~ياحلو ايطاليا وأهل ايطاليا~بلد الرومنسية والجماال//حياكم بتقريري

[noor salam]

الحمدلله على السلامة والله يحفظكم
وبانتظار تقريرج الراااااااااااااااااااااااااااااااااااااااائع

 

[b8b8lover]

حبيبتي يعني تمدحين ميلان ؟ زينه حق التمشي و الوناسة و شو رايج نسكن في الدومو و لا ابعد والله خاطري اروح بس الوالده ماتحب اوربا و انا ابغي اسير في الشتا و امي بعد ماتحب و مافي مجال نسافر بدون لاهل و كله تقولي اتريي ريلج الي بييج هههههههههههه

 

[om MaRyooM]

حبايبي تسلمووووووووووووون




نطروني شوية مشغولة والصور وااايد

 

[om MaRyooM]

b8b8love


هلا حبيبتي

ميلان عجيبة خصوصا اذا الاجواء شتوية لأن يقولون بالصيف لاتحتمل


واكثر شي يونس فيها الرحلات اللي تطلعين فيها برة ميلان

 

[om MaRyooM]

Mrs.Q



حبيبتي مشكووووووووووورة


اعتز بهالشهادة صراحة

 

[بكيزة هانم]

حمدلله عالسلامة
تقرير حلو
بس الصور الاخيرة مو طالعه عندي

 

[بكيزة هانم]

مو الاخيرة ..
اللي قبلها

 

[om MaRyooM]

^
^

رح ارد انزل الصور مرة ثانية
لأن في جم شغلة ماظبطت

 

[ام رينـاد]

واااو روععه


تينن أيطاليا

شوقتيني أروحلها ..

حمدالله على السلامه أم مريوم تقريرج اينن
​

 

[شندوخه]

ونااسه
كملي .. متابعه

 

[رتبه دبلوماسيه]

وناسه الاجواااااء تهبل ..


متابعه

 

[zqertya]

اب اب كملي

 

[المزيــونه]

الحمدالله على سلامتج ام مريوم

التقرير مشاءالله روعه تسلم ايدج

بس ليش ماسكنتو قريب من الدومو عشان اتروحون وتردون مشي

لان ميلانو الدومو بس

وسعر التذكره الباص 20 يورو ليش السعر دبل

والحمدالله اعجبج مجمع La Rinascente من ادشه ينشرح صدري احلى مجمع عندي في ميلانو

 

[bent albahrain]

الحمدلله على سلامتكم والحمدلله انكم استانستووو الصورة عجــــــــــــيبة واااااايد ....

 

[toofaa79]

u p

 

[(حكاية قلب )]

هم احلآ شي عندهم البيتزا المارغريتا
والآيس كريم

يمممممممي صج حلوووو


مشكووورة

 

[om MaRyooM]

** اليوم الخامــس




موعدنا مع المنطقة الراقية الخلابة لـوغـــــــــانو السـويسرية





كالعادة

لازم الحجز من منطقة السنترال الرئيسية Milan Centrale




قعدنا الصبح مبجر .. تريقنا ورحنا عن طريق المترو الى محطة القطارات الرئيسية

وحجزنا وكان القطار يمشي 9ونص الصبح


مسافة الطريج ساعة وربع بس من ميلان


والردة حجزناها 6 المغرب .... حسافة كنت بقعد فيها زيادة لأني ماشبعت من هالجم ساعه

بس اهم شي جربناها















القطار يوقف كذا محطة .. لازم تنتبهون على اسم المنطقة







وصلنا لمنطقة لوغــانو













وفي قطار صغيرونو ينزلكم لي المطقة ومكان البحيرة


سعر تذكرته 1 فرنك سويسري


احنا كنا مصرفين من الديرة فرنك .. بس همن عادي ياخذون يـورو












هذا اشهر فندق في لوغانو اسمه Lugano Dante بس غالي طبعا
اهي المنطقة اصلا غاالية وفنادقها بعد












وهذي البحيرة















حلاته هالطير حلف الا أصوره لوول










ياسلااااااااام

الاجواء عجيبة
وهدووووء ماتسمعون صوت يهال ولا واحد ينادي الثاني وازعاج سيايير وهرنات
لأ لأ لأ .. كل واحد عايش جوه !





















الشوارع بروحها تعوور القلب
خاطري اسوق بسيارتي هني
لوول

















أول مرة اشوفهم بمكاهم الطبيعي
متعودين نشوفهم بحديقة الحيوان لوووووووول









طابور الصباح
سلم قلللللللبهم














كان خااطري اركبهم
بس الاجواء ماساعدت
هوا وموج .. كنسلنا

 

[om MaRyooM]

نكمــل

























في بين الشوارع محلات واسوقه
لازم تفترونها عدل











حتى جلابتهم اعزكم الله تهبل .. كيوت ونظيفة ودح تلمينهم خخخخ




























جنطة جيفنشي
كنت ببجي ابيهااااااااااا

بس للاسف طلعت 700 دينار وماقدرت اخذها
اهئ اهئ اهئ
























هدووووء غير عادي
مع ان كان زحمة على فكرة
بس محد له شغل بالثاني


صج حبييييت هالمنطقة وايد















يلا ياحلوين

شرايكم ناخذلنا يخت وياخذنا فرة








طبعا اليخت بسيط بس عجييييب
مع الكابتن يحليله وكان يسولف ويشرحلنا عن المنطقة

الفرة كانت بوساعتين
حدها عجيبة وماتحسين بالوقت الا واهو مخلص













خلصنا وقررنا ناكل




waaaaaaaaait

 

[om MaRyooM]

احلى واشهر مطعم في لوغانو

اسمه سباغيتي ستور Spaghetti store عند شارع via nassa قبال البحيرة علطول ابد مايظيع















طبعا مايبيله كالعادة

بيتزااااا














وعندهم سلطة التونا مع البطاط
يممي حدها لذييييييييييذة





وانا طبعا ماقدر استغني عن السباغيتي














خلصنا الحمدلله وتمشينا مرة ثانية

دشينا جمعية



وقلنا نشتري ككاو






هجــووووووووووووووووووووم














بالغلط شريت ككاو شكله غريب وحلووو

بالفندق ذقته ولا حاطين معاه ويسكي الله ياخذهم
رجعت لا ارادي ولاعت جبدي .. جنه بانزين قطيييعه
استغفرالله ياربي سامحني من لقافتي ماجيكت المكونات


فديرو باااالكم












والحين نوقف نحلي عند حبيب الشعب مااااكدوناااااااالدز


عندهم مافلوري بالسنكرز وتويكس ومارس

يمممم لذيذ






خذيت التويكس









وبردتنا شفنا هالمحل

مثل الميني سوبرماركت
















عطنا 2 جبن بارميزان يالطيـب

















غلفهم وسحب منهم الهوا عشان لايخيسون









وخللللللصت رحلة اليوم






في انتظار القطار ياخذنا الى ميلانــو الجميلة





نطروني في تقرير اخر يوم الى منطقة جــاردا

 

[ام رينـاد]

واي وناسه عليج بالعافيه أم مريومه

مالي شغل رايحتلها رايحتلها لووول


سمعت عنها ..بس تقريرج حمسني أروحلها