ياللله وين ناوين تسافرون صيف 2009....انشالله

[omjasim]

غميضة عليك روانا ما راح نقرا لك شى عالعموم تروحين وتردين بالسلامه :yaaaaaarb:
بس وين على الله الله يسهل عليك :edbf4317b9:

 

[omjasim]

يا جماعه شفيك على امريكا:080402ask_prv: شنكم تسولفون عن الخفجى والبحرين ؟؟؟ شنو قريبا اهيا :RoadRunner:

ليش ما تذكرون الطريج الطويل والمعامله الذربة اللى في المطار ( اللى يفصخونكم دلاقاتكم :050103nbh_prv:
وتشمشم الكلاب اغراضكم شنكم بغوانتانامو ووووووايد مسهلين الامور :bbbiu:

صج من حبتك عينى

يالله يالله احسن شى س س سي سي شنو :lololoe:

 

[digital]

والله يا ام جاسم الطريج يهووووووون عاااادي عااااااادي نامي وقعدي بالطياره والا انتى واصله

واذا على التفتيش حالنه حال غيرنه كلنه نفس المعامله بعدين انا استانس اذا شفتهم يفتشون عدل احس بالامان وما ينلامووون من اللى شافوه :wqedqw:

والله انا احبهه حتى لو يقولولى اروح مشي راااضيه هههههه:dddds:

 

[اشراقة الحياة]

يا جماعه شفيك على امريكا:080402ask_prv: شنكم تسولفون عن الخفجى والبحرين ؟؟؟ شنو قريبا اهيا :RoadRunner:

ليش ما تذكرون الطريج الطويل والمعامله الذربة اللى في المطار ( اللى يفصخونكم دلاقاتكم :050103nbh_prv:
وتشمشم الكلاب اغراضكم شنكم بغوانتانامو ووووووايد مسهلين الامور :bbbiu:

صج من حبتك عينى

يالله يالله احسن شى س س سي سي شنو :lololoe:

لووووووول
ام جاسم الله يهداج ليش تخرع:dddds: .....عاد اشتعوه اوربا او اي ديره ثانيه عند الباب كلهم درب .....
يالله ما اننحرم من ردودج.....

والله يا ام جاسم الطريج يهووووووون عاااادي عااااااادي نامي وقعدي بالطياره والا انتى واصله

واذا على التفتيش حالنه حال غيرنه كلنه نفس المعامله بعدين انا استانس اذا شفتهم يفتشون عدل احس بالامان وما ينلامووون من اللى شافوه :wqedqw:

والله انا احبهه حتى لو يقولولى اروح مشي راااضيه هههههه:dddds:

اي والله كل شي يهون..... حلوه ديجتال لو اروح مشي .... والله حبتها .....والله انا بمطار ميونخ بهذلووني حتى شباصتي فصخونيها .....صج كرهت الديره....عاد نفسهم خايسه

 

[omjasim]

لا انا اي طريج طويل اطق اورااام مثل ذيك السنه بشهر العسل سافرنا ماليزيا وسنغافوره لانه بشهر يناير وتخيلى شكلى عروس عنونه وكاشخه ومستحيه منه ومن طول الطريج نمنا وقمنا وطقت ايدينى وريولى اورااام تفشلت جدامه امبيه يقولي شفيك حبيبتى ؟ وانا شوى وابكى واقولة لالا عندى رهاااااب السفر كشخه:050103nbh_prv:
لا اشوه انى موحاطه مكياج وايد شان شصار بحالتى :yaaaaaarb: في يمى بالرحله عروس وكانت لابسه عدسات ملونه شان علوم بعد 3 ساعات صارت شنها من المريخ شوي وتنبط عيونها من كثر ما صارو حمر وماتبي تفصخهم جدام عريس الغفله :hearting:

 

[اشراقة الحياة]

لا انا اي طريج طويل اطق اورااام مثل ذيك السنه بشهر العسل سافرنا ماليزيا وسنغافوره لانه بشهر يناير وتخيلى شكلى عروس عنونه وكاشخه ومستحيه منه ومن طول الطريج نمنا وقمنا وطقت ايدينى وريولى اورااام تفشلت جدامه امبيه يقولي شفيك حبيبتى ؟ وانا شوى وابكى واقولة لالا عندى رهاااااب السفر كشخه:050103nbh_prv:
لا اشوه انى موحاطه مكياج وايد شان شصار بحالتى :yaaaaaarb: في يمى بالرحله عروس وكانت لابسه عدسات ملونه شان علوم بعد 3 ساعات صارت شنها من المريخ شوي وتنبط عيونها من كثر ما صارو حمر وماتبي تفصخهم جدام عريس الغفله :hearting:

لوووووووول ...خوش موووقف تنحسدين عليه
الصراحه احقلج ام جاسم ما تحبين الدرب الطووويل .... السالفه فيها اورام..... الله يعينج انشالله

 

[اشراقة الحياة]

رونــــــــا

عطينا اخبــــــــــــــــــــــــــــــــــارج اول ما توصلين.....؟؟؟؟؟

انشالله سفرتج كلها تساهيل............

 

[7alawa]

همممم احنا ناوين امريكا ..... توني ادري انه تفتيشهم مو شي !!!
و اذا ما صارت يمكن استراليا او سنغفوره
بس باذن الله نروح امريكا

 

[اشراقة الحياة]

همممم احنا ناوين امريكا ..... توني ادري انه تفتيشهم مو شي !!!
و اذا ما صارت يمكن استراليا او سنغفوره
بس باذن الله نروح امريكا

لا انشالله ما كو الا الخير ..... انا الي عرفته ما يخضع حق مثل هالتفتيش الا الي شاكين فيه....

الله يسهلج بامريكا ...... وتروحين وتردين بالسلامه انشالله :eh_s(7)::eh_s(7):

 

[Queen-q8]

روونا

ان شاء الله تردين بالسلامة وانا حايسة هاليومين عندنا عرس

انا سهرانة باجر عندي عرس لللللوووووووووللل حدي قوية شكلي باكلها عدل
عاد تصدقين انا نفسج موبالعه هالديرة مع ان ابي اروحلها يمدحون وايد سوقها والاكتفيتي مالت اليهال بس انا اكره الرطوبة غثيثة وايد وتضايق وتزقهج حياتج بس ان شاء الله وقتج اخف عاد انا اهلي يايين منها بالصيف وايد يمدحون جوها يقولون الرطوبة كانت خفيفة عليهم




اشرقة بعد عمري انتي وكوين ان شاء دوم بعافية وما تسال عنكم العافية الا دايم بخير وصحة وعافية (( كلمة تسأل عن العافية )) معناتها مو حلو اسم الله عليكم

والله ضاق خلقي بنتي يتني تقولي ماما الاكسزامز بشهر جانوري والا ادق على المدرسة جان يقولون 11 -1 واذا جذي يعني قبل الردة بيوم اذا الله كتب

توهقت لا والمدرسة طالبة اثبات للغياب بس شكلي باضبطها مني مناك انا بروحي متشوقة لامريكا من قبل بس الحين صايرة وايد بخاطري خصوصا ان احتمال كبير ما راح اقدر اروح بالصيف وهالفرصة وايد حلوة لي بس الله يسهلها ويهدي ريلي ويتشوق احسه مو مشجعني وايد عليها بس انا خاطري فيها

الله يسهل

انا متابعه وياكم

 

[اشراقة الحياة]

وي ما تستاهلين يا الغاليه كــــــــــــــــــوين .......

والله صج حايسه الله يعينج ..... كوين انتي متى بضبط سفرتج ان الله كتب ؟؟؟؟

وعساها دوم تعم عليكم عافيه ...انشااللله

 

[&رعبوووبه&]

ودي اروح امريكا منى عيني __ بس الحكومه على قولتكم عسر بهالسوالف

الله واعلم بنصفي على زلمسي الميزانيه مبدايا 3500 -3 اشخاص والحجز اكيد سفريات

 

[اشراقة الحياة]

ودي اروح امريكا منى عيني __ بس الحكومه على قولتكم عسر بهالسوالف

الله واعلم بنصفي على زلمسي الميزانيه مبدايا 3500 -3 اشخاص والحجز اكيد سفريات

المشكله كلها فالحكومه يا ايي شي رباني من الله يهديهم ..... يا شلة الانس تفر راسهم

رعبوووبه الميزانيه شامله التذاكر والمصرف ؟؟؟؟..... :eh_s(7):

 

[اشراقة الحياة]

ديجتــــــــــال ما عندج رابط الفندق الي كنتي ساكنته ....عيزت ادوره .....

و يسلمووووو مقدما........

 

[Queen-q8]

وي ما تستاهلين يا الغاليه كــــــــــــــــــوين .......

والله صج حايسه الله يعينج ..... كوين انتي متى بضبط سفرتج ان الله كتب ؟؟؟؟

وعساها دوم تعم عليكم عافيه ...انشااللله

هلا والله اشراقة

احنا اذا الله كتب لما ارد من الحج يعني ابو اسبوع تقريبا يا 18 او 19 ديسمبر وبأجكها لي 9 يناير اذا تمت سالفة المدرسة على خير يعني بغيب بناتي اسبوع
الصغيرة عادي روضة بس الكبيرة احاتيها لان اول مرة تمتحن امتحانات نص السنة وما احاتي دراستها لا طبيعه الامتحانات وهذي انسب فترة بعد ريلي مو مشجعني كلش
بس الله يعين اذا الله كاتب بتسهل ان شاء الله :yaaaaaarb:

 

[اشراقة الحياة]

هلا والله اشراقة

احنا اذا الله كتب لما ارد من الحج يعني ابو اسبوع تقريبا يا 18 او 19 ديسمبر وبأجكها لي 9 يناير اذا تمت سالفة المدرسة على خير يعني بغيب بناتي اسبوع
الصغيرة عادي روضة بس الكبيرة احاتيها لان اول مرة تمتحن امتحانات نص السنة وما احاتي دراستها لا طبيعه الامتحانات وهذي انسب فترة بعد ريلي مو مشجعني كلش
بس الله يعين اذا الله كاتب بتسهل ان شاء الله :yaaaaaarb:

اممم .....يالله الله يسهلج انشاللله وحجه مقبوله باذن الله...

اذا الله كتب وين ناويه اي ولايه ؟؟؟؟..... واشلون طلعت الفيزا سهاله؟؟؟؟

 

[digital]

صبااااااح الخير يا بنااات

اشراقه هذا عنوان الفندق او المنتجع مثل ما يسمونه

http://mystic-dunes-resort.com/vacation

queen-q8 تدرين احسن شي متى تروحون بال spring break يعنى على شهر 4 احنا العام رحنا وااايد استانسنه والطياره فاضيه وما يصادف وقت امتحانات غيبت ولدي يومين دقيت على المدرسه وقلت لهم انه ابوه عنده سفره ضروريه اذا تعطوه يومين اجازه كان بها واذا لا لا انا ولا اهوه نسافر:050103nbh_prv: عاد والله ما قصروا قالوا عااادي بس كتبيلنه رساله بالمعلومات والله كتبت لهم وحتى رقم الحجز والبيانات حطيته لهم يعنى ثلاثاء واربعا مع اسبوع السبرنغ بريك صاروا 11 يوم واحنه بعد سافرنه الاثنين بالليل

بس تدرين احس انه شووويه

 

[اشراقة الحياة]

يســــــــــــــــــلموووو ديجتال ......

قاعده اطمش الحين.............. يعطيج العافيه ما قصرتي

 

[digital]

الله يسلمممممممممج شروقه

بس جنه الريسورت اللى حطته طوق احلى من هذا

انتى شوفى وقارنى الاسعار ولا تنسين ترى بأمريكا طووول اليوم بتكونون بره الفندق

 

[اشراقة الحياة]

ديجتال والله اونس ريزورت........... عليكم بالعافيه

المسبح ماله وايد حلو................