وين تحطون مكياجكم

[كويتيه والماسه]

شلونكم بنات شخباركم
بنات بغيت اعرف وين تحطون مكياجكم شلون لاني انا احطه علي التسريحه بس احس مو حلو عفسه وايد ابيكم تساعدوني كل وحده تقول شلون وين تحطه؟

 

[نسوره]

انا احط مكياجى بنفسى بس ما فهمت باجى السؤال؟؟

 

[دلوعه و لايق عليها]

ام قنقون
لوووووووووووول
حلوه اهي قصدها اغراض المكياج وين تحطينهم بغرفتج


بصراحه انا عادي حاطتهم ع التواليت "التسريحه"
صج شكلهم عفيسه
بس ان شاء الله البنات يفيدونا

 

[عادي من قلبي أشيلك]

السلام عليكـــــــــــم
انا شريت هذي العلب احطهم داخل التواليت (( التسريحه ))
شفتهم عند وحده عارضتهم بالمنتدى وشريتهم من ايكيا المجموعه كلها بــ 2 ونص

اسمحيلي صاحبة الصور

[/URL][/IMG]

تقبلــووــوو مروري

 

[فيونكة قطرية]

أممممم..أنا أحطهم بأدراج بلاستيك من حجمين على جنب التسريحة بصراااااحة ما احب اشوف اي شي على التسريحة غير كريماتي واكسسواراتي اليومية وفراشي الميك اب والعطورات.. يعني الاشيا اللي طول الوقت احتاجها.. وأقصد بالادراج البلاستيك هذي.. وتلاقينها ف كل مكان:


وانا استخدم منهم حجمين الصغير نفس اللي ف الصورة للكحل والشادوات الصغار.. والمحددات..كل نوع بدرج..

واستخدم حجم كبير أعرض و من 6 او 7 أدراج لباقي المكياج.. يعني درج حاطة فيه أرواج.. الثاني بلاشرات.. الثالث الفاونديشن البودرة والكونسيلر.. والرابع الشدوات الكاملة العلب الكبيرة.. والخامس مثلا حاطة فيه مثبتات الميك اب والاشيا الجانبية



انا هذي طريقتي واشوفها وايد مرتبه ومريحتني.. بس أتمنى نشوف البنات بعد شلون يرتبون مكياجهم ونستفيد يمكن فيه طرق أحلى وأرتب بعد ... مشكووورة حبيبتي سؤالج وموضوعج مفيد حدده ​

 

[نسوره]

لووووووووووووووووووووووووووووووووووووووووووووووووووووووووووووووول
مشكوره حبيبتى دلوعه ولا يق عليها وضحتيلى الموضوع
انا شغلى كل ادراج بلاستيك كبارمثل الى حاطتهم العضوه فيونكه لان واااااايد عندى مكياج بس على اعرض

 

[brettey]

بادراج التسريحه كلهم لان مكياجي حق قبيله كامله لووووووووووول الدرج الاول عطور والثاني والثالث مكياج والرابع بقيه المكياج والصوابين والشامبو الي بعد ما استعملتهم

 

[عنـــآق ..!]

السلام عليكـــــــــــم
انا شريت هذي العلب احطهم داخل التواليت (( التسريحه ))
شفتهم عند وحده عارضتهم بالمنتدى وشريتهم من ايكيا المجموعه كلها بــ 2 ونص

اسمحيلي صاحبة الصور

[/url][/img]

تقبلــووــوو مروري

يسلمو عادي
مرحباااااااا
عندي تحطين على التسريحه العطور والبخور واكسسوارات شويه والمفارش
بالدرج تحطين هذي العلب وتحطين مكياجج داخل ارتب واحلى
تقبلي مرووووووووووري خيتو

 

[3emeyah]

انا حاطه نصهم عالتسريحه ونصهم بادراج البلاستك مثل اللي عارضتهم اختي فيونكه

 

[ريم^الفلا]

في شي عالتسريحه وفي شي داخل الادراج موزعين

 

[كويتيه والماسه]

مشكورين بنات انا بعد احطهم علي التسريحه في علب البلاستيك اللي فيها ادراج بس ابي فكره ثانيه بنات يالله وينكم فيدونا بفكره غير عجبني اللي عارضته مفاهيم الخجل

 

[ghalaty]

والله انا حايره جربت عدة طرق بالترتيب ماكوا فايده فوضه ومنظر مخرب شكل الغرفه الي تقدر خل تصور تسريحتها علشان نستفيد من السنع

 

[كويتيه والماسه]

بنات يالله يدونا

 

[أحب ترابها]

انا شريت من ايكا كبت مخصص للمكياج فيه تقسيات حلوه انت تختارين الي يناسبج حيل مريح حتي لو بحط مكياج مااخذ وقت لاني اسحب المقسم وارده مكانه ما فيه حوسه بالغرفه لما اطلع مسعجله

 

[EartH AnGeL]

انا شريت من ايكا كبت مخصص للمكياج فيه تقسيات حلوه انت تختارين الي يناسبج حيل مريح حتي لو بحط مكياج مااخذ وقت لاني اسحب المقسم وارده مكانه ما فيه حوسه بالغرفه لما اطلع مسعجله

حبيبتي شلون صاير الكبت هذا؟
وياليت لو تحطين صورته عشان نستفيد اكثر
جزاج الله خير

 

[al-zabarjad]

بالمباركية تحت
محلات الشايع
اول ماتدخلين تليقين محل عارضهم شكثرر برة

بلاستيك شفااف ومقسمين
شي حق حمر وأدراااج حق الشدوات والبلشرات
يعني رروحي ونقيلج وشكلهم راقي وحلوو ينحطون على التشريحة

حماتي شافته عندي وعجبها وشريت لها نفسي لأنة شكله حلو ويبرز لج المكياج اللي تبينة
وبنفس الوقت يرتب شكل تسريحتج

راح أحاول أحط لج صورته إذا رديت بيتنا إن شاء الله

 

[إستبرق]

انا في ارفف بكبتي مخليتهم للممكياج وحاطه المكياج بسله قش من ايكيا مقسمه والباقي بسلات حتى من ايكيا ما احب احط شي على التسريحه بس حاطه ستاندين شموع

 

[أحب ترابها]

EartH anjlوالله ما عرف أصور بقول لاختي تصورلي ان شاء الله خلال هاليومين احط الصوره....انتظريني

 

[al-zabarjad]

كاا صورت لج اللي قلت لج عنه

وإن شاء الله يعجبج

 

[قيد الغرام]

انا عندي جم علبه وجم سله تهبل ملوت عطور او مجموعات بدي شوب

مرتبتهم بالدرج وحاطه مكياجي فيهم على حسب شكل العلبه اوزع المكياج

والفرش عندي فازه تهبل مالت ورد حطيت فرش الميك اب لانهم واجد والفازا كبيره تكفي وشكلها حيل حلو عالتواليت

وسلامتج