ياحلوكم يا اهل الكويت

[كويتيه وافتخر]

بسم الله الرحمن الرحيم

عيدكم مبارك وكل عام وانتوا بخير
والله يعيد عليكم رمضان وانتوا بخير وديرتنا بخير وحكامنا بخير وشعبنا الطيب بخير

ياربي توني راده من برى
والا منظر مهيب شيء عجيب

جدام لجنه الزكاه بمنطقتنا رحنا بنشارك وندفع اللي مقسوم علينا
والا اهل الديره والمنطقه
ماشاء الله لاقوه الا بالله

افواج افواج
سياره ورى سياره
يطلع هذا يددخل هذا

كلهم معاهم زكاة وصدقات وتبرعات
اللي جايب معاه خياش عيش
واللي منزل تمر
واللي يدفع فلوس
واللي يسال عن كفاله اليتيم جاي بيكفل
وربي عيني دمعت
فديتكم يا اهل الكويت
صج صج تستاهل الكويت اسم بلد الخير والعطاء
عسى الله يزيدنا ويبارك لنا ويحفظ ديرتنا من حسد الحاسد وعين العائن
ويحفظها ويحفظ اهلها من كل شر

تكفون ادعوا لديرتنا نبقى اهل عطاء عسى ربي يحمينا ويحفظنا بعطاءنا وصدقاتنا

انا بروحي من يومين ثلاثه كاش شعر جنبي من الاذاعه من سوالف التبرعات
فاعل خير ماشاء الله متبرع ب300000 دينار للمحتاجين اجهزه كهربائيه ومواد غذائيه

مدري جم العدد مساجين بشيكات بدون رصيد افرج عنهم بسبب تبرعات وزكاه وصدقات اهل الكويت
جم يتيم كفل هذا الشهر الفضيل
ما اقول الا ماشاء الله تبارك الرحمن
والله يزيد ديرتنا خير على خير

وتكفون تموا على افعال الخير والطيب يا الطيبن
والله انا بمنظر اللي شفته اليوم تفاءلت
لاني شفت الكبار والصغار
الشايب والشاب والطفل والعجوز وبنات مثل الورد
يحلوووهم
يحلو واحد عمره يمكن عشر سنين يارب يحفظه ماسك هالعربانه الصغيره ويشيل معاهم خياش العيش ويدخلها اللجنه
يساهم بعمل يدوي

مدري شقول انربط لساني
تحجوا عني
بس تكفون لاتنسون تدعون للديره واهلها وعيدكم مبارك ياهلي يا اهل الكويت

 

[StrOnG WoMeN]

يشرفني اول وحده ارد عليج
وانتي بصحه وسلامه
بس بجد كلامج حلووو ويعور القلب عيني تدمع
الله يحفظ الكويت و اهلها من كل مكروه
ويااربي تظل العمر كله بالعطاء والخير
تسلمين يالغلى على الموضوغ وشعووورج الجميل

 

[كويتيه كيوت000]

الصدقه تطفى غضب الرب والله يحفظ ديرتنا إن شالله ويرحمنا برحمته يا رب

 

[انـــفـــال]

الله يحفظ الكويت واهلها الطيبين
من
كل مكروه ويديم عليها نعمة الأمن والأمان

 

[PO PO22]

الله يحفظ ديرتناااااااا
فديت الكويت واهلهااااااااااااا

 

[كويتيه وافتخر]

مشكورين وكل عام وانتوا بخير

 

[زهرااا]

الله يحفظ الكويت و اكلها من كل خير

 

[كويتيه وافتخر]

الله يحفظكم يارب

 

[ضحكه مستعاره]

فديتج ياكويت وفديت اهلج كلهم من كبيرهم لصغيرهم والله يحفظ لنا هالديره ويبارك لنا فيها وفي اهلها الطيبين ويبعد الحساد عنها وعسى عيونهم البط اللي يبطها

 

[كويتيه كيوت]

الله يحفظ الكويت واهلها
ما شاءالله مو غريبه على اهل الكويت

 

[كويتية فاهمة]

مشكووورة يالغلا عالموضووع..

اللله يحفظ الكويت من كل مكروه..

ويديم علينا تعمة الامن والامان

 

[دااانوه]

يااااا حلوكمــ يا أهل الكويت

وربي أحبكمــ


الله يحفظ الكويت و اهلها ان شاء الله

فيكمــ الخير والله

 

[سيدة الذوق]

فديت ديرتنا ديرة الخير والعطاء

عسي ربي يخليلنا حكومتنا مو مقصره بشي

 

[زهور السعوديه]

الله يحفظ الكويت واهلها الطيبين


من كل مكروه ويديم عليها نعمة الأمن والأمان

 

[وصيّه جــــابر]

رد : ياحلوكم يا اهل الكويت

مو غريب على ديرتنا اهل الخير والعطاء
عمارة ياكويت بأهلج فديتج ياديرة مامثل اهلج من ديرة لا حشا من اهل ديرة>- خآلد عبدالجليل

يعطيج العافية ..

 

[تشوكليت]

الله يحفظ الكويت

 

[@أجمل سنيني @]

جزاهم الله خير

 

[جلاديلياس]

مشكوره وماقصرتي حبيبتي عسى ربي يحفظ لكويت واهلها من كل مكروووووه