هلا شروق المجد .. أنا كنت اعاني منه وكلامك اقنعني
لكن أنا روحي تطير للسقف كم مره صارتلي , وفتره كنت اقرء البقره طرت من غرفتي الى الصاله ورى باب يفصل بينها وبين سيب صغير
ومره بعدها نمت على الكنبه واطير من مكاني وانحط على السيراميك واحس ببرودته طبعا لمن اصحى اكون تعبانه وبمكاني ..
بقولك تفاصيل عني وعن حياتي و بقولك عن احلامي
عمري 21
بيتنا كله مشاكل فضيعه فضيعه .. أمي من تقريبا 12 سنه أو أكثر تحلم بعنكبوت " الأرمله السوداء" غير إنها دايم تحلم بمره نفسها بعدها جابت أخوي الله يرحمه من صار عمره 6 شهور وهو يتعب علينا والدكاتره مايدرون شفيه اخرتها قالوا صرع وهو مافيه اعراض الصرع بس كان يختنق ويغيب عن الوعي ويشد على اسنانه لان مافي نفس ..المهم يمكن اربع سنوات وشي همنا بس هو الشيوخ يقولون عنده تابعهه طبعا ماصار يتكلم الا قبل مايموت كلمات بسيطه بس .. مات عمره خمسه الا كم شهر
من بعد ماتوفى الله يرحمه بدت الاعاصير ببيتنا بشكل مو طبيعي لهاليوم صارلنا 6 سنوات..اذا تبين تفاصيل اكثر اراسلك بالخاص
نرجع لأحلامي .. مااتذكر تفاصيل الحلم لكن تستوقفني اشياء
قبل دايم احلم بالجن واقرء اية الكرسي عشان يروحون .. الفتره اللي قريت فيها سورة البقره من شهرين تقريبا حلمت بكائنات سوداء كانها حشرات وكنت اقرء اية الكرسي وتبعد شوي .. حلمت بصراصير ميته تنزل مني الله يكرمك من تحت مع الافرازات .. رزقني ربي بوقتها وظيفه الحمدالله بس طلعت لاني ادرس وماتحملت الضغط غير مشاكل البيت .. من بعدها حلمت ان ابوي ماسك علي مسدس , ومره اقص اضافر رجولي الله يعزك , ومره حطيت جوالين صغار زي برج العرب بجيب و صديقتي عطتني جوالها بلاك بيري عشان اقرء كلام منها وكان حلو الكلام , ومره ان في جواتي كثيره الله يكرمك مصفوفه وانا لبست ثنين كل واحد شكل وكنت اركض فيه ..
هههههههه فشله احس مابقيت شي لو تشوفين ان في شي و تقدرين تساعديني فاسالك بالله لاتتركيني الله اعلم بحالي
انا كنت شي وصرت شي ثاني بس اقاوم قد مااقدر ولا كان رحت فيها
وجزاج الله كل خير
