وهيآآآآآ.... كوكا كولا في كوالالمبور +لنكاوي 11/6/2012م

[شقاوتي غير]

مشاء الله خوش تقرير

الله يعطيج العافيه

كملي

 

[JOJO 2012]

تقرير روعة متابعينج

 

[برد فيمتو]

يالله كولا تكفين كملي شوقتينا ...

 

[modern]

ذكرتيني بشهر العسل ,رجعت 6 سنوات للورا

 

[كوكا كولا]

دلووعه حبيبيي

الله يعافيج فديتج
اي والله تهبل انا حيل حبيتها مع ان وايد بنات ذموها وقالوا تلوع الجبد
بس انا ما اصدق إلا لما اشوف الشي بعيني وطلعت عكس الي قالوه كلللللللللللله واحلى حيل
تابعيني واليوم بنزل اليوم الثالث كامل ان شاء الله قربت اخلص تضبيط الصور باقي بس 10 صور تقريباً

 

[كوكا كولا]

نياره

تسلمين عالمتابعه الحلوة
واليوم بنزل اليوم الثالث كامل ان شاء الله

 

[كوكا كولا]

شقاوتي غير

الله يعافيج يا حياتي
واليوم ان شاء الله بنزل اليوم الثالث تقريباً باقيلي 10 صور وانزل التقرير ان شاء الله عالعصر

 

[كوكا كولا]

jojo 2012

تسلمين يا حياتي
والروعه متابعتج الحلوة لتقريري

 

[بتبوتااا]

وناااسه شي شرح ويشووووق

بسألج جم تكلف السفره تقريبا ١٠ ايام ؟ اذا انتي وعيالج ربي يحفظهم؟

 

[كوكا كولا]

برد فيمتو

ههههههههههههههه
ان شاء الله بكمل التقرير اليوم بإذن الله
الحين بس ارد على كل البنات راح انزل اليوم الثالث كامل

 

[كوكا كولا]

modern

ههههههههههه يا حيااااااااااتي علشان الصور كلها بالتفصيل رجعتج للذكريات الحلوة
اي والله عاد يا حلااااااااات ماليزيا هذي اول مره اروح لها ووواااااااااااااااايد حبيتها وتعلقت فيها
تابعني بنزل الحين اليوم الثالث كامل

 

[كوكا كولا]

بتبوتااا

مادري والله شوفي انا وريلي كلفتنا اجمالي 2000 دينار تذاكرنا والسكن والطيران الداخلي والمصاريف
اما المشتريات انا حسابي بروح خذيت 750 دينار وماكفوني بصراحة سوقهم يهبل وودج تشترين كل شي

اذا مع عيالج اكيد لازم تزيدينها اكثر علشان التذاكر والسكن يتحول لعائلي واكيد بيلعبون وايد ويبون يستانسون

 

[كوكا كولا]

جاااااااااااري تضبيط آخر 10 صور من التقرير اخيراً خلصت تجهيز اليوم الثالث كله
فيه عاد وايد ملاحظات اتمنى تقرونها عدل لأني قلت لكم بكتب لكم كل شي بصراحة من غير مبالغه

 

[كوكا كولا]

اليوم الثالث​

~~~~~~~~~~~~~~~~​

قعدنا الصبح ولبسنا ونزلنا نتريق ولما خلصنا صارت الساعة 9 وشوي
رحنا لمكتب السياحة الي بفندقنا وخذينا تاكسي علشان يودينا لحديقة الطيور والزهور والفراشات وآخر شي الأكواريا​

ومشينا مع التاكسي وودانا لبقالة علشان نشتري تذاكر حق حديقة الطيور علشان لو صار في زحمه نقدر ندخل بسرعة وما نتأخر واحنا ماسكين دور​

خذينا التذاكر ب 48 رنجت للشخص.... وكملنا مع التاكسي وكان حاسب علينا بالعداد لان المكان قريب وطلع الحساب 24 رنجت​

وهني بداية جولتنا في حديقة الطيور​

​

​

​

​

​

واحلااااات الطيور احبهم​

​

​

​

​

وهذا شكبره مرتز ينطر الأكل ههههههههههه​

​

​

​

​

​

​

​

​

​

يا حلوووو الطااااووووووس​

​

​

يتبـــــــــع.....>>>>​

 

[كوكا كولا]

نكمل معاكم أحلى جوله مع الطاووس





وهني زوجي مقرب حيل من الطاووس والحلو ان الطاووس عادي ما يخاف من الناس











الممرات وايد حلوه بحديقة الطيور بس شوي قمته لأن المكان مسكر علشان الطيور ما تنحاش وتطير بعيد





وهذا يا حلاته وهو بعيد لا تقربون اصبعكم منه ولا راح يعضكم حيل مثل ما عضنا





والنعامه منتفخه مادري شسالفتها مطنقره هههههههه





من الأشياء الي وايد حبيتها في حديقة الطيور هي الأشجار وايد جذورها حلوة وغريبه سبحان الله شوفوا معاي الصور














الطاووس راك عالبيض

















طير احمر غريب سبحان الله





والممرات روعه









يتبــــــــــــع.............>>>>

​

 

[كوكا كولا]

وهذا العاشق الولهان هههههههه
من دخلت حديقة الطيور لين ما وصلت لي باب الخروج والله واهو وراي يمشي شوي شوي ولازق وراااااي
هههههههههه مسكين اكيد انكسر قلبه لما طلعت وخليته
شوفوه امانه مو مزيووووون ههههههههه















بحيرة حلوة











وهني ركن تصورون مع الطيور الي تبونها ويعطونكم الصورة بس مادري بجم






















وهذول يا حلوهم واحد منهم وقف على ايدي آخر شي عضني حيل ههههههه متعودة على طيري ما يعض














واحلااااااااات البطااااااااات حبيتهم حيل





يتبــــــــــــع...........>>>​

 

[كوكا كولا]

هذا شفته خنقتني العبره تذكرت طيري حبيبي فديته اشتقت له
نسخته طبق الأصل حتى اللون









وبعدها خذينا بريك وبردنا على نفسنا بعصير جوز الهند بااااااااااارد منعش قبل لا نطلع من حديقة الطيور





خلصنا جولتنا بحديقة الطيور وطلعنا نسأل عن حديقة الزهور وين بأي اتجاه لانها حيل قريبه نروح لها مشي
ووصلنا لها وبصراحة كلش ما انصحكم فيها.... الدخول مجاني وهي عباره عن حديقة عامة بس شوي مهتمين بالنباتات بس المكان رطب فيها حيل
وماحبيته كلش وجكجكت جم صورة قبل لا اطلع اصلا ما طولنا فيها كلش


المدخل.....
















الشي الوحيد الي حبيته في حديقة الزهور هو هالمنظر.... منظر البرجين على النافورة


















وختامها مسك بأحلى ورده بالحديقة






يتبــــــع............>>>>​

 

[((غلاي))]

حمدالله على السلامه
تقرير مميز

 

[كوكا كولا]

مارحنا حديقة الفراشات ما تشجعنا عقب الي شفناه بحديقة الزهور
وخذينا تاكسي علشان يودينا للأكواريا وخذا علينا 20 رنجت
ورحنا الأكواريا وقصينا تذكرة ب 45 رنجت


وهني اول ما وصلنا البرجين مبينين عند الأكواريا





وهذا الجسر يوصل من الأكواريا لييييييييي مجمع البافيليون






مدخل الأكواريا









خريطة المكان التفصيلية






ولقينا أحواض مفتوحه من فوق عادي تمسكين هالكائنات البحرية بس ممنوع التصوير بفلاش علشان ما يعمي عينها








هذي أسماك الفيرانا لو تطبين تقطعج بدقيقة








يتبـــــــــــع.....>>>>​

 

[كوكا كولا]

هالحوض وايد حلو تدخلين راسج من تحت وتشوفين نص الحوض من داخل





وهذي السمجه الدولفين





وهذا نااااايم بالعسل





وهذا ركن كله فراشات صجية وحشرات محنطة


























وهذي حيه صجيه يمممممه...!!!! تخرررررررع..!!!





ضفدع صغيرونو واحلاته ركزوا عليه منقط اصفر بأسود









عنكبوته





وهذا بعد نايم بالعسل مآخذ قيلوله الظهاري





هذا شكله شرغوف الضفدع





بعد الشرغوف ضفدع كامل





هذي شكبررررررررهااااااااا










يتبـــــــــع.........>>>>​