ياربي طفشانة زهقانة مالي خلق وشو هالعبارات ياللي تهد الحيل بسج مو عاجبج شيء

[Deep LOoOVe]

هاي كويتيات
ماادري اشلون ابتديء ليش احنا صرنا كذا نكديين مايعجبنا العجب ولا الصيام في رجب ماشاء الله مو ناقصنا شيء بلع ولاب توب وغرف كشخة وتلفزيونات وستايلات وسفر جوالات في اليد وتكنولوجيا يامال العافية وكل شيء ماعلينا قصور ومع هذا كل زهقانين وطفشانين وماعلى لسانا (غير مالي خلق ) وشو السبب بنات اقنعوني الغلط مني ولامن الحياة ولا من الناس ولامن وشو؟؟؟؟؟
تصوروا حتى اليهالوا ياللي توهم في ابتدئي وياللي حتى مادخل المدرسة يقول زهقان( اذكر يوم احنا كنا صغار ولا مرة قلنا هالكلام كنا نلعب ونوسع صدرنا وكل مستانسين:ada: والحين عيال هالزمن لااله الاالله كل شيء موجود جيمس بوي العاب حدث ولاحرج ومو عاجبهم)كنت قبل لما اسافر استانس من قلب واظل اتذكر وناسةالسفرة سنة قدام :ggdw: والزواجات والطلعات احس بالاول حلوة ووساعة صدر والحين لا وحتى اليمعات مع الاهل صارت بايخة هذي مشينة النفس وهذي تحش وهذي تحسد وهذي تتخانق مع اي وحدة وتتحلطم في داخلها( وشو تقصد في كلامها ) صاروا الناس كبريت مااحد يتحمل الثاني :eh_s(14):وحتى المسلسلات بالاول كنا لو نشوفها مائة مرة مانمل منها والحين مسلسلات هالايام جعل عينج ماتشوف الا النور بايخة حدها ويع

ايعقل ان البساطة التي كنا نعيشها بالاول ونفوس الناس المتواضعة هي السر في السعادة التي كنا نعيشها بالامس؟

لاتقولون يابنات الزمن تغير الزمن هو نفسه
صدق الشاعر الذي قال ( نعيب زماننا والعيب فينا ومال لزماننا عيب سوانا )
فضفضوا بنات تكلموا عن مشاعركم اتجاه الماضي الامس الجميل <<ياحلاته بس :gathering: عاد لاتحسبون اني يدتكم توني بنت في آخر العشرينات << ماراح اقول عمري خمنوا تعرفون حريم طفارتهم احد يقول لها كم عمرج؟؟؟؟

 

[fatomy]

انا اقول الزمن تغير والقلوب قست

:0bee2e8d89:

وعلى طاري اليهال كل شي يطلبونه يتحقق

والله يعين على الزمن الياي شرحا تصير

 

[DBDOB3 DES]

انا برايي محد يحس بزهق والضيقه الا اللي بعيد عن ربه ومقصر بصلاته وناسي مصحفه انا مااقولج 100%سعيده بحياتي لاني بكون جذابه ماكو انسان سعيد لكن مرتاااااااحه <<الف خط تحتها والسبب اني دايم احاسب نفسي واحب اكون قريبه من ربي لدرجة اني مرات اقول معقوله يمرشهر شهرين ماحسيت بضيقه مثل هللي كلا زهقانين ومتضايقين <<ماشاءالله
ومشكوره ع الموضوع خيتو

 

[الدلوعه2008]

تصدقين انا قول يا ليت الزمن يرجع لنا يكون احسن لا كمبيوتر ولا تلفون ولا مشغل ولا معرض ولا شيء يكون احلي مو مثل الحين الناس كلها تغيرت وللي شيف نفه وللي ما يبي يعلم احد كل الناس تغيرت

وانا قول ليت الزمن يرجع لوره يكون احلي

وفوق هذا قبل يا سلام لا خدامه ولا بطيخ

والحين خدمات وفوق هذا هوش وبطيخ وسوق نار وقبل سوق عادي كل شيء نشتريه من سووق والحين لا قويه سوق مشغل وخربيط السالفه طوووووووووويل

يا حلات المكتبه لمه نروح لها نقراء قصص ام الحين لا عندج النت قراء ستفيدي والمكتبه للاسفه ما فيها ناس

ولا قبل امج تدرسج او ابوج ام الحين حطين مدرس خصوصي او مدرسه خصوصيه تدرسج
ويا حلات قبل برمضان نساعد امنا بالطبخ ونطبخ وننظف ام الحين وين حطين خدمات يشتغلون مع امهم واهم بس يشوفون مسلسلات وللي تسوي بدكير ومنكير الحمد الله والشكر وللي ما تعرف تبطخ وتقول وي خايفه احرق جلدي ستغفر الله هل الزمن مو حلوو ليت الزمن يرجع لورا احلي :ggdw:

 

[M!$$ CUTE]

واااي صاجة

الله كريم شنسوي هذي نهاية الدنيـــــــــااا

يعطيج العافية ع الموضوع

 

[Deep LOoOVe]

• 
  
  ​

تصدقين انا قول يا ليت الزمن يرجع لنا يكون احسن لا كمبيوتر ولا تلفون ولا مشغل ولا معرض ولا شيء يكون احلي مو مثل الحين الناس كلها تغيرت وللي شيف نفه وللي ما يبي يعلم احد كل الناس تغيرت

وانا قول ليت الزمن يرجع لوره يكون احلي

وفوق هذا قبل يا سلام لا خدامه ولا بطيخ

والحين خدمات وفوق هذا هوش وبطيخ وسوق نار وقبل سوق عادي كل شيء نشتريه من سووق والحين لا قويه سوق مشغل وخربيط السالفه طوووووووووويل

يا حلات المكتبه لمه نروح لها نقراء قصص ام الحين لا عندج النت قراء ستفيدي والمكتبه للاسفه ما فيها ناس

ولا قبل امج تدرسج او ابوج ام الحين حطين مدرس خصوصي او مدرسه خصوصيه تدرسج
ويا حلات قبل برمضان نساعد امنا بالطبخ ونطبخ وننظف ام الحين وين حطين خدمات يشتغلون مع امهم واهم بس يشوفون مسلسلات وللي تسوي بدكير ومنكير الحمد الله والشكر وللي ما تعرف تبطخ وتقول وي خايفه احرق جلدي ستغفر الله هل الزمن مو حلوو ليت الزمن يرجع لورا احلي :ggdw:

صادقة حبيبتي بكل ياللي قلتيه فديتك والله

 

[الدلوعه2008]

اقوول بعد اسفه علي بدليات بس قمت كتب بسرعه من طفش للي فيني وضيقات بعد

 

[Deep LOoOVe]

اقوول بعد اسفه علي بدليات بس قمت كتب بسرعه من طفش للي فيني وضيقات بعد

عادي ياقلبي وسعي صدرج