يابنات صادتني حالة نفسية بموت من القهر الله يخليكم دورو لي حل

[بنت النوخذا]

والله يابنات حاقرتها ماعمري( غلطـــــ ) كلمتها وله عمري غلطت عليها ولا حتى اقط نغزات عليها

بس المشكله زوجي صار يتكلم عني عندها وقالها ان انا ماابيها تخيلوا
زوجي صار مايحبني مثل قبل

انا اموت فيه احبه تعبني شاسوي​

تخيلي لو انه ام زوجك
حبتج ..... شنو تصيرين

انا اقول بدل البجي و النوح

فكرررري و حطي خطط انج تكسبينها وتصداقينها

انتي جربتي الحقران و شفتي النتيجه
جربي المحبه و التودد و الصلح
وشوفي :eh_s(7):

:eh_s(15):

 

[ديانا سبنسر]

اصبري وتحملي امه هذي مالها حل اسكتي وتصبري وأدعي ربج يكفيج شرها لا تحطين راسج برأسها خليها تسوي وتقول اللي تبي مرده ريلج يبي يعرف أنها مبالغة معاج وظالمة

 

[مدّهره !]

الله يسخرهااا لج ^^

 

[مناير ...!]

مبين الدعوه شابه بينكم كلكم
انتي اتغارين منها واهي همن اتغار منج
شنو اتشيكين على السجل كلم امه ولالا؟؟

حبيبتي هذي امه وتراها معاها حق انتي اتعوضين اما اهي لا
فديري بالج وحاولي تكسبين خالتج بدال مااتحطين راسج براسها

 

[manoooram]

حبيبتي ما عليه هدي بالج مره كبيرة وانتهى
حاولي تصادقينها وتكونين قريبه منها

 

[M!SS.LOBY]

أكيييد اتضح من كلام البنات أنها تغار منج

 

[خالتي قموش]

الحين الناس تحب اللي ينافقها
غيري اسلوبج معاها
جربي
نافقيها بجم كلمة حلوه
حطي ولدج عندها عشان تزهق و تقول اخذوه
اخذيها بلكلمه الحلوه
اهلي وسهلي فيها
تهادو تحابو
اهديها شغله حلوه
وشوفي شلون تتغير
خليج دايم مبتسمه
صدقيني العصبيه و الهواش ما ييجبون الا المشاكل و ما يحلون شي
حتى لو بقلبج شي
لا تبينين
والله شفت جدامي
ناس قلوبها حااااااااااااااااااااااااااااااااااااااااقده و ماخذين الناس بلسانهم
والناس مصدقه
وادعي الله يسخرها لج و يحنن قلبها
صدقيني باجر تقلب ريلج عليج
تقربي منها عشانج انتي مو عشانها
اذا رضت عليج هو بيرضى

 

[حضرة غياب]

أأمبيه

انتبهي تمدحينها و تكونين علاقة صداقه معه و تسولفين معها تاليتها بتقلبها عليش و انت الخسرانه
بتقولش كلااام ما قلتيه و بتزيد في الكلام و تنقص حسب مصلحتها هي ما تبي ولدها يتعلق فيش و شان شذي تتصل عليه يوميا و تأخذ أخبارك و هذي تغار منك و تبي ولدها لها و
ما اقول الا الله يعينك

و يوم تهدينها هدايا بتقول مخسرتك زوجتك و كذا و بتوصيه انه يمسك فلوسه عنك
و غير كذا اذا مدحيته بتزيد فخلك على الصامت أحسن لك


كلامي عن تجربه أنا ام زوجي تغار مني و أنا كنت أحبه و هي تمثل لي انه طيبه وتفضض لي موب صج عياره طبعا

و يوم حملت ماتت قهر و خربت حياتي تخاف ان ولدها يتعلق فيني على انه زوجها مدلعه اخر دلع و حملت بعدي تخيلو
تكلمه و تقوله اذا ما تبي تنام عندي قطها بيت أخوها و طلقها و اخلص منه

و بعدين هي اثرت عليه و قعد يقول زوجي انه ما يحبني و الحين يوم اني ولدت الراتب كله عندها و هي تجهز لولدي ملابس تفشل تلوع الكبد و ولدها من اشيك شي و انا تعبت منه بس نصيحتي انك تكونين ع الصامت و ربي يفرجها
تخيلو زوجي اليوم مجهز للبيت اماعين مطبخ مره يمدحهم و شوقني اشوفهم و هي خذتهم بس مادري اشلون اكيد اترست راسها بالكلام و اني ما استاهل اتدلع


و حارمني من السفر بسببها بقولك نقطه بعد انتبهي تكونين نكديه و تتشكين له بعدها يدور غيرك و بيخونك عشان يبتعد من الظغوط خلك معه دايم مبسوطه و لا تجيبن لها طاري امه خليه اذا كان معاك يشوف فيك العكس و الله يكون بالعون​

 

[ام يارا القمره]

ذكرتيني كنه الشام
شوفي وش تغار منك يمكن علشان رشاقتك امدحي مركز رشاقه
تخيلو امس زوجي قال امي كبرت يالله تكون خاتمتها حسنه بكيت وصحت لانها غاليه عندي يارب احفظها لان اسلوب الحلو تجيب راسها والهدايا
لان امهات نوعين
امهات تدور رضى عيالها وفرحتهم
امهات تغار على عيالها ويهما رضى نفسها

والدليل انك مميزه والمقلدون خلفنا وبالعكس الزين كل الناس تتبعه وتقلده
والاخوات ماقصرو

 

[popa]

طنشيها حيل ولا تتصلين بعد

 

[BubbLe87]

لو احد ثاني ممكن تكلمينه بالموضوع و تناقشينه بس هذي امه
ادعي قولي يا رب تشغلها في نفسها عني و عن بيتي
الله ايسر لج امورج

 

[طيبة83]

والله انا للحين اذكر مسلسل دسبرت هاوس وايف

لين ام الزوج تشوشه وتقلبه علي مرته

تروح المراه متعدله ومتكشخه وتدلع ع ريلها يازعم مظلومه

انتي استخدمي كارت الدلع والاغراء

سوي روحج مسيكينه ومظلومه >>>>> ادري صج انتي مظلومه

لكن لاتطلعين حرتج ع ريلج بعصبيه طلعيها بدلع

لان اشوف المشكله من زوجج مب من امه

اهي صج تشوش فيه

بس اهوا بعد لازم يكون حقاني وما يتاثر

وبعد في شي

خالتج اشتري لها هدايا يمكن تكف عنج

وخلي زوجك يوصل الهديه عشان يعرف انج تحبينها وتحترمينها

 

[خالتي قموش]

ليش هو يوصلها
انا اقول هي تعطيها الهديه جدامه
او تساله
خالتي شنو اكثر شي تحبه
هههههههههههههههههههههههههه اشرار
لا جد والله
العصبيه و الصراخ مو حل
من له الحيله فليحتال
وبعدين حرام مره كبيره
ترضين امج تنهان من مرت اخوج
افضل انج تقاطعين ولا انج ترفعين صوتج عليها لان عيب السن له احكامه
وكلنا بنكبر و يجي يوم ونصير خالات
ما نرضاها لروحنا

 

[مسك> الختام]

لا تركزين على أم زوجك كثير ركزي على حياتك وزوجك وأعيالك وبس

 

[زوجة عزيز]

واضح انها واااايد اتغير منج الله يعينج عليها كلامها يقهر وافعالها اكثر وريلج وايد شخصيته ضعيفه والمشكله انه كل شي يدور بينكم يقوله لامه يعني مافي اي حل حتى لو طلعتي سكنتي بروحج بيوصل لها كل شي يدور بينكم ريلج لازم تتفاهمين معاه بهدوء في وقت يكون اهو مستعد انه يسمع منج اللي في خاطرج والله يوفقج ويسخره لج

 

[سماء الاحساء]

يؤؤؤ ليش تسوي كذا بدل ما تصير عون تصير فرعون هذا ولدها وانتي حسبت بنتها أكيد ما يترضى هالسواة حق بنت من بناتها لكن الشكوى لله يارب يعطيك القوة والتحمل والصبر

 

[سلاسل ذهبيه]

ماقصرو البنات .دايما رددي اللهم اكفنيها بما شئت

 

[حبي كل الغلا]

فديتكم الله يوفقكم في حياتكم يارب
والله ماقصرتوا بدونكم مادري شنو راح اسوي
الحمدالله الحين شوي خفت المشاكل بيني وبين زوجي صرت افكر بس في حياتي
صج اهي تتصل بس صرت مااهتم فيها اتصلت مااتصلت كله واحد
زوجي اهم شي معاي زين
كل مرة اسمعها تقوله تعال بروحك
اهوه اروح بيتهم قبل الدوام بس يسلم عليهم اهوه واقف ويمشي
خليت فبالي ان الي تسويه راح يرجع لها وحق بناتها
براحتها ادعولي انتوا اعرف ماراح اتقصرون معاي
​

 

[عسل حدي]

غلطتج من البدايه ماصديتيها وجان ماهليتيها تتدخل من البدايه وعرفتي تيودين ولدها وتعلمينه انه اسرار بيته ماتطلع حتى حق امه
يبرها يوصلها يزورها يحترمها يلبي طلباتها معلش اما تتدخل بحياتج لا والله
انا خالتي مانت جذي من اول اسبوع زواج قلتله امك على عيني وعلى راسي انا دشيت لها حابه مو عدو
تبرها تزورها تقعد وياها وتطيعها تلبيلها طلباتها امك ماراح افتح برطم عن برطم بس تتدخل في حياتي لو بعود كبريت راح اهدلك الجمل بما حمل واذا قالولي ليش بقولهم انا مو متزوجته متزوجه امه
وصج خاف لانه خذينا بعض عن حب وبعد سوالف بين الاهل تزوجنا غصب ظيب ماحب يخسر كل هذا
قلتله سولف واضحك وكل شي تبيه سوه بس سوالف بيتي وسوالفنا مع بعض لاتطريها حق احد
ومن يومها اذا امه قالت عني بم يقولها الله يخليج يمه البنت بعيده عنج مالج شغل فيها ترا اهي بعد ماتيب سيرتج ليش تطلع اهي احسن منج لاتيبين سيرتها

 

[relly-story]

مثل ماقالوا خواتي البنات

تحملي ومثلي بطريقه تعجب زوجج

وطنشي ولا تهتمين صدقيني راح تشوفين عكس كل هذا

وربي يهديه لج

ويسعدكم