ياروح الروح حبك فرضته فرض ياروح الروح اصبحت انت النبض

[قلب مهموم]

ناطرين البااارت

والله يصبرنا لين الليل !!

والله يستر من اللي بنقراااه

 

[warood]

Waaaaaaiii A7laaaahhuuum .. 3aaaffyyaaa nazlaaay il paartt gabl belaaaaaiill .. wallaaa maannii gadraa a9biiiiiiiirr gmt a5aaaf mn eli bey9eeeeeerr Waaaaaaaaiii allaaah y3eeeniii o y3eeenkum bnaaat !! .. Plz plz Kitbay il part imbachr Na6reeeniich ;'** ;C

 

[MISS.D&G]

كسر خاطري عبدالله

سالم احسن شي سوااه انه طلع متزوج

و صج على قولت ريري شسالفة اسم طلال مع العايلة ... ؟؟

تسلمين ناطرين الياي :eh_s(17):​

 

[lojel]

متابعه القصه من الاول والصراحه وووووووووووووووووووايد تأثرت يالغلا نبي كل شي من الواقع حبوبه
وناطرينج علي احر من الجمر

 

[hakokaa]

أحلاهم عندي جم سؤال:
ليش سالم وده ولده عند لجين وما وداه عند خواته عبير وعالية ؟
ليش لجين ومريم خذوا طلال الصغير وراحوا بيت عبدالرحمن وما نطروا طلال الكبير إيي البيت ويكلمونه ؟
ليش لجين نزلت بيت عبدالرحمن وهي تدري أن عبدالله موجود ؟

حدي مندمجه
ناطرة البارت على ناااااااااااااااااااااااار

 

[ام بوني ونوشه]

بانتظار البارت

 

[Zozαĺiиaђ]

ويتنق !

 

[قلب مهموم]

في احد يدري على السااعه جم احلاهم تنزل الباارت ؟!

على اعصاااااااااااااااابي

:s

 

[.sadtear.]

.,

Up uP ;Pp

.,

 

[MeeMeeYoo_2]

الذين تشاهدون محتوى الموضوع الآن : 17 ( العضوات 3 والزائرات 14)
‏MeeMeeYoo_2, ‏.sadtear., ‏@أحلاهم وأتحداهم@



waiting

 

[@أحلاهم وأتحداهم@]

البارت 41



عبدالله انفجر :احبها تفهم يعني شنوا حبه ادري اني غلطت بس خلاص كافي والله كافي ...عبالك انا كنت مرتاح لمن كنت اطردها عبالك انا كنت مصدق الي سمعته الله يشهد علي اني من رديت من الشاليه وانا بحاله مايعلم فيها الا الله
عمار:انزين قوم الحين ...عبيد صدقني راح اتردلك
عبدالله:متى قولي متى
عمار:جريب انشالله


بالسياره
ليجن قلبها كان مقموت وايد بس كانت ماسكه بجيتها جدام مريم وطلال سالم
مريم:طلول وناسه صار عندك اخت
طلال:اي وناسه ...الحين عندي احد العب معاه قبل انا كله بروحي
مريم:ليش اخوانك مايلعبون معاك
طلال:اهما الحين مسافرين وانا كله بروحي
مريم:اقصد قبل مايسافرون
طلال:قبل كل يوم يودوني العاب وناسه
مريم:اممممم...طلول بيتكم عود ولا صغير
طلال:لا بيتنا كبير وايد
لجين :ذبحتي الصبي بالاسأله
مريم:لا زم انعرف مو ولدنا ...طلال قولي عندك خالات
طلال:اي عندي 3وكلهم يحبوني
لجين:انت في احد مايحبك....يحلاتك
طلال:لجين انتي شنو بتيبين
لجين:انا فيني بنت
طلال:حسافه مو ولد
مريم:ليش البنت حلوه
طلال :ابي العب مع صبيان
مريم:خلاص لجون الياهل الياي خليه ولد
لجين@ وهوا في ياهل ثاني
مريم:تبينها وحيده مثلج
لجين:مريوم خلاص بس كافي والله كافي مابي اسمع شي
مريم:اصلن انتي الحجي ضايع معاج
لجين:تدرين ليش اتقولين جذي الانج موحاسه فيني والي ايده بالماي مو ثل الي ايده بنار


بشقة عبدالله
عبدالله يكلم العصافير
عبدالله:ماتوقعت قلبج صخر جذي ...ليش تكابرين انا احبج وانتي تحبيني ...وكمل عبدالله ولجين انتتو شتقتولها مثلي صح ....آآآآخ انشالله بترجع قريب وقام من مكانه


بسياره طلال
طلال يكلم اميره
طلال:اخوج مصخها ليش مو راضي يفهم انها ماتبيه
أميره :مرته ويبيها
طلال:اميره لاتبطين جبدي انتي بعد...توه تذكر انه عنده مره ..وين كان عندها لمن كانت كل يوم تبجي لين خدها تحفر ...كانت تترجاه انها صير خدامه تحت ريله تدرين شنو خدامه بس تردله وهوا موراضي...اكثر من جذي شنو... انتي ترضين تشتغلين عندي خدامه وانا ماأبيج واذلج
اميره:طلال شهل حجي
طلال:الي ماترضونه على روحكم لاترضونه على بنات الناس ...وقولي حق اخوج خل يطلقها دام النفس طيبه عليه
أميره:طلال ماتوقعتك جاسي جذي
طلال بعصبيه:شتبيني اسوي ...اشوف بنت اخوي تنذل وتنهان وكرامتها تنمسح بالارض وقول ميخالف الولد غلط ولازم تردله لايبه بنات الناس مولعبه بيد اخوج
أميره:انزين وانا شذنبي ليش تحاجيني جذي..الي يسمع يقول انا الي ذنب بالي صار
طلال:سمعي يابنت الناس اذا بتعيشين معاي بدون مشاكل ..مالج شغل بسالفت لجون .
أميره:بس عبدالله ولجون يحبون بعض
طلال بنبره حاده:اميره عتقد كلامي واضح وماحب اعيد وزيد بالحجي
أميره تضايقت وايد:انشالله....وسكتت
طلال كان متنرفزوايد:أميره اكلمج بعدين
أميره :باي
طلال:باي ....جنها زعلت ...بس لازم اتعرف انه لجين خط احمر ومحد يقرب صوبه

بالمستشفى
حيات:وين طلال
سالم:وديتة بيت عمه طلال
حيات استانست:صج والله ومنو كان هناك
سالم:لجين ومريم
حيات:وماسألوك منو هذا
سالم:سألوني وانا قتلهم عن كل شي
حيات كانت مستانسه الانه بعد كل هل عمر قالهم عن زواجوجهم الي كان بسر:سالم ماتخاف يقولون للكل
سالم:انا ابيهم يقولون خلاص لي متى بنضل جذي عايشه وعيالها فتكينه منهم
حيات:بعد عمري والله ماني مصدقه الي اسمعه
سالم:ولا ازيدج من الشعر بيت الحين البنات بيون هني وانا قلت حق لجون اهيا الي تسميها
حيات:والله هل بنت تعور القلب ماتستاهل الي صارلها
سالم:الله بياخذ حقها منهم
حيات:سالم ترا هذيل بناتك
سالم:انا ماعندي الا بنت وحده وعيال عوشو موعيالي
ونطق الباب
سالم:تفضل
لجين ومريم:السلام عليكم
سالم وحيات:وعليكم السلام
مريم وليجن وسلمو على حيات وتحمدولها بسلامه
حيات:لجين عمج قالي انج حلوه بس ماتوقعت جذي ماشالله عليج جنج لعبه
لجين تبتسم:عيونج الحلوه..
مريم تكلم سالم بصوت واطي:خالي هذي بعد نسره
سالم:هههههههههههههه لا ههههههه
مريم:اي الحمدالله ....الا وين الكتكوته
حيات:بغرفت الاطفال مايبونها الحين يبيلهم بعد ساعه
مريم:ساعه ...ساعه شورانها ننطر
حيات :لجين جم لج الحين
لجين:بشهري
مريم:ماعليج منها هذي ماتعرف تحسب اهيا بثامن
حيات :من صجج ماتعرفين تحسبين
مريم:لا ماتعرف
سالم:لجون شنو بتسمين بنتي
لجين:لا عمي انتو سموها
حيات:لا احنه متفقين من البدايه انج انتي الي تسمينها
لجين:بس انتي الي تعبتي عليها
حيات:وانا ابيج انتي تسمينها
مريم:خالي انا حبيت مرتك ...ليش خاشها عنه كل هل مده
سالم:حيات منو مايقدر يحبها وانا ماخشيتها لاني مابي عايشه اتأذيها
مريم:اي والله ماألومك وانا من رايي مايدرون احسن الانهم اذا عرفو بأذونها
سالم:هذا اول بس عايشه الحين مو على ذمتي وماتقدر اتسوي شي
مريم:مو خوفك البنات يسون
سالم:الله ياخذهم وفتك منهم
لجين:عمي لاتدعي عليهم هذيل بناتك
حيات:بعد كل الي سوه فيج ....والله سالم ماجذب لمن قال عنج طيوبه....والله قبلج ابيض مثل عمج
لجين:عمي سالم مافي منه
سالم:دام جذي انا مصر محد يسمي البنت غيرج...يالله اختاري لها اسم
لجين:انت عندك يوسف بس ماعندك زهره
سالم يبتسم:خلاص اسميها زهره ياغالي وطلب ارخيص
طلال:ماما ابي اشوف اختي
مريم:واي فديته خالي خلوه ينام عندي اليله
لجين:اي علشان اتردينه وخده وارم
مريم:شسوي خدوده اتسوي اغراء لازم انقرصه
الكل:ههههههههههه
شوي وصل بوكيه ورد كبير
حيات:من منو هل ورد الحلو
سالم يقرا الكرت:انتو قلتو حق طلال
مريم:ايييي وشاف طلال الصغير
لجين:عمي ماكنت تبيه يعرف
سالم:لا ابيهم كلهم يعرفون
حيات :البوكيه منه
سالم:اي
مريم:بدق اقول حق امي خل تستانس
سالم:لا مايحتاي انا قلت حق عبير واكيد قالتلها



بشقة عبدالله
أميره:طلال يبيني خدامه عنده
عبدالله:نعم نعم شقلتي هذا صج مايستحي على ويها ...والله لوريج فيه
أميره:اشفيك عصبت انا زوجته وعادي يغلط علي
عبدالله:لا والله ليش كنتي بشارع لمن ياه وخطبج ولا ماوراج اهل...اميره دام هذا كلامه معاج تطلقي من الحين احسن..زانتو ليلحينكم على البر
أميره:ماقدر
عبدالله:ليش
أميره:الاني بديت احبه
عبدالله:اشلون ترضين تعيشن مع واحد بذلج
أميره:وهذا الي كنت ابي واصله...طلال ماجذب لمن قالي الي ماترضونه على روحكم لاترضونه على بنات الناس...انت ماترضى طلال يقولي صيري خدامه اشلون تبيه يرضى يردلك لجون بعد كل الكلام الي قلته والي سويته فيها
عبدالله ساكت ولا كلمه
أميره:وانا الحين اقولك طلقها الانك ماتستاهلها ....مارضيت انه احد يهين اختك ...بس انت دس على كرامتها وشوهت سمعتها
عبدالله:انا غير وانتي غير
أميره بعصبيه:ليش انت على راسك ريشه وانا مادري ...ولا لجون الي كانت بشارع يوم خطبتها ....ولا الانها يتيمه قلت ماوراها ابو يخاف عليها ووقفك عند حدك...هذا انتو يالريايل طول عمركم تهينون بنات الناس بس ماترضون احد يقرب من خواتكم
عبدالله:.....
أميره:طلال يقولك طلقها دام النفس طيبه عليك
عبدالله:قوليله عبدالله يقولك لاتحشر نفسك بموضوع مايخصك وطلاق ماني مطلق


بالمستشفى
الكل كان موجود ببعد ماسمعو الخبر الي فرحوله من كل قلبهم
عبير:والله منت هين ياسالم...كل هل سنين ومحد يعرف شي
سالم يضحك:لا بس راشد كان عنده علم بالموضوع
عاليه:يعني طابخينها مع بعض ومحد يدري عنكم
شيخه :والله ينخاف منكم...والله يخوفي راشد بعد مسويها وانا مادري
الكل:هههههههههه
راشد:حرام عليج ...سالم غير وانا غير
شيخه:شلون غير
راشد:عايشه كانت مطلعه عينه وانا الحمدالله مرتاح
شيخه:والله مايندرا عنك انت بعد
الكل:هههههههههههههه
عبير:لجون شفيج ويهج محتقن وايد
لجين:مافيني شي
عاليه:لو ماكنتي بثامن جان قلت بتولدين
لجين:ليش
عاليه:الحامل اذا ويها حتقن جذي يعني فيها طلق او ولادتها قريبه
لجين كان فيها عوار خفيف بس ساكته:مريوم رديني البيت
حيات:وين بتروحين بعدي ماشبعت منج
لجين:لا تعبانه وابي ارتاح شوي
عبير:اي صج انتي مو زين لج الحركه وايد
عاليه:مريوم وديها وخلج عندها لين يوصل طلال
لجين:عمتي خليها تنام عندي اليوم
عاليه:لا ابوها مايرضى كافي طول النهار عندكم
مريم:مالج شغل الحين ادق عليه واساحله يالله قومي
لجين ومريم قامو :مع السلامه
الكل:الله يسلمكم
عاليه:مريوم يمه ديري بالج من الدريج
مريم:انشالله


بيت طلال
طلال:خل ادق على اميره اكيد زعلانه من الي صار ...وخذا تليفونه ودق
أميره:الووو
طلال:مساء الخير
أميره:مساء النور
طلال يتحرش:ممكن انتعرف
أميره:هههههههههه لا موممكن
طلال:ليش...ترى انا خوش واحد اعجبج
أميره:هههههههههههه
طلال:شقلتي
أميره:على شنو
طلال:ابي اتعرف
أميره:لا اخوي انا مرتبطه
طلال:اخوج ...لا يبه اخوج هذاك الهيس عبيد انا ريلج
أميره:هههههههههههه
طلال:ياعلني ماأنحرم من هضحكه
أميره:ولا يحرمني منك
طلال:يالله شقلتي..بتعرف
أميره:ههههههه انتعرف شورانا
طلال:انزين شرايج انطلع اليوم
أميره:اوكي
طلال:يالله لبسي انا الحين امرج
اميره:طلال بنتأخر بره
طلال:يمكن انتعشى واندش فلم متأخر شوي ليش
أميره:مادري اذا جذي لازم انوم طلول واطلع
طلال:خليه عند امج اهيا تنومه
أميره:ماكو الا جذي...انزين ولجون شلون تخليها بروحها بليل
طلال:اقول حق البنات ايون عندها
أميره:اذا جذي مو مشكله
طلال:ياملكه لاتطولين بلبس
أميره:ملكه
طلال:اي اميره معناته ملكه
أميره:هههههههههههه ..اوكي الحين اقوم البس ومن اخلص ادق عليك اتيي
طلال:اوكي
اميره:باي
طلال:باي
مريم ولجين توهم داشين البيت
مريم:الحلو يغازل منو
طلال يبتسم:اغازل مرتي فيها شي
مريم:لا مافيها شي ...اصلن يحلاتها وهيا طالعه من حلجك مرتي....الله يهنيك يارب
طلال:آمين والفال لج
لجين:ليش راد مبجر
طلال:ماكو ببدل وبطلع الحين مريوم نامي هني اليله يمكن اتأخر
مريم:من غير ماتطلب انا بنام هني لجون شكلها تعبانه
طلال:لجون فيج شي
لجين:لا مافيني شي
مريم:امي تقول ويها وجنه ويه وحده بتولد محتقن وايد
طلال:اي صح ويها محتقن اذا جذي خل ادق على اميره وقولها مابي اطلع
لجين:طلال اتكنسل طلعتك علشاني لاروح استانس
طلال:نطلع وقت ثاني مو مشكله..خوفج صج فيج ولاده
مريم:اهيا بثامن يعني توناس قوم وانا عندها
لجين:طلال والله مافيني شي يمكن ويهي محتقن من الفراره اليوم
طلال:لا مابي اطلع
مريم:طلال اشفيك البنت مافيها شي
طلال:واذا يالها الطلق واحد من الربع مرته قبل يومين والده بسابع
لجين:اي هذي حالات خاصه ..ولا تخاف اذا صار فيك شي بدق عليك ليش مكبر الموضوع
طلال:دام جذي انا ماشي بس اذا صار معاكم شي دقو علي على طول
مريم:انشالله مايصير شي ...يالله الحين المدام ناطرتك روح لاتتأخر عليها
طلال:اوكي لجون ديري بالج على روحج
لجين وهيا تبتسم:انشالله انت روح ستانس وماعليك مني
طلال:اذا تبون شي دقو مع السلامه
البنات:الله يسلم

مريم:يالله ياحلوه فوق روحي رتاحي وانا اقول حق الخدم يسولنا عشا ويبونه فوق
لجين:اوكي.....انا باخذلي شور علما يخطون
مريم:اوكي
لجين اصعدت فوق وكان فيها عوار خفيف....تكرمون ادخلت الحمام وترست البانيو ماي دافي وتنقعت فيه.... بس العوار كان كل ربع ساعه ايي و روح

بعد ربع ساعه
مريم:لجون انتي ليلحين ماخلصتي
لجين:لا خالصه بس قاعده البس
مريم:اي بسرعه العشا يبرد
لجين اطلعت:شنو عشا حدي يوعانه
مريم:بطاط وهمبرقر
لجين:اوكي
وقعدو ياكلون ولجين كل مايالها العوار تنقز

مريم:لجون شفيج
لجين:مافيني شي
مريم:ليش تفزين كل شوي
لجين:لا ماكو شي بس متضايقه من الثقل
مريم:الحلوه اكيد قاعده تشيطن داخل بطنج
لجين ابتسمت:لا صايرلها جم يوم ماحسيت بحركتها
مريم مخترعه:ليش مو المفروض كل يوم تتحرك
لجين:اي بس الحركه اتقل آخر اشهر الانه المكان يصير ضيج عليها
مريم:بس لازم تتحرك حتى لو المكان ضيج...وانتي الله يهداج جم مراجعه مطوفه ليلحين
لجين:وايد
مريم:عبالج زين اهم شي الاشهر الاخيره
لجين:مريوم ابي ازهب جنطة المستشفى...بس ماني عارفه شحط فيها
مريم:من الحين توناس
لجين:مادري كلام امج خوفني وبعدين اخليها زاهبه من الحين حزت الحزه شلون بزهبها
مريم:لا انا سامعه مو زين اتزهبينها من الحين ...المهم قومي نشفي شعرج لاتمرضين منتي ناقصه
لجين :اوكي


اساعه 11ونص دق عليهم طلال
مريم:الووو
طلال:مريوم لجون شلونها
مريم:تمام
طلال:يعني مافيها شي مني مناك
مريم:لا مافيها الا العافيه
طلال:اكيد
مريم:وااي اقولك مافيها شي ليش ماتصدق
طلال:لا مصدق بس بغيت اتطمن اكثر الاني بدخل فلم اساعه 12 وتدرين داخل السينما ماي سيرفس
مريم:لا مافي شي و روح وانت مطمن
طلال:اوكي يالله مع السلامه
مريم:الله يسلمك
لجين:شفيه
مريم:يحاتيج
لجين تبتسم:تدرين لو مو طلال جان الله العالم بحالي
مريم:اشفيه حالج ...والله مافيج شي تهبلين والي صارلج يصير مع وايد البنات عادي
لجين:الحمدالله على كل حال ...مريوم ابي جاي دارسين
مريم:لا لجون جنه مو زين الحين الدارسين وقت الطلق علشان يحميه مو الحين اخاف يأثر عليج
لجين:لا مايأثر الحين عادي
مريم:اوكي الحين اقول حق آني (الخدامه) تسويلج

بعد خمس دقايق آني يابت الدارسين حق لجين
آني :مدام انا يبي يروه ينام
مريم:خلاص روحي نامي
لجين:مريم انتي بعد روحي نامي
مريم:لجون جنج تدرين اني دايخه حدي
لجين:اكيد انتي من الفير قاعده
مريم:اوكي ...تصبحين على خير
لجين:ونتي من اهله ...وشربت الدارسين ونسدحت على الفراش
بعد ساعه
عوار الطلق زاد على لجين وماقدرت تتحمل اكثر خذت تليفونها ودقت على مريم الانها بالغرفه الثانيه
مريم:اممممم
لجين:مريوم عفيه تعالي بسرعه
مريم فزت:لجون شفيج
لجين:عوار مو طبيعي
مريم:باي باي
ودخلت عليها الغرفه
مريم وهيا مخترعه:لجون شفيج
لجين:مادري عوار قوي ماني قادره اتحرك
مريم :ليكون ولاده
لجين وهيا تتألم :شكله جذي مريوم دقي على طلال بسرعه
مريم :الحين الحين ...ودق على طلال كله مغلق
ودقت بيتهم وعلى امها وابوها محد يشيل
مريم مت دودها ومو عارفه شتسويي:لجون محد يرد قومي اوديج الطبيب
لجين:لامابي اخاف يصير شي لازم احد كبير معانا ...مريوم عفيه دقي مره ثانيه تعبت ماني قادره اتحمل
مريم وهيا مرتبكه ادق على امها:واي محد يرد
لجين:دقي على دلال اي احد بسرعه
مريم اتدق على دلال وزيد:مايردون
لجين:مريوم جنطة المستشفى مازهبتها عفيه حطيلي ملابس وحق بنتي جم لبس
مريم برتباك:الحين انادي آني اتزهبها وانا ادق عليهم
مريم ضلت نص ساعه ادق على كل اهلهم بس محد رد عليها ....لجين وصلت حدها ماكانت قادره تتحمل...خذت تليفونها ودقت على عبدالله

عبدالله كان نايم وشاله على طول بدون مايشوف منو الي داق ...بصوت ناعس:الوووو
لجين:عبدالله الحق علي
عبدالله وهوا نايم:منو انتي
لجين:عبدالله قوم انا تعبانه حدي وطلال مو موجود
عبدالله فز من الفراش:لجون شفيج
لجين تبجي:عوار ماني قادره اتحمل عفيه ابسرعه تعال
عبدالله :كاني ياي ياي بس انتي لاتتحركين من مكانج
لجين تبجي:عبدالله لا تتأخر قاعده اموت بمكاني
عبدالله وهوا يركض على السلم بيطلع من البيت:حياتي لاتبجين كاني والله الحين اطلع ثواني واكون عندج


عبدالرحمن شاف عبدالله نازل وهوا يركض:عبدالله شفيك
عبدالله:يبا لجين بتولد وماكو احد عندها
عبدالرحمن:اي اميره وطلال ليلحين ماوصلو....روح وشوف شيصير معاك وقولي انا اقعد امك والحقكم
عبدالله:اوكي يبه ادعولها ...وراح بسرعه


بيت طلال

لجين كانت تفرك بمكانها من الالم
مريم برتباك:طلال ليلحين جهازه مغلق...وعبدالله وينه ليش تأخر جذي
لجين وهيا تتألم:مادري دقي عليه
ونطق جرس البيت
مريم:آني روحي بسرعه بطلي الباب
آني:اوكي
آني راحت تحت وفتحت الباب
عبدالله:وين لجين
آني:فوق في غرفه
عبدالله راح فوق وهوا يركض....دخل الغرفه وشافها منسدحه على الفراش وكانت تتلوا من العوار .

مريم:الحمدالله انك وصلت
عبدالله:لجون من متى العورا زاد عليج
لجين:من ساعه ونص
عبدالله:يعني ماكو وقت مريم يبي اغراضها ولحقيني بسرعه ...شال لجين ونزل بسرعه


بسياره
عبدالله كان منوم الكشن الي يمه ...علشان اتكون منسدحه
اركبو السياره وبأقصى سرعه مشى

عبدالله مسك تليفونه ودق على عمار
عمار:الوووو
عبدالله:عمار انت وينك
عمار:بالبيت
عبدالله:عمار دق على د.افنان وقولها اتزهب غرفت الولاده لجين بتولد وماكو وقت
عمار:اوكي الحين ادق عليها ....والله يسهل عليها انشالله
عبدالله:آمين...شوف شيصير معاك وعطني خبر بسرعه
عمار: انشالله

لجين كانت تبجي من الالم ...عبدالله ماتحمل يشوفها جذي مسك ايده وضغط عليها حيل
عبدالله:حبيتي شوي ونوصل تحملي شوي
مريم:اي لجون عفيه لاتولدين بسياره
عبدالله:مريم دقيتي على امج
مريم:دقيت ماترد
عبدالله:دقي مره ثانيه
مريم:ماكو الا خالتي عبير...ودقت عليها
عبير:الووو
مريم:خالتي انا مريم
عبير :مريوم شفيج داقه هل حزه
مريم:لجون فيها ولاده
عبير تقاطعها:وانتو وينكم الحين
مريم:عبدالله مودينا المستشفى...خالتي روحي بيتنا وقولي حق امي الاني ادق عليها ماتشيل
عبير:وطلال وينه
مريم:طالع مع مرته
عبير بعصبيه:وهذا وقته شلون يخليها ويطلع ..خلاص انا الحين اروح بيتكم آخذ امج وايي


عبدالله وصل المستشفى ....وبسرعه شال لجين ودخل داخل المستشفى ..اول مادخل شاف السسترات ودكاتره كانو بستقباله ناطرينه يوصل
د.هدى:د.عبدالله حطها على الويل جير واحنا نوديها الولاده انت روح سولها اجرائات الدخول
عبدالله:لا يبولي الاوراق بغرفت الولاده ...بسرعه

وبسرعه ودوها غرفت الولاده ...لبسوها الابس الاخضر
وحطو عليها الاجهزه ...والكمام
د.افنان:د.عبدالله ...ممكن اشوي تنطر بره علما افحصها
عبدالله كان قاعد عند راسها وهز ريله بقوه:ماراح اطلع وفحصيها شنو يعني
د.افنان :اوكي...لجين اخذي نفس عميق
لجين خذت نفس عميق وخدرت من الكمام شوي بس كانت ليلحين تحس بالالم
د.افنان:اتحسين انج خدرتي شوي
لجين اتهز راسها(اي)
د.أفنان:اوكي اخذي نفس عميق مره ثانيه الاني بفحصج
لجين خذت نفس عميق ومن افحصتها صرخت من قمت راسها
عبدالله بصوت عالي:شوي شوي عليها
د.أفنان وهيا تبتسم:د.عبدالله شي طبيعي بتحس بالالم
عبدالله:عطيها ابرة ظهر مابيها تحس بشي
د.أفنان:الحين مانقدر اهيا 6سانتي
عبدالله :مابيها تحس ابشي
د.أفنان:لا عيل انت لازم تنطر بره لين تولد
مريم:دكتوره باقيلها وايد
د.أفنان:اشالله ساعتين بالكثر حبيبتي نطري بره مو زين وايد على راسها
مريم:انشالله
د.افنان:سستر انتي حاطه جهاز النبض حق البيبي
السستر :اي
د.افنان:ليش ماأسمع دقات القلب...الجهاز فيه شي
السستر راحت اتحرك الجهاز :مافي شي
د.أفنان :يبولي جهاز السونار بسرعه
السستر الثانيه يابت جهاز السونار ..ودكتوره قامت اتسويلها سونار ...وكانت الصدمه



عند طلال واميره
طلال اول ماطلع من السينما بطل جهازه...وبعد ثواني وصله 20 مسج كل واحد ور الثاني
اميره:والله شنو هذا
طلال:هذي مريم ولجين وعبدالله داقين...الله يستر
اميره:دق بسرعه
طلال دق على لجين :الووو
مريم:هلا طلال
طلال وهوه مخترع:شفيكم
مريم:احنه بالمستشفى لجون بغرفت الولاده
طلال بصراخ:شنو من متى
مريم:صارلنا ربع ساعه وعبدالله الي يابنا
طلال:خلال انا الحين ياي باي
مريم :باي


بغرفت الولاده
د.أفنان:د.عبدالله ممكن تتفضل معاي بره شوي
عبدالله:ماقدر اخليها بروحا
د.أفنان:شوي ماراح انطول
وطلعو بره الغرفه
عبدالله :خير قولي
د.أفنان:والله مادري شقولك دكتور
عبدالله:لجين فيها شي
افنان:لا بس البيبي...الحبل السري منفصل عن المشيمه من زمان
عبدالله :بنتي ميته صح
افنان:للاسف .
عبدالله ودمعته بعينه:حتى آخر امل كان بنسبه لي راح
طلال وصل المستشفى وراحو صوب غرف الولاده شاف عبدالله واقف مع الدكتوره
طلال:عبدالله وين لجون
عبدالله يطالعه ودموعه بعينه:بغرفت الولاده
طلال لمن شاف الدموع بعين عبدالله خترع :لجون فيها شي
د.أفنان:لا مافيها الا العافيه بس البيبي عطاكم عمره
مريم اسمعت وشهقت :لا مستحيل ..
طلال اخذ نفس عميق:لجون درت
عبدالله:لا
طلال:يصير اشوفها
د.أفنان:اي تفضل معاي
عبدالله ضل واقف بمكانه من الصدمه

طلال دخل الغرفه .....شافها نايمه على الفراش والكمام عليها وشعرها مفلول والويه اصفر ....كانت اتون وتحرك براسها على المخده...شكلها كان يعور القلب حيل
راح صوب السرير وحط ايده على راسها وقام يمسح على شعرها ودمعته بعينه
لجين بطلت عينها وشافته وردت غمضت عينها ...وكانت تون
طلال قلبه كان يتقطع عليها:سلامتج من الاه يعله فيني مو فيج
لجين افتحت عينها ومتد ايها من الغطا...طلال مسك ايدها
طلال:يابعد عمري يليت اقدر اشيل الالم عنج
لجين بصوت تعبان:لاتخليني بروحي
طلال انزلت دمعته:اخلي الدنيا ولا اخليج
عبدالله دخل الغرف ووقف عندها:لجون حبيبتي ليلحين تعبانه
لجين:وايد
عبدالله:د.افنان مايصير جذي عطيها ابره مكست
د.افنان:د.عبدالله ماتوقعتك جذي...هذي ولاده ولازم تتعب ولا ليش الجنه تحت اقدام الامهات
عبدالله:بتتعب على الفاضي ...ونزلت دمعته
ودمعت طلال انزلت وراه
د.افنان:لا مايصير جذي لازم تطلعون بره لين تولد
طلال طلع واخذ عبدالله معاه

بهل وقت الكل كان موجود بره غرفت الولاده...ومريم واميره قالولهم انه البنت ماتت

الكل كان يواسي عبدالله بموت بنته...وعبدالله ساكت ومايرد عليهم ...وهما واقفين بره سمعو صراخ لجين من داخل الغرف
عبدالله مخترع:اشفيها تصارخ جذي
عبير:اضاهر قاعده تولد
عبدالله ماقدر يتحمل وراح الغرفه وفعلن لجين كانت تولد
د.افنان :د.عبدالله اطلع بره
عبدالله ماسمعها وراح قعد عند راسها ...كان معطيهم ظهره...وويها قبال ويه لجين...لجين اتصارخ وهوا يبجي ويمسح على راسها
عبدالله وهوا يبجي:افنان عفيه بسرعه خلصيها
د.أفنان:لجين ساعديني شوي
وليجن كانت مو عارفه تضغط وبس اتصارخ وتبجي :دكتوره رحميني خلاص بموت ....وتصارخ
عبدالله يبجي وصارخ:اقولج بسرعه
د.أفنا:لجيم مايصير جذي ...سستر ضقطي على بطنها
لجين تصارخ من قمت راسها....لين اولدت
د.أفنان:الحمدالله على سلامتها
عبدالله :اولدت
افنان :اي
لجين من اولدت نامت على طول
عبدالله شال بنته ...ودموعه تنزل بغزاره:ياحلوه قومي انا بابا انا كنت ناطرج على نار ليش خليتيني ورحتي ..شقول حق امج الحين اقولها انها خسرت كل شي بحياتها...بطلي عينج ...مومعقولت تنولدين وماأفرح فيج
بنت لجين وعبدالله كانت حلوه مثل امها ...بس للاسف كانت ميته ...عبدالله خذاها وطلعها بره وهوا يبجي والكل التم حوله ويبجون...بعد ربع ساعه ...عبدالله شاف الدكاتره ياين ركض
استشاري امراض قلب والثاني جراح كبير ومجموعه من استشارينا مراض النساء
السستر مبطله الباب:بسرعه بسرعه
ويدخلون غرفت لجين ركض
عبير:اشصاير
عبدالله دخل الغرفه بسرعه وبعد اشوي اسمعوا صراخ عبدالله من داخل الصراخ كان قوي الكل وقف ابمكانه موقادرين يتحركون....اطلعو اثنين دكاتره ماسكين عبدالله وهوه يطارخ ويبجي
طلال راح صوبه:عبدالله شفيك لجين شفيها
عبدالله يبجي وطارخ:طلال لجين قاعده تموت قاعده تموت لجين بترووح مع بنتها لجين بتخليني بروحي ...آآآآآآآآآآخ كل شي راح كل شي ضاع....البنت وامها بيوم واحد ...حرام والله حرام
ويبجي
طلال من سمع الي قاله عبدالله ماتحمل الخبر طاح من طوله...لجين كل شي بنسبه له ...موبس بنت اخوه اهيا اخته ورفيجته وبنته وامه كل شي عاشت معاه ادق تفاصيل حياته ...شلون تروح وتخليه يكمل حياته بدونها
الصراخ علا بالمستشفى الكل يبجي طلال طايح بصوب وعبدالله دخلوه اقرب غرفه وعطوه مهدء...ولجين داخل غرفت العمليات بين الحيات والموت


نهاية البارت

 

[miss disaster]

الذين تشاهدون محتوى الموضوع الآن : 18 ( العضوات 6 والزائرات 12)
‏miss disaster, ‏.sadtear., ‏@أحلاهم وأتحداهم@, ‏am_kshaa, ‏hakokaa, ‏ma3boocha


ناطرين

 

[حقووقيــــــه]

الذين تشاهدون محتوى الموضوع الآن : 17 ( العضوات 4 والزائرات 13)
‏حقووقيــــــه, ‏.sadtear., ‏@أحلاهم وأتحداهم@, ‏ma3boocha


--

عاااااشت احلاهم

 

[قلب مهموم]

الساااعه 9 وربع !!

اعصااااااااااااااااابي رااااااااااااحت فيهاااا



اخيس شي انه الواحد ينطر !!

لان هالحزة الوقت يمشي ببطيء !!

 

[hakokaa]

أحلاهم متى ينزل البارت ؟؟؟؟؟

حدي متشوقة

ناطرينج يا حلوة

 

[حقووقيــــــه]

الذين تشاهدون محتوى الموضوع الآن : 17 ( العضوات 4 والزائرات 13)
‏حقووقيــــــه, ‏.sadtear., ‏@أحلاهم وأتحداهم@, ‏ma3boocha


--

عاااااشت احلاهم

 

[am_kshaa]

انتى موبس بجيتينى انتى سويتى فيني الى مايصير
الاحداث اليوم محد يتحملها الله يعينا لى البارت الياي
ومشكورة على البارت الى يعور القلب
وانشالله اكون اول من رد عليج

 

[سارووونه22]

قلبي قام يعورني مت من البجي اااااااااااخ ياربي الحمدالله على كل حال والله خايفه وانا بلولاده امووووت استغفرالله ربي اتوب اليك استغفرالله ربي اتوب اليك
مشكووورة على بارت وماقصرتي

 

[miss disaster]

امبيه لا لاتموت موقته


حرام عبدالله كاسر خاطري

احلاهم اطالبج بقوطي كلنكس خلصت اللي ابيتنا ( لوووووووووووول اتغشمر ما ابي كلنكس )

امبيه ناطرين الياي على احر من الجمر

يسلمو

 

[قلب مهموم]

لالالا مستحيل

امبي مو قاادرة لاااا احلاهم تكفين لااا

قلبي وقف امبييه لاااااااااااا