وين رايحيين؟ رايحيين المطعم ... من وين رادين ؟ من المطعم .. شبتسوون؟ بناكل من مطعم

[Sisyphus]

يا كويتيات و كويتيين
يا متزوجين
الكويت فيها اماكن غير مطعم كمكان رومانسي
شنو؟ شعب بلع؟
التجارة الوحيدة الرابحة مطعم
ملينا
تكفون الازواج وين يروحون غير المطعم و السينما
نبي اماكن هادية راقية نقدر نسولف فيها

يا اهل الفرارة انجدونا
راح ننتفخ
و ننبط من الاكل
من يمسح دمعة هذا المسكين

 

[Sisyphus]

و لا احد يعبرنا حتى

 

[ماتغير شي]

لووووول العنوووان يضحگ

توقعت خالتج تسألج وين رايحين ومن وين رادين


مافي أحلى من المطاعم والسينما

 

[دلع انثه]

اي والله كله مطاعم وانتي الصاجه
ممكن تكسرون الروتين تاجرون شاليه
او تحجزون فندق يلا والي تعرف مكان تقووول

 

[دلع انثه]

وشوفي والله مرات افصل الساعه 12 بليل اقوله يلا خل نروح نقعد علي البحر واخذ الشاي والحب ومن السوالف هذي
ومرات اكون مجهزة شوي ونشوي علي البحر

 

[LuLiTa]

شاليه
بحر
سينما

 

[Miss trfa]

مطعم
كوفي
مطعم
كوفي
سينما
مطعم
نوم

بسسس 

 

[الجوهرا]

صج بس حلو اذا غيرتي
شاليه
مزرعه
تقعدون عالبحر من الساعه 12وورا
مااحب المنتجعات تحسين مالج خصوصيه

 

[! بــدويه وآآيــد !]

،


لوووول ضحكني العنوان وتوقعت احد مدخل بحياتكم
لما قريت الموضوع ضحكت حسيتهوطالع من قلب لوول

انا بعد لاعت جبدي من المطاعم ودج نغير يختج هههههه مرتين بس غيرت مره شاليه ومره مركز علمي لوووول

 

[ح ـزن النبلاء]

روحوا
المباركيه والله شحلاته
انا اذا بتمشى اروحله
: )

 

[ماني من الناس]

لين صرنا باوروبا وبالمناطق الجبليه والنهريه والشلاليه بنروح مكان غير المطعم

 

[femmi]

روحي وياه ملاهي استهبلوا شوي لعبوا واكلوا ايس كريم

وناسسسسه خخخخخ

 

[amami al-kuwai]

في اماكن البنات قالوها مطاعم والمباركيه والفراره بالمجمعات

 

[يآسمينه]

ههههه توقعت أهل زوجج ناشبين لج عالطلعه والرجعه ��

عادي السوالف بالسياره و إنتي تمشين بالمول ، بكل المطاعم ( كل مره غيري ) > >> أحب أجرب المطاعم اللي مارحتها قبل ، مكان غير و أكلات غير و قعده غير

أهم شي إنج معاه

 

[Abraaj]

بولينغ 360!

 

[english muffin]

نفس المشكلة عندنا بالبحرين لوول
كللللللللل طلعة لازم فيها اكل
مافي برنامج يديد
ولين رحنا الشاليه يكون احلى واحلى للاكل ههههههههه

 

[softlady]

الكويت ملل استغفر الله

 

[قموووره]

وشوفي والله مرات افصل الساعه 12 بليل اقوله يلا خل نروح نقعد علي البحر واخذ الشاي والحب ومن السوالف هذي
ومرات اكون مجهزة شوي ونشوي علي البحر

والله خوش فكره يبيله والله

صج لاعت جبودنا ساعات بعد تروحين المطعم وانتي اصلا مو يوعانه بس عشان ودج تغيرين​

 

[Bint Derty]

صااجه الكويت مااافيها غير مطاعم
انا من تزوجت متنت بسبة المطاعم وااي
يا مجمعات يا مطاعم
اذا بنغير سينما

بس قعدة الكوت حلوه صوب النوافير وهم البحر بس مشكلة الامكان المكشوفه ان لازم الجو حلو
ولا حجزوا بمنتجع ولا شاليه حلو تغيير او حتى لو بس جذي جنه بتشوفونه وتمشوا لوول

 

[miss swan]

وااااي نفس التحلطم انا وزوجي
مرات ودنا نغير نروح الفير كافيه المطار هم بلعه لووول
مرات مركز سلطان نشتري خرابيط وفلم ونرجع البيت نطالع الفلم
مرات سينما مره رحنا ممشى الاكواريوم بالليل
او انج تروحين فندق
امبيه ملل
​