ياروح الروح حبك فرضته فرض ياروح الروح اصبحت انت النبض

[MazYo0ona*]

رد: يروح الروح حبك فرضته فرض ياروح الروح اصبحت انت النبض


هااااااااي (احلاهم و اتحداهم)
حيييييييييييل شدتني روايتج و انا كنت اتابعج بصمت و اساسا انا ماكنت مسجلة و سجلت عشانج و عشان ريريز

و حمد .. يبولي اياه خل اكوفنه شوي عن خيره باط جبدي
و عبدالله ... شنو هل المخ مشالله علي ذكي الصراحة في احد يسوي جذي عشان خطيبته خانته بالعنه ابستين داهية بس مخك امصين lool
و لجين ... شنو مقطعه قلبي انشالله حوبتها ماا تتعداهم

 

[@ احلى عروس @]

رد: يروح الروح حبك فرضته فرض ياروح الروح اصبحت انت النبض

اب اب اب
ابي بااااااااااااااااااارت

 

[@أحلاهم وأتحداهم@]

رد: يروح الروح حبك فرضته فرض ياروح الروح اصبحت انت النبض

مساء الخير
سوري على التأخير بس امس صارلي ضرف وماقدرت انزل البارت
الحين انزل البارت قراءه ممتعه

 

[@أحلاهم وأتحداهم@]

رد: يروح الروح حبك فرضته فرض ياروح الروح اصبحت انت النبض

اب اب اب
ابي بااااااااااااااااااارت

بنت خالتو اليوم بيي بيتكم ابي عشى محترم هههههههههههههههههه

 

[@أحلاهم وأتحداهم@]

رد: يروح الروح حبك فرضته فرض ياروح الروح اصبحت انت النبض

البارت الرابع عشر


راشد:يبولي الحيوان هذا الحين ابي اعرف شنو الي سواه
وبهل وقت طلال كان داق على زيد وزيد قاله السالفه كلها
طلال وصل الكويت وطيران على المستشفى



بيت سالم
عايشه:يابنات تعالو ابيكم
خلود وخوله:خير يمه
عايشه:ابوكم يقول لجين بالمستشفى وابيكم اتروحون اتزورونها
خوله:اشفيها يمه بتموت
عايشه:ابوج يقول انهيار عصبي
خلود :يعني ينت
عايشه:لا ماينت بس ابي عارف من شنو ياله هل انهيار العصبي روحو يبولي الاخبار
خلود:اتلاقينها اتحب وحبيبها خلاها اتولي الانها ماتنبلع ومن الصدمه حاشها الانهيار العصبي
عايشه:بلا هذره روحو يبولي الاخبار واذا اسألوكم عني قولوا مي تعبانه وايد
خوله:وي يمه ليش اتفولين على روحج



بالمستشفى

الدكتور عطاها مهدء ونامت وطلب من الكل مايدخلون عندها واذا حبو يدخلون مايدخل اكثر من واحد

عبدالله:دكتور فهد بعد اذنك انا استلم الحاله بدالك
دكتور فهد:أي مافي مانع تفضل وعطاه ملفها
عبدالله طلب تحاليل يبي يتأكد من شغله
وبهل وقت وصل طلال ودموعه على عينه
طلال:وينها
راشد:حمدالله على السلامه اهيه الحين بالغرفه نايمه
طلال:الله يسلم بدخل اشوفها
عبدالله :الحين مايصير تدخل عليها عطينها مهدء عشان ترتاح
طلال:ماأطول بس اتطمن عليها
عبدالله:مومشكله بس انا بدخل معاك ومابي أي انفعال
طلال يحرك راسه يعني انشالله
طلال وعبدالله دخلو عليها بس كانت نايمه طلال قرب من الفراش
دلال ومريم:الحمدالله على السلامه
طلال مارد عليهم مسك ايد لجين وكلمها:يانظر عيني من الي سوى فيج جذي شلي خلاج بهل حاله ودموعه ماكانت توقف
طلال:انا الغلطان الي خليتج ابروحج لجونتي كلميني
عبدالله:احنه قلنه بدون انفعال البنت تعبانه ممكن تتفضلون بره
طلال:لادكتور انا بقعد عندها
عبدالله:لا جذي البنت بتتعب اكثر لمن اتشوفكم بهل حاله
طلال:دكتور ماني طالع واوعدك ماأتكلم
عبدالله استغرب من تصرفه وماكان عارف طلال منواو شيصير حق لجين عبدالله طلع من الغرفه
عبدالله:وقفتكم اهني مالها داعي البنت نايمه وماراح تصحى الحين
راشد:دكتور عبدالله ماوصيك عيلها
عبدالله:لاتوصيني هذا واجبي
حنان:يمه اذا قامت عطني خبر
عبدالله:تامرين يالغاليه
الكل راح ماعادا طلال وعبدالله رد دخل الغرفه عندها بحجت مايبي طلال ينفعل الانه مو زين حق حالتها

طلال :دكتور اهيه اشفيها بضبط
عبدالله:اضاهر تعرضت لي صدمه قويه وصار معاها انهيار عصبي
طلال:حسبي الله ونعم الوكيل بلي كان السبب
عبدالله خاف من دعوت طلال وحب يغير الموضوع وكان عنده فضول يعرف منو هذا وليش كل هل الهتمام فيها
عبدالله :انت زوجها
طلال:لا انا عمها
عبدالله:شكلك وايد متعلق فيها
طلال:أي وايد لجين بنتي واخوي الله يرحمه موصيني عليها
وضلو يسولفون لين اقعدت لجين
طلال وهوه ينتسم:صح النوم ياعسل
لجين:.............
طلال:اشدعوه ماكو الحمدالله على السلامه ماكو ولهت عليك
لجين ولفت راسها الصوب الثاني ومن شافت عبدالله ادموعها انزلت
عبدالله:طلال ممكن اتخلينه بروحنه شوي
طلال:ليش دكتور
عبدالله:لاتخاف ماكو شي بس اشويت فحوصات
وبنفس الوقت ادخلت السستر معاها تحاليل الي طلبهم عبدالله
ومن شاف التحاليل اعتفس ويها
طلال اخترع الانه عبدالله تغير ملامح ويه :دكتور في شي
عبدالله: هلا لا ماكو شي كل التحاليل ممتازه
طلال:الله يبشرك بالخير
عبدالله :الحين ممكن اتخليني معها شوي
طلال:انشالله
لجين امسكت ايد طلال عشان لايطلع كانت خايفه من عبدالله
طلال:لجونتي بوقف بره ماني رايح مكان وخلاها وطلع
عبدالله مكان عارف اشلون يفتح الموضوع معاها بس لازم يتكلم وتأخير موبصالحه
عبدالله:لجين انتي شربتي شي لمن كنتي هناك
لجين ساكته
عبدالله:الواضح من التحاليل انج شاربه شي وكان في نسبه كبيره من المخدر او مثل مايسمونه منوم
لجين :............
عبدالله خذا نفس عميق:والله اوعدج كل شي بيتصلح
لجين:يتصلح شنو الي يتصلح حرام عليك انت شوهت سمعتي انا واهلي نزلت راسهم بالارض وتقولي يتصلح شقولهم شقول حق الي واقف بره ومو عارف شنو فيني ودمعه على خده
عبدالله:كل الي ابيه منج محد يعرف بلي صار
لجين:طبعن الانك خايف على نفسك وعلى سمعتك
عبدالله كان يبي يخوفها شوي: وحتى انتي اذا اهلج عرفو بالي صار يمكن يلومونج بدرجه الاولى ويمكن مايصدقونج
لجين:معقوله
عبدالله:كل شي جايز وحنه لازم انحط اصعب الاحتمالات
لجين:و اذا سألوني شقولهم
عبدالله فكر اشوي :أي قوليلهم انه حمد قالي بيب ربعي عشان ...
لجين تذكرت وقامت تبجي:انا الي ابيه شي واحد
عبدالله:شنو
لجين:ابي الشريط
عبدالله:لاتحاتين انا ماراح يهدالي بال الا اذا صار بيدي الانه الشريط يهمني مثل مايهمج
لجين وهيه تبجي:حسافه انك ولد عمي عبدالرحمن
عبدالله:لجين خلاص قتلج كل شي بيتصلح
لجين:وتعتقد اني بوافق على واحد مثل لو تضل آخر ريال بالعالم ماآخذك
عبدالله:الحين مو وقته بس مثل ماقتلج لحد يعرف بلي صار ولاحتى اقرب الناس لج حتى لاتفكرين بالموضوع انسي كل شي
لجين:يليت اقدر انسى الي صار شي صعب
طبعن السستر واقفه مواتدري الله وين قاطها الانها ماتعرف ولا كلمه عربي
عبدالله طلع من الغرفه وهوه مرتاح
لجين :اكيد ماتبي احد يعرف بالي صار خايف على سمعتك
دخل طلال:ها كتكوته اشلونج الحين
لجين:الحمدالله
طلال:زين واخيرن سمعنه الصوت الحلو
لجين قامت تبجي :عمي ابي ارد البيت
طلال:ليش اهني اريحلج انا اقول خلج جم يوم وبعدين طلعي

ثاني يوم الصبح
اقعدت لجين على صوت عمتها عبير
عبير:صباح الخير
لجين وهيه متضايقه:صباح النور
عبير:اشلون بنتي الحلوه
لجين :الحمدالله على كل حال عمتي وين طلال
عبير :راح البيت يبي يسبح وبدل ويرجع
لجين:اممممم
اشوي وعاليه والبنات وراشد ادخلو
السلام عليكم
لجين و عبير:وعليكم السلام
البنات اقعدو على الفراش يم لجين
دلال:لجون خوفتينه عليج ولمتها حيل
مريم:لجون لاتخوفينه عليج مره ثانيه
لجين ودموعها تنزل:انا آسفه ماكان قصدي اخوفكم
راشد:اذا مانخاف على حبيبتي لجين انخاف على منو
لجين قامت تبجي
راشدعينه غورقت كان ودا يسألها عن الي صار بس كان خايف :لجون ليش تبجين تبيني ازعل منج
لجين تمسح ادموعها :لا عمي مابيك تزعل مني خلاص ماراح ابجي
اشوي ودخل عبدالله
عبدالله:السلام عليكم
الكل :وعليكم السلام
عبدالله:اشلونج لجين انشالله احسن اليوم
لجين:.........
راشد:دكتور اشلونها الحين
عبدالله:لا الحين وايد احسن
لجين بقلبها(صرت احسن بنسبه لك بعد ماتطمنت اني ماراح اقول حق احد صج عديم احساس)
راشد:دام جذي متى تطلع من الطبيب
عبدالله:لا انا من رايي تقعد بعد يومين
لجين:لا ابي اطلع اليوم
عبدالله :مليتي منا
لجين اعفست ويها
عبدالله:كلها يومين نطمن اكثر عليج وبعدها طلعي ماكو مشكله
ليث :السلام عليكم
الكل:وعليكم السلام
ليث:لجين اشلونج الحين
لجين:الحمدالله
ليث:يبه انا يايبلك خبر بس مادري اذا حلو ولا لاء
لجين ويها انقلب وحتى عبدالله كل واحد خايف انه الشريط صار عند ليث
راشد:خيرانشالله
ليث:حمد سوى حادث ونفجرت فيه السياره ومات بنفس الوقت يبه يقولك مشوه بشكل مخيف
لجين:الف الحمدالله هذا جزات الظالم
راشد تأكد انه حمد مسوي شي بلجين بس حب يأجل الموضوع
راشد:اشلون صار الحادث
ليث:المحقق يقول الي كان معاه كان مسرع وايد وفقد الصيطره على السياره ودخل بشبه والي معاه واحد اسمه جاسم اتعرفه
راشد:وانا شعرفني بهل اشكال
عبدالله انصدم من سمع الاسم وعلى طول استأذن منهممعقوله جاسم مات اكيد هذي حوبتها الله يستر)
لجين ارتاحت اشوي بس كانت خايفه تبي توصل حق الشريط الي صوره حمد وتبي اتعرف اذا وصل بيد احد ولا كان معه وقت الحادث


بيت روان
روان:هذا وينه صارله فتره غاط مايبين اخاف هون عن الزواج
نوف :دقي عليه
روان:اخاف يصكه بويهي الانه آخر مره كلمته تهاوشنه بسبت امه
نوف:ليش امه شفيها بعد
روان:مافيها شي بس انا قتله لي متى مأجلين الزواج كل هذا عشان رفيجتها لو كان واحد من عيالها او ريلها جان شسوت
نوف@@:انتي من صجج قايلتله جذي
روان:نرفزني شسوي وثاني بعد مادري وينه ادق عليه مايرد
نوف:منو قصدج ضاري
روان:في غيره انا حاسه انه وراه بلاوي
نوف:خلج على عبدالله وايد ارحم
روان :أي والله خل ادق عليه وخذت تليفونها ودقت

بالمستشفى
عبدالله:هذي شتبي داقه مو كافي الي صار بسبتها
عبدالله:نعم
روان:نعم الله عليك حبيبي انت وينك كل هذا عقاب شدعوه ماولهت على رونه حبيبت قلبك
عبدالله:روان مليون مره قايلج لمن تتكلمين عن اهلي تكلمي بحترام اهلي مو تاج راسج انتي واهلج فاهمه
روان:فاهمه يقلبي بس خلاص انسى الي صار ماولهت علي
عبدالله:اكيد
روان:عبودي بشوفك مشتاقتلك
عبدالله:ياغالي وطلب ارخيص اشعندج الحين
روان :ماعندي شي وحتى لو عندي ااجل كل شي عشانك
عبدالله:اوكي تعالي عند مطعم الصنوبر انطرج اهناك بس لاتزرعيني ابسرعه وراي شغل لي الراس
روان:اوكي يقلبي نص ساعه واكون عندك

نهاية البارت

 

[sweetii.sara]

رد: يروح الروح حبك فرضته فرض ياروح الروح اصبحت انت النبض

waaaaaaaaaaw al-rwaya

y36ech alf 3afya

yslmoo 3la al-part

 

[@أحلاهم وأتحداهم@]

رد: يروح الروح حبك فرضته فرض ياروح الروح اصبحت انت النبض

ليييييييييييييييش حرااااااااام اكسرت خاااطري .. كله من هالحمد و عبدالله بعد باااااااط جبدي يعني مره وحده يفصخ الحيا وينسى دينا

قلنا يحب وانصدم بس مو جذي عاد !!!

ناطرينج حبي احلاهم لا تطولين

انتي وينج صارلج فتره ماتبينين عليج مخالفه ولازم تدفعين ضريبه 100 فلس خخخخخخخخخخخخخخ

 

[shoOshii]

رد: يروح الروح حبك فرضته فرض ياروح الروح اصبحت انت النبض

waay la2 3abdlah '3aabet 3gb kl hatha yrd o0 ykaleem rawaan
o0 bs 5ayef 3la nfsa ygoulha la tgoulen 7g a7ad o0 y9eer 5air
lazm yswey shay aw yshouf 7al 3l.a8aal
o0 mskeena lojean alah y3enha
thenq a7lahm 3l part
naa6rench la t6wlen 3lain 7bebty

 

[ام حمادي309]

رد: يروح الروح حبك فرضته فرض ياروح الروح اصبحت انت النبض

يعني شنو يبي يتزوجها ولا شنووو؟؟
يلا عاد حطي لنا البارت نبي نعرف الباقي

يسلموووو حبيبتي

 

[@أحلاهم وأتحداهم@]

رد: يروح الروح حبك فرضته فرض ياروح الروح اصبحت انت النبض

يعني شنو يبي يتزوجها ولا شنووو؟؟
يلا عاد حطي لنا البارت نبي نعرف الباقي

يسلموووو حبيبتي

ههههههههههههههههههههههه
من عيوني بس عطيني ساعه وانزل البارت انتو تامرون

 

[spongebob93]

رد: يروح الروح حبك فرضته فرض ياروح الروح اصبحت انت النبض

مشكووره عالبااارتاااات تسلم ايدج
امبي ! عبدالله نو كومنت !!
ومادري ليش لي الحين يكلم روان عقب اللي شافه !
لجين حييييل كااااسره خاطري ! =\
ناطرينج

 

[@أحلاهم وأتحداهم@]

رد: يروح الروح حبك فرضته فرض ياروح الروح اصبحت انت النبض

هااااااااي (احلاهم و اتحداهم)
حيييييييييييل شدتني روايتج و انا كنت اتابعج بصمت و اساسا انا ماكنت مسجلة و سجلت عشانج و عشان ريريز

و حمد .. يبولي اياه خل اكوفنه شوي عن خيره باط جبدي
و عبدالله ... شنو هل المخ مشالله علي ذكي الصراحة في احد يسوي جذي عشان خطيبته خانته بالعنه ابستين داهية بس مخك امصين lool
و لجين ... شنو مقطعه قلبي انشالله حوبتها ماا تتعداهم

يابعد عمري واي وناسه في احد يسجل بالمنتدى عشاني والله يسعدني تواجدكم بروايتي

 

[@أحلاهم وأتحداهم@]

رد: يروح الروح حبك فرضته فرض ياروح الروح اصبحت انت النبض

waay la2 3abdlah '3aabet 3gb kl hatha yrd o0 ykaleem rawaan
o0 bs 5ayef 3la nfsa ygoulha la tgoulen 7g a7ad o0 y9eer 5air
lazm yswey shay aw yshouf 7al 3l.a8aal
o0 mskeena lojean alah y3enha
thenq a7lahm 3l part
naa6rench la t6wlen 3lain 7bebty

البارت الياي راح يبيت عبدالله ليش سوى كل هذا ويسلمو على المتابعه

 

[ReRez]

رد: يروح الروح حبك فرضته فرض ياروح الروح اصبحت انت النبض

انا كنت مريضه احلاهم وللحين والله مريضه لا تسمعين صوتي تخترعين وتسكرينه عبالج داقه على ريال
--

البارت وايد حلو و عبدالله قاهرني .. و في عندي سؤال محيرني اشلون عبدالله يصير ولد عم لجين و طلال عمها ومايعرفون ويه بعض ؟

يعني حتى ما شبه عليه او شي :×

مشكوره حبيبتي

 

[@أحلاهم وأتحداهم@]

رد: يروح الروح حبك فرضته فرض ياروح الروح اصبحت انت النبض

انا كنت مريضه احلاهم وللحين والله مريضه لا تسمعين صوتي تخترعين وتسكرينه عبالج داقه على ريال
--

البارت وايد حلو و عبدالله قاهرني .. و في عندي سؤال محيرني اشلون عبدالله يصير ولد عم لجين و طلال عمها ومايعرفون ويه بعض ؟

يعني حتى ما شبه عليه او شي :×

مشكوره حبيبتي

ماتشوفين شر والله فقدت قلت يمكن هونت وماتبي تقرا الباجي :eh_s(6):
وبنسبه حق عبدالله اهوه مو ولد عم لجين عبدالله ولد عبدالرحمن ارفيج ابوها بس لجين اتقول حق عبدالرحمن عمي الانه اهوه الوحيد الي علاقته كانت قويه في ابوها والوحيد الي ليلحين يسأل عنها
ردي اقري البارت الاول

 

[ReRez]

رد: يروح الروح حبك فرضته فرض ياروح الروح اصبحت انت النبض

اي صح كلامج والله مو مني من التعب وانا اختج

تعب نفسي من المنتدى اهني و تعب جسدي من المرض

السموحه

 

[@أحلاهم وأتحداهم@]

رد: يروح الروح حبك فرضته فرض ياروح الروح اصبحت انت النبض

اي صح كلامج والله مو مني من التعب وانا اختج

تعب نفسي من المنتدى اهني و تعب جسدي من المرض

السموحه

الله يعينج حبيبتي والله ماتستاهلين انشالله بعدو ولا فيج انا توني اقريت موضوعج بس مافهم سالفت الملحق احنه عاجبنه جذي ليش يغيرون

 

[shoOshii]

رد: يروح الروح حبك فرضته فرض ياروح الروح اصبحت انت النبض

wating

 

[ReRez]

رد: يروح الروح حبك فرضته فرض ياروح الروح اصبحت انت النبض

ماقصرو و شالو هالقانون لعيوني و عيونكم

 

[@أحلاهم وأتحداهم@]

رد: يروح الروح حبك فرضته فرض ياروح الروح اصبحت انت النبض

ماقصرو و شالو هالقانون لعيوني و عيونكم

خخخخخخخخخخخخخ
المهم متى روايتج الرابعه بس ريريز عفيه نبي نهايتها سعيده والله اغلب القصص الي بالمنتدى نهايتها تعور القلب