يااااناااااس الحارج بس ماقدر اتحمل :""(

[Lady-_-fushia]

السلام عليكم بنياتنا الكروشات

شلـــــــــــــــــــــــــــــونكم ؟ عساكم بخير:yaaaaaarb:

بدش بموضوعي سيده عالمعتاد
بس بس بس ماقدر اتحمل الحارج
احس اني بموت منه وانا توني بنص المشوار يعني
بعدين شبصير!!

بتقولونلي حليب ماشوفه يسويلي شي
بتقولون رينيه كاني طول اليوم اخذ يشيل الحارج وانا اكله و عقب يرد بس تخلص
تكفون بس والله لاعت جبدي

مااقدر انام الليل والسبب الحارج و طول اليوم حارج قوي بالدوام
ماقدر اكل شي كله يهيج الحارج
يعني شنو اسوي !!!
امبيه حتى مادري شنو اكل !!
كل شي اكله اخاف يسويلي حارج و فعلا يسويلي حارج
الحين بتعشى و ميته من الخوف يصير درجه الحارج شي لا يطاق
ويقعد على جبدي
تعبت والله

عندي جافسكون و وايد مايمدحونه واللي يقولولي مايسوي شي واللي يقولولي طعمه خايس
يعني شلون
بليز عفيه شتسوون مع الحارج اللي يحوشكم امبيه والله نفسيتي حيل تعبانه
اليوم انا من الفير لي الحين وانا بس مع هالحارج اقوم من نص نومي حارج
واختنق وساعات كرمكم الله يزيد الحارج لدرجه ارجع بحلجي وانا نايمه واقوم مخترعه و شرقانه
صارت وياي مره و مره من غير ترجيع بس اختنقت و شرقت قمت من النوم اكحكح
عفيه تكفون ساعدوني (((((((
:eh_s(2): بليز...

 

[ساس الغلا]

الله يشافيج ياقلبي بس والله ماعرف للحارج بس كانه الحليب يخففها شوي

 

[om 7amoodi]

اكلي رمان او قشر رمان مطحون اخذي قفشه سف مع قلاص ماي وان شاء الله بترتاحين :eh_s(15):

 

[كوكي العسل]

كثري فواكه بالليل وشربي حليب بااارد

او روب مع خيار وايد زين

 

[Lady-_-fushia]

السف شنو اهوا؟

بجرب اللي تقولونه مع اني ماظن فيه حل

 

[الحرير]

ماتشوفين شر
الحال من بعضه

 

[ScarletteO'Hara]

غريبة حالتج عاد انا رينيه ينفع معاي
وحدة بوحدة
عاد انتي شوراج؟
كل ما رد لج اخذي لج وحدة
لان لج 16 حبة باليوم ما يضر
اهم شي يريحج
و الله يكون بعونج

 

[حلاي يخفي غلاي]

انا الحارج عندي من اول حملي ين اوووولد

لكن بصراحه الحليب مايسوي شي

انا كنت آكل خيار وكان يخف حيل

والبسكون المالح رووووعه للووعه

وربي يهون عليج

 

[Lady-_-fushia]

باجر بشتري خيار
شسوي بعد وبجابل هالرينيه

انا مو لوعه اللي معاي اهو الحارج
يعني حموضه المعده
الله يسهل عليج حلاي وعلي شنسوي والله
بس في حارج اقوى من حارج
وانا مو كل يوم يحوشني يعني يوم وترك يمكن
بس لما يحوشني يبدي وقت النوم و يجلب فيني لي ثاني يوم
وخاصه بالدوام يوصل لاقصى مرحله اللي خلاص ودي اذبح نفسي منه

 

[يا عيون سمي]

حبيبتي روحي الصيدليه في علك للحامل يغير طعم او حيلج بالحليب

 

[أم منورة]

سألي دكتورج اذا انتي بالخامس اخذي حبة الزنتاك وجنج جذابة انا على بنتي ةالحين بعد آخذها
واذا قبل الخامس في شراب خفيف الابيض مال المستوصف اسمه موكسال
هذي تجربتي لاني وصلت لي مرحلة مثلج يقعدني الحارج من النوم وساعات يسوي كحه
والله يسهل عليج

 

[تكفى يا حظ ركز]

الله يعين عالحارج. انا معاي من نص حملي والحين انا بالشهر الثامن وهم مستمر معاي
شوفي أنا دكتوري صرف لي حبوب مص مو بلع مصيهم. اسمها.
Cirkulin antacid lozenges
حلوين طعم الحبوب نعناع حلوه.تستخدمين لي اربع حبات باليوم عادي.بس دير بالج تنامين والحبه بحلجج.ترا ما يصير هو نبهني من هالشغله.

 

[MaRoRa]

حبيبتي أنا نفسج و طول الوق بس اتعلج في علج بالصيدليه و عقب ماقام يفيدني و حطي
حيلك بالبيذان الطري و البسكوت المالح توك اللي لونه اصفر

 

[ام الحلوااات]

كـــــلــــي خــــيــــــار بــــارد وشـــــربـــي حـــليــــب بـــارد وايــــــــــــد​

 

[Diva-Q8]

انا كنت اشرب حليب نص دسم او خالي الدسم احطه بالثلاجه او بالفريزر وقبل لا يثلج اشربه بااااااااااارد ومثل السحر يطير الحارج

 

[يارب يطيب عبود]

الله يعينك حبيبتي
ممكن الخيار يفيدك انا يخفف علي الحرقان
جربي

 

[Dan Dan 88]

والله نفس الشي حبيبتي ماذيني الحارج

انا اخذ لبن مراعي كامل الدسم يخفف شوي

 

[نجاة44]

هلا حبوبه
كسرتي خاطري ونفس حالتي بالضبط
تدرين انا مثلج بس مع بداية الثامن من قوته صرت ارجع دم
ورحت المستشفى ونيموني 3 ايام
سبب لي قرحه في المعده من قوته
هالحين الدكتورة كتبت لي حبوب اسمه اوميز يرحني
فانتبهي لنفسك وروحي المستشفى لاتصيرين مثلي بسم الله عليك

 

[كلاسيكال]

الروب والخيار واللبن ، والحليب و شوفي في علج بالصيدلية زين للحارج

 

[dlll3]

الرقي سمعت واااايد زين للحارج