وين احط الخدامه

[بنت باباتي]

بنات محتاره وقلت استشيركم


شقتي غرفتين وحمامين وصاله ومطبخ

غرفه لنومي والغرفه الثانيه حق الحوسه الكوي والملابس وحاطه فيها المنشر

ومحتاره وين احط الخدامه اذا بغرفة الملابس شلون اذا ابي ملابس بليل احس انها شر لابد منه وجد كبت للحريه بس ابي حل معقول :tek:


بليز ابي خبراتكم

 

[*الوهج*]

انشاء الله أفيدج...تسوين تخطيط كروكي بايدج وحطيه على السكنر وعرضيه مع ذكر مقايات الغرف ....وانشاء الله ألقالج حل........معاج المدربة في تصميم ديكور..

 

[*الوهج*]

تعديل البدلية===مقاسات الغرف....



المدربة في تصاميم الديكور

 

[بنت باباتي]

ماعندي سكنر بس بحاول الرسم

 

[بنت باباتي]

ما قدرت بس غرفتي كبيره كبيره وراهيه حيل غرفة الملابس تقريبا ماسحتها 4 بـ5

 

[*الوهج*]

بصراحة كان ودي أساعدج وأحل مشكلتج عن طريق الصور أو رسمة كروكي .....يلله ماعليه ...زوديني أكثر بمواصفات الشقة...مثل أول ما تدخلين في مساحة منفصلة للمدخل ؟ولا الصالة على طول؟ والغرف وين على اليمين أو اليسار وإلا خلف الصالة بمنتصفها؟ يعني جذيه....ومقاسات باقي الغرف؟؟؟لأنه على قد كلامج انج حاطة ملابسج وتبديلها في غرفة الأوتي...ليش مادام غرفتج كبييرة خليهم فيها!!!يالله ناطرة المواصفات .

 

[أبوي تاج راسي]

اذا الغرفة راهية اللي للملابس سوي حاجز المنيوم بالجزء الاخير من الغرفة يصير سحب يعني اذا نامت تسحب الباب عليها
واذا قعدت تفتحة وبجذي انت تدخلين وتطلعين وانت مرتاحه
او الباب اللي جنة اكودريوم بس على قدها.

 

[أبوي تاج راسي]

لان اولا حرام تحطينها بالمطبخ ويمكن زوحك يبي شئ من المطبخ ومو عدلة داخلين طالعين فوق راسها هي بشر بعد وتبي تنام وترتاح.والصالة نفس الشئ

 

[مـزيـااان]

اذا غرفتج مثل ما تقولين كبيرة حطى ملابسج والاشياء الخاصة فيج بغرفتج وخلى بس الكوى عند الخدامة وبالليل ما اعتقد تحتاجين الكوى وجذى تصير غرفة للخدامة وللكوى

 

[روزالكويت]

نفس الحاله والله وتعبت حيل من الكراف ودوام وتعب ومحتاجه الخدامه حيل ماعندي مكان لها ومادري شسوي ..الله يفرجها علي وعليج..

 

[اوركيدا]

اذا بيت اهلج او اهله جريب ودوها بالليل او شوفو سايق ياخذها ..
بس اذا ماعندج حل غير الشقه مالج غير تخلينها فغرفة الملابس او تاخذين كلشي تحتاجينه قبل لاتنام .. او اصلا حتى لو نامت او انتي تبين شي شفيها اذا دشيتي تاخذينه؟ .. اذا عن الليت اخذي وياج مال اليد شتسوين

 

[بنت باباتي]

مشكورين وما قصرتوا على ردودكم بس اشوه ولله الحمد لقيت حل
بخلي صالتي غرفه للخدامه والملابس بحط قاطع جبسم بورد لان باب صالتي القوس المفتوح اللي بدون باب و والباب بخليه اكورديون
وغرفه الملابس بخليها صاله


؟؟؟؟ منو قال اني بحط الخدامه بالمطبخ لا مستحيل مافكرت حتى

 

[*الوهج*]

الحمد لله ,,,واي استفسارات ثانية احنا بالخدمة..

 

[غلاي غير]

زين لقيتي الحل والله يعينج

 

[أم علاوي حبيبي]

الظاهر توج عروس يديده وايد تحاتين الخدامه عادي خليها بغرفة الملابس شنو المشكله ترى في خدم ما تحسين فيهم بالبيت واخذي الامور عادي ماني شايفه ان في مشكله

 

[غير كل الناس]

الله يعينكم تنفرج انشاءالله تري الضيق في القبر بس

 

[بنت باباتي]

مشكورين على ردودكم

 

[ولا احلا]

بصراحة ............. مادري اذا راسج وراس ريلج شماله الخدامة ؟ اما اذا عندج بيبي فغرفة الكوي هذي عادي تنام فيها ......؟؟؟
وتقبلي مروري .............

 

[bnt_kwt]

انا مسويه جذي عندي غرفه حاطه فيها المنشر وكبت الكفرات والشراشف والفوط
والاوتي والثلاجه بعد لانه مطبخي صغير


وبحط الخدامه بنفس الغرفه بعد شسوي لانه مافي مكان

وبخصوص الثلاجه اخذت ثلاجه صغيره حطيتها بغرفه النوم على اساس لا يت الخادمه وريلي يبي شي من الثلاجه ما يصير يدش على الدامه واهي نايمه

فعشان حطيت ثلاجه صغيرونه بغرفتي النوم

 

[shahoda]

نفس وضعي بالضبط
حاولت وحطيت خدامة بالغرفة الثانية بس حسيت بضيقة مو طبيعية ماراحت الا لما مشيت الخدامة.. واللي وراها واللي وراها... ألله يهديني انشالله