ياليت تسمعوني ..

[توفيms]

انا افكر بقدام بكم سنه بعدين
عشان كذا قررت هذا الشي ... هو يختلف بكل شي انا مقدر اعيش نفسهم واهم شي عندي دراستي ووظيفتي واحقق شي لنفسي اصير فخوره بنفسي وانجز بحياتي .. واذا بقيت معه ااعرف نفسي مليون بالميه ان هذا الشي بيكون منتهي تماما.. انا ما احب اني اجلس بالبيت وخلاص انتهت حياتي بمجرد اني تزوجت .. كنت اتمنى انه يكون مكمل لحياتي ماتوقعت انه بيسلب اشياء من حياتي ,, بعدين شلون اقيم نفسي واقرر اتطلق بعد 5 سنوات على قولتك واذا ربي رزقني باطفال .. اصير انانيه اذا فكرت في نفسي وبس ...
والله انا فكرت كثير واحتررررت .. كلامكم يقنعني لكن الواقع اللي اعيشه اصعب ...

 

[توفيms]

هو فيه اشياء حلووه بس انها مو اساسيه ,, الاشياء اللي مو زينه هي الاساسيه وتمنعني وتحط حد للتفكير عندي

 

[محتاره بحياتها]

شوفى حبيبتى
طبيعي كل رجال يحب ان زوجته تكون قاعده في البيت فاضيه له ومايحبها تكون مشغوله ان كان بوظيفه او دراسه
يمكن للحينه ماتعود
او انه يشوف الحريم اللى حوله كله ربات منزل
باجر بيتعود ويتأقلم مع الوضع

بس بالنسبه لموضوع الحمال.. انا افضل انج شوي تأجلينه لان الوضع بينكم متزعزع ... وباجر بياخذ عذر انتى مهمله ولدج ورايحه تدوجين <<< هذى سوالف المتزوجين اذا بغو يدورون حجه

يعني على الاقل لما تخلصين دراستج عشان بعدين ماتندمين لما تحسين بالمسؤوليه فوق راسج

والطلاق.. ترى مو سهل اصبري وحاولى عشان باجر ماتتحسفين واسمج حاولتي وجربتي

والله يوفقج

 

[شقرديه كيوت]

طيب انتي واثقه انج اذا تطلقتي بتلاقين رجال احسن منه وفيه كل المواصفات اللي تبينها ؟

 

[مطيرية والعزليه]

اختي هدي بالج منو الرجال الكامل في هالوقت الا تلقين فيه عيب

انا اشوف اذا ماهو بخيل ولا مغازلجي ولا سكير ارجع له واتحمل عيوبه الثانيه

ةمافي رجال مايبي مرته تحمل والا يحب يشوفها ربه منزل سنعه بالعكس كلهم جذي وهذا دليل علي انه يحبج يبي عيال منج

انتي شوفي عيوبه وشوفي مميزاته ولاتنظرين له انج اعلي شهاده منه لان الشهاده ماراح تفيدج باجر بدون بيت وعيال وزوج

والله يهديج لما فيه مصلحه لج

 

[توفيms]

ما افكر اني ابلاقي احسن منه ولا لا ... ولا ابي افكر ...

 

[ام - وهابي]

حبيبتي استخيري اول الطلاق مو لعبه ولا شي هين

 

[AL ANOOD]

هذا قرارج بروحج لا اهلج ولا احنا نقدر نفيدج
شوفي نفسج تقدرين كملي ما تقدرين هديه

لا تسمعين كلام احد ... انتي وبس انتي اللي بتعيشين معاه

 

[شقرديه كيوت]

ما افكر اني ابلاقي احسن منه ولا لا ... ولا ابي افكر ...

حبيبتي مايفيدج الكلام هذا - الشهاده مو كل شي - المره بالآخير مايفيدها غير زوجها وعيالها لاتقوليلي اهل ولا شهاده ماراح تنفعج الشهاده المعلقه ولا الوظيفه اللي بالآخير بيروح فلوسها ع ملابس وعطور ومكياج وخرابيط الاا اذا كنتي محتاجه فلوس الوظيفه والافضل ان الزوج اللي يصرف عليج بدال لايضيع فلوسه ع خرابيط ولايفكر بمره ثانيه - صدقيني والله مكان المره الطبيعي بيتها يعني كافي عليها تعب الحمال والجهال والتربيه والتدريس هذا غير الزوج وحقوقه - الا اذا كنتي كارهته فهذا شي ثاني - بس فكري عدددل عشان ماتظلمينه معاج

 

[اشتياق]

انا اقول شكلج حامل

 

[ام شووووق]

انا اقول تكلمي معاه وقولييله شنو تبين انتي وشنو الشي الي حابة انج تكونين وهو بعد خله يقول شنو
يبي منج وهو شنو حاب يعني عطو بعض فرصة اخيرة وانصحج فكري الف مرة قبل الطلاق
الله يوفقج

 

[ام نجـــلاء]

اول سنه زواج اكيد بتكون صعبه اذا انا بنفسي كنت ابي اطلق لانه حسيت انه مختلفين

بس عقب ماحملت ويبت عيال تغيرت وحبيت ريلي اكثر

الريال مايحب العناد يبي وحده تسايسه ماتفرض راييه عليه

اكسبيه بالكلام الحلو وامدحيه

مااعتقد انه الوحده كل يوم لها ريل؟؟؟

 

[حنان 26]

مرحبا حبوبتي. انصحج تصلين الاستخارة واللي ربي كاتبه لج بيصير

 

[أبكاني ذنبي]

استخيـــــــــــــــــرررررري


الطلاق كلش مو سهل


ويمكن لا سمح الله تتطلقين ومحد يتقدم لج حطي احتمالات وااايد