يابنات شفيكم

[سراج الليل]

لسلام عليكم ورحمة الله وبركاته :

بهالأيام قمنا نسمع والعياذ بالله بكثرة الطلاق ماسألتوا نفسكم ليش ؟

البنات هاليومين تبيلها مارد ينفذ كل طلباتها وإذا هالمارد قال لا زعلت ويمكن الزعل يصير جايد على حسب الطلب !

لهدرجه ؟ يبه تحمدي ربج انج متزوجه وإلا غيرج تعدى عمرها ال30 بعدها ماتزوجت

والله يابنات في وحده تعاندت مع زوجها لأنه قالها اخذي ماده هالكورس والثانيه اخذيها صيفي ( اهي جامعيه ومتفوقه وخريجة ثاني ) اهو قالها جذي عشان تقعد مع بنتها المولوده وزعلت وردت بيت أهلها

والمصيبه امها وقفت معاها (عكس أمي ) ولما أسألوا الحريم امها قالتلهم السالفه ولما انصحوها الحريم قالت أصلن أهو مايطلعها يتعشون برى !!!!!! والبنت من الرمضان عند أهلها وللحين معانده


هذا رد امها !!

شستفادت الحين ضيعت نفسها وضيعت بنتها والدراس ماراح تضيع

يابنات تمسكوا بأزواجكم دامه أخلاقه حلوه ومايشرب ومحافظ على صلاته وبار في أهله وقايم بواجباته شتبون ؟

ياتطلعون تتمشون أو تسافرون أو سياره أخر مديل أو أو أو أو............

والثانيه توها متزوجه وبعد الزواج ماعجبها ولما تكون عند أهلها وجاي ياخذها تخيلوا تمسح مكياجها وتلبس أردى شي عندها عشان ماتعجبه ولما صار اللي تبيه (تطلقت ) وصلت فيها اطرش مسجات للقنوات تقول باركولي تطلقت !

شفيها لصار مو جميل يمكن قلبه حلو يمكن سعادتج معاه


والثالثه قالها زوجها لبسي نقاب وقالتله عاجبك جذي وإلا طلقني وفعلا تطلقت

بتموتين أو تختنقين للبستي النقاب في ناس يلبسون بوشيه وماماتوا

والرابعه والخامسه وسوالف تشيب الراس


صدقوني الرجال نفس الجاهل بالمسايس والكلمه الطيبه تاخذين اللي تبين لا ويدلعج بعد بس كل شي يبيله صبر ورضا الله من رضا الوالدين والزوج


والله يهدينا لازواجنا ويهديهم لنا ويرزق اللي ماتزوجت بالزوج الصالح ويهدي الباقي ويستر على بنات الحلال[/color]

 

[brettey]

اي والله صدقتي بكل كلمه قلتيها
ليش دايما نحط الغلط على الرياييل فيه حريم للاسف عقولهم صغيره
شرايج انا ولد عم ريلي طلق زوجته على سبه الكوشه مالت العرس
ووحده اعرفها بقت تطلق من ريلها على سبه انها تبي تسافر بروحها وزوجها مو مخليها صج ماكو دم شبقولون الناس ؟
ولا وحده اعرفها تزوجت خوش ريال وداها شهر العسل اوروبا وعقب عافته وتقول اهو زين بس انا ما ابي وتطلقت عاد هذي حدها دلوعه امها والريال ميت عليها
وسمعت اشياء بعد اكثر من جذي

 

[pretty sarona]

المشكلة مو مشكلة ان ريال و السلام ,, يعني شنو متزوجه تحمد ربها غيرها مو لاقي!!!! ,, مو معناته ان تصبر على اللي مو عاجبها ,, السالفه مو سالفة ان الريال قال للمره اخذي هالماده هالكورس انتي لا تاخذينها ابهالمنحنى اخذيها بمعني ان مو كل شي فرض ,, هذا اللي صاير بالبنات ,, الريال اييها انا ابييح تلبسين جذيه ولا تسويين جذيه ,, الرياييل تعدوا حدودهم الصراحه ومو كل شي نحطه على الحريم هم الرياييل يتحملون جزء من المشكلة ,, الريال له حقوق بس ما ياخذ حقوقه و حقوق مرته و يتحكم فيهم !! بزمن قبل انا قصدي ايام اول قبل النفط ,, كان الطلاق قليل ,, وكانت البنت لو شنو ريلها كان تصبر عليه بس ما ترد بيت اهلها ما كان عندها دراسه ولا شغل ولا سياره ولا شي ما عندها غير عيالها ومجابلتهم يعني ملزومة تضحي ,,, الحين الحمدلله البنت عندها شهادتها ووظيفتها و سيارتها و بيت ابوها مبطل يعني حتى وايد اشوف بنات قاعدين بشقق بروحهم واهم منفصليين يعني يقدرون على الشغله ,,,
انا مو ضدج بالكلام بس حبيت اوضح لج ,, انا وياج ان السالفه صارت ازيد من قبل وبعض البنات قاموا يتعنفقون على رياييلهم وعلى النعمه اللي عندهم ,, بس شفت حالات بنات منفصليين والله يعوروون القلب ,, اعرف وحده توها متزوجه قبل عرسها باسبوع طلقها على سبة امه ووحده خذاها كان منفصل و بعديين رد حق مرته وطلقها طلع كان بس بيحر مرته !! هالفئة مالها ذنب واحنه نسمع و نسمع و ان صار بينهم جذيه بس لو شنو كان اللي سمعنا ,, ما ندري شنو الخلاف اللي بينهم وشنو وصل ,, وعلى سالفة يودييها و يسفرها و سيارة اخر موديل اعرف وحده جذيه كل كل ما تشتري شي هذا من ريلي مسكيينه حتى السفرات اخر شي كل شي على حسابها بس جدام الناس ان ريلها مسويلها ,,, !! تكلمت وايد وانشالله وصلت لج فكرتي ,, مشكووورة

 

[زبــــــــدة]

صح كلامج

صاير الطلاق عادي هالايام وعلى اسباب حدهااااااااااا تافهه وسخيفه ومالها معنى

حرااام

تسلمين ع الموضوع وكلامج عدل 100%^_^

 

[سراج الليل]

��������


������

 

[تحت ظلك]

عاد شنو رياجيل هالزمن

هذا أذا هم رياجيل كفو الا قلة قليله

يعني مو المره لحالها الغلطانه

 

[روان المطيري]

بس اكثر شي اشوف ان المره صاير ما يهمها شي وحلها الاول والاخير الطلاق
حتى لو على مشكله صغيره تنحل بسرعه وهمن ما تتنازل والله باليوم اقرا
مشاكل هالمتزوجات اكثرهم هو شاريها واهي رافسه الخير بريولها
وقاعده اشوف ان اهلها مشجعينها على هالشي ولكن اي وحده
اختارت الطلاق وتطلقت ندماااااانه على قد شعر راسها مثل
ما تقولون الزواج مو بس ورقه وملاج وعرس وطقطقه ترا حتى
الطلاق مو بس ورقه ونفقه وعده والطلاق يكسر الظهر
انا اشوف ناس اعرفهم تطلقوا والاغلبيه العيب منه بس أهي
طلبت الطلاق تقول ياريت عدلت من طبعه و تحملت ولا
أني تطلقت !!
الله يستر علينا وعلى بنات المسلمين ♥

 

[!! دلوعته !!]

الله يكفينا شره
مشكوره ي قلبي ماقصرتي

 

[meme>the best]

الله يكفينا الشر ويهديهم ماكو شغل ازعل عشان قالي كورس صيفي لا بعد مو قايلها مني والطريج قالها لسبب المفروض اهيا ألي تقول عشان بنيتي مو اهو الحمدالله والشكر بس


يسلمووو ع الموضوع