وين أروح بهولندا ؟؟؟؟؟؟؟؟

[om fahad]

بنات وين الأماكن الحلوه بهولندا الي ماتتطوف
من مطاعم ورحلات وسوق يعني بالضبط وين أروح بهولندا لأن سفرتي حدها أسبوع
مو تدشوون وتطلعون حتى معلومه ماتكتبون======> ترى أخيتكم أول مره بتروح أوروبا والا بالعاده كله شرق آسيا
إي بعد نسيت شنو اقرب دول حق هولندا أروح لها وبالضبط وين أروح والنمسا شكثر تبعد عنها

 

[خبيرة اعشاب]

مشاركة: وين أروح بهولندا ؟؟؟؟؟؟؟؟

يا حلو هولندا ....

رحت لها من زماااان بس ما طولت فيها و صراحه اهيا حلوة و جوها يهبببببل ...

اما عن الاماكن السياحيه فانا ما فريت فيها واجد ...بس اكثر شي لفت انتباهي المباني عندهم مرتبه و

حلوووة ..اتحسين كانها طالعه من اسطورة

طبعا اهم المدن امستردام و روتردام ....انا رحت اوترخت utrecht .. و هي مدينه حدها كوايت ....

بس انتي لا تروحين المناطق البعيده خليج في امستردام و منها ممكن تاخذين باص لاي مكان تبين ..و كل الفنادق اتوفر لج دليل عن المناطق الي تزورينها

طبعا هولندا معروفه بطواحين الهوا ...و مصانع الجبن .. بس حدهاااا غاليه يعني بالجمعيه اتحصلين حليب على دينارين ... مع انهم بلد الحليب و الجبن

ملابس انسي تشترين من هناك ...تي شرتات عاديه على 10 و 20 دينار

و الديره ترى امان ..بس بالليل تطلع بلاوي هههههههههه

النمسا قريبه ممكن اتروحين لها بعد ...بس المانيا اقرب ...

بس تبين نصيحتي ...لو اتروحين التشيك ابرك لج ...جوها احلى من هولندا و انظف ...و اامن









الاشياء الي ممكن اتزورينها متحف امستردام

 

[om fahad]

مشاركة: وين أروح بهولندا ؟؟؟؟؟؟؟؟

مشكوره حبيبيتي سجلت المتحف
بنات همتكم

 

[mooomooo]

مشاركة: وين أروح بهولندا ؟؟؟؟؟؟؟؟

مادري والله


بس انا سمعت انها بلد المخدرات


حتى مطاعمهم ينحط فيها كوكايين عادي

والله حبيبتي هذا اللي انا سمعته

تأكدى منه احسن

 

[LaSt WoMeN]

مشاركة: وين أروح بهولندا ؟؟؟؟؟؟؟؟

واي هولندا اتينن و شعبها ايهببببل ..

روحي Den Haag- Scheveningen اشخيفنينج > تقرأ بالجيم المصرية

هذي اتهبل و يسوون فيها مهرجانات حق السواح لما رحت قبل جم سنة كانوا مسويين مهرجان الألعاب النارية مشاركة في عدة دول اوروبية .. ونااسه ..

و في مصنع كاكاو و مصنع جبن قالولنا عنهم .. بس احنا كله منقعين بالسوق فما رحنا عاد بعدين تحسفنا

و هناك تعلمي على الترامات .... لازم تشترين بطايق الترامات و لما تركبين الترام مرات فجأة اييون يجيكون اذا عندج البطايق و الا لأ .. و اذا ما كان عندج ترى مخالفتهم جاايده ديري بالج ! بس الترامات اوفر لج من التاكسي و يبيلهم بس تسألين اي ترام يوصلج حق المكان اللي تبينه ..

السوق هناك يسمونه centrum في مجمعات ماركات ارخص من الكويت .. و في محلات حلوة ..مثل Didi , Etam , H&M , C&A .. تلقين عندهم اشياء حلوة ...بس السوق العادي الرخيص لا تشترين منه .. لأنه تلقينه بالكويت .. و ارخص ..

روحي روتردام .. مدينة الأقزام .. كل شي معالم الدول موجودة فيها بشكل مصغر .. حلوة حق تصوير ..
Efteling مدينة ألعاب كبيــرة .. حلوة بس لازم تروحين مببببجر من الصبح لأنها بعيدة علشان يمديج تفترين فيها ..

عموما .. كل الأماكن البعيدة طلعي لها من الصبح .. لأنهم يسكرون مبجر على ال5 تقريبا ..

المانيا و بلجيكا قراب لها .. بلجيكا وايد يمدحونها .. بس ما رحنا لها .. عجبتنا القعده بهولندا فإذا بتروحين مكان ثاني روحي بلجيكا .. حتى سوقهم يقولون احلى من هولندا بوااايد .. يعني حق البنات اللي طقتنا ..

و المطاعم التركية منتشرة هناك .. شاورمتهم حلوة و يكتبون حلاال لأن وايد مسلمين عايشين هناك

 

[LaSt WoMeN]

مشاركة: وين أروح بهولندا ؟؟؟؟؟؟؟؟

مومووو صح المخدرات عندهم تنباع عادي حالها حال العلج و الدلاغات >> مادري شكو الدلاغات ههههههه

بس انا ما شفت محل المخدرات الا بالمطار .. و ما شفنا هالأشكال اللي تخررع ... امستردام يقولون فيها جذي بس
Scheveningen لا ابدا ما شفنا شي من هذا القبيل .. بالعكس .. شرطتهم موجودة على طول و اذا واحد شارب فوق العاده ما يخلونه على طول يطلعونه .. لأن هالمنطقة سياحية درجة اولى ...

 

[رمانه كويتيه]

مشاركة: وين أروح بهولندا ؟؟؟؟؟؟؟؟

احلى بلاد احبهم هولندا لندن ومصر اخ على مصر

 

[om fahad]

مشاركة: وين أروح بهولندا ؟؟؟؟؟؟؟؟

مشكوريييين والله يعطيكم العافيه على تجاوبكم معاي والي تتذكر تكتب لي لاني قاعده اسجلهم بورقه وانا على اخر شهر 7 بسافر
يعني عندكم وقت تذكروا

 

[خبيرة اعشاب]

مشاركة: وين أروح بهولندا ؟؟؟؟؟؟؟؟

اي اي ..فعلا عندهم محلات ايبيعون فيها المخدرات علانيه ..غير عن محلات الدعاره الله لا يبلانا مفتوووحه ...

و حنا كنا رحنا في عيد الكرسمس ...المحلات مطلعين بنات متمصلخين يسحبون الزباين من عند الباب ...ويييييييييييييع ....اشوى ما كنت متزوجه جان سحبو زوجي مني ...هههههههه

و المخدرات الماريخواناو الحشيش ..في محلات مرخصه من الدوله و ايبيعون فيها

طبعا الجاليات العربيه متروسه هناك خصوصا المصاروة و المغاربه ...و في كذا مسجد بعد ...

بس صراحه انا تضايقت من البنات هناك تصرفاتهم فيها تحرر اكثر من كل دول اوربا ..و لا تنسين ترى هناك اهم الي سمحوا بزواج الي من نفس الجنس ..يعني مرة تتزوج مرة هناك و يسوون لهم عرس .....

بس على العموم المتاحف هناك وااااجد خصوصا في امستردام ..في متحف امستردام الوطني و متحف فان جوخ ..

بس اهم شي لا تشترين لحم من الجمعيه لانه مو مذبوح حلال ..في جزارين عرب و مسلمين ..ممكن تاخذين منهم
و بخصوص المطاعم انا قعدت مده مو طويله و كنت عند ناس مسلمين ...و كنا ناكل نطبخ بيت مسبببببك ...
بس بره ما كنت اخذ الا من ماكدونالدز او من المطاعم العالميه ...

و بس


اشرايج لا مريتي بلجيكا ...جيبي لنا كاكاو من هناك ..و شوفي في مطاعم بس متخصصين يحمسون بطاط فرنش فرايز .....

و الله من الفراغه

 

[bambena]

مشاركة: وين أروح بهولندا ؟؟؟؟؟؟؟؟

اونس شي دنهق الكويتيين كله يروحونلها انا احس امستردام كئيبه وخطره

 

[om fahad]

مشاركة: وين أروح بهولندا ؟؟؟؟؟؟؟؟

وي وي وي حريم يسحبون الرياييل ماني بخير بتطلع السفره من جبدي
جني تضايقت قبل لا اروح اسافر بس قالولي لا هاي حلوه

 

[RoZi]

مشاركة: وين أروح بهولندا ؟؟؟؟؟؟؟؟

نصيحة لاتروحين أمستردام مو حلوة وفيها خرايط وايد
روحي روتردام واوتريخت وفيها محل عند محطة القطار عليييه بطاط يميم مو طبيعي شوقتيني يبيلي بطاطهم

 

[z_24]

مشاركة: وين أروح بهولندا ؟؟؟؟؟؟؟؟

اقولج شي الديرة وايد حلوة والخرابيط الي فيها في اماكن معينة يعني اذا ما رحتيلها ما تشوفينها بس اذا بغبتي روحي لاهاي وايد امان واحنا قعدنا في فندق golden tolep حلو وجدامة بحيرة وحديقة والسوق يمة وكبير وكل شي في . روحي محكمة العدل بس لازم تاخذين موافقة قبل ما تروحين . وروحي بلجيكا قريبة ووايد حلوة ومرتبة والمانيا هم قريبة ووايد حلوة وكل شي فيها من متاحف ومدينة ملاهي مثل europark , phantazia world واذا تبين دخلي موقع http://www.germany-tourism.de في كل شي عن المانيا

 

[كيكة كاكاو]

مشاركة: وين أروح بهولندا ؟؟؟؟؟؟؟؟

والله هولندا وايد حلوة
روحي مصنع الجبن عجييييييييب
روحي little europe حديقه فيها كل معالم اوروبا مصغره
السوق هناك حلو
يمها بلجيكا عجيبه في شهر 7 عندهم احتفالات غي الساحه العظمى اتينن

 

[تووت]

مشاركة: وين أروح بهولندا ؟؟؟؟؟؟؟؟

حبيبتي انا ماراح ابخل عليج.....انصحكم بلاهاي وترا اهي نفسها شخيفننق

اهم شي تسكنون قريب من

الكورنيش....وكورنيشهم كله حيويه ونشاط على مدار اليوم حتى بالليل يونسسسسسسسسسس

وفي مهرجان اوربي سنوي للالعاب الناريه بعد الساعه 11 بالليل يبتدي روووووووعه شعووور لايوصف

سووووووووقهم حلو كتييييييييييير
وفي محل اسمه Didiضروووووري تمرينه موجود في الداون تاون
عنده بدل كامله ستايل الكاجوال الرزةةةة


وترى بروكسل البلجيكيه قريبه من لاهاي بس ساعتين في القطار

ودوزلدورف الالمانيه قريبه حيل ودوزولدووورف معروفه مدينة شوووبنق


بالتوفيق

 

[BaiTotia]

مشاركة: وين أروح بهولندا ؟؟؟؟؟؟؟؟

أنا مارحت هولندا و ماعندي معلومات عنها
و حبيت أستفيد نفسج
بس شكلها دولة تخوف واي محلات مخدرات أشكره!!!!!!!!!!!!!!!!!!!!!!
رعب لول
عاد انا سامعه إنها تخوف
بس يقولون طبيعتها رووووووووعة
إن شاالله تستانسين

 

[موني موني]

مشاركة: وين أروح بهولندا ؟؟؟؟؟؟؟؟

انه رحت هولندا ... صج ديرة عجيبة و اتينن ...

وبعدين ليش تخافون . كل مكان فيه الزين و الشين ..

انه رحت امستردام و رحت لاهاي و شخيفنينج (( حدها عجييييييييييييييبة )) وو روتردام << سوقها يونس ودينهاق اتينن , طبعا كله فرارة بالقطارات و الترامات .. امستردام روحي ساحة الملكة فيها متحف عجييب و طبعا السوق اللي صوبها مو طبيعي تلقين c& a ووو من طقته وو قهاوي ونيسه . بس بالليل ما ينبقى المكان لانه المحلات تسكر ويصير ضيقة خلق اييييييي و عيبها ان المطاعم تسكر مبجر .. يعني اشتري عشاج من قبل فترة قبل لا يسكرون المطاعم ..

طبعا احنه اول ما رحنا ما ناكل كنا خايفين من انه يكون اكل مو نظيف و عزكم الله لحم خنزير و هالسوالف قمنا ناكل توست و جبن لحد ما طفح الكيل رحنا المطاعم المشهوره و بسم الله الذي لا يضر مع اسمه شئ و اكل هههههههههههه
قرية الاقزام اتينن

دشيت محل من المحلات اللي بظهر واجهة الكورنيش بشخيفنينج ,, اهو محل مكياج و خذيت منه حمر مو طبيعية لي الحين من احطها الكل يسألني من وين ..

صج صج هولندا عجييييييييبة .. من احلى الدول اللي رحت لها و عمري ما راح انساها
وسلامتكم

 

[ام رغودة]

مشاركة: وين أروح بهولندا ؟؟؟؟؟؟؟؟

شنو يعنى دنهق الكويتيين اول مرة تمر على الكلمة
انا رحت لها قبل خمس سنين ممكن تروحين متحف مدام تسو وهو تابع لمتحف الشمع للندن واذا رحتى هناك ماتحتارين الفندق نفسة عندة كتيبات للرحلات اليومية وانى اختارى واكثر السياح اللى راح تشوفينهم من اليابان وفى رحلة بالباص لبلجيكا ومصنع الورود ومزارع الورود وررحلة الطواحين يدخلونج داخلها