وين كنتي وقت الغزو ...صامده والا بره الديره ؟؟

[حناينq8]

كان عمري 9 سنين و اذكر كل شي و من الخرعة ما اذكر اي شي صار قبل اول يوم الغزو لحد الحين
الله لا يعيدها من ايام راح فيها ولد عمتي الله يتقبله من الشهداء
ما طلعنا و لا يوم لحد بعد التحرير و احنا بالكويت
زوجي و اهله كانوا اسرى كلهم و حماي الله يرحمه كان معاهم و ما ردوا الا رفاته قبل 5 سنين
الله لا يوفقهم دنيا و لا اخرة و يبون يطيحون قروضهم يعل يطيح من عمرهم ان شاء الله

الله يرحم ولد عمتج وحماج ويجعلهم من الشهداء
وكل الشكر حبيبتي على المشاركه

 

[!! znob !!]

ما كنت مولوووووده :d


بس اللي اعرفه إن فقدنه 4 من عايله أمي بس أبوي حمدالله ولا أحد



يسلمووؤوؤوؤووؤ

 

[حناينq8]

ما كنت مولوووووده :d


بس اللي اعرفه إن فقدنه 4 من عايله أمي بس أبوي حمدالله ولا أحد



يسلمووؤوؤوؤووؤ

الله يرحمهم يارب

ومشكوره على مشاركتج حبيبتي

 

[فطـــومه]

انا كنت بويضه ببطن امي ليلحين :ggdw:

بس اختي كانت توها مولوده ,,

و اهلنا ما طلعوا من الكويت ,,,

و عمي خذوه اسير و ردوه الهلال الاحمر او شي جذي ما ادري ,, :eh_s(6):

 

[q8-SoOoFi-q8]

كنا صامدين وما طلعنا
وطبعاً اذكر كل شي كإنه أمس صاير
الله لايعيدها من أيام
ويحفظ الكويت من كل شر ...​

 

[حناينq8]

انا كنت بويضه ببطن امي ليلحين :ggdw:

بس اختي كانت توها مولوده ,,

و اهلنا ما طلعوا من الكويت ,,,

و عمي خذوه اسير و ردوه الهلال الاحمر او شي جذي ما ادري ,, :eh_s(6):

لا لازم تدرين وتعرفين كل شي عن الغزو سواءا اللي صار حق اهلج او حق الكويت
وحياج الله حبيبتي

 

[حناينq8]

كنا صامدين وما طلعنا
وطبعاً اذكر كل شي كإنه أمس صاير
الله لايعيدها من أيام
ويحفظ الكويت من كل شر ...​

اللهم امين
وكل الشكر حبيبتي على مشاركتج

 

[MOOON&M]

كناا صاااااااااااامدين
كان عمري سنتين ونص وقت الغزو
وما اذكر شي

 

[قـــمـــرهم]

اناا كاان عمري 5 سنيين




مااا اذكر ولااا شي



بس طلعنااااا مااقعدنا بالدييره ...


بس عمااني وخوااالي وابووي الريااجيل يعني اقعدووا بالديييره يدااافعوون عن ديييرتهم ...


وكل مااا اذكر سوااالفهم عن المقااااومه والله افتخـــــــــــــر فييهم صج انهم أبطاااااااااااااااااااااااااااااااااااااااااااااااااااااااااااال ..


الجنوود المجهوووليييين....

 

[حلولو بالعسلسل]

انا بصراحه عقب بسنتين انولدت يعني الحين عمري 17 بس اهلي كانوا صااااامدييييييييييييييييييييييييين وابوي خذوه اسير ورد عقبه بشهر والحمدلله انه رد بس كل مااشوف الصور ابجي والفيديوات واي صج صج ودي لو كنت مولوده وانا لاني من مواليد 92

 

[حناينq8]

اناا كاان عمري 5 سنيين




مااا اذكر ولااا شي



بس طلعنااااا مااقعدنا بالدييره ...


بس عمااني وخوااالي وابووي الريااجيل يعني اقعدووا بالديييره يدااافعوون عن ديييرتهم ...


وكل مااا اذكر سوااالفهم عن المقااااومه والله افتخـــــــــــــر فييهم صج انهم أبطاااااااااااااااااااااااااااااااااااااااااااااااااااااااااااال ..


الجنوود المجهوووليييين....

مشكوره يا قمرهم على المشاركه

 

[حناينq8]

انا بصراحه عقب بسنتين انولدت يعني الحين عمري 17 بس اهلي كانوا صااااامدييييييييييييييييييييييييين وابوي خذوه اسير ورد عقبه بشهر والحمدلله انه رد بس كل مااشوف الصور ابجي والفيديوات واي صج صج ودي لو كنت مولوده وانا لاني من مواليد 92

الله لا يعيد الشر
ومشكوره حبيبتي على مشاركتج الغاليه

 

[وهج الحب]

أظن أكبر وحده ( عمريا ) تكتب بها الموضوع أنا و بكل فخر لأن عمري الحين 52 يعني وقت الغزو 33 سنة
و أظن إني أكثر وحده تبهذلت بالغزو ( بدون نكران فضل الشهداء اللي في أعلى مكانة )
من ليلة الغزو ما نمت - و من الساعة 5 الصبح تبهذلت و هانوني عيال الـ....... ، تواجهت معاهم و أنا رايحة الوزارة و كان ممكن يقتلوني لأني تحديتهم بس الله كتب لي عمر لكن لأول مرة بحياتي أتعرض للإهانة
و من لحظتها و أنا بمواجهة ورا مواجهة بشوارع الكويت و ما رديت بيتي و اضطريت أترك عيالي و أطلع من الكويت ،،، بس رديت دخلت بيوم 31/ 8 و صادوني على الحدود و كان مفروض يعدموني لكن ربي كتب لي أعيش و فلت من إيدهم
و تواجهت معاهم بدون خوف مرة ثانية و كانت لي مشاركاتي الصغيرة مع أبطال مثل اللواء محمود الدوسري و الفجي و الشيخ طلال الفهد و غيرهم ،، تحديت منع التجول و طلعت أنصاص الليالي لأني حافظة شوارع الكويت
و رديت طلعت من الكويت بس أخذت عيالي و ها المرة عن طريق البصرة و إيران و ربي ستر علينا دخلنا بالغلط حقل ألغام و انكتب لنا عمر ،، و طبعا الإيرانييييييين ما قصروا بهذلة فينا و إقامة جبرية و مصادرة لجوازاتنا ،،، لكن قدرت أنحاش منهم بعد ما نمت بشوارع طهران و على الرصيف
رحت الإمارات - دبي تحديدا و عشت مغامرة مرعبة أكثر ،، مطاردة من كاولي كردي ما أدري شنو كان يبي ، و مطاردة من كويتييييييييييين حاولوا ياخذون مني أفلام تصور عمليات للمقاومة الكويتية حتى يبيعونها على وكالات الأنباء و بدم عيالنا ينغنغون حالهم بالدولار ،،،
و سافرت إلى الظهران بعد ما تركت عيالي عند ناس إماراتيين طيبين و عشت بهذلة من نوع ثاني و الأبطال كانوا كويتييييييين في قمة النذالة - و ببركات اللواء عبدالحميد الحجي و أمير منطقة الظهران عديت الظرف و تهيأت لدخول الكويت بس منعني الله يرحمه الشيخ علي الصباح - بوثامر خوفا على حياتي لكني دشيت من حفر الباطن بعد شد و جذب مع الشيخ أحمد الحمود
و صادوني قوات الكلب -أعزكم الله - بس عبرت الحدود و عشت رعب من نوع جديد بين السجون و التحقيق و المعتقلات - و المصيبة كان معاي مبالغ مالية كبيرة - من حلالي - علشان أعطيها للمحتاجين بالكويت
و بعد 3 أيام من العذاب ربي كتب لي النجاة و طلعت لكن اللي معاي لليوم ماردوا و هقوتي إن ربي أكرمهم بالشهادة
سويت اللي علي و طلعت من الكويت من منفذ النويصيب باللف و الدوران و رحت السعودية و تنقلت بكذا مكان فيها بعد ما جابوا لي عيالي من دبي و مع فجر التحرير تركت عيالي بالسعودية و دشيت الكويت مع القوات الأميركية و شفت مناظر ما تنساها الذاكرة لكن رغم مرارتها إلا إن شوفة الوجوه الطيبة - الكويتيين الصامدين و هم يحيوننا بالموكب الكبير بكاني من الداخل مثل ما بكيت يوم الغزو و لما سمعت خبر استشهاد شهيد دسمان البطل فهد الأحمد
و كان أبشع شي يومها خوفي من روحتي لبيت العايلة و ألقاهم ميتين - خصوصا إني سمعت إنهم اعتقلوا وحدة من خواتي و طلبوا أبوي لأنهم كانوا يبونهم يسلموني للعراقيين بس تالي دريت بعد ما شفتهم بخير إنهم إنكروا معرفتهم فيني و أبوي اللي يموت علي أنكر أبوته لي حفاظا على باقي خواتي و العايلة ،،،
ذكرياتي من الغزو تصلح فيلم سينمائي بس الفيلم الأقوى منه الحالة المتردية اللي نعيشها الحين لأن نفوسنا ما عادت نظيفة مثل قبل و لأن الطيبة - بعد ما كانت سمة الكويتيين - بدت تهجرنا و الله يستر علينا و على الأجيال التالية
و عذرا للإطالة

السلام:
الله يطول بعمرج ويعطيج الصحة والعافية ..بس يا اختي الواحد ما يعرف المعدن الاصلي الا وقت المحن ..والشباب اللي شفتيه يوم جاتكم المحنة بتشوفينه مرة ثانية بعيد الشر عن الجميع ..لو صار شئ شبابنا بخير بس لاهي ..والناس بخير بس لاهية الحين ..
ليش ما تكتبين لنا او في كتاب الاحداث اللي مريتي بها ترا نبي نعرف التفاصيل وكل من شاف شئ او عاشة لازم يوثقة عشان ما ينسى .. وتفألي ترا الدنيا حلوة ولازم تكبرين المنظار اللي تشوفين الدنيا فيه عشان ما تتعبين

 

[وهج الحب]

:

..اختي اتقول انها كانت بالروضــــه واااي كانت بيبي..^^
..و كانوا امدخلين بنات و اولاد كويتين معاهم بالروضه مادري اذا حد كان معاهم "روضة الشهاب" في دبي ..*

..ويراانا "جيرانا" كان عندهم بيت بس ما اسكنوا فيه وعطوهم لعائله كويتية اغلبها حريم و يطرشون لهم كل يوم العيش و اللحم غدا وعشا بس الله يسامحهم كانوا عزيزات نفس ما ياكلون من اكلهم كسروا بخاطرها و بس هاللي سمعته عن الغزو ..^^

..و الله لا يعيدها من اياااااااااااااااااام غبره..*


:

السلام:
ذكريتيني بأول شهر اشتغلت فيه وكنت صغيرونه دلوعة وكانوا في الشغل يحسبوني كويتية .. ما ادري ليش لاني جيتهم مع الغزو والا لاني مشقرة الشعر ...الا بعد كم يوم جاتني واحد ما شاء الله شحطة كبيرة وتلمني وتبكي انا تخرعت ثاني يوم لي وحاطيني بمدرسة ثانوية وهذي جايا تلمني وتبكي ..وانا احاول اهديها الا تقولي انها كويتية وتوها جايا من مصر ومسكينة تظني من ريحة بلادها ... فوق ما كانوا مدعلين الكويتيات ( لانهم شيطانيات ويقولون لنا لا احد يهاوشهم )) فوق ما انا ادلع ذي البنت اللي حبيتها وايد ...ويا حليلها تحجبت عندنا وبعد فترة من خلصت الثاني ثانوي اظن تزوجت ولد العيلة اللي كانوا ساكنين عندهم ..ومن سنتين رحت اعزي لقيتها الا تلمني نفس الامة وكانت تقولي ادفى حظن شفافته ..وقتها ..صج مسكينة ..
اما احنا اللي سكنوا بالبيت اللي سلمناه والله كانوا ناس معانا بكل شئ من اكل وتسوق ...بس يوم رحنا الكويت وكنا نبي نسلم عليهم يتعذورون بأسباب او ما يردون ويوم ردوا وعزمناهم ووفقوا يجون المطعم اختاروا هم المطعم وكان اللي بالابراج وفتها ( كان بالتسعينات ) لا وقالوا لنا احنا عشر اشخاص بعد ليش محددين الاشخاص مش عارفة .. ورحنا قعدنا ننتظرهم انا وزوجي وما جوا ..بس ما خربنا يومنا على شأنهم تغدينا واستانسنا ....لا وزوجي يقول للجرسون. ان اللي عازمينهم مات عندهم شخص ممكن تصغروا الطاولة وعاد كأنه متأثر !! ..بس من يومها ما اتصلنا بهم ابد ..واتمنى يكون احد منهم يقرا كلامي عشان اعرف ليش حددوا عدد عشرة يومهم مش جايين..:dddds:

 

[حناينq8]

مشكوره حبيبتي على المرور

بس ماعرفت شنو اصلج

ولا فهمت من سالفتج شي يخص الغزو على الكويت !!!!!!

 

[tolay]

بالكويييييييييييييت كنت

 

[كويتيه 1234]

كنا صاااااااااااااااامدييييييييييييييييييييييييييييييييييييييييين ولله الحمد
ماطلعنا كلش

 

[حناينq8]

حبيباتي

tolay
كويتيه 1234


كل الشكر على المشاركه

 

[لبلبة]

صاااااااااااامدة للنهاية وكان عمري 8 سنين واتذكر ليلة 1-8-90 زوج خالتي كان بالتجنيد اتصل على خالتي وقالها ان العراقيين راح يغزون الكويت وان قاعد يشوفهم من بعيد عاد احنا سألنا والكل طمنا وقالو لنا لا تخافون ما كو شي انشاالله
اتذكر اني قعدت الصبح على صوت الضرب ورحت صالة بيتنا وشفت امي واختي قاعدين يبجون وقالولي ان العراق غزت الكويت وابوي قال لنا يلا تزهبو بنروح السعودية بس امي ما رضت وحلفت انها ما راح تطلع من الكويت وقالت روح انت واخذ بناتك معاك بس اختي الكبيرة ما رضت وضليت انا معاهم وابوي طلع من الكويت مع عماتي راحو السعودية
عاد ثاني يوم رحنا بيت يدتي وقعدنا هناك والعصر رحنا نشتري خبز انا وامي ويدتي وخالي ويدتي الله يهداها قامت اتطول لسانها عالعراقيين لان طلبو هوياتنا ويدتي قالت له بديرتنا وتطلب هويتنا انت الغريب الي تحمل هوية مو احنا ولا يعصب العراقي وقالها اذا ما تحجيتي عدل بأسر ولدج الي اهو خالي عاد يدتي اسكتت
وهم بعد ثالث يوم غزو كنت مع خالتي بالسيارة ولا نوقف بالجسر على شان التفتيش ولا العراقي يقول حق خالتي شفتي جابر اخذ كل الاكل الي بالجمعية وانحاش ولا تقوله انتو الي بقتو الاكل يالبواوقه ولا يصرخ عليها بصرخة والا ابجي عاد يوم شافني ابجي قال حق خالتي انا راح اخليج تمشين عشان الياهل الي معاج والحمدلله طوفنا
وفي بعد يوم من ايام الغزو لو شيصير ما راح انساه ولد جيران يدتي صادوه وهو يكتب عالطوف وشفت بعيني شلون يروه مثل الخروف و طقوه طق الي دمامينا غرقت الارض وهم بعد ما انسى يوم اشوف العراقيين يأسرون بعض الشباب الي بالشارع وهم بعد من المواقف الي ما انساها يوم شفت امي و يدتي بيطلعون مع المظاهرات وقلت حق نفسي خلاص ما راح اشوف امي مرة ثانية وكنت قاعد ابجي بجي بس الحمدلله خالي ما رضا انهم يطلعون مع المظاهرات
بس بصراحة في ايام بالغزو حلوه منها الايام الي كبرنا فوق السطح وايام القصف الجوي(تكفووووون لا تفهموني غلط) وبصراحة احلى يوم بحياتي اهو يوم التحرير

 

[لبلبة]

حناينq8 ممكن اعرف انتي مواليد اي سنة؟