يالله توكلنا على الله ===------ يالله بنسافر ------===توكلنا على الله بنسافر---

[مزيونه وشقره]

بسم الله الرحمن الرحيم


السلام عليكم ورحمة الله وبركاته


خواتي الغاليات


حطيت هالموضوع وحدي متحمسه لاني بسافر ان شاء الله_03BA:بس مو الحين تو الناس

وباخذ هالمره بنتي معاي ان شاء الله وشوفوا ترتيباتي وافكاري للسفر ان شاء الله من حيث الاستعداد وتجهيز الاغراض وكل شي


يالله


بسم الله


اول شي


جنطتي الحلوه

احب جنطتي تكون فيها علامة مميزه يعني شريطه مكان قضبة اليد الفها اميه مره عشان اميزها :dddds:

لان جنطتي سوده ووياد جناط سوود فميزتها وحطيت شريطه ورديه العام وهالسنه بغير بخليها نيولوك بحط زرقه


المهم


وبحط فيها يالله نبتدي بسم الله

شامبو حجم صغير


صابونيتي الغاليه ما استغنى عنها بخلي حجمها اصغر

سنفرتي بحطها بعلبه صغيره

استشوار

مشطي حبيبي

شباصاتي ياحياتي

بودر اطفال

مسك القرشي مسك العروس

بودرة مسك

لوشن جسم

مناديل جونسون للحمام لي ولفريختي

مناديل ديتول انظف فيهم الحمام وامسح مهما كانوا منظفين فيني هوووس نظافه

شاي اعشاب ملين

فرشه ومعجون

عطرين واحد بجنطه السفر ووحده جنطه المطار

عود قطن

كوتكس

كيرفري مهم للطلعات وتحطينه بجنطتج

علووووووووج وحلااااااااااااااو

اندرويراتي

امطاتي ياحياتي

ملافعي

هدومي كامله

صابون ملابس

دلاقات

جوتي مريت

شحن الكاميرا والكامرا

حزام مريح للبنطرونات

مره

منظره لطاولة الفندق للمكياج

بنادول وادول وبلاستر

مقص صغنونو

مقراضه عنونه

فوطتي

ومصحف وثوب صلاة

والمكياج = كريمي المرطب + الحماية+ بودرة خفيفه ما احب احط اساس للسفر نهائيا + شدو بني فاااتح واي لاينر ومسكرا وقلوز لون طبيعي خفيف وبلشر وردي وبسسسسسسسسسسسسسس

وبحط في قاع الجنطه الامطه والملافع بصفهممر مرتبين بعدين بحط الهدوم وبوزع الاغراض بشكل مرتب وانها ماتخترب وبحط كل مجموعه بجيس او جنطه خام خفيفه


وبعدين جنطه بنتي

شامبوها وصابونها وملابسها وجواتيها وشباصاتها ومشطها وفرشتها ومعجونها وكريمها ودلاقاتها تموت عالدلاقات اذا كشخت لازم تلبس دلاق :dddds: ياختي عليها ياحلوه الله يخليها لي قولوا امين


وعاااااااااااااااد بحط في جنطتها جنطه اصغر من حجمها عشان اذا شريت اغراض احط فيهم ان شاء الله مايحتاج اشتري وانا عندي وخصوصا اللي عندي زينين وخفاف


والحين جنطة المطار

حصن المسلم

مرطب لليدين

مرطب للوجه

مناديل جونسون

كلنكس

علوووووووووووووج وحلاااااااااااااااو

كاميرا

عطر

بوكي

بنادول

وجنظة بنتي صغيرون فيها بجامه خفيفه وبدله مرتبه واندر ويرها يازينها وبس

هذا بالنسبه للاغراض وان شاء الله مانسيت شي


وقبل لا اسافر ان شاء الله بنزل من وزني اريح واحسن عشان لو اكل هناك ما اسمن ويزيد وزني ادعولي اضعف اشوي وللعلم انا مو متينه بس همن فيني هوووس رشاقه

وروحي المطار قبل سفرتج بيوم وحجزيلج مكان بالطياره والله هذا سمعته من امي ما ادري صج او لا اكدولي يابنات

وقبل لا اسافر بعتني في جسمي بسوي حمام مغربي ومساج وحمام زيت


و بحاول انام مبجر انا وفريختي طبعا قبلها بليله


واذا بنروح المطار نتسبح جنه العيد هههههههه

ونلبس ملابس خفيفه ومريحه ووسيعه ونبجي اشوي ونودع اهلنا وعيالي ياقلبي

كل سنه اقول ما راح ابجي وابجي وابجيهم معاي :0bee2e8d89:

بس يالله يالله نكمل

ونكشخ ونروح المطار مبجر ونتمشا فيه ونستمتع في مطار ديرتها الشرح الحلو


واذا ركبنا الطياره ان شاء الله بقرا قران واذكر الله لاني الحمدلله والشكر ما ادري شفيني تالي عمري صرت اخاف من الطياره والله قبل سنتين عادي بس العام خفت حدي والحين حدي خاايفه اسم الله علي

وبعدين بقرا دعاء السفر وباكل علج :ggdw:

وادعولي استانس وبنتي تستانس بنات لا تنسوني بدعواتكم الطيبه وان الله يهدي زوجي ومايعصب علينا وعيالي ادعولي الله يحفظهم


و


مع



مع



مع



مع تحياتي ياحياتي

مزيونه وشقره​

 

[مزيونه وشقره]

وبنات ابي رايكم وقولولي شنو ناقص وشنو ماله داعي

انتظركم يا حياتي



مع تحياتي ياحياتي

مزيونه وشقره​

 

[تونه الكويت]

وربي تونسييييييييييين مزيونه وشقرة حسستيني جني انا المسافرة مو انتي :ggdw:

وتقريبا نفس اغراضي اللي احطها بجنطة اليد حقت المطار

بس سالفة اختار مكان بالطيارة قبلها بيوم اول مرة اسمع فيها ،،،، جان زين صج عالاقل الوحدة تقدر تختار مكان سنع اذا سافرت

وتروحين وتردين بالسلامة ان شاءالله حبيبتي :eh_s(8):

 

[اوركيدا]

حبيبتي .. اهم شي العطر يكون اصغر من 50 ملي .. حتى لو عطرج نصه مخلص او باقي اقل من 50 ملي مايرضون .. يعني لازم تكون الغرشه نفسها صغيره ..

انا مادري وين بتسافرين بالضبط اتكلم عن اوروبا لندن وامريكا ..

وبالنسبه لحجز مكانج فالطياره على حسب خطوط الطيران اللي بتسافرين عليهم ..
انتي اتصلي من اليوم او سألي شلون اسوي السيتنقز بالطياره ..
يمكن عن طريق النت نفس الـBritish Airways
معظم الطيارات الثانيه ينفتح قبل السفره بـ24 ساعه .. بس مااظن له داعي تطقين لي المطار ..
انا مستعيله اللحين لي عوده ان شاءلله موضوعج وايد مفيد او حلو .. الله يودينا جميعا بالسلامه

 

[ترانيم العود]

تروحين وتردين بالسلامه..

بس وين مسافره؟؟؟

 

[الحب لك وحدك]

مسا الخير اختي ....

1- عطر الي معاج بالطياره لازم يكون اقل من 100مل مو 50مل هذا المطبق حاليا في كل المطارات و حتى الوشنات لازم تكون اقل من 100مل

2-ممنوعه الادويه بالطياره بس ممكن تحطينا بالشحن

و انشاءلله اكون فدتج....

 

[هجاين]

تروحون وتردون بالسلامه بس لا تنسين تسوين لنا تقرير عن سفرتج لما تردين

 

[شعشع قمر]

السلام عليكم ورحمه الله وبركاته
يا حياتي يا مزيونه
والله اني مستانسه عشانج ^^
الله يوفقج ويسر لج دربج انت وصغيرونتج وريلج يا رب ويحفظ عيالج ويعقلهم بهدايته
ماشاء الله عليج كل اوك
بس لا نتسين
خخخخخخ
هههه
الـــــــــــــــ
الاونو _ مونوبولي
عشان تصير السفرة تونس وتقدرين انج تخلينها عائليه تونس بنتج لما تلعب مع ابوها من دون اخونها معاها ( من غير شر )
اما بالنسبه للاشياء ماشاء كفيتي وفيتي

شامبوها وصابونها وملابسها وجواتيها وشباصاتها ومشطها وفرشتها ومعجونها وكريمها ودلاقاتها تموت عالدلاقات اذا كشخت لازم تلبس دلاق ياختي عليها ياحلوه الله يخليها لي قولوا امين

اميــــــــــــــــــــــــــــــــــــــــــــــــــــــــــــــــــــــــــــــن يا رب العالمين

وفي انتظار جديدك
اختي الغاليه ^^

 

[القطانيه]

حيااتي تروحيين وتردين بسلامه يارب

 

[bnt_7waa]

troo7en o trdeen belslama

7boba

 

[مزيونه وشقره]

ياحياتي حياكم الله واشكركم عالدعوات الطيبه والنصايح

وان شاء الله اقولكم اخبار سفرتي اذا رجعت وبقولكم ان شاء الله واحطلكم صور







مع تحياتي ياحياتي

مزيونه وشقره​

 

[سنفــــور كســــول]

مزيونه اقولج حسب الديره اللي رايحه لها


ترا بعض الدول ماترضى تدخلين كريم وعطر وقلوس انتبهي اي شي سائل لاتحطينه بالجنطه





وتعاالي بسأل وين بتروحين ^_^



تروحين وتردين بالسسسسسسسسسسسسسلامه حبيبتي

 

[طويلة البال]

ترووحين وترديين بسلامه ياااارب

وان شاءالله تستانسووون يارب
بس ها لا تنسين الصووغه

 

[%عسولة الحلوة%]

يا حياتي

تروحين وتردين بالسلامةيا وخيتي

عسا الله يوفقج ياربي

عاد ديري بالج على بنيتج فديت قلبها والله بنتاختي الغالية ياذرابتها بس الاخ اخوها الله يعيننا عليه اذا سافرتي


اغراضج ذربة وحلوة


عليج بالعافية

 

[مزيونه وشقره]

ياحياتي حياكم الله وسفرتي راح تكون مفاجاه بعدين اقولكم وين



مع تحياتي ياحياتي

مزيونه وشقره​

 

[سنفــــور كســــول]

عرفت بتروحين ماليزيا خخخخخخخخخخخخخ صح ^_^

 

[ام حموود]

ولله ودي اسافر مع اليهال ابي غروب يروح تركيا ادور مو لاقيه ابي اروح نص شهر سبعة بنتي تقول كيفكم اذا ما سفرتونا وستانسنا السنه اليايه ماني ناجحه قاعده تساومنا جنه ناجحه لنا ابوها يقول سافروا مع غروب او احد من اهلج بتلشت شسوي الاولاد عادي رحتوا ما رحتوا سهرانين طول الليل على هل الألعاب

 

[أحلــــ دلع ــــى]

الله يخليلج بنوتج ان شاء الله

و تروحون و تردون بالسلامه ان شاء الله

و اهم شي انكم تستانسون
و ان شاء الله ما يعصب عليكم زوجج

و موفقه حبوبه

 

[جكورة]

تروحين وتردين بالسلامــــة

وعرفت ووين مسافرة ..... ماليزيــــا صح :ggdw:

 

[* جوجو *]

عشت الجو .. جنه انا اللي برتب الجنطه .. الله يهنيج ويسعدج ويخليج زوجج وعيالج واهلج بعد