وين القى الاكياس الصغيره الشفافه؟

[رومية]

اكياس شفافه طول الاصبع
تكفي تراجي (حلق الاذن) ولا ازرار الملابس....عرفتوها؟؟
وين القاااااااااااااااها.....تكفون ساعدوني

وشرايط اللي ينطبع عليها الاسم.....وستيكرات ملصقات؟؟

 

[pharmacist]

أختي شفتي السرداب اللي جدام دار الشفاء الجديد في المجمع اللي فيه بياع الورد? أتوقع عنده هالسوالف

 

[العنونة]

الأكياس الشفافة تلاقينها عند اللي يبيعون الأكواب الفلين والبلاستيك بالشويخ والشرايط أعتقد بمحلات الصفاة وايد شوفي يمكن تلقين طلبج

 

[moors]

مادري والله اسفة

 

[ضحكة الدنيا]

اتوقع السرداب اللى مقابل دار الشفاء

 

[hanham]

اختي تلقينهم عند المكان اللي فيه مكتبات الجملة اللي جنب البلدية او وزارة التربية مو متاكدة بالضبط بس اذا سألتي اكيد بتوصلين هو مكان كبير فيه مكتبات تبيع بالجملة فيه مكتبة الجزيرة الي تبيع الات الحاسبة كاسيو وغيرها من المكتبات ايه وفيه بعد مكتبة art لوصلتي هناك سئلي عن المحل اللي يبيع الأكياس اللي انتي تبينها بتقينه محل صغير جنبه محل مكتوب عليه البدري اذا ماكنت غلطانة وعلى فكرة هو بعد يبيع الكياس الكرتون اللي تطبعين عليهم اي شي انتي تبينه

 

[supermarket]

يبيع الكياس الكرتون اللي تطبعين عليهم اي شي انتي تبينه

اهو يطبعهم لي؟؟

 

[تخصص كنتاكي 1]

اتوقع عند بياع الورد كل شي عنده

 

[غيمه صافيه]

بالضبط اختي المكتبات اللي في البلوكات انا شاريه منهم هالحجم وسعرهم ال100 ب ربع دينار
وبالنسبة للأكياس الورق تشترينه فاضين اللون اللي تبين وتودينه المطبعة يطبع عليه اسمك او اسم معرضك وسلامتك

 

[saroon_143]

بالبلوكات انا ماخذه منهم
سألي هناك ويدلونج على اسم المحل
والشرايط بالبلوكات كلهم عندهم

 

[Swan]

الشرايط والجياس بالبلوكات
وهم شفت الجياس عند بياع الورد

 

[^SwEeTa^]

عند بياع الورد و الله أعلم

 

[om yousif]

اتوقع تلقينهم بالديرة في سوق التراث وهم في حولي الي بالسرداب ...

 

[كراميل]

انا شاريتهم من دايسو

بس بصراحه اللي يقولن لج البنات عليه وايد أرخص