ياعل الي تدخل ماتفقد غااااااالي

[دنيا آلهم]

بسم الله الرحمن الرحيم


السلام عليكم بنااات


كويتيات وربي مادري من وين ابتدى حتى مادري شلون افسرلكم الي صار

بنات انا رفيجتي مخطوبه صارلهاا 4اشهر حلوو

مره من الايام كانت طالعه مع امها وخالتها وخواتها وبنات خالتهاا

طبعاا ماعرفتكم على خالتهاا <<خالتها ياطويلات العمر تبي رفيجتي لولدهااا عقب مادرت خالتها ان اختها اخطبتها لولدهاا

وربي يابنات ان رفيجتي تدق علي تشاهق من الي صار

تخيلو بذاك اليوم الي طلعوو فيه خذتها بنت خالتها وقعدت تحاجيها وقالت لها انتي من صجج بتاخذين فلان انتي ماتدرين انهم عايله عصبيه وان ابوه يطق خالتج رفيجتي تقول من عقب ماسمعت هالكلام تمنيت الارض تنشق وتبلعني

ولما واجهت رفيجتي خالتها وامها كانت عندها انكرت وقالت لا انا ماقلت هالكلام الي قلته ان بس يدزها ويفشلها جدام امه واخته

بذمتكم يابنات معقوله بنت خالتها تتهم خالتها وتقول عنها جذي الا وهي متاكده وسامعه الخبر 100%

بس الشي الي ماعجبني وزفيت رفيجتي عشانه ان قالت لخطيبها هالكلام بالحرف الواحد ويقوم خطيبهاا يقول لامه ان اختج تقول عنج كيت وكيت

وربي يابنات لو تسمعون صوت رفيجتي يتقطع قلبكم:eh_s(2):

طبعااا سالفة هالكلام قبل رمضان باسبوعين

وتوه خطيبها يقول لامه <<بنات انا مالوم خطيبهاا لما يقول لامه او حتى يكره خالته لان مافيه خاله تقول عن اختها جذي كل هذا عشان رفيجتي ماتاخذه للليش شصاير بدنياااا

بنات انا كتبت الموضوع ابي مساعدتكم ونصايح لرفيجتي مع العلم ان بيواجهونها يوم الخميس :eh_s(11):

تكفوووون لاتبخلون عليهاا بنصايحكم

ومشكوورين​

 

[صانعة الحياة]

اب اب

 

[القصيدة]

السلام عليكم و رحمة الله و بركاته

يعني صديقتك مخطوبة لولد خالتها

خالتها الثانية تبيها لولدها و قامت هي و بنتها و قالوا لصديقتك كلام بغرض يفرقون بينها و بين خطيبها

طيب أم صديقتك ما تعرف ظروف اختها اللي هي أم خطيب صديقتك ؟!

والد صديقتك ما يعرف كيف عديله يتعامل مع أهل بيته ؟!

ما أتوقع انو أم صديقتك و أبوها ممكن يزوجونها لشخص و هم مو شايفين انه مناسب و عايلته مناسبة

و أتمنى صديقتك تبتعد عن كثرة الكلام و تصديق أي شي و نقله لخطيبها خاصة إذا كان يتعلق بأهله

و موفقة يا رب :eh_s(17):​

 

[دنيا آلهم]

اي حبيبتي اهوو يصير ولد خالتها ومايعيبهم شي الحمدالله بس الي نرفزني شلون خالتها تقول عن اختها جذي ​

مع العلم ان ابوو رفيجتي ولد عم ابوو خطيبهاا يعني يقربون لبعض حيييل

وجزاكم الله خيرعلى الردود​

 

[وردة الكاميليا]

الحمد الله والشكر الله يهديهم

 

[محتارة وبصيح]

المفروض هي تعرف اهلها عدل وتقدر تكلم الرجال وتعرف شخصيته

 

[Tom ♥ Jerry]

,

مآ فهمت السالفه عدل !
بس يا قلبي دآم الريال خوش وآحد و البنيه تبيه و الاثنين يبون بعض
مآلهم شغل بالناس خل يتزوجون ,،
و يطنشون كلآم الناس : )

 

[amal ksa]

الله يكون بالعون

 

[غرور الريم]

عادي حبيبتي انا صارت معاي يوم صار ع زواجي شهرين تتهاوشنا ورحت بيت اهلي وزوجي يصير ولد خالتي
ويوم راح يزور خالتي الثانيه جان تقووله طلقها وانا أزوجك احسن منها قصدها انا وافتك منها ومن امها ومشاكلهم ..الي هي اختها من امها وابوها
ولا انه قالي وحلف ع المصحف انه ماكذب وولا زاد من عنده كلاام والله حسيت انه الدنيا مو بخير
عاد خالتي تسوي فيني جذيه وانا من النوع الهادي ومو راعيه مشاكل خالص وكان عمري 19
ونصيحه لرفيجتج انها تنتبه من خالتها وبنتها وما تسمع كلاامهم خالص وهذولا يبون مشاكل لها

 

[دنيا آلهم]

مشكوورين وماقصرتووو وبيض الله وجيهكم
​

 

[ابتسامتي عسل]

لاتسمع حق قيل وقال

الله يوفقها خل تصلي ستخاره

 

[اوراق جنجفه]

صراحه انا ماحب البنت الي تقط كل شي باذن الرجال من باب الحب والمصارحه لانها بنيتها انها صريحه مع زوجها او خطيبها ولى هو بالاصل ياخذ فكره عنها انها ماتنعطى سر وكونا تنشر كلام


بخصوص المشكله خل تقول الله يسامحها اذا نكرت كل كلمه قالتها لى وهذا يدل على نيتها الباطله وانا لما كلمتك مو القصد النشر او انى افرق بين الخوات انا النيه كانت السؤال لان البيوت اسرار لو نرسم الضحكه بس علشان لما ادش مااستنكر وانت وخالتى كلكم على عينى وراسي
وخل تطلع من الموضوع بلباقه مو ببجى لان البجى يضيع الحق

والله يستر عليها يارب ويهدى النفوس قولى امين

 

[....وبس]

المفرووض تحط لناس حد ومو كل من هب ودب يتدخل ويفتي من عنده

ومو كل شي تسمعه تصدقه وتاخذه بعين الاعتبار

الله يفرج لهاا ويوفقهاا

 

[دنيا آلهم]

مشكوره ياقلبي على المرور​

 

[دلع86]

دامهم يصيرون حق بعض راح تكبر المشاكل على اتفه الاسباب بين الكبير والصغير
الله يعينهم الصراحه بس دامهم يبون بعض مالهم شغل باحد عليهم من حياتهم وبس
والله يوفقها انشاء الله واهم شي مايدخلون احد بمشاكلهم الخاصه وينقلون الكلام لان هالشي اساس المشاكل

 

[عيون الشيخ جابر]

ماتخلص غيرة وسوالف هالحريم المهبل

لا تكبرو السالفه
طنشوووو وبس

 

[الحللللوه]

الله يصللح الحااال ويفرج همومنا ياارب

 

[الحللللوه]

خلوها تستخير والمفرووض اصلا ماتقوول لخطيبها الكلام اللي جاها لان كذا تككبررر وتفرح الفتاانه

 

[دنيا آلهم]

^
^
^

معااج حبيبتي بس شسوي رفيجتي خايفه وكل ماتحاجييه تقوله انت عصبي ومن جذي اعترفتله بلي قالتلها خالتها وبنتها
​

 

[مسك إلمحآسن]

خليها تستخير واذا مرتاحتله الله يوفقها بس لاتكبر المشاكل ماله داعي خل تفهمه انها غلطانه وانها تقدر اهله وتحترم امه وابوه بس انصدمت من الكلام و ( كلام الناس وايد لاتسمممع وربي تتعب ) !