وين تنصحوني

[ام هيووونه]

السلام عليكم

انا عندي بنت عمرها سنه و8 شهور وحملت فيها اول ما تزوجت ومن عقبها كل شي طبيعي بس ما حملت بس اول شهرين خذيت حبوب منع حمل وبعدها ما خذيت شي وحاولت اطق ابر عند دكتور حق التوأم لما صار عمرها 6 شهور بس مالله كتب ورحت لحرمتين دهنوني وكل وحده قالت شي وحده تقول مايل ووحده تقول مقلوب المهم انا رحت الشهر الي طاف حق دكتوره وقالت رحمي مقلوب لي وره وعادي 95% يحملون مافي مشكله وسويت تحاليل بس الحين جاتني الدوره وين تنصحوني اروح؟؟ وشرايكم بموضوع التوأم؟؟
انا سويت تحاليل قبل والكل يقولي مافيني شي والحين عدهم بس مادري ليش ما احمل

انا زوجي وده بعيالي لان عمره 32 عمره وانا 23 فيبي يلحق هههههههههه

سوري طولت عليكم بس ابي اخوان لبنتي
وبروح باجر ان شاء الله

 

[بمبرة]

:klhfl:حياتي آنا نفس حالتج بالظبط
بس عمر ولدي سنتين ونص وللحين ما حملت وكل الدكاترة قالوا ما في شي
والحين قاعدة انطر والله كريم يرزقنا كلنا

 

[Dloool_q8]

اانا اللي اعرفه ان المره لي كبرت صعبه تحمل بس الريال لا عادي والله يرزقج

 

[أمونة الحلوة]

والله شوفي انا الحين اراجع عند الدكتوره معصومه مخصيد وايد زينه وانتي سالي بعد في وايد دكاتره زينين وربي يرزقج ان شاء الله

 

[Hello_kitty]

انه انصحج تستخيرن قبل لا تتروحين عند اي دكتور

انه اسمع الكل يمدح دكتور الصليلي وايد وناس تتعناله من السعوديه

اهوا بالجهرا

 

[مظلومه ياناس]

انا بعد ولدي عمره سنه و10 شهور وعندي ضعف بالتبويض بس بسيط ........خذيت موعد عند الصليلي بتاريخ19/2بسوي تلقيح صناعي والله يرزقنا جميعا انشاءالله

 

[دمثة]

حبيبتي التؤام مو شي سهل هذولا 2 يعني مجابل بس لهم ديري بالج وان شاء الله يوفقج وتحملين والي انتي مرتاحة ودج فيه سويه

 

[ام هيووونه]

مشكورين على مشاركاتكم بس محد مدح د.الشازلي وعمتي عالجت عند ماجده اليتامى ويابت توام والحمدلله بس غالية 1000 تقريبا ؟؟

شرايكم

 

[om_omar]

انا من بعد استخاره رحت للدكتور الصليلي والحمد لله سويت طفل انابيب وحملت وقبلها كنت عند معصومه مخصيد

 

[كويتيه مذهله 87]

حبيبتي

مدامج انتي وريلج مافيكم شي ليش تتتعالجين ترى كل شي بيد الله وتو الناس ابنيتج صغيره

يعني شنو عمره 32 فيه ريايييل 50 اييبون اعيال هو علي التربيه مو بس يييبوا وخلاص

الله يرزقج انشالله عندج د ناهده العلي ود فوزيه القطان

 

[كبْرٍيآء]

اذا مافيكم شي ياخر الحمل

استغفري وتصدقي واقري سوره البقره كامله في قيام الليل بنيه الحمال والله يرزقج توأم ان شاءالله

 

[ام هيووونه]

جزاكم الله خير على مشاركتكم

 

[um 3li]

حبيبتي دام انج حاطه فكرة الحمل بفكرج وقاعده تحاتين صدقيني ماراح تحملين !!!

ترا انا نفس حالتج بالضبط حملت من اول شهر ماشاء الله وولدي عمره سنتين ونص الحين وعقبها حاولت اني احمل وماصار وكنت اراجع عند دكتورة معصومه مخصيد وسوتلي انا وريلي كل التحاليل والفحوصات والاشعه وما فينا ولا شي الحمدلله ..

سافرت شهر 11 ورحت العمرة ونسيت الحمل وتفرغت حق عبادة ربي والحمدلله اول ما رجعت الا وانا حامل

صدقيني هذا كلام الدكاترة انسي الموضوع وربي ان شاء الله يرزقج وانتي صغيرة ليش تحاتين ؟؟ الريال ما يعيبه كبر عمره لان الحيوانات تظل عنده حتى لو صار 60 عكس المرأة الي يقل تبويضها بعد ال 35 وانتي بعدج استمتعي بحياتج واستانسي وانسي الموضوع وان شاء الله تدخلين الشهر الياي وانتي تبشرينا بحمالج

 

[سارونه q8]

انا من راي خواتي توج صغيره على العلاج نطري شويه ولاتستعجلين ولاتنسين الاستغفار
وانشاءالله الله يرزقج بخوات واخوان حق بنتج بدون علاجات وتعب وحتى زوجج موكبير وايد لاتستعجلون

 

[ام هيووونه]

تسلمون ما تقصرون على المشاركات والله كريم يرزقنا متى ما يشاء

 

[اسيرة زوجها]

نصيحتي دام مافيج شي لا تعورين راسج بالاطبه واذا تبين خلي زيارتج للطبيب كل شهرين س واذا يبيلج مقويات مافي مانع اخذي بس ريحي بالج وبعدين انتي طقيتي كل الابوا الا باب واحد باب الرحمن الرحيم اللي من الح عليه بالدعاء اجاب له في حرمه بايام سيدنا موسى على ماعتقد كنت ماتيب اعيال وراحت لموسى عليه السلام قالت ادعوا لي ربك قال جل من قائل اني كتبتها عقيم (عاقر)ويات مره ثانيه الحرمه وقالت ادعوا لي ربك ودعى لها موسى عليه السلام قال سبحانه وتعالى اني كتبتها عقيم وغابت عنه مده كبيره وردت معاها غلام (ولد) على ايدها فقالها شلون الله رزقج وانتي عاقر قالت كنت ادعوه باسمه وتقول يارحمن واتضرع له في الدعاء فدعي الله وقولي يارحمن يارحيم يامن برحمته نستغيث ارزقني الذريه الصالحه عاجلا وليس اجلا واكثري من الاستغفار والدعاء بالسجود وقبل الاقامه واقري سوره البقره بنيه ان الله يفرج كربتج وصدقيني لاتنطرين الاجابه لانج بتلقينها وصدقني الله مايخلي العبد اذا العبد ماخلاه والله مراح ينساج بس لاتنسين نفسج بالدعاء وعسى الله يرزقج وفي دعاء اذا دعيتي فيه باي شي الله يستجيب لج وعندي الدعاء بس بيت اهلي انشالله بكتبه باقرب وقت

 

[++The DuchesS++]

الله يرزقج ويفرح قلبج بالقريب العاجل ان شاء الله

 

[ام هيووونه]

جزاكم الله الف خير والله يرزقني ويرزق كل محتاج الذريه الصالحه العاجله الغير اجله

والحمدلله على كل حال