ياترى اللي اسويه صح ولاغلط مع ولدي

[ياهم ربي كبير**]

صبااااااااااااااااااح الخيررررر على احلا عضوااااات
بنات تكفوووون بقولكم سالفه ولدي وتكفوووون انصحوووني باللي تشوووووفنه زين
اول شي طولن بالكن علي.........
ولدي عمره سنه وشهرررين اول شي متعلق بالخدااامه حيييييييييييل ولما يشووفها تروووح مثلااا للمطبخ يقعد يبجي بجى مايسكت طول اليووووم بجى في بجى
هذي مو مشكلتي بالضبط
مشكلتي اول شي اقولكم عن اكل ولدي لما يقعد من النوم اوكله سيريلاك مع مااااي
بعدين اعطيه رضعه على الساعه 11بعدين غدااااءه عيش ويا مرق بطاط وماي بس ماياكله كله...بعدين اعطيه على العصر بسكويت او اي منتجات ميلوبا الحبوب بعدين على المغرب اعطيه عصير بعدين العشاء مثل الغدااااء بس ولدي ضعيف
دااااايم احس اني مقصرررره باااكله لما اشوفه يلعب او يطالع التي في احسه جووعااان دايم ضميري يانبني وبالليل واهو نايم يتقلب من الجوع اعطيه رضعه على الساعه1وعلى الساعه 4مع ان ولدي كببيييييير مشكلتي انه هل اكله معقول ولا شووووويه والله بناااات تكفون نصحووووووني باللي تشووووفونه صح والله انا بجر وماااااعرف وعمري 20تكفووون نصحووووني

 

[love love]

اول مشكلتج الخدامه

ليش متعلق فيها لي هالدرجه؟؟؟؟ شنو ماتجابلينه كلش؟

حبيبتي عطيه وقتج وخليج وياه والخدامه تساعدج بس مو لي درجه يتعلق فيها


الاكل حاولي

تريقينه عدل خلاص كبر سنه وشهرين اسم الله عليه
سويله خبزه خفيفه مع مسحه جبن ولا لبنه ولا زعتر ولا قيمر مع عسل اي شي عطيه عادي حتي بيض جسمه محتااج مع قلاص حليب

الضحى عطيه حليب او حبه فاكهه وخلي فجه بين هالسناك وغداه علشان ياكل عدل الغدا ويكون يوعان


الغدا من غداكم ونتفي لحم ولا سمج او دياي بوجبته

سناك العصر حبه فاكهه اذا ماكله بسناك الصبح او كوكيز وعصير او جلي او سلطة فاكهه اي شي يحبه

العشا عطيه نفس الريوق او الغدا


والحليب يكون مع وجبه الصبح وسناك العصر وبليل


خلي الخدامه تسوي اكله وانتي باشري ولدج اذا ماعندج وقت للطبخ علشان يتعلق فيج

الياهل مايهتم منو سووه اكله ومنو غسل ملابسه كل همه منو يهتم فيه منو يلبسه ومنو يلعب وياه


هذا الي عندي وادعيلي

 

[ياهم ربي كبير**]

بعد قلبي ماااااااقصررررررتي والله يوفقج ويفتحلج ابووواب مسكررررررررررره

قولي اميييييييييييييييييين

وبحاااول اسوي على اللي قلتيه

 

[كويتيه مذهله 87]

ان شاالله الله تشوفينه معرس
بس اذا الخدامه هي الي توكله وتشربه وتنومه اكيد بحبها اذا جذي لأ حاولي انتي الي تعطينه كل شي لان يبي حنان وشاايفها بالخدامه


مثل ماقلت لوف لوف
وقت الغدا عطيه من الاكل ماشالله ولدج صار ريال ياكل كل شي ولا تعطينه خرابيط مثل الكاكاو والبفك
شبعيه بشي مفيد عصاائر فواكه خضروات ولا تعطينه من الاكل الجاهز
انتي سويله احسن لجسمه وعطيه تمر زين يقوي عظامه

 

[ورود خذلتها العاصفه]

من ناحية الاكل البنات ماقصروا معااج


والحليب جربي بديا شور موجود بالتموين



ومعلومه اخيره اذا ولدج يبجي طول الوقت ترا البجي يضعف وخلي الخدامه هي تسوي الاكل وانتي وكليه بيدج

وانا عيالي بالعمر هذا بليل يرضعون 3 الى 4 رضعات ليش انتي بس اثنين انا ولدي البجر لما جبته كنت بعمرج بس ماخليت الخدامه تلمسه الا لما صار عمر سنه ونص بس تلعبه وتطلع فيه وانا اغسله واوكله واغيرله

يااقلبي انتي لاتزعلين مني بس انتي داري ولدج بايدج


وادعيلي ان الله يرزقني بولد ثاني

 

[" ام حمود "]

ولدج وايد متعلق في الخدامه .. حاولي توخرينه لانه ولدج صغير وايد اكيد يتعلق باقرب ناس له .. لاتخطينه بايد الخدامه . وخليه دايماا معااج ، عشان لايتعوود عليهااا احسسن وانتي بعد راح تتضايقين
والاخت لوف لوف كفت ووفت

 

[modern]

اكيد حيضل جوعان لانك توكلينه كأنه عمره 6 شهور
بنتي عمرها سنةو 3 شهور و كل شي اوكلها اكيد ما عدا الاكلات الدسمة و الي صعب تنهضم.
الله يخليلك اياه و لوف لوف ما قصرت .

 

[العاطفية]

والله ماضيعنا الا هالخدم
انتي يايبتها تخدمكم مو تاخذ دوركم
تغسل تنظف ترتب بس كل هذا للبيت مو للطفل ولدج مهمتج انتي محد غيرج
ارجوج تقربي منه ترى النفسية اهم شي للطفل تحت سن الست سنوات وهني تتكون شخصيته
اكليه معاكم بس لا تغصبينه اذا شبع بس وقفي

 

[ياهم ربي كبير**]

اشكر كل وحده ردت علي ونصحتني مااااااااااااقصرتن بعد عمررري الله يوفقكن ياااااااااااااااااااااااارب

 

[ياهم ربي كبير**]

بنت ابو خالد ياااااااااااااااااارب تجيبين الولد الثاني والثالث والرااااااااااااااابع ويوفقج يااااااااااااااارب
مشكووره ماقصرررتي

 

[الينبوعة]

يا امي خدامة شنو حبيبتي باجر ربي يحاسبج على تربية الطفل شنو خدامة ما يصير والله خطية خلي يتعلق بيج انتي يا خدامة يا بطيخ الله يسامحج

ان شا ء الله قريبا راح انزل موضوع عن تغذية ووجبات من عمر سنة وان شاء الله تستفادين منة لان انا ابني هم صغير عمرة سنتين وشوي ​

 

[الأميرة كيرارا]

حبيبتي ماشوفج مقصرة معاه بالأكل يمكن هو أكله قليل
بس حاولي اتبعدينه عن الخدامة
عطي وقتج حق ولدج عشان لا تحسين إنج مقصرة معاه ترا بسرعة راح يكبر
و يبتعد عنج و بعدين تتمنين الزمن يرجع عشان تحضنينه و تحبينه و تلعبين معاه
إنتهزي الفرصة و كوني أهم إنسانة بحياته ترا هذا أحلى شعور تحس فيه الأم
الله يخليه لج

 

[رشيديه كووول]

لا تخلينه عند الخدامه وايد واذا طلعتي للسواق اخذيه معاج , واذا رحتي استقبال او اي مناسبه حطيه عند امج

او وحدة من خواتج

 

[عيش و مرق]

انتى من صجج تعطينه سيريلاك ومميه ولدج عووووود ريال غلط اكلج

المفروض يتريق ويتغدى ويتعشي اكلكم العادى ,,,,,,,, وبليل ماله داعى رضعات ومميات كبير ولدج لازم يشرب الحليب بجلاص ويتعشي عدل وله جذى بيضعف ويمرض كل شوى قاعد بليل يشرب حليب شكو يتعشي بطاط نجتس بيض بزاليا معكرونيا اى شي يشبعه عدل ومايقوم الا ثانى يوم ههههههههه ضحكتينى سريلاك وحليب وعمره سنه وشهرين غريبه وانتى ماعندج ام خوات رفيجات يقولون لج وولا تقطينه عند الخدامه عشان لايتعود عليها يبجى لان كله عندها

 

[love love]

بعد قلبي ماااااااقصررررررتي والله يوفقج ويفتحلج ابووواب مسكررررررررررره

قولي اميييييييييييييييييين

وبحاااول اسوي على اللي قلتيه

امييييييييييييييين

ومشكورة عالدعوه الحلوه صج تثلج الصدر:eh_s(17):

 

[noynoy]

لا حبيبتي الاكل اللي قاعد تعطينه مو كامل و شويه حرام، اكيد بيصير ضعيف بعدين سنه و شي يحرق وايد بالمشي فلازم تعوضينه بالاكل، انتي ما تعطينه بروتين، عطيه عالغدا يوم سمج يوم لحم يوم دياي يوم جبده دياي يوم عدس يوم خظار و كرريها

الريوق: توست فيها لبنه و زعتر - توست و جبن بالشوايه - توست مع زبده الفول السوداني - بيض مفيوح - بيض مخلوط - كورن فلكس - شوفان و حليب و قفشه عسل تحطينهم على نار هاديه لما يتماسك - كرواسون -

الضحى: حليب

الغدا: ياكل من غداكم عيش و مرق لحم - عيش و دياي - جبده دياي و عيش - مكرونه بالجبن - مكرونه لحم مفروم - مكرونه بالسبانخ و الجبن و المشروم - ملوخيه - معدس - مموش - عيش و سمج يريش - هريس - و طبعا حاولي تخلين مع العيش خظار، اذا ما توفرت الفرش حطي المثلجه اللي تيي جزر و بزاليا و فاصوليا

السناك: بسكوت او كوكيز مع حليب - روب - روب مع فاكهه - شوفان مع فاكهه - شوفان مع فاكهه مجففه -مهلبيه - كستر - صمون و جبن - صمون و زبده الفول السوداني - حليب بالموز انتي تسوينه -

العشا: بيض - مكرونه - بيتزا انتي تسوينها مالت التوست - توست و جبن - فش فنجرز - بطاطا حلوه مفيوحه - شوربه عدس او خظار او شوفان

 

[ياهم ربي كبير**]

المشكلللللللللللللللله ولدي الله يهديه عنييييييييييييد يحب السيريلاك ويرفض اي اكل بدون سيريلاك لازم مخلط مع سيريلاك

ووديته الدكتوره مالت التغذيه تقوووللي اكله معقووووول بس حاولي كل يوم تقللين السيريلاك لين تلغينه بالمره

انا تعبت معاااااه الله يهديه

 

[ياهم ربي كبير**]

بعد قلبي كل وحده كتبت وردت على مووووضوووووعي

الله يحرم يد كل وحده كتبت رد عن النااااااااااااااار

 

[جـوود الحب]

انا امي تقول اي شي تاكلينه وكليه وياج مو لازم اكل معين والافضل انتي توكلينه خلي الخدامه حق التنظيف والترتيب وووبس

 

[gogo]

نصيحه خلي من يومه وقت اكليه علبة زبادي كامله يوميااااا مره حلووووووووووووو والتمر والخضروات المسلوقه واكليه من اكلكم عوديه عليه ويارب يخليه لك الزبادي استخدم قليل الدسم