وين كان ودج تشتغلين؟؟

[نونه العنونه_H]

هاااااااي يا حلوين نورتوااااااااااا الصفحه.. :eh_s(17):
انوثه حتى الثماله >> شتبين بالتدريس عوار راس وما تحسين انج تشتغلين.. جنه للحين طالبه..
الخارجيه وايد حلوه حاولي كثر ما تقدرين وكلمي احد وقدمي اوراقج.. الله يكتبها من نصيبج


العيون الناعسه >> الحمدلله:eh_s(7):

مريومه 12 >> مواضيعي ما تحلا الا بوجودكم :fun:

رحيل الزمن >> حلوه الصناعه ترا.. انزين دقي سألي شنو صار متى اباشر العمل؟؟
والعدل اتوقع ما يبيلها واسطه
اذا بخاطرج روحي الديوان وسوي ربط.. :eh_s(8):


Golden >> الله يرزقج يا رب بالوظيفه السنعه الي بخاطرج

ملامح يوسفيه >> شفيكم ع الشرطيه؟؟ ما اشوف انها شغله تونس قوليلي شنو الوناسه فيها..
مذيعه اخبار جويه حداااااا حلوووو و احس شغل راقي بس يبيله جرأه وطله حلوه..




​

 

[ام زين العابدين]

انا كان ودي اشتغل في بنك بس صرت مختبرات و لمه تخرجت قلت ابي بالبترول و لا الكل يوقف بويهي لالالالالالالالا الوزاره و هذا انا بالوزاره. بس الحمدالله احب شغلي

 

[مريوومه12]

الوظيفه
اللي نتمناااه شي والواااقع شي ثاااني
اهم شي الرااااحه النفسيه وgroup اللي معاااااااااااج
والله يوفق الجميييييييييييع

 

[kwtya style]

انا من وانا صغييييره كان حلمي اصير مذيعه وكنت دايما بتصوير الفيديو مال الاهل اصور وانا اقدم وكنت كله العب لعبة مذيعه انا وبنات خالاتي انا المذيعه واهما الضيووف و بالمدرسه كانو كل البنات و الابلات يقولولي شكلج مذيعه بس للاسف ما تحقق الحلم بس الحين حلمي اليديد اني اشتغل ب الصندوق الكويتي للتنميه

 

[♥MaSteRiyA♥]

رد : وين كان ودج تشتغلين؟؟

آنا ليلحيني ما اشتغلت... بس عقب سنة اذا خلصت دراسة ان شالله...
مكاني مضمون .. معيدة يا بالتطبيقي يا بالتربية الأساسية..
وادعولي أكمل دكتوراة.. :eh_s(7): ​

 

[Gilmore Girl]

يه يه نونه مسويه موضوع وانا توني ادري !

بس صراحه يبتيها عالجرح ااااااااه من الشغل

شوفي وانا صغيره كان ودي اصير مضيفة بس اخر شي طلعت اخاف من الطياره :d

ووقت الجامعة ما كنت حاطه ابالي مكان حسبالي بتخرج والبيبان بتكون مشرعه لي بس انصدمت بالواقع

والحين حلمي اشتغل بديوان المحاسبه اااااااااخ بس هالمكان صج حلمي _03ba:

بااااااااااااااي

 

[نونه العنونه_H]

ام زين العابدين >> موفقه حبيبتي.. البنك حلووووو والبترول احلى
لما تملين من الوزاره قدمي على واحد فيهم
حلو الواحد يجرب اكثر من مكان..
اسم ولدج اينن :eh_s(21)::eh_s(21): تدلعينه زيووون؟؟؟

مريومه 12 >> ايه والله صاجه اهم شي الجروب الي معاج..
والله اعرف وحده تشتغل بالبترول ومركز ومعاش بس الي حواليها ما يحبونها
وحدها متأذيه كل يوم تبجي:eh_s(11):

Kwtya Style >> وين صاير الصندوق الكويتي للتنميه بنات؟
شكله مرتب حاولي كثر ما تقدرين..

KaiyoOh master >> ياي كشخه والله

Gilmore Girl >> حبيبتي والله :eh_s(21): انتي نفسي انا كنت ابي اصير مضيفه..
وديوان المحاسبه حدا كشخه حاولي كثر ما تقدرين والله يكتبه من نصيبج يا رب :yaaaaaarb:


​

 

[مريوومه12]

:eh_s(11): مريومه 12 >> ايه والله صاجه اهم شي الجروب الي معاج..
والله اعرف وحده تشتغل بالبترول ومركز ومعاش بس الي حواليها ما يحبونها
وحدها متأذيه كل يوم تبجي


نونــــه هذا السبب اللي موقفني بالنقل لان الGROUP اللي معاااااااي خوااات مو صديقااااااات , بس المكاان مو عااااجبني

 

[نونه العنونه_H]

مريومه 12 >> ايه والله هذا السبب الوحيد الي يحز بالخاطر..
الله يعينج:denya:​

 

[spanish-girl]

كنت اتمنى اشتغل بالبنك او ديوان الخدمة المدنية او ديوان المحاسبة او المالية هذوله كلهم

بس للاسف اشتغلت بالجمارك ويع

 

[المكسيكيه]

الماليه او الكهربا والماي

 

[تمنيتك]

رد : وين كان ودج تشتغلين؟؟

كان ودي بنك او اتصالات

بس مكاني حلو الحمدالله بس مايمنع بعد سنتين احول خاص

 

[نونه العنونه_H]

Spanish_girl >> كلنا نتمنا الاماكن الزينه.. الله يجمل مكانج بعينج وانشالله
تلاقين فرصه وتتوظفين بالمكان الي تبينه.. :bye22:

المكسيكيه >> والله انتي تهبلين بكل صفحه اشوفج تسلمين وتدعين حق البنات
الله يعطيج على قد نيتج.. :eh_s(17):

تمنيتك >> التغيير حلووووووووو :sfg:​

 

[ام فوااز]

امنيتي وانا صغيرة اني اكون ابلة وكنت ادرس اليهال الي بعايلتنا وسوالف سبورة مغناطيس واقلام سبورة وكشاكييل واقلام وتدريس ومن صجي هالحلم رافقني لي الثانوية
والحين ماني بعيدة عن مجال التربية مو ابلة بس تخرجت من التربية الاساسية تخصص تكنولوجيا التعليم يعني راح اشتغل بمدرسه مشرفة تقنيات

 

[نونه العنونه_H]

ام فوااز >> الله يوفقج حبيبتي :blueSmCLR:​

 

[نونه العنونه_H]

up
up up
up up up
up up up up
up up up up up
up up up up up
up up up up up
up up up up up
up up up up up
up up up up up
up up up up up
up up up up up

 

[brettey]

رد : وين كان ودج تشتغلين؟؟

كان حلمي وانا صغيره اني اكون رائده فضاء لووووول او اكون ممثله وايام الثانويه كان حلمي المستحيل اني اكون مضيفه طيران
ووقت دراستي بالمعهد التجاري كنت اشتغل بجامعه الكويت او شركه النفط
والحمدلله اني موظفه بجامعه الكويت بس للاسف الاداره الي انا فيها مو طموحي بس العوض ولا القطيعه
بس كان ودي ادخل الجامعه تخصص لغه انجليزيه بس للاسف كنت ثانويه عامه بس يبت درجه عاليه بالانجليزي والعربي خفس فيني درجه وحده واسقط وباجي المواد درجاتي مو ليهناك ندمت اني مادخلت مقررات على ايامي كان تشعيب انجليزي لو داشه مقررات وتشعيب انجليزي جان اتوقع دخلت الجامعه بس الحمدلله على كل حال خيره من رب العالمين


ويعطيج العافيه على هالموضوع الشيق
واتمنى من الله ان يحقق امنيات كل الي يشاركون بهالموضوع ويشتغلون بالمكان الي يبونه

 

[kuwaitya-frawla]

انا بطاليه لووول

حلمي وانا صغيره اني اصير طباخه لووووووووووووووووووووووووووووووووووووووووووووووول



و الحين من تخرجت ودي اتوظف بالماليه او بالاسكان او بمجلس الامه او بالديوان الاميري و لي الحين ناطره عسى انقبل بمكان ودي فيه

 

[نونه العنونه_H]

brettey >> هلا والله هلا هلاااااا :eh_s(8): يشرفني ان موضوعي اعجبج..
احب توقيعج واااايد :tek:
مافي احلا من الجامعه كل البنات ميتين عليهاااااا ولما تملين او تلاقين مكان احسن نقلي..
موفقه حبيبتي

Kuwaitya-frawla >> ادري انج بطاليه دايما اشوف ردودج..
انشالله تشتغلين بالمكان الي تبينه..:tek:​

 

[عشق]

رد : وين كان ودج تشتغلين؟؟

خو انا كل يوم لي وظيفه
مره مدرسه وطووفه بيت يدي تشهد علي ما خليت مكان ما درستهم رياضيات فيه
كنت اموت على شي اسمه رياضيات مادري ليش
لما وصلت للثانويه
على ايام التشعيبات سنه 94
كنت بروح رياضيات بس التكميلي ماله علوم
وانا طفارتي شي اسمه علووووم ما احبه
فرحت تشعيب تجاري ليش فيه حسابات وارقام ومحاسبه استانست عليه

بس



يا فرحه ما تمت

على التخرج طحت مريضه التهاب رئوي حاد

ونزل معدلي

رحت المعهد التجاري بنوك

قلت يالله هم حلوو

وانقبلت في الداخليه

وللحين وانا اقدم عالبنوك

صار ل 9 سنوات

شفتي لزقه اكثر مني هههههههههه