ياتحترمينه او تفصخينه اختاري

[ليلو جبريت]

لو الغرب قال لنا فصخوا العباية وحرموها علينا او حرم علينا الحجاب
لقامت الدنيا وما اقعدت وبتلاقون المسلمين يعصبون ومايرضون ​

لما انتشرت هالصورة العرب تضايقوا وقالوا يهينون حجاب المرأة العربيه ​

صورة لاجانب يهزؤون بالحجاب
​

لحظه لحظه ​

الغرب اذكياء ولما يبون يوصلون لشي ياخذون العرب بالسياسه مايفرضون رأيهم بالقوة لا هم يلحسووون عقولنا ​

وهاي الي صار الغرب هاجمونا باقوى سلاح الا وهو سلاح الاعلام ​

ونجحت الخطه وهالصور تثبت ​

​

العباية تحولت لفستان سهره ​

​

عباية تحتاج لعباية ​

​

راقصات بالعباية
​

​

منظر دوم اشوفه فالمجمعات عباية مفتوحه وتحتها لبس مايستر ​

​

فيا اختي اذا كنتي من الي تلبس عباية مخصره او تلبس حجاب وتطلع خصل شعرها او تلبسين عباية كانها فستان سهره

او الي تمشي وتتضحك بصوت عالي وتخز فالشباب
او الي تلعب العاب ماتناسب العباية
او الي تمشي وهي رافعه عبايتها

​

باقولج كلمه وحده يا تحترمين الحجاب او تفصخينه ​

لانج بها الطريقه تسيئين لحجاب المرأة المسلمة ​

تتوقعون من الغرب احترام حجابا وانتوا ماتحترمونه ​

والمايك لكم ​

 

[الدره الصافي]

جبتي على الجرح

يلينهم يفهمون تشفينهم بالأسواق و الجمعيات و المستشفيات كنهم راحين استقبال او عرس

ان شاء الله يعقلون

 

[ޢޢޢإيمانޢޢޢะۣۨ>]

مشكورة على الموضوع المهم حبيبتي
ويارب يأثر​

...............................​

إن رفعتيها لراسك أصبح الراس محشوم
العباية فوق راسك حشمه وطيب وثبـــــــات ​

 

[داريني]

صاجه بعضهم شوهو صوره العبايه

 

[ملآمح يوسفيه]

جزاج الله خير
كلامج عين العقل
الله يهدينا ويهدي الجميع
ياآآرب

​

 

[][°•سـζـآيب•°][]

لا حول ولا قوة الا بالله ..~

وربي صاجه ..~

مناظر بقمة البشاعه وبالنهايه المسمـآ [ عبايه ] .. وأهي اصلن تكشف وتغري اكثر من انها تستر ..~


قبل شهر يمكن ..~

كنت بالافنيوز ..~

ودايم اذا مريت بالساحه الي بالوسط اشوف عيون الي بالقهاوي وين يطالعون ..~

<< تختلس النظر من بين الغطوه ^____^

واغلب الي قاعدين يطالعون وحده وراي .~

قمت امشي شوي شوي ابي اشوفها << ماكو شغل واشتغل الفضول

الا تمر يمي

بنت بالعشرينات

عبايه كتف ..~

وبرقع يسمونه الصقـــر ..~ ! الي نص الخد طالع ..~

ومن غير شيله !

شعرها خصل مستشور لين نص ظهرها ..~

وبشماغ مسويه عصبه .. نفس الاماراتيين ..~

تخيلتي المنظر .؟

واللبــس مانتبهت له اذا مبين او لا

بــس امشي وراها وكل الناس مبهوره

واهي تمشي بثقه

ماتدري بالسخافات الي قاعدين يعلقون عليها

اسأءت للعبايه

وللبرقع ..~

الله يهديهــآ .~


موضوعج روعه ..~

وانشالله ينتبهون البنات ..~

جزاج الله الف خيــر ..~

 

[(كويتيه عسل)]

انا ألبس بدل واذا ببلبس عباة

البس عباة راس

مااحب عباة الجتف ماااواطنها بعيشت الله بس البسها للعمره

 

[رحيق الحياة]

الله يهديهم يارب

 

[~ بنت الهدى ~]

اللي بيلبسونا كذآ يفصخونها احسن .. يشوهون صورتهآ ليش !!

الحمد لله على نعمة الآسلآم ولله انه احنا جوآهر ثمينه

 

[ام الدرر]

صدقتي​

 

[Fstani]

ايه والله صاااجه





يعطيج العافيه ..

 

[♥MaSteRiyA♥]

حتى الحجاب..
مو بس العبي..
في بنات مغطية راسها..​

بس هالتان اللي جنه طين عالويه (مو حلو كللللش)
وهالميك أب والعدسات اللي جنها بعرس
جنه ما يدرون انه حرام
واللبس.. اللهم يا كافي ..
بدي صاااااااااك.. وتنورة مادري شلون قايلة
استغفر الله ياربي..
يعني والله الوحدة تفتشل تمشي يمهم
أو حتى تطالعهم​

لاااااااااا ولي ييت تتكلم.. تقولين
شريفة شريفات الأرض :krkrkr:​

تناااااااااااااااااااااااااااااقض..
وغضب من الله الصراحة​

الله يثبتنا ان شالله
ويهديهم​

 

[روونــا]

اي واللـه صآدقـه

 

[قيم واخلاق]

فعلا كلام صحيح وواقع مأساوي قاعد نشوفه كل يوم وانا واثقه كل الثقه ان اللي تلبس هالعباه مو راضيه عن نفسها بس تكابر لكن لمتى تفتن الناس وتاخذ ذنب اللي يطالعونها وكثير مثلها للاسف في بلاد اسلاميه مااحترمت اللبس الاسلامي وشوهت صورته عند غير المسلمين انا مالوم الاجانب اذا احتقرو هذي العبايه لأنها تحتاج عبايه ثانيه تسترها وينا من لبس الصحابيات ومن لباس المسلمه الساتر ...الله المستعان ....مشكوره اخت ليلى على الطرح الهادف الله يجعله في ميزان حسناتج

 

[ليلو جبريت]

حتى الحجاب..

مو بس العبي..
في بنات مغطية راسها..​

بس هالتان اللي جنه طين عالويه (مو حلو كللللش)
وهالميك أب والعدسات اللي جنها بعرس
جنه ما يدرون انه حرام
واللبس.. اللهم يا كافي ..
بدي صاااااااااك.. وتنورة مادري شلون قايلة
استغفر الله ياربي..
يعني والله الوحدة تفتشل تمشي يمهم
أو حتى تطالعهم​

لاااااااااا ولي ييت تتكلم.. تقولين
شريفة شريفات الأرض :krkrkr:​

تناااااااااااااااااااااااااااااقض..
وغضب من الله الصراحة​

الله يثبتنا ان شالله

ويهديهم​

الشرف مايرتبط بالبس اختي
انا كنت سفور هل معناته ماكنت شريفه !!​

 

[ترانيم القصيم]

باقولج كلمه وحده يا تحترمين الحجاب او تفصخينه ​

لانج بها الطريقه تسيئين لحجاب المرأة المسلمة ​

تتوقعون من الغرب احترام حجابا وانتوا ماتحترمونه ​

لا لحظة ليولة ,, أختلف معك هنـا ,, ممكن يكون كلامك صحيح ( لو كان آللي في الصور ينقال عليه حجاب )

لأن آللي أشوفه شي ثاني ما أشوف حجاب ,,

كل آللي لابسينه فساتين ضيقة و مزخرفة ,, أو آللي لافة شعرها بقطعة قماش و من تحت جينز !!

و هذي الأشكال و الله أعلم و أجل ما يصدق عليها مسمّى الحجاب .. أيش معنى ( حجاب ) ؟

يعني الحاجز ,, آللي يحجز الشي عن الشي و آللي يحجب الشي عن الشي ,, و البنات آللي بالصور ما أشوف لبسهن حجب مفاتنهن عن أعين الشباب !!

فـ عشان كذا ما نقول هذا حجاب !! لأ هذا مهوب حجاب ,, هذا فستان ,, جلابيّة ,, مريول مدرسة مخصر .. أي شي

بس حجاب ؟ ما تمشي عليه ..

و لهذا من رأيي إننا نقول للأخوات آللي يطلعن للشارع كذا :

أختي الحبيبة المسلمة ^^ يا ليت تطيعين ربك و تتقينه في نفسك و تلبسين الحجاب الشرعي

قبل تطلعين من البيت لأنك بهالمنظر ؟ اسمحي لي :

أنتِ غير مُحجّبة

الله المستعان على ما يصفون ,, و جزاك الله خير أختي الكريمة ليلى ,,

احترامي و تقديري

ترانيم القصيم

 

[malte]

موضوع روعه
وصج صايرة سالفة الكشخه بالعبايه ظاهره
يعني تلبس عبايه اوك بس تطلع احلى مافي جسمها وتخفي الي مو حلو!!
احنا جذي شسوينا !
بدل مانخفي المفاتن ابرزناها :eh_s(1):
واحياناً يلبسون عبي الاندروير يبين :eh_s(14):
والشباب وراها
ومرا والله جدام عيني مطلعه الصدر ولابسه ستيانه بوش اب بعد واتمشى ومغطيه الويه:eh_s(14):
وتقول انا البس عبايه والشباب كله يلاحقوني:eh_s(22):
بس شنسوي الشكوى لله الله يهديهم
اتمنى ان كل وحده قبل ما تطلع من البيت تطالع نفسها بالمرايه مو تطلع وتستاثم :eh_s(17):
ولا الي غرضها تلفت نظر الشباب هذي بعد شنقول لها غير الله يهديج

 

[احلام مكبوته]

الله يسعدك من جد الدنياا صارت تخوف والنااس كل مالهميزيدو ربي يستر علينااا

 

[غرني احساسك]

كلامك صحيح 100%
مشكوره الله يعطيك العاافيه​

 

[aṕriliå]

اي والله استغرب من بعض البنات بالسسوق وفل ميك اب ولا رايحة عرس بعد 

مااقول الا الله يهدي ويوفق الجميع