و اخيرا لقيت الرجيم الي يرضيني

[كل الي ابيه صحتي]

sugar_vanilla:
الله يعافيج حبيبتي و الله من ناحية 5 كيلو فيعتمد على جسمج يعني اذا كنتي انتي ضعيفه ممكن بس تنزلين 3 اما اذا كنتي نفس المحروسه "انا" خخخخخ راح تضعفين 5 او اكثر بشويونه
اي و من ناحية الرياضه انا امشي وايد بالجامعه يعني حتى لو قالي ما راح اسوي و اهوه اساسا ما قالي سوي و لا شي بس عطاني نظام و شاي اعشاب و بس
اذا قالي على طول راح اقولكم و اتوقع اهوه ينطرني انزل شوي من وزني بعدين ابدي الرياضه لانها تقلل من سرعة نزول الوزن لانه الجسم يخزن ماي و يكسب عضلات انشاء الله اكون جاوبتج على كل اسئلتج
و بعدين اسم الله على جبدج انتي امشي على الرجيم و الله كريم و رياضتج كافيه ووافيه بعد لا تزيدينها

 

[SuGaR_VaNiLLa]

مشكورة حبوبة على الرد
رفعتي معنوياتي
ان شاء الله بلتزم بالنظام واشوف جود اضعف
انا راضيه ب 5 كيلو طول رمضان مو طماعه
بس المهم اضعف

 

[رند]

مشكوووره حبيبة قلبي عالرجيمم
وانشالله توصلين لل65 بصحه وعافيه

 

[كل الي ابيه صحتي]

سكر فانيلا:
آفا عليج بمشيئة الله انتي نازله هل 5 كيلو بس التزمي و لا تحاتين ترى اهم شي النفسيه و اي سؤال انا حاضره
الفاتنه_الصغيره:
اسمج حلو مشكوره يا قلبي على الدعوه و انشاء الله تستفيدين من الرجيم ترى حلو و سهل

دعواتكم حبيباتي اهيه الي تشجعني ماني عارفه اشلون اشكركم و انشاء الله كلكم تكونون بصحه و عافيه
دمتم لي سالمين

 

[Q8_DeSiGnEr]

بالتوفيق حبيبتي وان شاء الله ما يصير العيد الا انتي غصن البان

 

[SuGaR_VaNiLLa]

باركيليييييييييييي نزلت نص كيلو واو وناااااااااسه

انا طبعا ماشيه على النظام مع مشي قبل الفطور
وبيوم واحد نزلت نص يعني اذا تميت جذي احتمال انزل 5 باسبوعين واي مو مصدقة

بنات عفية قولوا ماشاء الله ههههههههههه

 

[كل الي ابيه صحتي]

Q8_designer:
مشكوره حبيبتي على الدعوة واو غصن البان مره وحده .................. مناتي
suger_vanilla:
مبروك على النص كيلو ترى يسوووون شغل يعني نص على نص يصير كيلو و هلما جرى الله يوفقج و توصلين الي تبينه

دمتم لي سالمين

 

[أم طه الحولة]

الله ودي اسوي ريجيم بس ماحب الريجيمات اللي تيوع الواحد .. احب الريجيم اللي فيه بلعة بس بدون سعرات عالية ماب اعيش نهار كامل على تفاحة وزيتونة !!!! لا للريجيم القاتل

 

[كل الي ابيه صحتي]

الاصايل:
هلا و الله فيج اختي
جربي هذا الرجيم و ماراح تندمين اصلا من اول يوم الى يومج هذا انا تميت الاسبوع الثالث الحمد لله و لا اله الا الله ما حسيت باليوع بس انا يبيلي طريج مع الرجيم فمن جذيه احيانا اتملل بس انه ابد حشا ما حسيت باليوع.

يا جماعه موعدي باجر هالله هالله بالدعوات السنعه كالعاده ودي انشاء الله هذي المره 2,5 على الاقل يبيض الويه لاني بالاسبوع الثاني بس نقصت 1,5 حده احباااااااط:eh_s(13):

 

[Brounzi_girlly]

شلونج حبوبة بس بغيت استفسر هذا الريجيم يصلح حق الأوزان الي بالستينات
مع تحيااااااتي.........

 

[كل الي ابيه صحتي]

Bronzia_girl:
هلا و غلا فيج اي حبيبتي يصلح حق الي فيها زياده بوزنها سواء كانت زايده 5 كيلو او 30 كيلو ما يفرق دام جسمج زايد اما اذا كان وزنج مثالي صدقيني ما في رجيم بالعالم يصلح لانه يكون النزول حيل بطيء .
اوكي اشوفكم على خير

 

[كل الي ابيه صحتي]

السلام عليكم
ابشركم نزلت كيلو و نص عاد الحين على قولته دام تعود جسمي على قلة الاكل فهو راح يقلل بعد الاكل الي آكل علشان انزل 5 الى 6 كيلو في اسبوعين و هذا النظام :
الفطور:
3 تمرات + كوبين ماء+ شوربة خضار مع خلاصه الخضار من ارض الطبيعه لانها خاليه من الدهون طبعا لج حق من كوب الى كوبين
بعدها قومي صلي علشان تاكلين الوجبه الرئيسيه
3 ملاعق من ما تشتهين + سلطة خضار+ دايت او كوب ماء
1 سمبوسه او 1 كبه عباره عن ملعقه
طبعا اهوه نصحني اني و انا بنص اكلي آخذ حبه وحده زينكال
بعدها اشرب كوب شاي اعشاب

الساعه 9:
_ 2ملعقه حلو
_ 2 فاكهه

السحور:
- روب و خيار + 1-2 فاكهه
- ماعون رقي
- 4 شرائح اناناس
- سلطه خضراء+ اما همبرجر مشويه او تونه بالماء او (2 شريحه جبن قليل الدسم + ملعقه شرائح زيتون) + دايت او ماء

و نصحني امشي لمدة ساعه قبل الفطور

و دمتم حبايبي بصحه و عافيه

 

[xxx]

مبروووووك النزول والفال للجميع

 

[طيري الأخضر]

بالتوفيق​

 

[منوله كويتيه]

ماشالله عليج وبرافووو على صمودج

انشاء الله تستمرين وتفرحين بصحتج ورشاقتج ،، والله فرحت لفرحتج لنفسج ،، الله يديمها عليج فرحه قولي آمين

انا عندي بنتي عمرها 13 سنه مضيقه خلقي لأن وزنها واااايد زياده عن اللي مفروض يكون أظن يبيلها تنزل 30 كيلو ،، اهي اللي مساعدها طولها ماشالله بس هم متينه وتعبت وانا اكلمها وانصحها بهدوء ووديتها لدكتورة تغذيه بمستشفى السلام وليوسف الخضر ولمحمد ربيع تمشي يومين على الرجيم وتالي تخوره عدل ،، وماترضى تمشي مع ان جهاز المشي عندي بالبيت ،، واحسها مكتئبه بسبب وزنها بس مااااااااااااااتساعدني

يقولولي اني لازم اسوي ريجيم معاها ( مو أنا بعد بلوه) وامشي جدامها وبروحها بتقلدني واتوقع كلامهم صح

انا برمضان ماقدر على ريجيم مع اني مخففه الأكل وايد وخافه 3 كيلو لكني شفت لهالدكتور مقابلتين بالرأي العام وحسيت ان ممكن ينفع بنتي لانه هادي باسلوبه ومايستعجل عليج بالنزول ،، هذا احساسي فياريت تنصحوني شسوي معاها ؟

 

[$$مذهلة$$]

موفقه حبيبتي وإن شاءالله توصلين الوزن اللي تبينه

بعد العيد وبعد مااصوم الدين والست بروح له مني لي ذاك الوقت بشوف

شيصير معاج وجم نزلتي

والله يعطيج العافية

 

[كل الي ابيه صحتي]

بنت الكويت:
مشكوره و الفال لج
منوله كويتيه:
اقولج تدرين احسن تخلينها لما اهيه من نفسها تقول ابي انزل وزني لانه اعتقد اهيه لما تروح معاج حق الدكاتره تحاول ترضيج لانه انا كنت اسوي جذيه لما كنت بسنها و الاكتئاب جزء من مرجلة سن المراهقه لازم اهيه اتقرر انتي المهم توفرين لها المحيط المناسب حاولي تطبخين طبخ صحي و اتحطين الفواكه و الخضار بمكان قريب اما الخرابيط و الكاكاو تشترين بس حق يوم واحد بالاسبوع و تيبينه على حسب ذوق كل واحد و طبعا حبه وحده بس بصراحه هذا الي كنت اتمنى اهلي يسونه حقي
و صدقيني انج لما تبينين انج متحبطه منها لانها متينه طوووول عمرها ما راح تضعف لانه انتي قدوتها و لما تشوفج ما تثقين فيها ماراح تثق في نفسها
مذهله :
هلا و غلا اقول احسن تروحين له لما تكونين مستعده لانه لازم تلتزمين انا نزلت بعد 3 كيلو يعني برمضان نزلت 6 كيلو الحمد لله و انشاء الله الفال لج
طيري الاخضر:
مشكوره حبيبتي

 

[june_m00n]

السلام عليكم ورحمة الله وبركاته
الف الف مبروك النزول وعقبال الوزن اللي تبينه

انا اخذت رقم الدكتور وانشالله لي زياره
خبرج الحال من بعضه
ويارب ويارب ويارب نضعف كلنا ويقولون عنا ترا هذذيله كانو اشمتنهم بس مشالله ضعفوا
وااااي جان زين
يارب يارب

المهم واصلي ولا تملين وانا انشالله على دربج من السائرين
بالتوفيقققق

 

[بنت الحزن]

يسلمواااااااااااا

 

[كل الي ابيه صحتي]

june_moon:
مشكوره و الله يوفقج صدقينهه يبيله اراده رجيمه و وايد حلو و انشاءالله يعجبج
بنت الحزن:
الله يسلمج و يخليج

بنات عيدكم مبارك و ابلغكم خبر ترى خلاص انا ما راح اروح حق الدكتور لظروف خاصه سامحوني انا راح ارد على البرامج الي عطاني اياهم لما اضعف للوزن الي ابيه و الله كريم