ياليت تساعدوني ... زوجه ثانيه

[همس]

مراحب

بدش بالموضوع على طول واتمنى الاقي عندكم الحل .. هذي رفيجتي سلمكم الله متقدم لها خطيب متزوج وعنده مره وعيال وللعلم اهي مطلقه وعندها ولد بس عمرها مو اكثر من 25 والريال ماعليه مقتدر وملتزم وعمره صغير


ياليت ادلونها على الطريج الصح هل تقتنع وتكون الزوجه الثانيه لهالرجل والا تنتظر يمكن ربي يرزقها بواحد ماعنده مره ؟؟؟؟



صج صج صج تعبانه ونفسيتها من هالموضوع حيل متأزمه هي مقتنعه بالرجال من خلال الوصف لكن مو مقتنعه انها تكون زوجه ثانيه ؟...


واذا في زوجات ريايلهم متزوجين عليهم او اهما الزوجه 2 يقولولنا تجاربهم


انتظر ردودكم

 

[مُناي]

رد : ياليت تساعدوني ... زوجه ثانيه

دام انها مطلقه وعندها ولد

فمن الصعب يتقدم لها واحد ماتزوج

واذا كان مطلق تلقينه بيدور وحده هو اول واحد بحياتها

يعني اللي مثلها طبيعي ان المتقدم لها بيكون متزوج وعنده يهال

وانا اقول هي حره

بس اذا وافقت

تشترط عليه شروط تخليها بعيده عن المشاكل

مثل ان يكون لها بيتها المستقل


وهي أبخص

 

[jolie_q8]

رد : ياليت تساعدوني ... زوجه ثانيه

بالنسبه لي..انا ارفض زوجي يتزوج علي
او اتزوج واحد متزوج(مبدأ)
يعني اللي ما ارضاه على نفسي ..بصراحه ما ارضاه حق غيري
بس كل وحده ظروفها تختلف..احسن شي تدرس هالموضوع عدل..وتحط سلبياته وايجابياته
واذا اقتنعت..خليها تسخير
وانشالله الله بيوفقها

 

[غدير^الجنان]

رد : ياليت تساعدوني ... زوجه ثانيه

انا مع مناي وحده نفس حالتها محد يرضى يتزوجها الا اللي عنده زوجه وعيال او بس عيال..


اذا اهو خوش ريال خل تتزوجه بس تشرط عليه ان يعدل بينههم ويبعدها عن المشاكل

الله يوفقها يارب...

 

[الشيف رقيقة]

رد : ياليت تساعدوني ... زوجه ثانيه

والله انا اشوف انها توافق بعد الاستخارة ! تستخير ربها وصدقيني بترتاح، وتراه شي طبيعي بيتقدم لها واحد متزوج لأنها اصلا متزوجة وعندها ياهل ، يعني لاتتوقع غير جذي الا بالحالات النادرة طبعا

خليها تتوكل على الله وتسوي استخارة واكيد بتتوفق باللي بيصير لها ..

 

[همس]

رد : ياليت تساعدوني ... زوجه ثانيه

مشكورين وماقصرتوا والله


اهي شتقوووووووول !!!


تقول مستحيل تعيش مع واحد عنده مره لان طبعها غيوووووووور تقول ممكن ما اتحمل هالوضع !!!

 

[طير الحب]

رد : ياليت تساعدوني ... زوجه ثانيه

انا اقول انها ما توافق ليش تاخذ الريال من مرته .... ختحط نفسها مكان مرته ترضى انه يتزوج عليها ....

واذا هى غيوره ما ينفع لها واحد متزوج خليها تنطر خاصه انها صغيره

 

[همس]

رد : ياليت تساعدوني ... زوجه ثانيه

انا بعد قلت جذي بطه حرام ادش بعالم مشاكل اهي في غنى عنه

 

[Dancing^Queen]

رد : ياليت تساعدوني ... زوجه ثانيه

السام عليكم ورحمه الله وبركاته
اختي همس
اولا مشكوره علي انج طرحتي الموضوع للنقاش وانج حبيتي تاخذين راي بالنسبه لمشكله صديقتج
ثانيا الله يساعد رفيجتج ويصبرها ويجازيها كل خير ويساعدها امين ويبارك لها


ثالثا
بالنسبه لرايي في موضوعها
انا برايي ان الطلاق مو نهايه لاحياه
ومو معناه انها مطلقه ترضا باي واحد اييها ليش؟ حقها للاختيار موجود
بالعكس اهي لازم تكون حريصه اكثر من البنت في الاختيار علشان ماتتكر تجربه الطلاق مره ثانيه وعلشان تضمن حياه مستقره لها وولودها في المستقبل
وبالسنبه للزواج من رجل متزوج اي علي ذمته مره ثانيه
انا برايي احسن لها تفكر مره ومرتين وثلاث واربع بالنسبه لهالخيار لان هي محتاجه الاستقرار والامان النفسي والاسري وتعويض عن التجربه الفاشله اللي مرت فيها وما اظن انها راح تلقا هالاشياء مع رجل مستعد انه يعرض فقط نص حياته والنصف الثاني مع زوجه ثانيه واسره ثانيه
ولا اظن انها راح تتحمل نظره المجتمع لها ، بانها خربت بيت واستقرار حياه ناس ثانيه
وانها حاولت تبني سعادتها علي تعاسه غيرها او انقاض بيت ثاني وسمحيلي هذي نظره المجمتع للمرأه الثانيه لو مهما كان بصرااااااااااااحه وعلي قوله اخونا المصرييين علي بلاااااااااااااطه

بعدين اذا رضت بالمتزوج لازم تاخذ بعين الاعتبار ان حقوقها وامتيازتها ماراح تكون كامله ولازم تتعود المشاركه بكل شي مع الزوجه الاولي وعيالها سواءا بالحض ، والوقت ، والماده ، والمكان ، حتا لو اشرطت انها يكون لها بيتها بروحها يمكن مع الزمن وضع الزوج المادي مايسمح وترد تسكن ويا شريكتها ابيت واحد
ولازم اتعرف ان الاولويه جدام الناس والكل للزوجه الاولي حتا بزواره الاهل وكل شي واهي تيي بالمرتبه الثانيه ! سمحيلي انا موقاعده اقسي عليها بس هذا الواقع وماحب الف او ادور او اني اجذب

انا برايي البنت صغيره وفرصتها بالحيااه انشالله كبيره وجدامها العمر والوقت للاختيار
وليش ما اييها ولد مو متزوج؟ ياما مطلقات وبعيال تزوجو شباب ليس لهم تجربه سابقه والله يسر عليهم
وبعدين في مطلقين وفي ارامل
مو شرط ريال متزوج وعنده عيال
انا برايي ان العيشه جذي راح تكون صعبه جدا جدا جدا واهي محتاجه احسن من جذي

 

[حبنا الله عليه]

رد : ياليت تساعدوني ... زوجه ثانيه

توافق ليش لا ...!!!!!!!!!!

اذا بنوقف على نقطة تاخذه من مرته ماخلصنا ولا احد تزوج

و خل تحرص بس ان يكون لها مسكن بروح

......... والله يوفقها

 

[نفيشه]

رد : ياليت تساعدوني ... زوجه ثانيه

انا رايي مثل كوكو
ممكن تتزوج ارمل او مطلق وعنده عيال افضل من متزوج
وخاصة ان اهي اعتقد عندها ولد بعد
يعني عالاقل خل تركز على هالجانب وبولدها ولا تدخل على عمرها عياله بعد
فالموضوع شكله مو اوكي

 

[أنا وين ؟؟]

رد : ياليت تساعدوني ... زوجه ثانيه

انا مع بطه وكوين ونفيشه ...


خل تحط مكانها مكان الزوجه الاولى ...

وبعدين من قال ان ماراح يتقدم لها الا المتزوج !!!

 

[فروحة توحة]

رد : ياليت تساعدوني ... زوجه ثانيه

الله يرزقها بالزوج الصالح

انا اعرف ثنتين تزوجو وبعد طلاقهم ومع عيالهم

رياييل لم يسبق لهم الزواج ويموتون على عيال حريمهم

عسى ربي يرزقج مثلهم وافضل

 

[أم ملاك]

رد : ياليت تساعدوني ... زوجه ثانيه

بالنسبه لي..انا ارفض زوجي يتزوج علي
او اتزوج واحد متزوج(مبدأ)
يعني اللي ما ارضاه على نفسي ..بصراحه ما ارضاه حق غيري
بس كل وحده ظروفها تختلف..احسن شي تدرس هالموضوع عدل..وتحط سلبياته وايجابياته
واذا اقتنعت..خليها تسخير
وانشالله الله بيوفقها

انا معاج وراي من رايج

 

[همس]

رد : ياليت تساعدوني ... زوجه ثانيه

تسلموووون بنات

وجزاكم الله خير على كل كلمه قلتوها



واهي خلاص رفضته ... لانها كلش مو مقتنعه انها تكون على مره ... طلعت من جو مشاكل ما تبي ترجع له مره ثانيه




الف شكر لكم جميعا مره ثانيه




سلام

 

[Dancing^Queen]

رد : ياليت تساعدوني ... زوجه ثانيه

الله يوفقها انشالله بولد الحلال الصالح اللي يقدر قيمتها ويعوضها عن كل اللي فات انشالله

 

[مُناي]

رد : ياليت تساعدوني ... زوجه ثانيه

الله يوفقها بولد الحلال

اللي مومرتبط

 

[نفيشه]

رد : ياليت تساعدوني ... زوجه ثانيه

همس

يالله شتبي بعد كلنا بندعي لها انشالله
عسى الله يوفقها بواحد يستاهلها وتستاهله

 

[FOZQ8]

رد : ياليت تساعدوني ... زوجه ثانيه

الله يوفقها والحمداللهانها ماوافقت والله يعوضها خير
خل تريح بالها من المشاكل ولا تاخذ على مره
وعلى فكره ليش ما اييلها احد مومتزوج عادي اتصير توها صغيره او ممكن مطلق والله ياكثر المطلقين بالديره

 

[عنابه]

رد : ياليت تساعدوني ... زوجه ثانيه

الله يوفقها ويسخر لها رجل صالح يحبها ويحترمها والله يخلي لها ولدها .