يالللا يا ابلات حركه حركه زنقه زنقه وخلونا نكتب قائمه بمشترياتنا

[jen2n]

السلام عليكم ورحمة الله وبركاته :eh_s(7): ،،،

كـــل عام وأنتـــن بخير ايتها المعلمات الاعزاء

من خلال هذا الموضوع حبيت نحط قائمه بمشتريتنا الخاصه بالتدريس:ggdw:

عشان كلنا نستفيد ونفيد :rerrerek:

وابدي بقائمتي

مقلمة حق اقلامي

دباسه

خرامه

اقلام حمرة

مغناطيس

مساحه لوح

اوراق ملاحظه اللي تلزق + الملونه

اقلام هاي لايت

اقلام لوح

اقلام رصاص

كوريكتر

مقص

صمغ

برايه

مسطره طويله وقصيره

معطر جو

ساعه

رزنامه

دفتر تحضير

ملفات

اوراق أي فور

فواصل حق الصبوره

ادوات المكتب وادراج

داتا شو + سماعات

اله التغليف الحراري

احبار للطابعه

وزباله وانتو بكرامه تكون قريبه من مكتبي عشان اذا قطيت ورقه او شي
​

كريمات للبشره

ميك اب

شيلات

جنطه يديده او ساعه​

كلينكس

ما ادري شنو بعد ناقصني :bbbiu:

والحين كل ابله تحط قائمتها

​

 

[مشغوله و محتاسه]

كل عام واتنتي بالف خير و كل المعلمات بالف خير يا رب




انا اضيف على قائمتج

جيوب بلاستيك للملفات

اقلام كل الالوان بما فيها الرصاص لان نحتاجهم كلهم << طماعين


اوراق ستيك ات نوت Stick it الصفر


دفتر عادي للملاحظات اليومية


و اكيد في شغلات بعد

 

[fri2010]

وااااااااي جنووون مو مصدقه عدتي الينا من جديد لوووول

اضيف على القائمه قلم كشخه

و ختم بأسامينا << والا ما يحتاي؟

وعصاة تعليم الخرايط نفسها اللي كانو يستخدمونها حق الاخبار

 

[بـنــت الــنـور]

متاااااابعه بصمت :yaaaaaarb: وقاعده أسسسجل عورقه معااكم

 

[بنات حواء2]

انا تقريبن خلصت و كل ماقول خلصت ارد اشتري
ههههههههه
بصور لكم الي شريته و بحطه لكم

 

[ذكريات عشاق]

تبون الصج
ماشريت ولاشي من اغراض المكتبة
متابعه لكم وبسجل بورقة عشن لا انسى


فراي انا راح اسوي ختم باسمي انا احس ضروري

 

[جيتك تعال]

نطرو الميزانية

تالي اشتروو للقسم

اشفيكم بنات ما اتفقناا ما نييب شي من رواتبنااا

ولا كلام الليل تطلع عليه شمس الدوامات وتسيحه

حبيباااتي اشترو لعمركم وكشختكم الي تبون

بس للمدرسة نطروو الميزااانية واشترو منها خرابيطهم

انتو وعيالكم وبيوتكم اولى بفلوووسكم

 

[اخت اخوانها]

ذكريات وفروووي حق شنو الختم ..؟
تقصدون عشان اذا صححتوا الدفتر...؟

 

[اخت اخوانها]

ذكريات وفروووي حق شنو الختم ..؟
تقصدون عشان اذا صححتوا الدفتر...؟

 

[ذكريات عشاق]

الختم يفيدج
اذا عنج اوراق عمل بتختمين اسمج عليها
او اذا كنتي مسوولة عن صف معين ملزومة اتابعين الشهادات وتكون مختومة باسمج
ملف الانجازات اذا تحبين على كل ورقة او كل انجاز تسوينه تختمينه باسمج

 

[المـــــها]

جيتك تعال سؤال:
ليش المدرة تعطي المدرسات فلوس لأغراضهم؟؟؟





أضيف للقائمة:
لزاق شفاف
دبابيس
فايلات
مغناطيس مربع و لزق
ملفات شفافة للأوراق ع السبورة
دفتر علامات
​

 

[ذكريات عشاق]

جيتك تعال
في شغلات تكون خاصة لي انا لاستعمال الشخصي ماله شغل الفلوس اللي من الناظرة

ممكن ما اشتري داتا شو وخراىط لان اكيد القسم بيوفر

 

[MISS_PURPL]

قائمتي اللي للحين ماخلصت

اوراق a4
ملونة وبيضة
اقلام حمر
اوراق الستيك ات الملونة
دباسة وخرامة
اقلام سبورة
وشريت ملابس اشكثثثثر
وجنطة بربري
وجم جوتي مكرمين
وبس​

 

[مشغوله و محتاسه]

سوو اختام ونسو روحكم فيها ليش لا

ابلات الابتدائي .. تحتاجونهم للشهادات فقط

اما باقي المراحل ما ادري اذا تحتاجونه

انا ما سويت ختم الا لما صرت رئيسة قسم .. ما ادري كنت احس ماله داعي



انا اقول ونسو روحكم فيهم لان وقت ختم الشهايد ما تتذكرينه .... تبي شخطين الاسم و تقبين تسوين شي ثاني ... او تروحين البيت .. خو الشهايد دوم ما تنختم الا اخر الدوام :eh_s(4): يتاخرون فيها و على حزة الطلعه يتشطرون ..





سوري شطيت عن الموضوع :eh_s(17):

 

[مشغوله و محتاسه]

نطرو الميزانية

الميزانية ما تنصرف لاغراضكم ... تنصرف - اذا انصرفت من الاساس - لشي يخدم القسم ..

و اساسا ما تقدرين تقعدين ما عندج قرطاسية ناطرتهم ..

و على هالحجي الميزانية بتخلص بس على الاقلام ..

الميزانية لها اوجه صرف معينه و محدده ما تشمل القرطاسية .. و فواتيرها يوقعها الموجه

 

[C'est Moi]

هاي بنات, كل عام وانتي بخير jen2n أنا توني شريت نوتا وقلم حق الدورة وموعارفة شنو أييب حق التدريس تعين يدييييييييييييييد بصراحة حسيت أغراضج واااااااااااااااااااااااايد حسيت جنه مالت طالبات لوول .. الحين المعلمة بشكل عام شنو تحتاج؟؟ يعني الأشياء الأساسية؟
جيتك تعال : أساسا المفروض الوزارة تخصص ميزانية حق المعلمات Stationary !!!!!!!!!!!!!!!!!!!!!! موجود هالشي ولالا ؟

 

[مشغوله و محتاسه]

هاي بنات, كل عام وانتي بخير jen2n أنا توني شريت نوتا وقلم حق الدورة وموعارفة شنو أييب حق التدريس تعين يدييييييييييييييد بصراحة حسيت أغراضج واااااااااااااااااااااااايد حسيت جنه مالت طالبات لوول .. الحين المعلمة بشكل عام شنو تحتاج؟؟ يعني الأشياء الأساسية؟
جيتك تعال : أساسا المفروض الوزارة تخصص ميزانية حق المعلمات stationary !!!!!!!!!!!!!!!!!!!!!! موجود هالشي ولالا ؟

لا بالعكس اللي كتبتهم جنان مو وايد .. اغراض المكتبه العاديه ..

و الوزاره مو ملزومه توفر لنا القلم اللي بنحضر فيه بعد !

هالشي مو موجود طبعا ..

لو موجود جان ما شفتي ولا معلمه تكتب بقلم باهت .. :d

لا تحبكونها بنات اقصاها قرطاسيه ترا ..


اللي ممكن ما تشترونه و تخلونه على القسم اهو الداتا شو اما الباقي عادي المعلمة تشتريه لنفسها

 

[fri2010]

لا انا اذا شريت داتا شو بخليه حقي مو حق القسم وبقول لهم اذا قالو عطينا اياه ان مو مالي مال اختي هههههههههه

اما سالفه الميزانيه والموجه يوقع على الفاتوره

يعني لما اشتري القرطاسيه اخش الفواتير هههههههههههههههههههههههههههههههههههههه

الختم بسويه نفس ما قالت ذكريات

تصدقون بنات كتبت قائمه بالاشياء ولما اليوم امي وخواتي قالو ياللا اشتري تنحت :/

 

[نفول]

متابعتكم بصممممت
بنات يعني شنو فواصل حق الصبوره؟
انا ليلحين ماشريت ولا شي ناطره اتفرغ عدل
بس الي متاكده منه ان اغراض المكتب بشتريهم لما اشوف مكتبي بالقسم
وعجبتني فكره الختم بسوييها

ليلحين محتاره اسوي دفتر تحضير مطبوع بالكمبيوتر ولا خط ايدي؟
ابي شي حلو ومرتب ومريح
المشكله ان الطامه الكبرى ان بشقتي ماعندي طابعه ولا لابتوب فلازم ببيت ابوي
ومن له خلق كل يوم اروح اطبع وايي
وبصراحه الميزانيه ماتسمح اشتري طابعه و لابتوب يديد بدل لابتوبي الاثري؛)

 

[fri2010]

نفول يعني تزيين حق السبورة موجوده مجموعه وايد حلوه مسويتها بنت حوا بالموضوع المثبت وشوفي الفهرس قبل

انا بشتري اغراض المكتب من جرير بصراحه

ودفتر التحضير تشوفين رئيسة القسم شنو تبي بس الاثنين مريحين كل واحد فيه له ميزه سواء خط الايد او الكمبيوتر

بس ترا الطابعه والكمبيوتر ما تكلف يعني 300 دينار تشترين الاثنين