وين أقدر أقضي شهر العسل ؟؟

[الأمل الباسم]

السلام عليكم ورحمة الله وبركاته..

شلونكم بنات شخباركم؟؟

بغيت أسألكم الله يعافيكم أبي مكان حلوو لشهر العسل

ماني عارفه زوجي يقولي اختاري وين ودج تسافرين ؟

اهو حاط بباله وحده من هذيل بس ليلحين ما استقر!

تايلاند / أو أندونيسيا وهذي أكثر شي بباله / وماليزيا

وان شاء الله بنسافر بشهر 6 بس سؤالي الحين شرايكم بهالدول؟؟

انا مارحت ولا وحده فيهم .. وأبي مكان أستانس فيه وينفع يكون شهر عسل وماتكون غاليه حيل

لانه كان حاب يروح جزر المالديف بس يقول الميزانيه يمكن ماتسمح!!

أبي شوركم؟

عفيه واذا تقدرون تعطوني مناطق حلوه بهالدول!

 

[بنووتة البحرين]

انصحج تروحين ماليزيا و تايلند وايد روعــة و تروحين و ترجعين بالسلامــة

 

[kandora]

انا رحت بوكيت وبتايا وبانكوك بتايلند حيل وناسه واخر شي ماليزيا عجيبه بس وقتكم بيكون حيييل حر وعرب وايد :x

 

[إستبرق]

انا رحت تايلند وماليزيا ثنتينهم حلويين اذا رحتي ماليزيا روحي لنكاوي تهبل خاصه بعد انكم شهر عسل نظام فنادقها ورحلاتها حلوه وماليزيا اغلى شوي من تايلند بس الديرتين حلوين ورخاص

 

[sunshine22]

جزرالمالديف لا تطوفينهاومو غاليه

 

[الجعده]

ماليزيا بشهر 6 حر وانتى عروس مو وقته عرق روحى مكان بارد ولا تطولون عشان الخساير روحو اوربا احسننننننننننننننننن

 

[Rimova]

انا بشعر العسل رحت ماليزيا حلوه وعجيبه بس كان بشهر 9 وماكان في ناس وايد بس المتزوجين
وانا انصحج في ماليزيا ولنغاوي اخذوا طراد وروحي مع ريلج بروحكم بس ترا صارت غاليه
واوربا حلوه زلمسي وفينا وهالاماكن تكون ابرد من ماليزيا

 

[mi$$ no0of]

حبيبتي نصيييييحة شهر العسل خليه بأووريا ..

دوول جنوب شرق أسيا كلها عرررررب بالصيف وفوق كذا حرررررررر

بدل ماتسافرين شهر بشرق أسيا .. خليها أسبوعين بأوربا ..

وأنصحك بالنمساا ( فيينا- زيلامسي -سالزبوورغ ) وسوويسرا ( جنيف- لوزلان )

أو روحي ايطاليا أسبوع وأسبانيا أسبووع ..

ربي يسهلللكم أمووركم كلها إن شااء الله .. ويوفقكم ويسعدكم وتعيشوون أحللى هني مووون

 

[الأمل الباسم]

فدييتكم بنااات ماتقصروون وربي يسهل

 

[أم عبداللطيف]

الله يوفقج يارب

شوفي حبيبتي فعلاً مثل ما قالوا البنات ماليزيا وتايلاند كله عرررررررررررب + حرررررررررررر موحلوه حق شهر العسل

روحي اوربا احسن لج اخذي الخصومات اللي هالايام والعروض وان شاء الله تستانسين

الله يوفقج يارب ويتمم عليكم يارب وان شاء الله الذرية الصالحة بالطريج

 

[math2020]

عمندج جزر المالديف

 

[اكثر من اول]

حبيبتي من تجربه شخصيه
روحي تايلند لنه الدول هذ تطيح الميانه
بس روحي بوكت والجزر هذي
ونصيحه هناك بتستانسين حدج والله يسعدج ويوفقج

 

[د-سوسه]

انا اقول اذا تبين شرق اسيا روحي تايلند لاحقه علي ماليزيا ماليزيا عائليه وتقدرين تروحينلها بعدين مع عيالكم انشالله بس تتايلند رحلاتها اكثر ويبيلها ناس خفاف وتقدرين من هناك تروحين رحله حق لنكاوي بالعباره او طيران داخلي لانها رومانسيه وهاديه ..اهي صج هالدول حر بس تحسين فيها بالتغيير لان ترا دول اوربا التغيير فيهابس بالجو بس استايلها نفس الكويت مجمعات وكافيهات وان كثرو سفاري -هذا رايي طبعا-
المالديف حلوه بس هاديه زياده عن اللزوم وماينفعلها شهر طبعا اذا صج ناويه علي شهر
دشي عالنت وسوي سيرج علي بلغاريا ترا هم حلوه وارخص نسبيا من باقي الدول الاوربيه
وعلي فكره ترا جنوب افريقيا روعه رفيجتي راحت وشفت صور رحلتهم ماتوقعت الطبيعه حلوه عندهم جنج بدوله اوربيه ومنظمه حييل لدرجهان اهي وريلها اجرو سياره فيها نافيجيشن اضاعو كلش وحتي الطريق التراب يطلع فيه وهم ارخيصه بعد