يالللا يا ابلات حركه حركه زنقه زنقه وخلونا نكتب قائمه بمشترياتنا

[C'est Moi]

مشغولة ومحتاسة :إهيا وجهة نظر وفي شركات خاصة توفر هالخدمة وأكيد مايسوى على قلم بس أحس أغراض المدرسة وايد صج الله يعينا ملااااااااااااااااغة
راح أسجل أغراضjn2n و أنطر لمن أروح القسم وأشوف شنو ينقصني بعد ماأتعرف عالمكان ....................
وإذا في أي معلمة إنجليزية تعرف شنو المشتريات بليز تخبرني

 

[ملآمح يوسفيه]

,
انا لالحين ما شريت شي
انطر هاليومين لما ادوام اشوف

 

[مطيريه ماركه]

آغرآضي عندي مآيحتآج آشتري حتى دفتر تحضيري آستعمآل كد ومد مجرد آبدل آلآورآق

 

[نفول]

فراي اي قررت اشتري لابتوب وطابعه بس اذا رضت المدرسه الاولي استخدم الطباعه
اي خل اشوف المووضوع عيل اكييد راح استفيد

 

[وحدة من الناس *]

للحين ما شريت شي

ان شاء الله لما اداوم بالمدرسه

عشان اعرف الوضع عدل

والف مبروك الملجه جنووون

 

[زمن الود]

انا انطر الناظرة تشتريلي صارلي 10 سنوات جذي اهما يشترون لي حتي دفتر التحضير لي متي انتوا تدفعون اخر شي تتحلطمون نصرف من جيوبنا واخر نكته داتا شوا حبوبه اكو ميزانية تاجير ناظرة تدفع

 

[نونا 3000]

بصراحه انا اغراضي مالت العام موجوده مااحتاج اجددها الا طبعا ملف التحضير بشتري جديد وافنتق فيه باناملي احب اطلع غير واتميز عن الكل ماحب المألوف
اما بالنسبه للوسائل موجوده عندي ومغلفتها تغليف حراري اي نسيت واقلام لوحه
وسلامتكم حبايب قلبي وعسى الله جعلها سنة خير علينا ويحفظ لنا الكويت ويطول بعمر ابونا بابا صباح ويخليه ذخر لنا يارب

 

[نفول]

حبيبتي فرااي ماشفت الفهرس الي مسويته بنت حوا اذا تقدرين تحطين اللنك

زمن الود يعني انتي ماتشترين ولا شي من جييبج كله علي حساب الناظره؟
والله اول مره اسمع ان في جذي واذا تقولين حتي الدفتر يعطونج فهل من اول يوم يوفرونه لج ولا شنو
البنات يقولون المكتب يطولون علي مايطلبونه واحتمال ماييبونه ويقولون انتي روحي اشتريلج
واكييد الشي الي توفره الناظره ماراح يكون بالجوده الزينه وخصوصا دفتر التحضير لازم شي زيين وشي يفتح النفس

 

[dana1212]

زمن الود حبيبتي
شلون الناظرة تشتري الدفاتر ممكن اعرف يعني من ميزانية المدرسة قصدج وهل اهيا مجبورة بهالشي ؟؟؟
اول مرة اعرف هالشغلة اتمنى تقولين لنا شنو الاشياء اللي المفروض المدرسات يشترونها واللي المفروض المدرسة توفرها للمعلمات من باب ان محد يستغفل المعلمات الجدد
وهل في قرار بهالشي ؟؟؟

تقبلي مروري

 

[jen2n]

ماشاء الله موضوعي انترس مشاركات يعني الحمدالله له صدى لول ،،، بس اول مره اسمع بسالفه ميزانيه الناظره ،، وبعدين الداتا شو مو يومي بستعمله ومو كله حق المدرسه ممكن اعرض عليه افلام وصور في بيتنا عادي ،،والقراطسيه وسوالف المكتبه احبها من كنت بالروضه حتى بالجامعه ما خلا مكتبي بالبيت ولا مقلمتي من هالاشياء يعني الوضع حده عادي وطبيعي ههههه

 

[¤§ زيتونة §¤]

شكرا حبيبتي عالموضوع المفيد والممتع


الصراحة انا ما تسوقت حق اغراض الدوام للحين

بس شريت دفتر تحضير


حتى اقلام ما شريت مو مستعيلة شنو بكتب فيه الدفتر اذا للحين لا مناهج ولا شي


ويعطيكم الف عافية بنات اللي حطو لنا اغراضهم وعجبتني وايد شغلات هالمرة بقلدكم واشتريها ههههههه



وكل عام وانتو بالف خير وان شاءالله عام دراسي سعيد وبالتوفيق للجميع

 

[كلي تفاؤل]

اقلام خط عربي ما استغني عنهم
اقلام شفافيات


بنات ودي اشتري لي بروجكتور خاص فيني ...من وين ابي حجم صغير وجم اسعاره

ولو اني خاف انحرج من اللي بالقسم معاي اذا طلبوه وهو خاص فيني

 

[مشغوله و محتاسه]

انا مشتغله باكثر من منطقة تعليمية و شفت كذا مدرسه ... بحياتي ما سمعت عن مديره تشتري دفاتر تحضير لابلاتها .. والله زين هذي وين باي منطقه ؟؟



بنات اللي تبي تشتري داتا شو شخصي ... ترا شي مريح و وايد حلووو

و اذا بينتي للناس من البداية انه مو للسلف ... راح تمشي الامور و انتي مرتاحه

لا تستحون هذا شي ما فيه حيا او زعل

حلالج و الداتا شو بالذات اذا اكثر من شخص استخدموه يخترب بسرعه و يستهلك
و ترا التاجير مو عملي للي تبي تستخدمه لحصصها و لا الاداره ترضى تؤجر جهاز حق استخدام المعلمة ... التاجير يكون للمناسبات اللي على مستوى المدرسة و المنطقة




نفول .. خلج على اللاب الاثري.. منو عنده ميزانيه الحين .. بعدين اشتري .. تونا طاالعين من عيد و رمضان و اجازة صيف مناسبات وايد ماشاء الله
بس مري يوريكا و اخذيلج طابعه hp في نوعيات ممتازه على 12 دينار عندي ثنتين منها ... والله تكد و تطبع و فيها تصوير و نسخ ... و وديتها من العام لشركه حطو لها حبر خارجي ... كمل معاي فصل كامل و بالصيف طبعت شغل السنه اليديده و ما خلص

اسم الشركة مؤسسة توتا ... بخيطان .. اهو اييج لي البيت ياخذها و يردها
اول مره 20 دينار و مع التوصيل زيدي 5
و ثاني مره تعبئه بس ب 11 دينار

ادور الرقم واحطه لكم

اما سالفه الميزانيه والموجه يوقع على الفاتوره

يعني لما اشتري القرطاسيه اخش الفواتير هههههههههههههههههههههههههههههههههههههه

اذا شريتي شي للقسم و تبين فلوسه طبعا خشي الفاتوره وعطيها لرئيسة القسم ... مثلا طلبو منج تشترين طابعه و قالو لج هاتيها دام مارتهم و هاتي فاتوره ... لازم تكون مختومه بعد من المحل .. بس مو تشترين من نفسج و تودين فواتير .. ترا الميزانيه مثل ما قلت ما تنصرف لاي شي .. و مو من كثرها .. ميزانية قسم الانجليزي 250 الاداره تاخذ منها 90 تقريبا عشان الورق اللي نستهلكه للطالبات اختبارات و تمارين !

 

[LA TROO7]

بمر جرير هاليومين

وتحضيري عالكمبيوتر وبناات حضري حق اسبوع مو يوم بيوم اريح
والداتا شو مالي شخصي لان ترا مصخرة اروح اطلب من الناظرة كل يوم

جنان يعطيج العافيه حبيبتي

 

[هيبة ملك]

نفس القائمة اللي فوق

باقي على صندوق أحفظ فيه الوسائل
موفقين يا أبلاااااات

 

[jen2n]

بنات بغيت اسأل عن سالفه التحضير سمعت من ابلات ما يصير تحضرين حق اسبوع كامل لازم يوم بيومه صج هالكلام؟

ويعطيكم العافيه على المشاركه

 

[بنات حواء2]

حبيبتي فرااي ماشفت الفهرس الي مسويته بنت حوا اذا تقدرين تحطين اللنك

زمن الود يعني انتي ماتشترين ولا شي من جييبج كله علي حساب الناظره؟
والله اول مره اسمع ان في جذي واذا تقولين حتي الدفتر يعطونج فهل من اول يوم يوفرونه لج ولا شنو
البنات يقولون المكتب يطولون علي مايطلبونه واحتمال ماييبونه ويقولون انتي روحي اشتريلج
واكييد الشي الي توفره الناظره ماراح يكون بالجوده الزينه وخصوصا دفتر التحضير لازم شي زيين وشي يفتح النفس

نفوله حبيبتي هذا رابط الفهرس راح تلقين شرح وافي عن الفواصل
http://www.q8yat.com/t922634.html
و رابط الموضوع بتوقيعي

 

[بنات حواء2]

جنون على حسب انتي مادتج جم مره بلاسبوع
اذا مره وحده تحضيرج راح يكون اسبوعي
اذا كل يوم تحضيرج راح يكون يومي
اذا مرتين بلاسبوع فانتي راح تحضرين مرتين بلاسبوع

 

[jen2n]

مشكوره حياتي ام زنوب على التوضيح

 

[سمراء كويتية]

أهم أدواتي












الصبر










و الصبر














والصبر ​