغيوم
















يتبـــــــــــــع.............>>>>>>>​

 

[كوكا كولا]

الجزء الأخير من اليوم السابع

~~~~~~~~~~~~~


وصلنا كوالالمبور ونفس فندقنا (سويس جاردن هوتيل) واول ما وصلنا سوينا جيك إن وخذينا جناطنا الي خليناها بالأمانات قبل لا نروح لنكاوي


وخدمتهم وايد حلوة بسرعة جابوا الجناط وصعدوهم لي غرفتنا
هالمره الغرفة غير كانت احلى من الأولى

اخليكم مع الصور الغير


الأثاث كان شوي مختلف وهني السيفتي بوكس





الحمام عزكم الله كان غير بعد احلى من الي قبله هذا بالنسبة للمغسله








طبعاً ما قدرت اصور وايد ريلي كان يحن علي علشان ننزل ونتمشى

هذا السرير

















وأحلى تذكار من لنكاوي







وأشوفكم مع الأيام الي وراها وتبدأ المغامرة والتسوق​

 

[برد فيمتو]

هلا والله كولا ماتصدقين اشكثر استانست لمارديتي علينا
يالله تكفين كملي باقي يومين على سفرتي
بسألج بلنكاوي حجزتي رحلة المنجروف ساعتين أو ثلاث لأني أحس أن ثلاث ساعات راح يكون ملل وبجم حجزتيها ؟
ولازم الساعة جم نروح التلفريك قبل الزحمة ؟
ومشكورة وايد على ردج اللي فات ​

 

[كوكا كولا]

برد فيمتو

العفو ياحياتي وبكمل لكم باقي التقرير ان شاء الله الحين
وبحاول اختصر الصور واختار الافضل علشان يمدي تشوفون التقرير كله قبل سفرتكم

بخصوص رحله المانغروف مدتها ساعتين بس من حلاتها ماتحسين بالوقت لأن المحطات حلوة ومتنوعة
حجزناها من مكتب سياحة يم فندقنا وذكرت السعر بالتقرير الخاص اول يوم وصولي حق لنكاوي اتوقه 270 المانغروف
قارب برايفت + جوله وبالنهاية يرجعوننا للمنتجع

والتلفريك انصحج من 9 ونص انتي هناك قبل الزحمة

 

[نونو ام كشة]

يعطيج العافيه كوكا كولا خوش تقرير وعليكم بالعافيه


بس بسالج من وين حجز تو الفنادق من مكتب السفريات هني ؟ ولا هناك لما رحتو؟
رفيجتي توها راده تقول فرق كبير وهناك أرخص بواجد!!

 

[كوكا كولا]

نونو ام كشة

حجزنا كل شي من هني من مكتب السفريات صح اغلى شوي بس اضمن كحجز علشان نضمن ان كل شي اوكي وما نتبهذل هناك
بحجوزات الفنادق والطيران الداخلي وكل شي عرفتي
كضمان وأمان احجزي من الكويت احسن شي لأن موسم سفر وكل العالم حاجزة فأضمني حجزج افضل شي

 

[نونو ام كشة]

أنا بعد هذا رأيي بس شاللي يقنع زوجي
انزين بأخذ رايج وين اروح اي منطقة وشنو اللي يسوى اشتريه مناك

 

[كوكا كولا]

نونو ام كشة

قوليله سفره صيف مستحيل تلاقي حجز هناك الأولوية للحجوزات الي من مكاتب السفريات والنت لأن حجزهم مدفوع مقدماً
السوق هناك عجيب انا ندمت اني ما خذيت فلوس اكثر والله حسااااااااااااافة والحين اتمنى اسافر مره ثانية واذا الله كتب لي سفره جديدة
بحط لي ميزانية كبيرة للسوق بصراحة لأن سوقهم عجيب وأسعارهم حدها حلوة ومعقولة

 

[كوكا كولا]

اليوم الثامن (كوالالمبور)

آخر جولة سياحية + تسوق

~~~~~~~~~~~~~~


قعدنا الصبح الساعة 7 ونص وغسلنا ولبسنا ونزلنا نتريق مثل كل يوم
في مطعم فلافورز التابع لفندقنا سويس جاردن هوتيل
بصراحة وايد حبيت الفندق حيل مميز وراقي مع انه 4 نجوم





وهذا ريوقي





وخذينا تاكسي لأول مره ناخذ من التكاسي الي واقفين بره الشارع

وخل اقول لكم قصة هالتاكسي النصاب علشان الكل ينتبه ويآخذ الحذر والحيطة من هالنصابين


جانا يركض لما شافنا طلعنا بره الفندق ندور تاكسي وقال انا اوديكم وين ما تبون وبسعر رخيص
قلنا له نبي نروح بوترجايا للنهر ومسجد بوترجايا وبناخذ جولة في الكروز بالنهر وبعدها نبي نتسوق في صنواي بيراميد وآخر محطة
نبي الفراشات المضيئة ونرجع الفندق قال اوكي 250 رنجت

ركبنا معاه والأمور تمام ولما صرنا بنص الدرب قال لناترا حساب الفراشات المضيئة غييييييييييييييير

قلنا.... نعم؟؟؟؟؟؟؟؟؟؟؟
انت مو قلت لنا السعر الأجمالي 250 رنجت؟؟؟
قال لا.... الفراشات المضيئة آخذ عليكم زيادة 200 رنجت

تلاشطنا معاه بالسيارة وعصب وانتفخ علينا المهم سكتنا ولحد ما وصلنا لبحيرة بوترجايا علشان نآخذ جولة بالكروز بالنهر

وصلنا.....







وهذا قارب الجندول الي كان بخاطري اركبه بس غيرت رأيي لأنه غالي وثاني شي ما ياخذنا جوله بعيد مثل الكروز








ورحنا علشان نقص التذاكر








وقصينا التذاكر







ورحنا علشان نركب الكروز











شحلااااااااااااات الكروز بالطبيعة





وركبنا الكروز








يتبــــــــــع....>>>​

 

[كوكا كولا]

انطلقنا بالكروز لجولة في بحيرة بوترجايا











الجوووو حده عجيييييييييييييييب والهوا روعه





وهذا الكروز من فوق







مسجد بوترجايا










يتبـــــــــــــع...........>>>​

 

[كوكا كولا]

نكمل معاكم المناظر الحلوة من أول ما انطلقنا بالكروز





قصر رئيس مجلس الوزراء





ومسجد بوترجايا ما شاء الله عجيب شكله





هني احنا واقفين بالكروز من ورا وبندخل داخل الحين نقعد
والكروز فاضي مافيه الا 7 أنفار بس








وهذا الكروز من داخل شوفوا شلون فاضي احلى شي








واحنا قاعدين ولا يجي مساعد الكابتن وقال لنا تعالوا جدام الكروز وصوروا على راحتكم المنظر وايد حلو من جدام
ورحنا وفعلا كان المنظر عجيب








الجسر المشهور في بوترجايا























ما شاء الله مساجدهم بكل مكان وكبيرة وحلوة
وهذا واحد منهم





احلى ابتسامة من الكابتن













يتبــــــــــــع....>>>​

 

[كوكا كولا]

ابتسامة جماعية








ومسجد مبين من ورا البنيان لاحظت المساجد بكثرة في بوترجايا ما شاء الله














وراجعين للمرسى

















وهذا جندول توه منطلق
















يتبــــــــــــــع.....>>>>​

 

[كوكا كولا]

الحمدلله عالسلامة ونزلنا من الكروز وكانت الجولة رووووووووووووووعه انصحكم فيها وبشدة


















وبعد هالجولة الحلوة رجع راعي التاكسي الهندي ونكد علينا جونا الحلو وخرب علينا طلعتنا
وقال لنا ان سعر الجولة كلها 450 رنجت وتهاوشنا معاه وقلنا له انت غشاش ليش من البداية ما قلت لنا السعر الأجمالي
وانت تبي تستغلنا وقال لنا اصلا في بوترجايا ماكو تكاسي اجباري راح ترجعون معاي
تهاوشنا معاه لحد ما وصلنا مجمع صنواي بيراميد وقلنا له خلاص راح نشتكي عليك عند الشرطة عصب وقام يسبنا
وقال انتوا تشتكون علي بديرتي؟؟؟؟ انا اصلا ما اخاف من احد وهذي ديرتي

نزلنا من التاكسي عند المجمع ورحنا للشرطة واشتكينا عليه الحمدلله ان زوجي عنده كرته وفيه صورته
عاد دخل عند الشرطة الي قبال المجمع وقال بالأنجليزي اهم مو فاهمين علي وما يعرفون انجليزي
انا قلت لهم سعر الجولة 450 رنجت واهم يقولون 250

جان ارد عليه بالأنجليزي وقلت له لحظه لحظة...... اول شي انا اتكلم انجليزي وبطلاقة مو انت الي تجي تعلمني الأنجليزي
وانا اعرف شنو سمعت وشنو انت قلت لنا بالبداية المفروض انت تكون صريح وتعطينا السعر الأجمالي من البداية
مو ترفع علينا السعر بنص الطريج حسبالك بتلوي ذراعنا وتجبرنا ندفع لك؟؟؟؟؟

قالت الشرطية ليش ما قلت لهم السعر الصح من البداية قال انا قلت لهم بس اهم ما فهموا
جان ارد عالشرطية قلت لها الحين مو المفروض الاتفاق اتفاق من البداية؟؟؟
قالت صح معاكم حق.... قال المفروض ما يغشنا علشان يجبرنا ندفع اكثر وخلاص احنا مانبي نرجع معاه بصراحة نخاف على عمرنا لا يسوي فينا شي واحنا سياح منو بالله بيحمينا لو ضرنا؟؟؟

قالت خلاص عطوه حسابه الي يطلع منكم علشان يروح عاد زوجي عطاه 100 رنجت وعصب قال لا 120 رنجت
جان تقول له الشرطية خلاص اخذ ال 100 وتوكل روح
جان يسبنا سب سب سب وكلام وصخخخخخخخخ ولا ازفه الحقير جدام الشرطية يوم راح قلت لها
شفتي؟؟؟؟؟؟ عرفتي الحين منو الغلطان
قالت خلاص ادري انه غلطان عندكم رقمه خل نسجل عليه شكوى لأنه سبكم وجدامنا عطيناهم كرته وصوروه وسجلوا شكوى عليه

ورحنا المجمع وضغطنا مرتفع منه حقيييييييييييير للحين ما انساه يوم سبنا


المهم هني دخلنا بوابة المجمع (صنواي بيراميد)

















كانوا مسوين مهرجان حيل حلو بالمجمع للكرتون الجديد من والت ديزني مادري شمسه بس يونس حيل
بس حسافه نسينا ننزل ونصور بالكرسي الي تحت حده عجيب





والسقف مثل البباي الكرتون








محل كوتش




وكلينك





باريس هيلتون





هارت اتاك أكسسواراتهم حلوة ومسوين تنزيلات شريت منهم اشياء حلوة








المميز في مجمع صنواي بيراميد هو صالة التزلج الموجودة تحت











يتبــــــــــــــــع..............>>>>​