يارب عونك (f) ، ( فضفـضة ) =))

[بعد روحي]

الله يرزقك خير منه وماتدرين يمكنها خيره
الجئ لربك وانا اختك

الحمدلله ، الشي اكيد خيره
بس تعرفين الواحد مره وحده تلتم عليه الأفكار الشينة

:eh_s(7): الله يعطيج مرادج حبيبتي

 

[بعد روحي]

حبيبتي ما اقول الا الله يعينج و هذي الدنيا , و انشالله الله يعوضج بلي احسن منه و ما تدرين يمكن خيره و الله يوفقج

الله كريم ، والله يعوض كل وحده عانت ابحياتها

ويوفقج انتي بعد :eh_s(17):

 

[بعد روحي]

عورتي قلبي

الله يفرج همج حبيبتي ويرزقج بولد الحلال
اللي يسر خاطرج ويريح قلبج

افتكيتي الحمدلله

ربي يعوضج خير

الله لا يعور قلبج على غالي فديتج
اي من قلب افتكيت . افضل قرار مصيري اتخذته بحياتي

اموفقه :eh_s(17):

طيب ارجعي لزوجك ماحسه سيئ لهدرجه تقدرين تعدلينه بذكائك إذا تحبينه اصبري شوي عليه
واشرطي عليه انو مايطلع اسراركم لبرا

إذا رافضته الله يعوضك يارب با اللي ابرك منه ولا تستعجلين على رزقك بيجيك إن شاء الله
وشوفي غيرك وصل فوق 25 و30 ولا سبق لهم الزواج وعايشين حياتهم لا نهم تاركينه للزمن وعارفين أن نصيبهم ورزقهم بياخذونه , وفيما معنى الآيه لن تموت كل نفس حتى تستكمل رزقها
عيشي حياتك وكملي دراستك وتوظفي وانسي موضوع الزواج وعيشي حياتك وبيجيك رزقك إن شاء الله

\

/

قرار رجعتي له شيء مستحييييييييييل
واحتمال غير وارد بتاتاً..

:eh_s(17): اموفقه حبيبتي

حبيبتي انتي بعدج صغيرة وبييج النصيب اللي بيخليج تعيشين السعادة والامور الي ذكرتيها فوق
اما طليقج اكس عليه ولا ترديله ولا شي ... مب مجبورة توج فعز شبابج تضيعين مستقبلج علشان ( يمكن ) يتعدل
ليش الدنيا فيها ومتروسة غيره .. واللي ربج كاتبنه لج بيصيرلج .. وانا حاسة بموقفج حبيبتي .. بس حاولي تفرحيلهم
وادري انج تفرحين بس بعد ماله داعي تصيحين وتسوين بعمرج جي .. ادري شي لا ارادي بس بعد قد ماتقدرين
لهي عمرج بشي وشاركيهم فرحتهم ........................... شكلي خربطت وايد بس والله عورتي قلبي وبعد فرحانتلج
لنج صغيرة والحياة جدامج ....*

ما أقلل من شأن أي رد ، بالعكس وجودكم يا بنات اسعدددددني
:eh_s(17)::eh_s(17)::eh_s(17): بس لردج سووووووووبر لايك..
لامستيني وايد .. ووصفتي احساسي وشعوري
:rerrerek: ياانتي يا فاهمتني
آنا مثل ماقلتي فديتج افرح لهم .. بس اول اسبوع من الخبر
قلبي ينقمت .. ما آكل ولا اشرب وكله صياح وبجي..
وبعدها ينقلب حالي اكون اكثر سعاده لهم ..
وابارك لهم .. واذا هم من رفيجاتي اساعدهم واكون يمهم
:eh_s(17)::eh_s(17)::eh_s(17): الله يوفقج حبيبتي

انا ماشوف زوجج سيء للامانه اغلب الشباب الحين يدزون لبعض صور وارقام بنات واهو يعتبرها تسليه انتي تعتبرينها خيانه بالاخير بقولج

شغله اهو الريال يشوف هذيل البنات بنظريه فوقيه يشوفهم ولا شي وانتي مرته فاكيد يشووفج كل شي بحياته حتى لو ماعبر لج

مافي ريال يختار مرأه يتزوجها الا واهو عارف يعني شنو كلمه زوجته يعني شرفه وعرضه ردي لريلج ترى حتى لو تزوجتي

الريال اليديد مايتقبلج بسهوله خاصه انج مطلقه ويمكن يقعد يشكك بسبب طلاقج كل شوي يعني مثلا يفكر ريلج طايح عليج او

يتهمج بشرفج او انج ملسونه فردي لريلج احسن وماكو انسان كامل

صدقيني حبيبتي ، لما كتبت فضفضتي لكم..
انتقيت كلمات تختصر معاناة سنة عشتها..
اللبنة الاساسية لكل علاقة الاحترام
والعلاقة الزوجية بدون إحترام .. وبدون رحمة ومودة ليش اخوضها ؟
ليش اضيع عمري على " يمكن يتعدل " انزين ويمكن مايتعدل ؟
ياقلبي - الله لا يقوله - لو يغى عليج . وريلج يقعد يطالعج
ومايحرك ساكن .. ولما تقومين تلقينه قاعد قبالج ويتبوسم - مع العلم ان اغمى عليج بسبته -
ولما تقولين له حلجي ناشف تكفى ييبلي ماي .. يقولج دمي نفسج ابنفسج
ويصفق الباب ويطلع .... وين الرحمة بالحياة الزوجية ؟
وين الاحترام لما يقول جدام اهله ... هذي ماتستاهل شي ؟ لمجرد ان بينكم مشكلة تافهه!
:eh_s(17): اموفقه حبيبتي

 

[صحكة الايام]

مالك غير الصبر وارسلت لك على الخاص

 

[بعد روحي]

ماشاءالله تبارك الرحمن تفكيرج ومنطقج كانج وحده كبيرة

حبيبتي مابي ازيد على اللي انتي قلتيه توج صغيرة والحياة جدامج
بس ابيج تنظرين من صوب ثاني وبجملة وحدة
((الخير في ما اختاره الله))
ربي قدر لج الزواج من واحد ماتوفقتي وياه
وقدر لج الطلاق لانه مو نصيبج ومافيه خير لج

ياقلبي طلاقج توه صار سنه
لا تياسين من رحمة ربي بالعكس انا اعتقد انها فرصة تراجعين نفسج وتهتمين بروحج
وعسى الله يرزقج بالزوج الصالح اللي يحبج ويخاف الله فيج

وتبشرينا قريب ان شاءالله ​

:eh_s(17): فديتج .. وفديت كلامج يسرسح عالقلب :eh_s(22):
الله يسمع منج يارب
والله يوفقج ياقلبي

الله يكون بعونج و يعوضج يا رب بلي يستاهلج

آمين .. ويكون بعون الجميع يارب
:eh_s(17): اموفقققققه

الله يرزقك في بالشخص الصالح الي تتمنينه ويرزق اللبنات الي يبون الستر وهذي الحياه لاسعاده مستمره ولا حزن مستمر

اي .. والله الوحده منا اشتبي ؟ غير الستر!
آمين الله يسمع منج .. ويرزقج بكل شي تتمنينه :eh_s(17):

الله يعين ع هالدنيا محد مرتاح ... انصحك بالاستغفار والله يسعدك يارب

إن شاء الله .. آنا استغفر وهم بازيد الجيله
محد مرتاح .. كلن عنده هم والحمدلله
:eh_s(17): اموفقه

حبيبتي شوفي آنا ما أحب ألومج بس الطلاق مو حل نهائياً
الأولى أنج تحاولين مع ريلج مرة و مرتين وثلاث ..
و شوفي دام لي الحين يحاول يردج معناته أهو لي الحين يبيج .. آنا أتوقع العيب من ربعه مو منه .. لأنج قلتي إنه أهما اللي يدلونه على البنات أهما اللي يورونه صور بنات
معناته اهو لو لقى ربع زينين صدقيني راح يتغير للأفضل

آنا زوجي كان عنده صديق (كلمة رايح فيها شويه عليه) كان معاه بالجامعة مرة من المرات ريلي خذاه قاله تعالي معاي المسيد هذاك كان يتحجج لا آنا بصلي ببيتنا ومن هالحجي ريلي أصر عليه ياخذه وياه وجم مرة على جم مرة الحين تعالي شوفيه كل صلواته بالمسيد تشوفينه ماتقولين هذاك الصايع صار متدين حييل

آنا أقول كثري من الاستغفار ومن الصلاة على النبي يعني باليوم الواحد 1000 مرة استغفار و صلاة عالنبي خلي نيتج أن الله يهديج للأفضل
أدعيله

وإذا حاول يردلج حطي شروط أهمها أن اللي يصير بينكم يظل بينكم .. وشرطي عليه ربعه ربع السو يوخر عنها ... وإذا تقدرين تشرطين عليه يصلي بالمسايد يكون أحسن ترا البيئة اللي فيها الإنسان واااايد تأثر على شخصيته
وهم بعد لا تنسين الاستخارة

و الله يوفقج إنشالله سواء معاه أو مع غيره حبيبتي

" إن الله لا يغير ما بقوم حتى يغيروا ما بأنفسهم "
لما كنت في العده وكنت للحين فيه شوية مشاعر احملهم له
قلت له .. آنا مابيك تبعد عن اهلك وربعك .. بس ابيك تفصل امبينهم وامبين شخصيتك
ليش تتأثر فيهم ؟ ليش تنقاد لهم بكل سهولة ؟
ليش ماتكون لك شخصيتك المستقلة ؟
وهم قلت له ابي شقة ابروحي بعيد عن اهلك
ووو إلخ قالي آنا ابيج إي نعم .. بس هم لو من باجر الاسكان يعطوني بيت .. ما اهد اهلي وأجره!
شالتفكير!
عموماً اختياري له كانت مجرد غلطه صلحتها بطلاقي =))
وانتي اموفقه بعد فديتج :eh_s(17):

ياحياتي يا انتي

ودي اضمج

اولا احمدي ربج على انج تطلقتي
و ثانيا حياتي بدري عليج توج بداية العشرين
انشالله سنتين وبتزوجين

بسراحه انا من رايي انج ماترجعين له
انا لوني مكانج ما اقعد ويا واحد خانني الا اني اسوي شي يعادل اللي سواه
الحمد لله مابينكم عيال
ادعي واستغفري
وربي يرزقج
انتي بس عيشي حياتج
اطلعي واستانسي وافرحي
الزواج مو كل شي

لاتفكرين ان سعادتج بتكون بالزواج او بالعيال
بس اذضي ربج وعيششششي حياتج

ربي يرزقج ياعمري انتي
بالتوفيق

هم انتي سوبر لايك فديتج :eh_s(17):
:eh_s(2): غورقت عيوني من كلامج ..
:eh_s(2): أم دميعه أدري
هذا اللي امخططه عليه .. قاعده اسويلي جدول .. برجيم وعبادات وصلة رحم وطلعات وروحات وردات
وان شاء الله جريب ادور لي محامي اشتغل معاه كوني دارسه حقوق

:eh_s(17): فديتج والله يرزقج بكل اللي تتمنينه

قيف مي بيج هاق :eh_s(22): هههه

 

[بعد روحي]

مادري شصار عندي .. مشكلة في الاقتباسات

:

تامي العسل / فديتج ياعسل .. :eh_s(17)::eh_s(17)::eh_s(17): هم سوبر لايك..
تصدقين أول ماتطلقت كنت فرحانه واقول اي خيره وان الله خاش لي نصيب أفضل
وبعدين وين راح هالتفكير ما ادري ؟
ان شاء الله باسوي اللي قلتيه واكيد استفدت من كلامج
:eh_s(17): اموفقه حبيبتي

:

أحاسيس : مشكوره على وجودج :eh_s(17): اموفقه فديتج

:

نونينونو : :eh_s(22): قاعده اشتغل على جدول فيه هالسوالف .. امقسمته جذي
صلة رحم - رجيم - عبادات - قراءات حقوقية ( في تخصصي يعني ) - قراءة روايات - أفلام - زوارات حق رفيجاتي - خدمات ( اساعد أمي وأبوي أخواني اي احد يبي مني شي )

:eh_s(17): فديتج انتي ... اموفقه

:

Eng.Kokoro : الله كريم ،، والله يوفقج ويوفق رفيجتج ويسعدكم :eh_s(7):

:

ضحكة الايام : فديتج مشكورة وشفت رسالتج ، وان شاء الله لي رد عليها
اموفقه :eh_s(17):

:

بيت اضيف كلام لـ أختي ( سفيرة الكويت ) إذا ماني غلطانه
ما ادري الحجي قلته في ردي عليج أو لا :eh_s(22): الكبر شين .. بسنا زهايمر يحسين بسنا
حبيبتي بقولج شغلة ..
آنه من يتقدم لي شخص اقعد معاه واشوف شخصيته
واكلمه عن هالنقطة اللي قلتيها..
ومن تطلقت مع إن مابطلت حلجي بكلمة حق مشكلتي معاه .. بس الكل قالي ارتحتي
( لان الناس يعرفون معدنه ويعرفون اهوه شنو )
صدقيني شخص يفكر بهالتفكير مستحيل افكر في الارتباط فيه..
آنا من يتقدم لي شخص اخبره بكل شي بكل أمانه واقوله لك ححرية الخيار في انك تسأل الناس واللي حواليني
وتسأل عن طليقي نفسه وراح اتعرف كل شي..
بس مايصير نصيب امبينه .. غالباً بسبب الفحوصات .. او ان مانرتاح حق بعض
:eh_s(17)::eh_s(17)::eh_s(17)::eh_s(17): اموفقه مرة 2


:



بناااااااااااااااااااااات أححححححححححححبكم كلامكم وايد ريحني :eh_s(22):

 

[Mjnont '3lay]

الله يرزق لج الزوج الصاالح عاجل غير اجل

 

[Miss--dndn]

حبيبتي بأنصحج نصيحة أخت لأختها الحين انتي سالفتج مو مشكله ويبيلها حل اقصد مو هوشه او سالفه صايرتلج مع زوجج عشان نقولج شتسوين او شلون تتصرفين
مشكلتج الحين بمشاعرج وشعورح بالحزن بعد الطلاق وزعلانه على حظج
نصيييحتي لاازم اطبقينها مشاعرج مهما اشتكيتيلنا كا راح نعرف احساسج بالضبط كثر الله قومي بليل صلي ةالناس نايمين اشكي لربج مثل ماشكيتيلنا قوليله شلي تحسين فيه وانج راضيه بالي كتبه لج وساليه انه يعوضج خير من الي راح وكل ما حسيته نفسج حزينه او مضايقه استغفري واستغفري واستغفري وثقي ثقه تااااااااااامه ان نصيبج قريب وماراح يخذلج الله
اكيد ربنا له حكمه بالي صار معاج ان شاء الله يكون كاتبلج الله مع الايام الي اهوا احسن
انتي الي صير معاج لأنج تحسين بفراغ بعد ماكنتي متزووجه ومنشغله بحياتج
اصلاً احمدي ربج انه فكج منه علي حسب كلامج ان راعي بنات زين انج كشفتيه قبل لايعديج بمرض ياا كافي الشر
تري ما يسوى ضفرج
الله يوفقج بالي احسن منه ويكبر حظج مع ولد الحلال الي يصونج ويحطج بعينه