وين قاعدين؟؟؟

[فلنتينو]

مساء الخير بناات :eh_s(17):

اليوم حبيت اقولكم موضوع للاسف منتشره بكثره
اليكم القصه

ذاك اليوم انا وريلي طالعين حق مطعم لبناني في الافنيوز المطعم برئ المجمع اعتقد عرفتوه
المهم دخلت انا وريلي ولا في قسمين قسم المدخنين والشيشه و القسم الثاني للعوائل وغير المدخنين

المهم قعدت علي الطاوله ولا اشوف قسم المدخنين كله بناات ولا كل وحده وشيشتها معاها
والمشكله القسم اغلبيته بناات وللا سف بنات الديره

قاعده اقول حق زوجي انت شايف اللي انا شايفته يقولي زوجي الحين عادي الحين المطاعم اللي فيها شيشه اغلبيتها بناات

وين قاعده انتي ؟؟؟ شيشه
ماتخاف احد يشوفها ويفضحها من اهالها
ولا عندهم عاادي البنت تطلع مع رفيجاتها ويشيشوون

ماقول الا عسى الله يحفضنا ويستر علينا وعلي بنات المسلمين ويهديهم

 

[أم توتو]

الله يهديهم يارب ويستر علينا من الفتن

 

[النملة نواري]

استغفر الله انجنوا بناتنا
الله يهديهم و يصلحهم

 

[البنفسج 1990]

اي الحمد لله و الشكر حتى مطعم البلد امي كانت رايحة تتريق اهي و صديقاتها تقول كلة بنات صغار يشيشوون لا ومن الصبح عفية نفس

 

[Tom ♥ Jerry]

.,،


هذول مآ رده آهلهم رآح يدرون عنهم .،
يقولون حبل الجذب قصير !

و اذا آهلهم مآ دروآ ,، ربهم فوق يشوفهم
كل وحده قد " البغل "
تعرف الصح من الغلط .، المفروض يكون في رآدع ديني
أو قآنوني يمنعهم ! برايي مآ يسمحون لهم يشيشون بـ مكآن عآم آحسن .،
و يخلونه بس حق الشباب .،! وين قاعدين آحنآ :| !

بس صج ليه قآلوآ من آمن العقوبه آسآء الآدب

 

[ناتشوو]

الله يهديهم ويهدينا
ويهدي عيالنا وبناتنا
شي يضيق الخلق
انحدار الاخلاق ف هالزمن

 

[فلنتينو]

عسى الله يهديعم انشالله اشكالهم تفشل

يشرفني مروركم

 

[ملآمح يوسفيه]

,
مساء المسك
الظاهر هذي منتشره حيل
قبل كنت اشوفهم بس بمدينه الترفيهه كانوا يشيشون
مشكله وياهم عيالهم صغار
بس الحين صآرت حتي بمطآعم
بنظرهم هذا تحرر
ولكن هذا التخلف
كلنا نعرف اضرار الشيشه
واضرار اكثر على البنت لانهاا في مستقبل راح تحمل
لازم جسمها يكون خالي من سموم لصحتها بعد

الله يهديهم ويهدي الجميع يارب

​

 

[هواجيس الفجر]

شنو متووووقعه منهم

الله لا يبلانا

 

[الغلا كله لبوي]

ما قول غير الله يهديهن

 

[ام ميميتو]

اي صح انا ما نقهر من الي يشيشون الي يقهروني اكثر الي يشربون شيشه من ورا ريايلهم هذوله صج ما احبهم لا و هابيب بزقاير بعد انا اعرف وحده من زمان معاها و كنت طالعه معاها مره انصدمت شفت بجنطتها باكيت زقاير قلتلها هذا مال منو قالت مالي ساعات ادخن مع رفيجاتي في وايد بنات ايدخون من ورا ريايلهم عيالهم حرام صغار صدورهم متروسه من دخان الشيشه و الزقاير

 

[Tulips]

لا حبيبتي هذولا مايخافون .. عادي يشوفون هالشي تفتح وحريه شخصيه

الحمدلله الذي عافانا مما ابتلاهم به

 

[عاشقة هواك]

الله يهديهم

 

[so_what]

الله يهديهم مادري شنو مستفيدين من هالشي ، الله يستر من الياي دام الشيشه الحين جنهم يشربون عصير عااادي الوضع عندهم

 

[ياحُبِي لِلكويت]

الله الهادي ,,,

 

[حورياتي]

استغفرالله ماوراهم اهل الصراحه
مومتربيات وقليلات ادب الحمدالله اني بنت
ناس واخاف على سمعة اهلي
الله يستر علينا وعلى كل بنات ديرتنا والمسلمات








تقبلي مروري خيتي

 

[ياليل مااطولك]

واجبنا الدعاء لهم با الهديه

 

[اخت واختها]

قاعدين بالكويت

واهما احرار بالي يسوونه دام ما اذونج


ولا الحرام والحلال والعيب ما تعرفونه الا اذا شفتو بنت ماخذه راحتها ؟

 

[اخت واختها]

استغفرالله ماوراهم اهل الصراحه
مومتربيات وقليلات ادب الحمدالله اني بنت
ناس واخاف على سمعة اهلي
الله يستر علينا وعلى كل بنات ديرتنا والمسلمات





تقبلي مروري خيتي

ثمني كلامج لو سمحتي

خبري الي مو متربي الي يغلط على الناس مو الي قاعد يشفط بهالدخنه

 

[سمبتيكآ]

الله يهديهم .., "
ولا يبلاناآآ ’..