و بعديييين وياها ؟ ( لو انتي شتسويين؟ )

[سفيره الهم]

الله يعينج وحاولي ما تاخذينها معاج السوق

 

[Stylista_Q8]

لا تودينها معاج السوق

ولا تعلمينهآ من وين شريتي غريضآاتج وانتهينآ ^^

 

[حبيبة سليمان]

واي الله يعينج عليها

انا اقول قطيها ابيها وافتكي

انا مثلج عندي بنت خالتي حتى بطريقت كلامي تقلدني

قطيهاااااااااا بالويه

 

[ليمونه حلوه]

ذكرتينى بمرت اخوووى .. من عمرها وهذا طبعها .. تقلد بكل شى واى شئ ... لاعت جبدى منها

حتى بالفون .. كرهتنى بعمرى .. وانا اقطها بوجها وتدرى انى ما احب احد يقلدنى .. صارت تتليعن وتقصدها ..

هالنوعيات .. الذوق منعدم عندها ما تعرف تشترى .. تلاقينها بس تقلد العالم ..

<< قلبها مترووس

 

[يمة يادلبي]

خخخخ شكلها متعمدة اتنرفزج
انتي سوي روحج مو مهتمة ولا تروحين السوق واهي معاج واذا يات لا تشترين ولا شي ولا تعلقين على ولا لبسس عشان لا تقلدج واذا ماكو فكة منها وقلدت ونسي عمرج وقولي انا ستايل واهبل وكل من يقلدني

 

[Qumaar]

لا تاخذينها معاج السوق
وحتى لو بتروحون لا تتفقون جدامها عشان ماترز ويها
واذا صار وراحت معاكم لاتشترين ولا عود جدامها

واذا شافت شي عليج واسالتج من وين ؟
قوليلها مادري نسيت

عدل كلامج

حبيبتي مافي الا هالحل معاها

 

[جوري الزبير]

حياتي الله يعينج ههههههههههههه انا عانيت من وحده جذي بس الحمد لله مو زوجة اخوي لا زوجة حماي 000
اول شي اهي ما قلدتج الا انها عارفه ان ذوقج حلو ومحتره 00 شي ثاني الي انا سويته اني قطيت كلام مره ان عاااادي اذا وحده شافت شي وشرة مثله يوم قالت لي بنت خالتي انها لابسه الدراعه الي انا شاريتها بااااااااااااالضبط اهي 00 قلت جدامها ترى عااادي بنات لا تفكرون ان الموديل يعتمد على شكل الدراعه لالالا يبه 00 الجسم يغير وايد بتفاصيل الموديل يعني الحين انا وفلانه الي اهي زوجة حماي ههههههه دايم تاخذ نفس موديلات دراريعي وحتى البجايم بلبيت بس عاد فرق سايز الصمول من اللارج ههههههههه اهي مليانه وخابه عمرها لازم تاخذ نفس موديلاتي 00عاد اهي هني احس صااااااااارة تبي تنفجر ومن يومها مااااااااااااقلدة ولا شي من لبسي او مشتراتي00
عاد بنات والله ماني شريره جذي بسسسسسسسسس حدها حرتني حتى قرقيعان عيالي لما اسمعت الفكره تفاجات انها مسويتها حق ولدها بس الحمد لله ان الكل قال شغلج غيرررر 00 عاد هذه نصيحتي لج طقيها بوجهها

 

[بمبة المفترسة]

عندنا وعندج خير
لا والمشكلة اني مو عاجبتها بعد وتقلدني

 

[تنايفـ]

واي شعور خايس الله يعينج موحالة هذي كلما تلبسين شي تنسخة منج ملاقة .. لاتروحين وياها السوق ولاتعلمينها من وين تشترين شغلج واذا اسئلتج قولي مادري شاريه من زمان وفكي روحج منها

ذكرتيني بسالفة وحده وياي بالكلية (مومثل سالفتج كلش بس مادري لما قريت موضوعج ذكرتها ولييتني ماذكرتها)
كنا رايحين مع بعض السوق وشافتني انقي ملابس من جم محل .. تدرين شقالت لي؟
ويع ذوقج موشي يبيلج جم فرة وياي بالسوق اسنع ذوقج امبي خايسة خايسة من ذاك اليوم وانا كارهتها قليلة ادب .. اعجبتني نظارة شمسية امبوريو ارماني في منها لونين وردي وازرق .. عجبتني الوردية جان تقولي واي نتي تضحكين شنو نظارة شمسية وردية وتطنز علي .. ويع قطيعه ما حب اتذكرها
​

 

[لذكرى سأبقى]

عندي فكره شريره بس اخاف تدعي علي
قولي لها او خلي احد يقولها ان البنات يقولون مسكينه ماعندها لبس
كل لبسها من فلانه وانتبهوا اذا فلانه البست لبس هي تلبسه مره ثانيه
الله يجزاها خير تعطيها ملابسها

 

[miss_jamsheer]

اوكي لاتشترين بدل كامله اخذي قطع وركبي ولاتقولين لها من وين قولي نسيت او من زمان او لبسيها بعد فتره اتكون مخلصه

 

[om...al3ess]

واي شساالفتكم انتوا هاليوومين بهالمواضيع ياامرت اخوي اتقلدني يا حماتي يا مرت حيماي تغار مني بس عاد ........بسبس بس واي ماشالله عليكم حدكم ثقة بنفسكم الحمد الله والشكر يعني واي الذووق ماشالله الي اهي اتقلدج وحتى لو ما فيها شي مرت اخوووج اوووووووووف موضة يديدة بعد

 

[حورية الجنه]

مادري والله انا وحماتي دائما نشتري مثل بعض عادي عندنا حتى اذا راحت السوق بروحها
تشتري لها شئ تشتري لي معاها
بس الناس اشكال بعضهم مايحبون احد يقلدهم مثلا حماتي الثانيه ماتحب احد يشتري مثلها
والله يعينج

 

[ام فوااز]

الله يعينج بصراحه لو انا منج مااستحي منها اقولها اللبس يعبر عن شخصية صاحبه
انتي ماعندج شخصيه خلي عندج ذوق في اختيارج واختاري الشي الي يناسبج مو تقليد اعمى بكل شي
حركات بايخه الله يكون بعونج هذخ مو صدف هذه تتعمد

 

[نونه العنونه_H]

في حلول وايد..
اولاااااا لاتروحين معاها السوق
اذا شافت شي واسألت من وين قولي هديه او ما اذكر او مابي اقولج (جذي خليها اشكره)
ولا تعطينها ويه

 

[أستر البنفسج]

تدرين شتسوييييييييين ؟؟ :eh_s(10):


روحي السوق وأخذيها معاج ودوري لج على بدله معفنه وموديلها قديييييييم
وقولي لها اللــــه شحلاتها , عشان تشتريها وتحرررم تقلدج :krkrkr:

 

[zanobita]

مشكووورين عالردود بنات
اشوه في احد حاس فيني و مرتفع ضغطه من هالحركه
بس على فكره الي يقولون قطيها بالويه او مثلا اقول ترا البنات يقولون ملابسج مني و جذي عااادي عينها قويه ماعندها مشكله اهي ولله حبوبه و احنه ربع بس سالفتهه هاذي تغث و انا قمت كلش ماطلع وياها ...
الله يصبرني و يصبر كل وحده عندها وحده تراقب تصرفاتها و تفلدها بكل شي ....


نورتو حبايبي

 

[جوزائيه مغروره]

مو ضروري تاخذينها معاج السوق واذا صادف طلعتوا مع بعض لا تشترين شي جدامها وغافليها واخذي اللي تبين ولا تورينها كل شي

 

[غزااوي]

الله يصبرج والله ماتنلامين لو تنقهرين ..
بس صح حجي البنات لاتعلمينها من وين تشترين شغلج

 

[غزلان الشماليه]

حرام يمكن تحس انج ذوق عشان جذي تقلدج بعدين حاولي تكلمينها وقوليلها ان ذوقها حلو وخل تتميز بعيد عنج