رد : يااا جعل حوبتي ماتعدااك ياااا ............. (اخــــــــــــوووي)
مرحبـا يا عسل ^_^
وشلوونك عساك بخيــر ..
شوفي يا قلبي , المشكلة آللي مريتِ فيها و إن كانت قاسية عليك و وقعها ثقيل على نفسك إلا إنك تأكدي إنوهـ قلما يخلو بيت منها
يعني أنـا كـ أقرب مثال ,, كنت أخاف من أخواني ,,
مرّة يعني و فارق السن بيني و بينهم كبير تقريباً مثل فارق السن آللي بينك و بين أخوك
كنت أخاف كثير و حقوقي مهضومة بشكل ما تتصورينوهـ ,, الشي آللي ما أبيه ما أقدر أقول عنوهـ لا ما أبيه
أسمع كلامهم بآللي أشوفوهـ صح و بآللي أشوفوهـ غلط ,, أخاف ما أنلام !! فيه حاجز كبير بيني و بينهم !!
و هذا الحاجز هو آللي تسبب بكمية الرعب هذي آللي تخليني في كل مرة أجمد لساني بشكل ( لا إرادي ) لامنهم كلموني
و طلبوا مني شي ,, لكن إلى متى و هذي عيشتي ؟ إلى متى و هذي حياتي ؟
ذولا أخواني ( عزوتي ) من بعد عين أبوي ما لي سند بذا الدنيا غيرهم !!
ما أقدر أطلع من دونهم , ما أقدر أسافر من دونهم ,,
عرفت و استوعبت أخيراً إنهم كل شي بحياتي ,, و عرفت بعد إني غلطانة كثير و آخذتن الأمور بحساسية
و إنوهـ السبب في نشوء هذا الحاجز بيننا هو ( أنــــــــا ) !! إيـه أنـا !!
أختي الكبيرة تختلف عني !! أختي الكبيرة مطيحتن الميانة معهم !! و أنـا لا , أنـا أخاف أنا أستحي أنـا ما لي كلمة
أنـا لا أقول إيـه و لا أقول لا ,, مرة بعيدهـ عنهم , عايشة جو بلحالي ,, أفكر إني أبعيش على طول بلحالي
و إنوهـ ماهوب جاين اليوم آللي أحتاج فيه واحدن من أخواني يآقف معي بمشكلة طحت فيـها !!
قررت أغير نفسي ,, و أكسر الحاجز آللي بيننا لأنوهـ أزمني نفسيّـًا ,
صرت أطنش أي تصرف مستفز من قبلهم ,, أمشي و أتغاضي و أصفح .. و أبادرهم بالسلام ,, أبادرهم بالكلام
كنت أستحي و أحسها صعبة ,, لكني كنت أدري بعد إن العلم ( بالتعلم ) و إني أبتعب بالبداية و قد ما أجد النتيجة آللي ودي بها
لكن مع الإستمرار و شيء من الإصرار قدرت أغير علاقتي معهم ,, و صرنا ما شاء الله سمنة على العسل
صرت أرسل لهم رسايل ع الجوال ,, و أسلم عليهم ,, ( أول ما أتجرأ أسووي كذا ) أستحي , أخاف !!
سمعت أنشودة أخوية رائعـة رحت أرسلت كلماتها للأخوي ,, يااااااااهـ !! وش كبرهـا عندهـ ؟
كثير فرح ,, كثير انسبط ,,
لامني شفته أسلم عليه و أحتفي بشوفته كأني ما شفتوهـ منذو مبطي !!
أجلس معه ,, أسولف ,, أحاول أفتح مواضيع ,, أتماشي مع تفكيرهـ , شووي شووي إلى أن تغير الوضع 180 درجة ,,
صرت الكل بالكل عندهم ,, صرت العزيزة الغاليـة ,, صاروا يفتحون لي قلوبهم و يثقون بي و يرمون علي بالثقة و الإعتماد
اكتشفت إني أنـا السبب في الحاجز هذا ,,
شوفي حبيبتي ,, خوذيها مني ,,
تغاضي عن حركات أخوك و إن كانت مستفزة ,, حطي في ذهنك إنوهـ فارق السن يلعب دور ,
( ليس الغبي بسيد قومه ,, إنما سيد قومه المتغابي )
طنشي قد ما تقدريـن , حاولي أنتِ آللي تبتدين معه صفحة جديدة ,,
و زي ما قلت لك إنك بتتعبين بالبداية بس كلش مع الإصرار و الـ ( دعاااااااااء ) يتغيّر
و هذا أخوك مهما كان لا تدعين عليـه يا الغالية , باكر أي شي يصير بوهـ بتتحسفين و تجلسين تبكين
ادعي لوهـ بالهداية لا تدعين عليه ,, لا تسمحين للشيطان إنوهـ يوزك على .. أخوك !!!
موفقة حبيبة قلبي
^_^
احترامي و تقديري
ترانيم القصيم
