يالـــمتزوجات ... تـــعالـــــو بقــــولــــكم مــــــوقـــــف صــــــاار معــــــاي

[تمنيتك]

السلام عليكم


يــــالمتزوجات ..


هذا موضوعي ..لكم .. اهو مو موضوع لا موقف صار فيني باحد المجمعات بقوله مع ان اهني بالمنتدي وايد ناس من اهلي ويعرفوني :fun22:


موضوعي اللي يقولون البنات يطالعون ريايلنا و مدري شنوو !


يوم من الايام .. ومستعيله كان الوقت متاخر بيسكرون طالعه من دوامي وبلحق ... عمومااا


دشيت محل ولابسه نظااارتي .. محد يشوفني وين اطالع اوكي .. قاعده واشوف البضايع .. وانا امشي .. كان في واحد واقف بزاويه محد ييمه ومشكله واقف يم بضاعه نسائيه .. قاعده امشي وجدامي منظره قاعده اطالع المنظره ولا الريال لاف ويهه ويطالعني خزني خز لوع جبدي ماشال عينه عمه بعينه ..ماخلاني اشوف البضااعه ..


انا شنو سوويت تتوقعون ؟؟







لفيت ويهي ... جان امر من يمه وبصوت العالي ... اقوله انت ماتستحي قاعد وتخز انكسرت رقبتك وتخز ..قطيعه !!


جان يقولي ............. اهلي .. اهلي .. وياشر علي مرته ... بعييييييييييييييييييييييده !! لاحظتوو ! كل هالخز والاندماااج وفي مره ! وينها عنه !!

طلعت



بعيده موواقفه يمه !



جان مرته اتيي ركض .. جان اقول لها مسكي ريلج ومشيت طلعت من المحل بكبره

صج بعدين اكسرت خاطري المره .. فشلتها .. بس شي يحر



نصيحه .. اقدمهااا لكم


ريلج لما تطلعين معاه ودشين محل .. خليه يكون يمج لاتعطينه مجال يطالع مني منك او ماتدرين عنه اهو اخر المحل وانتي اول المحل !! وبعدين تقولين البنات يتحرشون بريلي !



واذا مرته موجوده وعرفت الموقف .. فاتوقع الحين عرفت السالفه لان 100 % 100 اتوقع قال لها تتحرش فيني :cxxxp:

رجاء ... هذا موقف صار لي .... ماابي سوالف اهواش وتعليقات مليقه

ومحد كامل سواء الريال او المره

:eh_s(8):

​

 

[ATOoOMA]

صاجة في وايد ريايل ما يستحوووون مرته يمه ويقعد يخز ..على الاقل احترم الي قاعدة تمشي يمك ولااا بعد عنده اعيال :/ عشان يكمل

واشكثررررررر سمعنا انه يكلمووون بنات بالفون ويتعرفون عليهم ويقوولون احنا منفصلييين عشان تستمر علاقته صج ما يستحون ولا ينتخون هل ريايل ما تنترس اعيونهم قطيعه.. عندك مرتك في البيت وما يشبعوووون تعودو على المغازل وحتى لو طلع في ويه شيبات مو شغلة خخخخخ
وايد مواقف صارت جذي وبعدين يقطونه في راس البنات انتو بالاول مسكووو ريايلكم لووووووووووولز

 

[ATOoOMA]

يسلموووو خيتوووو على طرح الموضوع ^_^.

 

[أميرة طفولتي]

والله حبيبتي الواحد الحين ماقام يسلم لامن ريال ولا مره
حتى احنا مانسلم من الخز والتحرش لمن نطلع مع ازواجنا مانفتك من خزهم ولا جنه في ريال طول وعرض يمج
محد قام يستحي ولا ينتخي ( مو الكل طبعا )
الله يصلح الاحوال

 

[رااميس]

الله يعين الحريم الي رييايلهم كذا يطفشوووووووون

 

[sara81]

والله عفيه عليج زيين سويتي فيه
واللي عينه زايقه تظل زايقه لو معاه قبيلة كلهم

 

[G!RLooNa]

هالموضوع تكرر وايد..بس اللي انتي سويتيه غلط مهما كان الريال ما قط عليج كلمه ولا سوالج شي عشان تهزاينه جذي أمبيه عيب :/ و هم غلطتي لما قلتي حق مرته مسكي ريلج ما يصير يعني تخربين بينهم :/

و ترا انا مو متزوجه عشان ما تقولين هذي سوالف المتزوجات كله البنات يتحرشون بريايلهم ادري انه في رياييل يتحرشون و يغازلون ويا حريمهم بس الموقف اللي صار وياج احسه عادي..

 

[المـــــها]

قطيعه زين تسوين فيني

 

[تمنيتك]

8
8


لا حبيبتي اهزءه واهزءه .. شنو ماسوالي شي .. لف ارقبته علي نطرته يشيل عينه ماشالها !! خل يحترم نفسه .. وانا دم ضروسي واحد يقعد يخز فيني .. ,, وماخربت بينهم كيفهم .. بالعكس عدلته انا اتوقع بعد هالموقف ماراح يطالع غير مرته ..

وبعدين حبيبتي انا لو مااعرف العيب جان خليته يخز فيني لي باجر




ومشكورين بنات علي ردودكم السريعه والقنوعه والله يستر من الياي هع

 

[تنايفـ]

والله قلة الحيا صارت من الصوبين
في رياييل عينهم زايغة وحريمهم يدرون و على يقين بهالشي
وفي رياييل يستحون من ظلهم ومايخزون
وفي بنات قمة بالتربية والاخلاق موفاضية تخزز رياييل العالم
وفي بنات دونيات تمشي وتخز اي ذكر يمر صوبها
بس الشاطرة الي تمشي وتطنش
شكثر حصلت تعليقات من شباب وخز ونظرات.. بس اطنش ما اعور راسي وياهم لانهم بالنسبه لي حشرات
ووايد منهم يكونون مع زوجاتهم او بدونهم
الله يستر علينا من هالزمن الوصخ
مشكورة حبيبتي خوش موضوع .. احسن شي انج وقفتيه عند حده
​

 

[إبشر بعزك]

عاش لسانج زين سويتي فيه وزين انج قتي لزوجته ختعرفه على حقيقته وتدير بالها

بس يا خوفي قايلها العكس هههههههههههههههههههههااااي ريايل سوالفهم ماتخلص

 

[فـلـفـلـهـ]

شكووووووو تزفين الريال وهو ماكلمج ؟؟؟؟

كل الرياييل يخزون ..

والله اذا كل واحد خزني عطيته لسان والله ماني بخير

آنا أقول تصرفج غللللللللللللللللللللللط واسمحي لي علي هالكلمه عييييييييييييييييييب

 

[هنـــد]

اي والله صاجه يخز ومرته يمه والله فشله

حرام يكسرون خاطري اللي جذي

بس فشله لا اكلمه ولا شي

 

[LA TROO7]

عيب اللي سوويتيه

تراا موو شطاره عشان تستانسين

المفرووض طلعت وخليتيه وبس

يماااااا لو لاحقج شنوو راح تسووين !!!

الحياء صفه زينه للبنت

 

[تمنيتك]

شكووووووو تزفين الريال وهو ماكلمج ؟؟؟؟

كل الرياييل يخزون ..

والله اذا كل واحد خزني عطيته لسان والله ماني بخير

آنا أقول تصرفج غللللللللللللللللللللللط واسمحي لي علي هالكلمه عييييييييييييييييييب

حبوبه اولا .. الريال قاعد يخز ومرته صوب الثاني يعني كلش مو صوب مرته ولا يمها . !! اذا انتي ترضين احد يخزج من دشين المحل وطالعين البضايع وتلفين واهو يخزج حز الكل لاحظ شي راجع لج ... هذا حز ماله اخر مارح يوقف ويغير نظرته لا الزف ! واهو اخترع يبي يسكتني ويستر علي نفسه !


ومااسمح لج ولا غيرج .. تقولي عيب .. اهو تصرفه اللي عيب

ورجاء اللي بتدش وتعلق لاتقولي هالكلمه لاني اعرف شنو العيب ومو العيب

 

[++MesK++]

هالموضوع تكرر وايد..بس اللي انتي سويتيه غلط مهما كان الريال ما قط عليج كلمه ولا سوالج شي عشان تهزاينه جذي أمبيه عيب :/ و هم غلطتي لما قلتي حق مرته مسكي ريلج ما يصير يعني تخربين بينهم :/

و ترا انا مو متزوجه عشان ما تقولين هذي سوالف المتزوجات كله البنات يتحرشون بريايلهم ادري انه في رياييل يتحرشون و يغازلون ويا حريمهم بس الموقف اللي صار وياج احسه عادي..

؛

؛


اي والله رأيي من رأيهها

شسالفه ! ( مسكي ريلج ) !!

جان طقيتيهم

رسمتي الريال رسم بالمنظره لوووووووول

؛
؛

 

[تمنيتك]

حبوبات

اذا بتردون ردوو بأدب بلييز

انا وحده .. مااحب اي وحده تتفلسف علي راسي


موضوعي .. موقف بس الاساس نصيحه لكم مو تعليق علي تصرفاتي لان انا اعرف نفسي

 

[تمنيتك]

؛

؛


اي والله رأيي من رأيهها

شسالفه ! ( مسكي ريلج ) !!

جان طقيتيهم

رسمتي الريال رسم بالمنظره لوووووووول

؛
؛

شطق فيهم ريل بصوب والمره بصوب مايدرون عن نفسهم .. هاده ريلها ماتدري عنه يخزز بخلق الله


يعني هذا الرد اللي يعجبكم ؟؟؟؟؟؟


ماتوقعت الردود بهالمستوي .. جان ماتعبت نفسي بالكتابه

الحمدالله والشكر


[/


COLOR]

 

[LA TROO7]

نرد باللي يعجبناا

دامج حاطته بمنتدى الكل له حق يرد

وبالاساس تصرفج غلط

 

[++MesK++]

شطق فيهم ريل بصوب والمره بصوب مايدرون عن نفسهم .. هاده ريلها ماتدري عنه يخزز بخلق الله


يعني هذا الرد اللي يعجبكم ؟؟؟؟؟؟


ماتوقعت الردود بهالمستوي .. جان ماتعبت نفسي بالكتابه

الحمدالله والشكر


[/


color]

؛
؛


يحليلج شكلج لما تتزوجين بتلزقين بزوجج بصمغ

و تقولين تبين تنصحين البنات ؟ شنو نصيحتج لوووووول

نصحي نفسج بالاول اللي ماشيه تصرخين على الناس بالشارع

امبيه عييييييييييييييييييييييييييب



؛
؛