ياروح الروح حبك فرضته فرض ياروح الروح اصبحت انت النبض

[.sadtear.]

.,

Wnasa ga3da tshwgeenaa loooOl

..

A7lahm mala7'9tay shay? 3dd ezwar wlmshahdeen zadaw looOl wnasa

.,

 

[.sadtear.]

.,

Wnasa ga3da tshwgeenaa loooOl

..

A7lahm mala7'9tay shay? 3dd ezwar wlmshahdeen zadaw looOl wnasa

.,

 

[TATA.Q8]

يلا نزلي البارت بسرعه قبل لا يعلق الموقع ;p

 

[MeeMeeYoo_2]

لا بليز الموقع قام يعلق لووول

 

[@أحلاهم وأتحداهم@]

البارت 30


لجين مابغت اطول اكثر:خلاص باي
عبدالله:وين
لجين:طلال يناديني
عبدالله:اوكي بس ماكو نوم...وانا امرج اساعه 10
لجين:اوكي باي
عبدالله:باي

لجين:واي انا شسويت بعمري الله يستر...وااي قلبي بيوقف
طلال :لجون...لجون ...وين رحتي
لجين :كاني عمي كنت بالغرفه...وطلعت من الغرفه
طلال:لجون شفيج ...ليش عيونج حمره انتي باجيه
لجين:لا مو باجيه..طلال عبدالله موراضي انام اهني
طلال:اممممممممم....انتو صاير بينكم شي
لجين:لا
طلال:لجون اكيد مو صاير شي
لجين:اكيد
طلال:لجون اذا ريلج موراضي ردي بيتج احسن لج ....وبعدين ليش بتنامين هني
لجين:طلال والله مليت كله بروحي اهوه دوامه ليل ...ولمن يرجع ينام ....وانا اضل طول اليل ونهار قاعده بروحي
طلال: ليش ماتقعدين تحت مع اهله
لجين:انزل تحت بس صارلي جم يوم مونازله عبدالله يقولي لاتنزلين دقي على البنات ايولج فوق....بعدين ورا الغدا كلهم ينامون
طلال:ميخالف لجون مايصير اتهدين ريلج بروحه ... مامداج مليته منه
لجين :انا مامليت منه انا مليت من القعده بروحي
طلال:اهوا دوامه كله ليل
لجين:لا بس امس
طلال:الحين كل هسالفه علشان امس بس ....لجون لاتصيرين سخيفه
شوي ودق عبدالله
لجين:الووو
عبدالله:لجين انا بره بطليلي الباب
لجين:وين بره
عبدالله :عند باب شقة طلال
لجين بستغراب:اوكي ...راحت بطلت الباب ...تفضل
عبدالله:السلام عليكم
الكل :وعليكم السلام
طلال:هلا عبدالله حياك تفضل ....ليش واقف عند الباب
عبدالله:لا بس باخذ لجين وبمشي
لجين:عبدالله توني واصله مامداني اقعد...انت مو عندك لعب
عبدالله :لا مابي اروح هونت...ولاحقه على القعده مره ثانيه ايبج
طلال:قعدو اشوي وبعدين روحو
عبدالله:لا والله بمشي مستعل
لجين:وين بتروح
عبدالله:بروح البيت ابدل ونطلع....ولا ماودج تطلعين
لجين اطالع طلال:لاودي اطلع مليت من البيت
عبدالله:اذا جذي يالله مشين
لجين:اوكي بس ايب جنطتي
عبدالله:نمشي
لجين :اي
لجين وعبدالله :يالله مع السلامه
طلال ومريم:الله يسلمكم
مريم :حسافه ماقعت معاها ...شنو هذا عبدالله ليش صاير جذي
طلال:خليهم معاريس...خل يستانسون
مريم:اي معاريس صارو قدم ...من زمان متزوجين...المعاريس حدهم شهر
طلال:واهما توهم شهرين...يعني معاريس


بيت راشد

عبير وعاليه كانو زايرين ....كانو يتفقون على الاشياء الي بودونها معاهم الشاليه...وشلون تقسيمت الغرف وكل غرفه منو بينام فيها

عبير :عاليه المعاريس متى بيوصلون
عاليه:المفروض بعد اسبوع ...بس جنه زيد جدم الحجز
راشد:اي انا قتله يجدم الحجز...بيون على نهاية الاسبوع
عاليه:متى جدمو... دلول ماقالتلي
شيخه:زيد اليوم جدم الحجز....انا مادري ليش مايخليهم على راحتهم...والله معاريس خلهم يستانسون
راشد:لاحقين على الوناسه...الشغل متراكم وانا والياس محنه قادرين انلحق
عبير:واحمد وينه
شيخه:احمد راح امريكا ...بخلص اوراق ليث ويرجع
عاليه:ليث خلص ولا بعده
راشد :لاوين هذا بعد 100 سنه مايخلص...انا قلت يكمل دراسته اهني وايد احسن
عبير: صاج ...على الاقل اهني بين اهله ...واحسنله من الغربه...مرده بيشتغل وياكم بشركه
عاليه:ياخوي العمر يخلص وشغل مايخلص ...هذا شهر عسل مايتكرر مره ثانيه ...جان خليتهم ...حرام اتلاقيهم الحين متضايقين
شيخه:والله عيزت وانا اقوله بس وين ....اخوج الي براسه يسويه
راشد:بسهم كافي واذا خلص الشغل الي عنده انا اعوضهم بسفره ثانيه شهرين موشهر
عبير:عاليه...لجين بتيه معانا ولا بعدنا بيومين
عاليه :مادري عنها
عبير :والله احنه مقصرين معاها من تزوجته ...ماندري عنها
عاليه:اخبارها كلها عند طلال
عبير:والله طلال فيه الخير مو احنا ...المفرض احنا الي نسأل عنها وايد مو طلال
عاليه:انا اكلمها كل يومين ...وتلاقينها الحين لاهيه مع ريلها ....وين فاضيتلنا
شيخه:لا عاد لجين...ماعندها هسوالف ...قولو انتو الي لاهين عنها
راشد:يعني انتي الي سألتي عنها ...كلكم نفس الشي
عبير خذت تليفونها ودقت على لجين:انشالله اترد

لجين:الووو
عبير:الووو...هلا لجونه شلونج...شخبارج
لجين:انا بخير الحمدالله انتي شلونج
عبير:الحمدالله بخير ...وعبدالله اشلونه معاج
لجين:الحمدالله ..
عبير:شكلج طالعه
لجين:اي والله طالعه مع عبدالله
عبير:زين اتسون ..دام ماعندكم واق وويق طلعو..ستانسو ...باجر تحملين وتنحكرين بالبيت
لجين حطت ايدها على بطنها وعبدالله كان يطالعها
عبير:لجون انتي بتين الشاليه معانا ولا مع حمولتج
لجين:والله مادري عمتي ...على حسب عبدالله..اذا دوامه يعطونه ايجازه ولا لاء
عبير:اممممم.....واذا ماعطوه اجازه ماتين
لجين:لا عمتي اذا ماعطوه ماقدر اهدا بروحه وأيي...عمتي صج بيت عمي سالم بيون معانه
عبير:واي لاتذكريني ...مادري شلون بجابلهم اسبوع...المهم عطيني خبر الانه بنشوف توزيعت الغرف شلون
لجين:انشالله...اشوف عبدالله وعطيج خبر
عبير:يالله حبيبتي سلمي على ريلج ...يالله مع السلامه
لجين:الله يسلمج

عاليه:منو الي ماتدرين اشلون بتجابلينهم اسبوع
عبير:عايشه وبناتها منو بعد
عاليه:والله مادري ليش قلبي ناقزني من هروحه
راشد:انتو على كل شي قلبكم ينقزكم... صج حريم
عبير:وهيا صاجه ...بنات سالم ماوراهم الا المشاكل وعوار الراس
عاليه:انت تري يوم عرس دلال...خوله يايه تسأل لجين ..وين ريلج وليش مو ياي العرس وين مسافر ...بالله ماتقولي شنو يقصدون
شيخه:وااي وهمه شكو بالريال
عبير:اشرها مو عليهم على سالم الي ساكت عنهم وايد
راشد:سالم يالله يعابل بمرته بعد له خلق البنات
شيخه:بس بناتا مصخوها وايد...وانا متوقعه بقطون حجي على لجين ويحرجونها جدام ريلها
راشد: والله جان احط انعالي بحلوجهم ...هذا الي ناقص بعد...اذا صار ماوراها ظهر خل يتحجون بس طول ماراسي يشم الهوا مايقدرون يفجون حلجهم
عاليه:انا مادري ليش يكرهونها جذي ...جنها بايقه حلالهم
عبير:حبيبتي محترين منها...لجين حلوه وجسم وخلاق والكل يحبها..عكسهم كل وحده امتن من الثانيه ..ومحد يشتهيهم

بسياره وتوهم طالعين من النوخذا
عبدالله:لجين..اذا دوامي ماعطوني اجازه ماتروحين
لجين:شلون اروح واخليك بالبيت بروحك
عبدالله يبتسم:دام جذي حتى اذا ماعطوني اجازه بنروح
لجين:صج والله
عبدالله: اي بس بشرط ...ماتحوسين وايد
لجين:انشالله...بس متى بتروح
عبدالله:كيفج اذا تبين اتروحين قبل اهلي ماعني مانع
لجين:ماراح تفرق كلها يومين
عبدالله:خلاص عيل انروح قبلهم...لجين بنام بغرفه وحده
لجين:لا ...شاليه الريايل بروح والحريم بروح
عبدالله:اممم...مومشكله كلها يومين
لجين:حتى اذا اهلك يو انا بضل بشاليه الحريم
عبدالله:انتي موتقولين مابيهم يحسون بشي
لجين:اي
عبدالله بخبث:خلاص عيل لاخلينهم يحسون بشي
لجين:........
عبدالله :ليش ساكتي ...سولفي
لجين:انت سولف
عبدالله:اممممم ...تدرين اليوم شسويتي فيني
لجين ويها قلب وصار احمر من الاحراج ونزلت راسها
عبدالله شافها منحرجه وحب يحرجها اكثر:انتي من بستيني وانا احس بحراره بجسمي....شرايج اتبوسيني مره ثانيه يمكن الحراره اتروح
لجين تمنت الارض تنشق وتبلعها وهم كانت خايفه من الي ياي
عبدالله:شقلتي
لجين:على شنو
عبدالله:ابي بوسه
لجين:عبدالله..
عبدالله:موبكيفج ابي بوسه..والحين
لجين:بشارع
عبدالله:اممم يعني اذا ردينا البيت اتبوسيني
لجين ويها قام يقط الوان:عبدالله بروح انام بيت طلال
عبدالله:هههههههههههههههههه ....خلاص هونت مابي شي...شرايج ننزل نقعد على على اليال اشوي
لجين :ياريت
عبدالله سفط ونزلو على البحر...تمشو اشوي وبعدها اقعدو قبال البحر على التراب...عبدالله كان قاعد قبال لجين ...معطي ظهره للبحر
لجين:احب هل مكان
عبدالله:المكان حلو
لجين:لمن اكون متضايقه وايد اي هني
عبدالله:امممم ...وجم مره يتي هني
لجين:وايد
عبدالله:لجين ممكن اسأل سؤال
لجين:تفضل
عبدالله:انتي مرتاحه معاي
لجين:الحين اي بس قبل كنت اخاف منك
عبدالله:ليش اتخافين مني
لجين:كله معصب وكنت اتمد ايدك علي ...شكلك كان يخرع
عبدالله:والحين
لجين:الحين الحمدالله
عبدالله:يعني ماتخافين مني
لجين تبتسم:لا
عبدالله:لجين ليش تهتمين فيني وايد
لجين بستغراب:عبدالله انت ريلي ...وشي طبيعي الي اسويه كل الحريم اتسوي جذي مو بس انا
عبدالله:انتي بزود...انا عمري ماشفت امي اتسوي الي اتسوينه انتي....ليش كل هل اهتمام
لجين:قتلك انت ريلي
عبدالله :وبس
لجين:وابوي الي بطني
عبدالله:وبعد
لجين تخاف اتقوله احبك:وبس
عبدالله :اممممم
لجين:عبدالله ...انت تشرب
عبدالله@@:لا ...كانت مره وانشالله الله يغفرها الي
لجين:انشالله....وو...لا خلاص
عبدالله :و شنو قولي...لاتحطين شي بقلبج
لجين:اذا قتلك اتجاوبني بصراحه وماتعصب
عبدالله:اجاوبج بصراحه وماعصب..بعد
لجين:جم وحده سويت فيها جذي
عبدالله خذا نفس عميق ونزل راسه:لجين الله يشهد علي انتي اول بنت المسها بحياتي كلها
لجين:ليش سويت جذي
عبدالله :لجين صكري الموضوع ...ماحب اسولف فيه
لجين غيرت الموضوع:متى بتاخذ اجازه
عبدالله:باجر انشالله...مستانسه
لجين:اي
وهمه يسولفون عبدالله ملامحه عتفست مره وحده ...تدرون ليش...عبدالله شاف روان مع مجموعه من البنات وروان من شافت عبدالله وهيه اتأشرله تعال
لجين:عبدالله...عبدالله
عبدالله كانت عينه على روان:هلا روان
لجين لمن اسمعت اسم غير اسمها حست الدنيا ادور فيها ...التفتت وراها وشافت روان اتأشر حق عبدالله...لجين بقلبها(مومعقوله ...منو هذي اكيد يعرفها وانا الي قلت عبدالله بدا يحبني ...بس للأسف لو كان في بقلبك ذرت حب لي جان ماغلطت بسمي ...انا شلون حبيتك شلون...انت واحد ماتستاهل الحب)
لجين بكل هدوء:عبدالله..انا اسمي لجين مو روان ...وقامت من مكانها
عبدالله:جنه واحد عطاه طراق:انا شقلت...وقام بسرعه وراها ...لجين ..لجين
روان راحت صوب عبدالله ووقفت جدامه:عبدالله
عبدالله بعصبيه:انا موقتلج اذا شفتج جدامي امحيج
روان اتقاطع عبدالله:عبود انا احبك وكل يوم اتعذب الانك بعيد عني
لجين شافت عبدالله واقف مع روان ردت ولمن اوصلت عنده ...عبدالله ماكان منتبه لها...خمطت المفتاح من ايده وراحت صوب السياره وهيا تركض
عبدالله:ذلفي عن ويهي الا اذبحج ...ومشا عنها بس روان ماخلته لحقته ومسكته من ايده
روان:حياتي والله احبك
عبدالله وشرار يطلع من عينه:انتي ماتفهمين صح...وعطاها طراق وكمل طريجه
لجين ادخلت السياره وكانت تبجي ومن شافت عبدالله مسحت دموعها ..عبدالله ركب السياره
عبدالله:لجين..انا
لجين اتقاطعه:مابي اسمع شي
عبدالله: انتي فاهمه الموضوع غلط.....ولازم تسمعيني
لجين تنرفزت اكثر:مابي اعرف ولا اسمع شي ...والي شفته وسمعته كان كافي
عبدالله بعصبيه :لاموبكيفج بتسمعين غصبن عليج ...ورن تليفونه عبدالله شاله وماشاف الرقم
عبدالله:نعم
روان:نعم الله عليك حبيبي...عبود امووووه احبك
عبدالله بدون مايتكلم سكر الخط بويها
لجين:ردني البيت
عبدالله كان معصب وجنه شرار يطلع من عينه :سمعي
هذي وحده كنت خاطبها قبل.... وبعدها صارت مشكله وفلينه
لجين ودها تعرف اكثر بس خايفه انه هل بنت له علاقه بعبدالله:خاطبها ولا تحبها
عبدالله ضل ساكت فتره لين هدا:اي كنت احبها.... ضليت معاها 3 سنين وانا مخدوع فيها
لجين خوفها طلع بمحله:...........
عبدالله يكمل:انا حبيتها حب طاهر وكنت ابيها بالحلال ..اما اهيا كل الي كان يهمها الفلوس وانها اتصير حرم عبدالله ال......خطبتها وكل شي تم بس وفات امج عطل الموضوع ...امي كانت تعبانه وماكانت راضيه على الزواج ..بس انا كنت مصر وماحبت تكسر قلبي..لي يا اليوم الي شفت فيها خيانتها...وصرت اكره الساعه الي عرفتها فيها
لجين:بس عيونك اتقول غير جذي...انت ماشفت ويهك اشلون اعتفس من شفتها انت ليلحين اتحبها
ورن تليفونه مره ثانيه
لجين:اهيا
عبدالله :اي...والله لوريها
لجين:لاترد عليها
عبدالله:لازم اوقفها عند حدها
لجين:عبدالله لاترد
بس عبدالله ماسمع كلامها ورد عليها
عبدالله:نعم
روان:عبود منو الي معاك
عبدالله :سمعي يابنت اناس والله تدرين شنو يعني والله اذا شفت رقمج مره ثانيه والله ماتلومين الا نفسج فاهمه
روان بدلع:عبودي ادري هل كلام من ورا قلبك...انت ليلحين اتموت فيني
عبدالله:لا انتي الحجي ظايع معاج ...وسكر الخط...طول عمر الزباله وصخه وماتتنضف
لجين :ليش رديت
عبدالله:لجين خلاص الي فيني مكفيني
لجين:انت ليلحين اتحبها ...لو ماكنت اتحبها جان مارديت عليها ..انت حتى ماحترمتني ولا حترمت مشاعري
عبدالله ساكت وماعنده شي يقوله...وصلو البيت لجين ادخلت الغرف وقطت روحها على الفراش...وبنت نوبت البجي ..عبدالله دخل الغرفه وقعد عندها على الفراش
عبدالله:لجين انتي وعدتيني انج ماتبجين
لجين كانت مثل البركان الهايج بعد ماحبت عبدالله يصير جذي
عبدالله:لجين والله موزين الحين البيبي يتضايق
لجين بصراخ:بس هذا الي يهمك الياهل ...انشالله يموت وارتاح
عبدالله بدون وعي عطاها طراق :في وحده تدعي على ولدها
لجين كانت منفعله وايد:اكرهك..اكرهك..اطلع بره مابي اشوفك
عبدالله طلع من الغرفه وراح الصاله ولجين ضلت تبجي لين نامت
لجين ضلت اتعامل عبدالله بشكل رسمي حيل ماتكلمه واذا سألها عن شي جاوبت على قد السوال ...واغلب وقتها قاعده بروحها بالغرف هاو تحت عند ساره...الين صار اليوم الي بروحون فيه الشاليه

بالشاليه
خوله:خلود لجين بتيي
خلود:اي بس طولو الله قاعده على نار...ابي اشوفه
خوله:عندج اسبوع سوي الي تبينه
خلود:نطري علي بس اذا ماخليته 24 ساعه قاعد معاي ماطلع بنت سالم
خوله:قومي خنروح شاليه الحريم
خلود:لا مابي اروح
خوله:انتي شفيج ...لازم انكون موجودين حزت وصولهم
خلود:انا شلون طافتني هذي
خوله:ياختي ياحبيبتي انتي من غير عقلي المدبر ماتعيشين
خلود:اقول لاتعيشين الدور وايد
وقامو راحو الشاليه الثاني

بشاليه الحريم
زيد ودلال كانو واصلين ليلتها من السفر

دلال كانت اتكلم لجين بتليفون
دلال:انتي نزلي والغراض الخدم ايبونهم
لجين :اوكي..باي
دلال:باي

خلود تنقز خوله:وصل
خوله:هههههههه

دخلو لجين وعبدالله:السلام عليكم
الكل:وعليكم السلام
لجين راحت سلمت على عبير وعاليه وشيخه وجمانه مرت الياس ..وعبدالله راح سلم على الريالي
دلال:لجون سلمتي عليهم وانا ليش ماتسلمسن على المفروض انا اول وحده
لجين:انا خليتج آخر وحده علشان آخذ راحتي معاج..ولمتها حيل وباستها.....ولهت عليج وايد
دلال:موكثري
خلود:شلونج لجين
لجين:هلا خلود ..انتي شلونج
خلود:انا بالف خير ..قالتها بخبث..الا وين ريلج ماسلمنا عليه
لجين :اكيد يسلم
خلول:خل اقوم اسلم عليه...وراحت اهيا وخوله صوب الريايل
لجين ودلال يطالعون بعض
دلال:لجون روحي وراهم
لجين:انا جذي ولا جذي بروح اسلم على عمامي...وراحت لجين عند الريايل
لجين:السلام عليكم
الكل:وعليكم السلام
وراحت صوب عمها سالم سلمت عليه وباست راسه...وبعدها راحت عبدراشد
راشد:هلا بأبوي
لجين:شونك عمي ..وباست راسه
راشد:بشوفتج انا بالف خير
طلال:يالله لجون تعالي دوري...تعالي بوسيني ..وطالع عبدالله بطرف عينه ويضحك
لجين راحت عند طلال سلمت عليه وباست خده
طلال:لجون بعد وحده
عبدالله:اناس لمن اتسلم اتبوس مره وحده
راشد:لجين يبه ماعيج منهم تعالي عندي..راحت وقعدت عنده
الياس:لجين اشلونج
لجين:هلا الياس ..سامحني ماشفتك
الياس:مسموحه

خلود:عبدالله شلونك ..انشالله بخير
عبدالله:هلا والله..انا بخير الحمدالله
خوله:شلونك عبدالله
عبدالله:هلا والله
خلود:انا خلود بنت عم لجين..وتلتفت على لجين ..ماعرفتي ريلج علينا
راشد:انتي ماقصرتي عرفتي نفسج عليه
راشد:لجين شلونج مع عبدالله انشالله مرتاحه
لجين كانت متضايقه وايدمنه بس كانت اتحاول تبتسم :الحمدالله عمي
راشد يكلم عبدالله:لجون اتحطها بعيونك هذي من ريحت الغالي
عبدالله:لاتوصي حريص عمي
لجين:عن اذنكم
راشد:وين عمي قعدي
لجين:بروح ارتب اغراضي
راشد:خليهم عنج الخدم يسون كل شي
لجين:لا عمي انا ارتب اغراضي مابي الخدم يرتبونهم
راشد :على راحتج
ودخل زيد
زيد سلم على عبدالله وقعد
زيد:يبه انا وين بنام
راشد:وين يعني بشاليه الشباب
زيد:لا شنو انا ابي غرفه حقي وحق مرتي ..مايصير كل واحد فينا بصوب
الياس:والله كلنا مثلك ..ماقلنا شي
زيد:انا معرس انت قديم
الياس:وعبدالله معرس بعد ..بس ماتحجا
زيد:عبدالله انتي ماتبي غرف برروحكم
عبدالله:لمن ايون اهلي ننتقل الشاليه الثاني
زيد:مايصير جذي ليش ماحجزتولي شاليه بروحي
طلال:زيود ..جنك مو شايف خير..مافيك صبر ..كلها سبوع
زيد:والله..لا ماقدر


بالغرفه الي بيقعدون فيها البنات لجين كانت اتحط اغراضها بالكبت
دلال:لجون شكلج تعبانه
لجين:شوي
مريم يت يمها :شفيج
لجين:مافيني شي...متضايقه شوي
دلال:من شنو
لجين:مادري قلبي مقموت شوي
مريم:اي والله حتى انا من شفت المدرعتين الي تحت وانا انقمت
لجين:هههههههههه....حرام عليج مدرعه عاد
دلال:اموت وعرف ليش ياين اهمه مايحبون المكان الي انكون فيه ...اشلون بيقعدون معانه اسبوع
مريم:والله انا من شفتهم قلبي نقمت ...جد احس بصير شي ..لازم كل يوم ندفع صدقه
لجين:يعني شبيسون ...مريوم انتي وايد تضخمين الامور
مريم:لجون انا من رايي حتى لو ماكانو ناوين على شي ..كل يوم ندفع صدقه
لجين:ندفع ماورانا شي وبعدين الصدقع تتدفع البلاء
بالوقت هذا وصل مسج من عبدالله حق لجين
عبدالله:تعالي ابيج
لجين:لازم انزل عبدالله يبيني
دلال:شنو مايقدر على فراقج
مريم:واي دلول قبل جم يوم كانت يايه بيت طلال والله تونه واصلين ولا عبدالله ياي ياخذها
دلال:لجون محد يقدر على فراقها
لجين:يالله امشومعاي تحت...ونزلت لجين ..البنات كانو وراها
دلال بصوت واطي:مريوم والله انا حاسه انه خوله وخلود ناوين على شي
مريم:حتى انا
دلال:لازم انحطهم تحت المرااقبه
مريم:ههههههههههههه


نهاية البارت

 

[sweetii.sara]

المنتدى علق علي

لااااااااااا تكفه خلك شطور

ولاتعلق

 

[warood]

Waaaaaaaaaiiii 7uuuubiii yalla 3afya bser3a lazim af9il ba3d shway :S Badriiiiiss bs ana abi agraaahhaa awal zain yamdeeeeeeenniii !!! Plllz KEtbyyyh bser3a ;** Thnx ;D

 

[MeeMeeYoo_2]

خوله وخلود ويييييييع

روان يالسخيفه

عبدالله ولجين لا حرام جان زين يردون زينين مع بعض

يعطيج العافيه حبيي

 

[@أحلاهم وأتحداهم@]

بنات اذا المنتدى ماعلق اليوم بليل في بارت عجييييييييييييييييييييييييييب

 

[miss 3yara]

يعطيج الف الف الف عافيه عالبارت
وخوله واختها الله يستر منهم ينرفزون جنهم يهالو قطيعه

 

[sweetii.sara]

وااااااااااااااي روان تبط الجبد

شنو ماعندها كرامه

لجين اشوه انها ماقالته احبك

خوله وخلود ودي اعرف شنو وراهم ..

تسلمين حبيبتي على البارت

 

[miss 3yara]

بنات اذا المنتدى ماعلق اليوم بليل في بارت عجييييييييييييييييييييييييييب

صجججج يابعد جبدييي والللله ونااااااااااااسه

 

[MeeMeeYoo_2]

انا اقول شرايج تكتبين البارت تخلينه جاهز
ومتى ما بطل المنتدى تنزلينه :$

بنطق صح :$

 

[sweetii.sara]

يااااااااااااااارب مايعلق

لان هالبارت مافي احداث وايد

بنتظارج بليل وبنات قولوا يارب ان مايعلق

 

[@أحلاهم وأتحداهم@]

مساء الخير @أحلاهم وأتحداهم@
بصراحة أنا سجلت بالمنتدى عشانج وعشان اقدر اعلق عالبارتات
لان جددددددددد اعجبتني القصه وحيتها
يعطيج الف عافيه ومنها للاعلى ان شاء الله

هلا وغلا فيج قلب واكيد بتعجبج القصه الاني انا الي كاتبتها ...خخخخخخخخخخخخ
حياج بنت عمووو

 

[@أحلاهم وأتحداهم@]

يااااااااااااااارب مايعلق

لان هالبارت مافي احداث وايد

بنتظارج بليل وبنات قولوا يارب ان مايعلق

اي ادعي اكثر خخخخ
البارت اساعه 2 وفيع احداث وايد
ويسلمو على المتابعه

 

[حقووقيــــــه]

امبييييييه حرااااام

مااحبهاا روانوووو المليييييقه الجيكرررره !!! @@@

يارب يصيرووون زينين مع بعض
يعطيج العافيه حبييبتي :*

 

[&نــوف&]

انا جديده هنا
ممكن ترحبون فيني
والله شكلكم هيصه
يابناات هذا المنتدى كله بنااااااااااااااااااااااااات

 

[TATA.Q8]

لالالالاااااااااااااااااااااااااا
البااااااااااااارت خلص ابسرعه ابي اعرف شراح يصيررررررررررر
;p
<<<< داشه ابقوه
تسلم الايادي يا أحلاهمممممممممممممم

 

[zoqaaa]

ناطرييين ثانكس حوبي