وين رحتوا وشنو شريت فى البلاك فرايدى الله يزيدا

[sereen]

شلووونكم بنات فى جميع انحاء امريكا مشرقها ومغربها واوسطها وجنوووبها , ها شصار على البلاك فراديز شنو الغنايم والحصيله ؟؟؟؟؟
بصراحه انا سالت اللى معاى الامريكيات قالووولى مايسوى الركضه وتهدين نوووووووووووووووووومتج النهيه عشان الاسعار , لانها متوفرة على مدار السنه اما اقل او نفسها طبعا مرات مع الكوبونات بكون اقل السعر

اللى صار زوجى:ada: قام الصبح بشووف لاب توبات راح بست باى من الساعه 5 وووقفه وناس الرووح على الروووح , بس قالى اللى ابيهم مو بالسيل :eh_s(11):

المهم رحنا على الساعه 11 toy's RS ولا امة وخامين نص ارفف الالعا ب , ماوعيت على الساعه 12 يسووون اعلان فى المحل انا بصراحه ما ثتبتت بسبب الزحمه والاصوات العاليه بس الناس تتراكض اشوى شوى ماشوف الا على الكاشير الناس تجمهرت شكووووو صااير ؟؟؟؟؟ اسمع يقولون وين ال free
اتقولهم الكاشيرة موهنى , على حظى الحلو ولا واقف يمى البيااع وجدامه عربانه مترووووسه لعبه hamester حليوه يعنى حق العيال الصغار
ولا ياشر يقووولى اهنى اهنى وانا والله يابنت استحى ما احب المخامط والعالم مثل الموووجه , على الريااال ويقولوهم كل عايله واحد بس وين
عمك اصمخ " بوبلاش كثر منه " وانا واقفه اطالع مو بعيدة عنه بس مستحيه اشيل واصير همجيه الصراحه مخامط انا ماحبه كلش جان اقووول حق المرا اللى قاعدة اتشيل حق نفسها وبيتها EXCUSE ME CAN I HAVE ONE *3
هاهاهاها والله يالله عطتنى واحد , عيالى يقووولى ليش ماخذيت وايد انا والله استحى بصراحه بعدين ليش لازم وايد واحد بس يكفى
__________
تالى رحت على الموووول شريت من NY company
تريتتغ سويت 3 قطع فيها سوالف فصووص مخمل
بنطرون جينز

ولبس رياضه بدله كامله
-----------
, اقوول حق زوجى امبيه فى حفافه بروووووح يالله باى . حفيت حسيت العيد صار وستوى عندى

_____
بصراحه رحت فيكتوووريا نار وشرار حتى قليل اللى شايلين اغراض منهم
____
حبيت ديزنى حلوووووووووووووو العاب على 5 او 10 دولار البعض مو كلشى
______
شرينا العاب حق اليهال
____
بشكل عام مافى الاسعار اللى تبرد القلب كل اللى انا اببيهم على 23 دولار اقل شى بس بصراحه صارلى فترة عن المووول وااااااااى عوار قلب باجر بروح مع البنات ماتهنييييييييييييييييت بالتشوووف بصراحه مااادرى هالجناط ولا اللبس ولا االاحذيه
جد سووووقهم مال البنك المركزى
___
ياريت صووور بنات عشان نخلى المووووضوع مشووووق عيووونى

 

[chanel N22]

هلا حبيبتي انا شريت صوغات حق رجعتي بالصيف ان شاء الله لان الصيفي الحين عليه خصم وايد
لاكوست خصومات عجيبه بس النطره بالدور سااااعه !!!! بس يستاهل
تومي بعد خصومااات وايد حلو
خذيت من dknyجنطتين صوغااات
وخذيت لي جنه من dooney &bourke
عجبتني بس جنطه وحده على جلد زرااااااااااافه لووووول بس والله حلوه
ومايكل كورس جنطه خصم وااااااااااايد حلوووو
وسلااااااااامتج قلبي

 

[sereen]

بالعافيه حبيبتى , الا هالجنطه على جلد الزرافه منتشرة من سنه انتشار مووووطبيعى , وبالعافيه حق اللى بلبسووون الصوايغ ونشووف باجى البنات وهمتهم بالسووق

 

[$غــ(ز)ــل$]

عليكم بالعافيه بناات

انا شريتيلي من فيكتوريا سيكرت .. لوشنات وعطور ومكياج وملابس داخليه
وطلع حسابي 345$ _03BA:

وعقب رحت P&H وشريتلي كاميرا وسعرها غااالي بس انا حاابتهاا حيييييييل وحدي مستانسه فيها

وباجر بروح Toys R Us لان عندهم عروض الثانكس قيفن


وطبعا من الساعه 5 وثلث واقفين عند بست باي بس لما شفنا السالفه مطوله قلنا اهم ماعلينا صلاتنا نروح نصلي مع المسلمين احسن

والحمدالله طلعت خيره .. لان يقولون ماتسوى العنووه الاسعار مثل مااهي فرق بسيط بس

 

[منورة الكويتية]

انا بصراحة مارحت ولا تحمست اروح لاني سمعت من ناس وايد ان نطررره وتبهذل وانا عندي يهال صغار يعني ماينفع وانا اساسا مو متحمسه
بس الحمدلله تيمعنا وصلينا صلاة العيد وتغدينا واستانسنا وايد من 10 الصبح لي 10 بالليل اهو رقص او ردح اهو خبال حدها استانسنا
لوول سوري ادري شطيت ع الموضووع بس عشان اشرح ليش ماتسوقت

 

[الاريام****]

هلا سيرين الله يسلمج على كثر ماكنت مخططه لهاليوم الا ان الله موقاسمه لي سهرت الين الساعه 5ونص الفجر شابكه مع الكويت اعايدهم
وابجي وانا اشوف ولدي لابس الغتره وبنتي على سنغة عشره والحبايب ملتمين عسى الله يعوده علينا
صج نسيت اقول لج عيدج مبارك<لاتنسين العيديه حاليا ما اقبل الا بالدولار ههههههههه

 

[إنسانه وأكثر]

يعطيكم العافيه

انا ماتحركت من البيت الا الساعه 6 المغرب رحت للمطعم ورحت الداون تاون مسوين عروض وفرقه موسيقيه والعاب ناريه والجو بررررد ماتتهنين الصراحه ماودي امرض بروحي منشقه شق مع الثقل بس ريلي اخذله جوله من عقب صلاة العيد مارجع الا الساعه 5 ورجعلي محمل بالهدوم والله انذبحت من الهدوم بس كافي ويقول حط عينه على تلفزيون بلازما وكاميره ومادري شنو يمكن يروح ياخذهم باجر

هذا اللي صار وسلامتكم

وعيدكم مبارك وكل عام وانتوا بخيييير

تحياتي

 

[أم القمرين]

هلا بنات انا اول شي رحت المول شريت عطورات رجالي صوايغ من ميسسز بس ماشفت التنزيلات اللي تبرد الجبد الصراحه كل اللي مسوين عليه سيل مايسوى يلوع الجبد مادري احس البلاك فرايدي مايسوى ماقاعده اشوف شي يسوى

بعدين رجنا بيبي ار اس شرينا عربانه لليهال هم مافي سيل

وبعدين رحنا جيز كيك فاكتوري طبعا ينونونا اليهال مع الصراخ واللويه مادري شفيهم تسلطو اللي المدير يانا وقالنا عيالكم مسوين ازعاج واخزيااااه تفشلنا والله توووبه نطلع معاهم اول واخر مره ماكدونالز ويخب عليهم

وبس عقبها رجعنا البيت

 

[So0oNa]

هلا سيرين عيدج مبارك اولا

ثاني شي والله انا استعديت للبلاك فرايدي منكم ومن نصايحكم p:

اهم شي بغيت اكتب بلاك بيري ههههههههههه

عموما الحين غاصة اطلع معلومات حق بروجكت بوستر تعليمي ===> يعني ادعولي

.. لي رجعة للموضوع انشالله ويمكن بس مو اكيد احط صورp:

برب

 

[chanel N22]

صج نسيت اقولكم كان بدي شوب مسوي عرض تشترين 3 اشياء ب 30 لو شنو كان سعرهم
خذيت للاظافر قلم تلمعين فيهم وتشلين الجلد الميت
وسنفره الباباياااا احب البابايا حيل حلوه
وفيتامين سي للويه
وسلامتكم وسلامة الحاضرين

 

[$غــ(ز)ــل$]

عليكم بالعافيه بناات

اتعبني غروري .. حتى فكتوريا كانو مسوين هالعرض تاخذين 3اشياء ب30 دولار
بس طبعا اهما حاطينهم على رف كبير انتي تنقين منهم يعني موكل اللي بالمحل


سونا .. اهم شي البلاك بيري لووووووووووووول
وبالتووووووووفيق يااااارب

 

[ضي]

صراحة السيللاماكان ذاكالزود

شريت حق ولدي

بلايز من رالف لورين
وبدلة سي كي

وبجايم صوغه

وشريت من باث اند بودي ووركس

كان عرضهم تشرتين 3 اشياء و3 فررررري

وسلامتكم

 

[o_mermaid_o]

انا اول مره بحياتي اروح متاخر كل سنه من الصبح بس كنت نايمه متاخر بس رحت الظهر وشريت جنطه قوتشي بس مو بالتنزيلات ورجعت الفندق ريلي كان مستعيل يبي يلحق على الندوه الرياضيه

 

[irresistible]

الصراحة انا استغربت ان هالسنة مافي ازدحاااااام كلللللللللش امبية ما صدقت بس شريت شراشف و كفرين بس الباجي سيلهم بوطقة حدا بعد الكريسماس وايد احسن

 

[sereen]

يعطيكم العافيه حبيبات قلبى وسامحووونى ماعايدتكم يمكن من العيله على السووق ماخذ مخى , عيدكم مبارك اذا ماقلتها لكم , ويارب يجمعنا معاكم فى ارضنا بين اهلنا , احنا رحنا منتج حق اليهال فيها حمامات سباحه داخليه اسمه gwl
بدعوا اليهال كان يمنا اوت لت بس اوردى الاوت لت اسعارها نازله ,مثل ماقال البعض مافى شى يبرد القلب و اتوووقع بعد الكريسماس ثانى يوم early birds
والله انا احب فيكتووريا بس لبس التراك بصراحه شنوو صلخ نار وشرار , بس حلوووين ياخبلوووا على قولة العراقين
احلى شى العيال " شباب" يقولولى ماما نبى عيديه مكيه , هاهاهاااها قتلهم بدعتوا صايرين مثل الامريكان كلشى بفلوووس , قولوها عدل بعدين اعطيكم
يسلموا عمرى على التقارير الطيبه
اللى بعدوا كريسماس


ناس تخيم بالبر وناس تخيم يم المحلات يالله ياكريم
http://www.tobikat.com

 

[sereen]

سورى بنات كل ساعه اخذ الصورة الغلط بالنسبه للحجم

 

[منورة الكويتية]

لووووول مينن هالامريكان
يحبون بو بلاش

 

[q8_toffee]

والله التنزيلات ماتسوى والناس زحمة على ان بيشترون هدايهم حق الكريسماس واحنا الى ضايعين بالطوشة غير القعده من الصبح

 

[كشموووشه]

تنزيلاتهم ماتسوى

 

[غمزه وإبتسامه]

وناااسه في اغرااض فري وناااسه عيل بيي لكم