ودي أقول لرفيجتي يا القاطعة, أدق عليج وانتي لاهية عني ولا تدقين, والله ما عرفنالج أدق ولا أكشت فيج, بس ما لومج لأنج قاعدة تجهزين. وعسى يوفقج ويسعدج بزواجج
وودي أقول لبعض اللي يواعدون على البحر, خافوا ربكم, مو كفاية المواعد بحد ذاته بعد حركات فيها قلت أدب وأشكرة جدام الكل, انتوا أكيد متربين ولا_______, صج لا حيا ولا مستحى :0bee2e8d89:
ودي أقول لبعض البنات لي متى بتوصلون باللبس القصير؟ يعني شنو حجتكم؟ يعني لبسكم شي وأخلاقكم شي ثاني؟؟ لو السالفة جذي جان الناس صارت مثل الحيوانات يتمشون ربي كما خلقتني>>>>>> وحدة حدها منبطة جبدها.
ودي أقول حق رفيجة عمري عسى الله لا يحرمني منج, وانشاالله صداقتنا تدوم معانا طول العمر, ونكيد العذال :gathering:
وودي أقول للي أحبه, عسى الله يوفقك وييسر أمورك بالدوام, و تتحسن ظروفك ونتزوج بأسرع وقت :eh_s(6):
ودي لخالي أخيييييييييييييييييرا ما بغيت تمحح شي شايفه علي, وعسى دوم انشالله.
ودي أقول لمجلس الأمة عفية تكفوووووووووووون حلوا مشاكل الناس المصيرية ولا تقعدون كل ساع مع التحقيق مع فلان وعلان. ترا من سنين ما شفنا قانون يديد والمجلس المفروض سلطة تشريعية, مو تحقيقية.
وصراحة في سالفة ودي أقولها, لي متى المطلقة ما ينصفها القانون من ناحية التصرف كولية أمر لأولادها, يعني مهي حالة في كل صغيرة وكبيرة لازم تاخذ اذن طليقها بالنسبة لأولادهم. عيل اهيا اشحقى تطلقت منه مو عشان ما تحتك فيه وهم بعد تفتك من شره اهوا وأهله. يعني شالسالفة كل شي بموافقته سواء كان تغيير مدرسة العيال, أو تجديد الجواز و غيرها وغيرها من الأشياء, يعني فوق ما المرة شايفة المر من كونها مطلقة تكملون عليها وتلوعون جبدها بهالأشياء!!!:flower:
