وين احصل الماعون اللى مثل جوكليت بار ؟؟؟؟

[بطة رشيقة]

شلونكم بنات بغيت اسأل وين احصل الماعون اللى عند جوكليت بار اللى يصير تحته شمعه وفوق احط اى شى ويذوب مع الشمع ... مثل هذا

وين تهقون احصله .... ؟؟؟؟
ابيه بيلز ساعودوونى ​

 

[لانا]

أهلين تلقينه في أي تو زد A2z بالشويخ أو بالرايه

 

[مالفينيا]

تلقينه بالاسواق الشعبيه متروس وبلاش بعد بس انه شاريه واحد صحن مدور بالنص الي تحته شمعه و حوله 4 صحون لافين عليه علشان تحطين فيهم الكيك والفراوله وخدود البنات ومعاه بعد اربع اشوك صغار وقاعدته خشب بنيه واهو فخار ابيض تدرين بجم 3 دنانير والله الحين انه شايفتهم احلى في سوق الباشا وغيره 2.500

 

[سمار الشمس]

انشالله يفيدونج البنات ماعندي فكره

 

[colorful]

حتى انا كنت ابي اشوه الحين اقول حق ماماتي تشترلي اياه

 

[البسايل]

ان شاءالله تلاقينه

 

[زلابيا]

موجود بعد بسيتي سنتر السوق الاحمر والاسواق الشعبيه مكود عندهم

 

[caramella]

آنا قاعدة أدورة من زماننننن كنت أشوفه بلاند مارك بعدين إنقطع أدورة ألحين مو محصلته
حبيباتي منو عندها فكرة إشلون إنسوي الكاكاو سايحح أتوقع ينخلط مع قيمر بحمام مائي صح ؟

 

[أحلى^حياه]

انا شارية الكبير نفسه من لاند مارك

 

[بطة رشيقة]

ممممم مشكورين وايد ووايد امس رحت المعلم حولى ماحصلته يقول مقطوع من الشركه ويبيله مده على ما يرجعونه وهم رحت لاند مارك ماحصلته
بس ما دش مخى شدعوا سوقت الكويت كلها ماراح احصل عندها انشالله بدور بسوق السالميه ...

 

[مريم الكوت]

حبيبتي الماعون تحصلينه بمحاميد الي بشرق موجود ورخيص وفي وايد أشكال واحد أحلى من الثاني والككاو مقاديره سهله 6ككاو جالكسي الساد مع نص كوب حليب سائل بحمام مائي وانشالله أكون فدتج

 

[بطة رشيقة]

مشكوره حبيبتى ما قصرتى والله تدرين انى اليوم رحت الميره وهوم ار اس وامس رايحه المعلم ولاند مارك وسيرز مالقيته بس انشالله بدوره فى المحاميد.....

 

[جوري الكويت]

ما عندي فكره من وين الصحن

بس ترى الكاكاو اللي يستخدمونه بجوكليت بار ,,

اللي يصير بقرشه زجاج , جنه اسمه نوتيلا , اللي نصه كاكاو و نصه كاكاو ابيض

مره كنت قاعده بجوكليت بار البدع و مروا علي الفلبن اللي هناك شايليلن جياس من نوتيلا ,

فأتوقع هذا اللي يستخدمونه ,

 

[ريووونه]

وبعد الككاو تقدرين تحطين ...
ككاو الصيداوي قوالب مع قيمر...وتحطينه بالمكرويف..

 

[بطة رشيقة]

اى الكاكاو مو مشكله اى شى ممكن يعطينى طعم لذيذ بس الصحن اهو اهم شى لان ما تقدرين تخلين الكاكاو حار وسايح الا اذا كان بصحن تحته شمعه حسافه مانى محصلته بمكان....

 

[miss-one]

في محل بالافنيوز الويف ان فنيقر مادري اذا الاسم صحيح قريب من بنك الوطني عنده

 

[**بياض الثلج**]

حتى ايكيا اعتقد فيه

 

[سرقت النوم]

الللللله .... ماشاء الله على بنات ديري كل شي يدبرونه ...

عاد تهقون لو نشتري الصحن نقدر مانروح جوليت بار .. ما اظن .. إحنى مخلوقين للمطاعم...

يا حلونا

 

[A7la 7la]

ومنكم نستفيييييييييييد

 

[aady]

يعطيكم العافيه
ممكن تلاقونه بيوريكا
او فى ايكيا
و اعتقد الكاكاو من نوتالا بس ذوبوه اكثر بالماكرويف او بالحمام المائى