يااااناااااس الحارج بس ماقدر اتحمل :""(

[ammoona]

انا كمان كان عندي والحمد لله خفت جدا،،،
لكن لازم تتعالج لانها مزعجة جدا وبتخليكي ما تكليش كويس ودا طبعا غلط علشان النونو
الخطوات دي هاخفف من حدة الحموضة انشاء الله:
1- كلي 6 وجبات صغير بلاش الكميات الكبيرة علشان الهضم بيكون بطيء.
2- عدم الاستلقاء بعد الاكل مباشرة.
3- تجنبي الاطعمة الدهنية والدسمة والحارة او كثيرة البهارات

واهم خطوة على الإطلااااااااااااااااااااااق وان شاء الله تخفف الحموضة جدا (انا مجرباها)
4- امضغى مكعبات ثلج ... والله بتريحك جدا وطبيعية ومفيش منها خوف مش زي الادوية

لو كل دا وما اتحسنتش الحالة :eh_s(2): يبقى خلي دكتورتك تكتبلك ادوية

ربنا يشفيك ويخفف عنك
اجر وعافية انشاء الله

 

[butterfly-m]

ذكرتيني بحمالي تخيلي انا من الثالث بدا الحارج لي الولاده والله من قوته كنت احس بناااار مكانه
عاد دكتورتي قالتلي عن علج اسمه تشووز chooz
وايد زين بس فيه نسبة كالسيوم قويه يعني مايصير تاخذينه مع حبوب حديد اذا انتي تاخذين لازم تخلين بينهم 4 ساعات
او قافيسكون عجييييب وثقيل وقوي بس انا ما كنت اتحمله من ثقله
الله يقومج بالسلامة انتي والبيبي​

 

[برنسيسة الشمال]

حبيبيتي الله يشفيج

اكلي موز على الريق مجربه روعه ولاتاكلين عقبها على طول

 

[كل الحلا فحبيبي]

انا بالشهر الثاني واحس بالحارج يعني عادي والا لازم بنص الاشهر

 

[dana1986]

عطتني دكتورتي حبوب اخذ وحدة بليل وحدة الصبح ريحتني شوي مو نفس قبل اللي احس بيطلع من اذوني
سالي دكتورتج وبالصيدليه في شي تشربينه علبته بيضا هذا ريحني بعد شوي انا ما كنت اقدر انام احوس بليل واحط لي حليب وثلج بس كان نص ساعه ويرجع

 

[زينانه]

انا جربت الموز والخيار والحليب و و و و كل شي قالو عنه
مانفعني الا


حبوب من الصيدليه اسمها
زانتاك ... روعه .. اكلي حبه عالريج وادعيلي
بالحمل ماستغني عنها كلللللللللش

 

[Mrs_s3doun]

ومنو قاص عليج قايلج لا تاخذين قافقسوون
اخذيه نصيحه انا الحين بالثامن وانا من الرابع الحارج ما يفارجني ودكتورتي عطتني هذا والله وايد زييييييييييييين امبيه اصلا ماعيش من غيره 24 ساعه بالجنطه مره نسيته بالبيت رديت وانا رايحه الدوام بالطريج رديت اخذته لانه يريح بدقيقه اذا ماراح قطي بالزباله وكل الادويه طعمها خايس شي طبيعي وراح تتعودين على طعمه والله نصيحه اخذي
وادعيلي وبعدين بعدي عن الاجبااااااااااان والطماااااااااااط انا اكتشفت هذا اهو الي يسبب الحارج عندي .

 

[fatomd]

moxal tab
من المستوصف مثل المضغ طعمها برميت حلو كنت اكلها من الخامس لي الولاده
الحال من بعضه الله يعينك ماكو حمال سهل
و zantac or losec
بس هذيل لازم بعد السابع
الجافيسكون يصلح عادي بس انا ما احب طعمه اخذي الحبوب منه نفس المفعول

 

[fatomd]

انا بالشهر الثاني واحس بالحارج يعني عادي والا لازم بنص الاشهر

عادي كل وحده غير الله يعينك من الثاني:krkrkr:

 

[temari77]

شو يعني الحارج

 

[zntoosha]

حبوبه في دوا شراب واايد زين حق الحارج روحي حق دكتورتج تكتبه لج بس والله مو حاضرني اسمه اختي تستعمله و وايد تمدحه

 

[kuwatiya]

جربت كل شي حتى الرمااان قااام يخليني ارجع حموووضه

الحليب يورخره وتالي الليل ريجع واقعد ارجع نفس حااالتج

بس لقيت الحل الحمدلله بمستشفى الصباح

دووا اسمه ألوكسال ابيض ثقيل من داخل

ومن بره ابيض واخضر

وانشالله اكوون فدتج ​

 

[ساشا]

انزين مانفع معاج مولاكس

شراب ابيض بطل كبير

يريح ..

انا كنت استخدمة بالبداية وريحني حيل بعدين

صار عندي مناعة احس ماقام يفيد

وعلموني على رينيه (اينن) تم زين معاي

الله يشفيج عاد الحارج يقولون الاطباء مثل مية النار لو يطيح على الشفرة الحلاقة يذوبها

وانتي كل مايصعد على المريء يحرقج

حاسة فيج والله

لا تشربين حليب وروب ... في دكتور يقول الحليب والروب يطفي الحارج بنفس اللحة ويشعله بعد مدة اكثر مما كان عليه

احسن اكلي خيار والبسكوت مالح على الريج

 

[Lady-_-fushia]

مشكورين بنات بسجل اغلب اللي قلتوهم و بجرب بعد شسوي
عاد ماشاء الله كل وحده قالتلي شي غير الثانيه شكله كل حامل لها شي ينفع وياها
الله يعينا والله ويسهل على كل الحوامل
انا اقوم من النوم ساعات ارجع حموضه وان شاء الله مايصير دم وقرحه مثل ماقالت وحده من البنات
الله يستر

 

[مهره اليامي]

والله يااختي اني نفسك بس انا توني بالثاني وذابحني الحارج حتي صرت اخاف من الاكل ورحت وشريت ايس كريم التوت المثلث اللي ب50 فلس القديم مال شركه الكي دي دي والحمدالله ارتاح شوي او تقريبا اليوم كله وعقبها اخذت كرتون وحطيته بالفريزر عندي وكل ماحسيت بالحارج قعدت امصمص فيه كني الجاهل والحمدلله ابشرك احسن من قبل

 

[مسك وطيب]

عــــــن تــجــربــة وأدعــيــلــي لــولــيدي بالعافيه

عليج بالرقي ,,, حطي عندج صحن رقي بااااااااااااااارد واكلي منه وألحين موسمه بالصيف وزين كله ماي بيفيدج اكثر

وعسى الله يسهل على كل حامل يارب

 

[khulod80]

أختي الكريمة خلي وجبات الاكل خفيفة وكلي عدة مرات باليوم من خمس إلى ست وجبات المهم تكون خفيفة
ومايكون فيها حوامض أو بهارات
وعندك الحليب البارد متل ما قالوا الأخوات كمان ممتاز
وعليكي ألف عافية ..........

 

[حمامة مكه]

انا في حملي كنت اكل حب حب يعني بطيخ على كلام المصرين

بس يكون بارد

الحليب والادويه ما طيقهم وانا حامل

الله يهون عليكي وتعدي ها الشهور وتجيبي احلى بيبي يارب

 

[مدرسة مستقبلا]

الحال من بعضوو الله يشافيج يا رب​

 

[حرم بدر]

انا باخر جم يوم بنهاية الثامن يانى حارج
واللحين دشيت شهري والحارج ذبحنى



عاد كل ما شد علي شربت حليب بارد اوف تحسين حرقه بالبلعووم