انا ولله الحمد كنا صاااامدين ..
بس والله ياليت يااااليت .. يصيرون الكويتيين على قلب واحد مثل ماكانوا بالغزو
والله تنصدمون اذا اقولكم احلى ايام عمري بالغزو طبعا مااقصد الشي الشين بالغزو وهالسوالف ..
لأ ذكرياتنا .. بالغزو وشلون كنا مع جيرانا والفرجان الثانية والله ماتصدقوني اذا قلت لكم كنا نتمشى بالشوارع ونسوي رقصات ونغني عن الكويت لا ونسوي سيطرات هههههههههههه
ومرة جكونا جنود عراقيين واطلقوا علينا رصاص بس الحمدلله ماحاشنا شي ..
ابوي كان بالمقاومة وعمامي بعد ..
وامي ولدت بالغزو وااي مسكينه ويابت ولد وسماه ابوي جــابر فديته الجبري اخوي الغالي .. تخيلوا بورقة الولادة على قولة امي الحمدلله كانت ورقة كويتية وللحين عندنا الورقة ولونها وردي .. ابوي من كثر العناد كاتب اسم جابر بخط كبييييييييييييير عشان الكل يشوفه واللي وقعت على الورقه وحده كويتيه ينت لمن قرت الاسم وغطت الاسم عشان مايشوفون العراقيين الاسم وابوي يسوون فيه شي ..
واااااااي سوالف بعد وايد .. شقول وشخلي
كل هذا كوووم ووقت التحرير واستقبال بابا جابر الله يرحمه كوووووووووووووووووووووووم ثاني ..
وقت التحرير .. اتذكر شرطي وابوي .. كنا بشارع الخليج والسيارات ومسيرات وحدنا فرحانيين .. ابوي لاشعوريا نزل يكلم الشرطي قاله انت سعودي .؟ قال لأ انت بحريني قال لأ .. انت كويتي قال ايه والا ابوي يشبك علييييييييييييييييه حيل ويبجون والله احنا بجينا ...
وردة بابا جابر حبيبي غييييييييييير واي والله صج صج ذكريات ..
ووقت التحرير قبل الغزو كانت عندنا ملابس على اعلام الكويت ابوي ماحرقهم حرق ملابسه العسكريه بس ..
وحط ملابسنا هذيلا بالصندوق مال البيوت الحكوميه مال البريد ووقت التحرير طلعناهم ولبسناهم تخيلوا الناس كلهم ينوا واستغربوا يقولون حق ابوي من وين يبتوهم غير الاعلام
وكنت مجمعه ماي المطر بيوم التحرير بطل وكااان ماي ااسود من النفط اتذكر طلعت حطيت بطل ماي الصحه وانترس وخشيته وامي بعدين قطته حساااافه للحين متحسفه ..
واتذكر راديوا امي ولمن يوسف مصطفى يقول هناا الكويت عن طريق الاذاعه السريه وااي شعور غريب غرررررررريب
لا وعندنا اشرطه امي مسجلتها من الغزو من الراديو هذا الاخبار وحتى كلمه هنا الكويت كل شي مسجله والاغاني
واذتكر اول مطربه غنت حق الغزو على الرغم من انها عراقيه بس تموت بتراب واهل وريحة الكويت ومازالت تذكر هالشي بكل لقاءاتها المطربه (( ربــــاب ))
واتذكر اغنيتها شدوا الحيل الكويت صاحت بليل .. شيب وشباب احنا والله لو صحنا ...
واتذكر شريط ولد الديرة اللي قلد فيه صدام لووووووووول
ادري طولت عليكم بس ودب اكتب بعد ودي اسولف ..
وللحين فيه واحد بعايلتنا متعوق من الغزو مايدري شيصير حوله .. عذبوه وردوه مسفه مايفهم شي والسبه شريط فيديو مسرحية كويتية قبل الغزو
عقب كل اللي سووه فينا .. ونقدم لهم مساعدات وامدادات لاولا يذكرونا بالخير .. لا ونقول حرام اللي يصير فيهم والله قلوبنا رهيفه وعلى نياتنا احنا يالكويتيين
فديت طيبتكم 
وااااااااااااااااااااااااااااااااو يا غلاي محمد
تدرين وانا اقرا كلامج حاشتني قشعريره وشعري ينبي كش وحسيت وكأني عايشه ايام الغزو الحين
انا معاج بكل كلمه قلتيها صحيح ان كنا بغزو ورعب وخوف بس والله انها كانت احلى ايام حياتي لمن كنا كلنا على قلب واحد وشبابنا بهالايام اثبتوا انهم رياييل
ويوم التحرير اتذكر المسيره اللي كنا طووول اليوم فيها
الصراحه اشكرج من كل قلبي على مشاركتج المميزه
