ياليت مت ـــــ ولا عشت افراقك 000خـــالــــد ودلال ــــ روايتي الثانية (مميزه )

[*caramel macchiato*]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

مــــــــــنــــــــــــــيــــــــــــره @@

يا علج الساحق والماحق !!! @@


شتبين انتي شتبين ؟ ابوج مريض ترا روحي معاه مو لازقه بخالد @@



واخ خالد ؟ في احد ينسى انه مواعد ؟ لا وانته الي حان عليها مو اهيه بعد !!!!


اشكره دلال بتشوفهم ^_^ لول وابو الي ما ينطرى اسمها بيموت

وام خالد بتقوله تزوجها ما عندها احد البنيه !


ناطرين البارت الياي :\ ارتفع ضغطي انا :\

​

ايه والله ...خالد سااعات احسه مسبه ....يرفع الضغط:eh_s(4):
بس اهواا مو قصده ..صج صج نسى ..بساكيد ماكو شي يشفعله:rgewrg:

 

[*caramel macchiato*]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

يلااااا حبيبتي نااااطرين البااارت

وبارتين تعوووويض .. كمليهاااااا حبووووبه ...


الله ياااااخذ منيره قولووووووو امين ماا تصير نفس ابوهاااا وتموووت

لول....خذيتوا سيئاتها هالمنيرة ....الله يسمع منج وادش ابشبه:eh_s(14):

 

[*caramel macchiato*]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

سوري بنااات ...ان شاء الله باااجر اكمل ...ورانا دوااام والدوااام لله ...استغفر الله العظيم ...

 

[fdk_q8]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

طبها مرض هالمنيره .. زين ما تتهور زياده بس عليه ...
وحركته انه نسى كلش بايخه وزين تسوي فيه دلال واتوقع بتشوفه وياها
اممم واتوقع مثل ما قالو البنات ابوها بيموت وبتم وحيده وبيقطونها بجبده ..
يعطيج العافيه حبيبتي :* :eh_s(17):

 

[كويتية بحتة]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

...Waiting

 

[NaB'9 QaLBi]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

...... Your story is wonderful and amazing
khalid nafzni wayed bs ma agdar agol 3na shay l2na esma khalid ;p

munera waayeeed jare2a enshalla e6ee7 3laiha dalal o tsfeel feha

keep going o allah ywafgech 7bibty
waiting for you in a new part ;*

 

[MeeMeeYoo_2]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

خالد لو مايحب دلال
او لو دلال ماتحبه

جان قلتوا حرااام منيره تحبه ليش مايعطيها ويه

بس لان اهما يحبون بعض فـ تحسون منيره لزقه

لوووووووووووووول علينا سواااالف

مع هذا هم اكره هالمنيره لووووول


الله يستر من الي ياي


مشكووووره حبييي

 

[Irresistible <3]

رد : ياليت مت ـــــ ولا عشت افراقك 000خـــالــــد ودلال ــــ روايتي الثانية

افف اكرهها ! مخربة وييع ويييع

متى البارت الياي ؟ ​

 

[taboolaaaa]

رد : رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

خالد لو مايحب دلال
او لو دلال ماتحبه

جان قلتوا حرااام منيره تحبه ليش مايعطيها ويه

بس لان اهما يحبون بعض فـ تحسون منيره لزقه

لوووووووووووووول علينا سواااالف

مع هذا هم اكره هالمنيره لووووول


الله يستر من الي ياي


مشكووووره حبييي

لوووووووووول تصدقين انا كنت نفس رايج !!
بس فكرت فيها اهيا لزقه .. والبنت مو حلوة بخفتها جدام الصبي !!!
يعني اهيا قاطه روحها عليه قط واهو مو معطيها ويه !!
بس على قولتج هم اكرهها لووووووول :eh_s(15):


كملي حبيبتي كراميل ماكياتو ناطرينج :eh_s(9):​

 

[كويتية و النعم]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

منييرة صج لزقة
كرهتهاا ..
يعطيج الف عافية حياتي و ناطرينج

 

[ملـvanessa ــكة]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

Up

Up

بليززز كمليهاااااااا

كل باارت احسن من الثااني ...

 

[*caramel macchiato*]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

انكمل......

خالد انصدم من حركت منيرة ...جان يوخر ايده بسرعة ويلف ويه يطالعها معصب : انتي اشفيج ...اشلون تمسكين ايدي جذي؟!!

منيرة : اشفيك خالد ...ماسويتلك شي...

خالد : لايكوون اتعيدينها مرة ثانية ....<<<حس خالد ان كانت تقصد شي من حركتهاا ....

منيرة دمعت اعيونها وبدلع : ليش اتصرخ على ..حرااام عليك خالد ...انتا ليش كله تتجاهلني....ليش اشسويتلك...

خالد : لاتحسبيني مو ملاحظ شي....حطي هالشي ابالج عدل...انا اشوفج مثل اختي شيخة وبس...اتعرفين شنو بس....

منيرة : بس انا أحــــــــــــــــــــبـــــــــــــــــــــــك !!!!

خالد طالعها منصدم : انتي مستوعبة الي اتقولينه ...انتي حسبت اختي.....

يسكت اشوي ويكمل : انا مقدر الظروف الي قااعدة اتمرين فيها ...بس انسي انسي هالموضوع ..وشيليه عن بالج ...(يرفع صوته اشوي) تفهمييييين !!!!!

منيرة اتحاول تمسك ايده ...يمكن يطخ..وبدلع : خالد والله احبك...

ويدز خالد ايدهاا ...ويسفط يمين...ويمسكهااا من زندها حيييل : لا تقعدين تتنهوصين ... استحي على ويهج ابووج مريض وانتي احبك ما احبك.....والله اني حااشم خالي عبدالرحمن ...ومقدر نفسيتج ..جان والله عرفت اشلون ارد عليج عدل ....
منيرة بقلبها ( انا اعلمك ياخالد..ان مايبت رااسك ماكون منيرة )....


وظلوا طول الوقت ساكتين ...وصلوا بيتهم ...وخالد حده ماله خلق ان دلال اتشوف منيرة معااه ...بس اشواا ماكان في احد بره عند مسااافط بيت اهل دلال...بس الحظ لا قالو عوي ...اول مانزلت منيرة من سياارة خالد ..ونزل خالد ...الا مشاري ونورة توهم يايين بيت اهل دلال....طبعاا خلاص نورة شافت منيرة مع خالد نازلة من السياارة ...وصدت نورة وادخلت البيت ..ويها يقط الواااان ....وماتدري اذا اتقول حق دلال ويلا لأ.....اما خالد يوم دش بيتهم غمض عينه حيييييل وحط راحة ايده على رااسه...وحس ان بتصير سالفة بينه وبين دلال ....


دخل مشاري مع نورة بيت اهل دلال .....

الام : هلا والله ابمعاريسنا...<<<وتبوس نورة .....

نورة اتحب رااس عمهااا ابو مشاري......واتسلم على ساارة .......وتقعد ...............

رحبوا فيها واقعدوا اشوي يسولفون ....نورة مستغربة وتسأل: عيل وين دلال ....اليوم ادق عليها جهازها كله مغلق؟؟

الام : والله من يت وهيا صااكه باب دارها ..لاتغدت ولا شي....

نورة توقف : عن اذنكم انا بروحلها اشوي..ولهاانه عليها بصعد لها...

طقت نورة الباب...
دلال : منو ...؟

نورة : انا.. دلول بطلي....

دلال تفتح الباب حق نورة ....واترد تقعد على فراشها....وامبين ضاايق خلقها ....

نورة : دلول اشفيج ...ادق عليج جهازج مغلق ...والحين ضاايق خلقج...شسالفتج ....

دلال : بس ضاايق خلقي من خالد ....

نورة : صااير شي بينكم ؟؟؟

دلال قالت حق نورة السالفة الي صاااارت اليوم ....ونورة صاارت بين نارين ..هل اتقول حق دلال واتضيق خلقها ويمكن تكبر االسالفة ...او انها تسكت واتخلي خالد يسرح ويمرح على كيفه <<<تفكير نورة ....

نورة : دلال بقولج شي ...بس ماودي اضيق خلقج .....

دلال مخترعة : شنوو ...؟؟؟؟

نورة : مسااع واحنا ياايين بيتكم شفت منيرة وخالد رادين مع بعض بسيااارة خالد ...وكانوا بس اهما الاثنين بروحهم .....

دلال اتطالع نورة واعيونها تلمع : جذاااابه !!!!!

نورة اتروح تقعد يم دلال وتمسح على ظهرها : دلول والله ماودي تتضايقين بس شسوي ..احس لازم اقوولج .....

دلال ساااكته .....

بعدين تتكلم واهي منصدمة : يعني شنو ...يعني بينهم شي ؟.... اكيد بينهم شي ....اليوم كشت فيني وطلع معااها ...وراادين مع بعض بالسياارة ...امبيه هذا ماله الا هالتفسير ....

اتبطل موباايلهاا ...واترد اتقول : طالعي ...مادق على ولا مرة ....يعني خلاص ماقمت اهمه....

نورة : انتي كنتي حاااسه ان متغير عليج ؟

دلال : لأ كلش ....ماحست بهالشي ....

نورة : انزين قلــّــت مكالماتكم .....؟

دلال : ايه قلت ...علشاان اهوا عنده امتحااانات ....بس هم ماشكيت بشي ..قليل لما ادق عليه يكون عنده ويتنق !!!!

نورة : اخاف عنده خط ثاني ....!!!

دلال فيها بجية : نورو لأ لا تقولين جذي ...لا تخليني اوسوس ...

نورة : بس لا لا ... ما اظن ان خالد يسوي جذي ...اهوااا يمووت عليج !!!

دلال : كل تصرفاته اليوم اتدل على هالشي ....



فجأة دلال اتقوم اتبدل اهدومها ....

نورة : وين راايحه .....؟

دلال : مادري ...بطلع ضاااايق خلقي احس بموووت من القهر ...مابي اقعد بالبيت ....

نورة : تبيني ايي معااج ؟؟

دلال اتطالع نورة : ياليت اتيين ...ماعندكم شي انتي ومشاري ؟

نورة : امبلا عندنا فلم ( اتطل بسااعتها ) بس مو الحين ريـــّــض ..

دلال : تكفين نورو ...لاتخليني ...احس ابقمته ...احس اني بموووت .....




على الساعة 6 المغرب ...خالد بالبيت ....يحااول يدق على امه بس جهاازها مغلق ...قاام ودق على خاله محمد .....والحمدالله ان رد عليه ....

خالد : السلام عليكم ..شلونك خالي ....

الخال محمد: وعليكم السلام ..هلا والله خالد ....

خالد : خالي بشروااا اشصااار ....شلون خالي عبدالرحمن !!!!

الخال يااخذ نفس بصوت حزين: خلاص ماكو فاايده

خالد : يعني شنوو !!!

الخال : وكلش صووته مقموت : خلاص خالك قااعد يودع ....

خالد انربط السااانه ...كان وااقف ...يوم سمع هالخبر ....جاان يقعد ..حس الدنيا اتلف فيه ....لان كان وايد يحبه ...ويدري اشكثر امه متعلقه فيه لانه اصغر اخوانها .....

خالد : لاحول ولاقوة الا بالله ....لاحول ولاقوة الا بالله ....

الخال : ادعوله الله يخفف عليه...وتنقبض روحه بسلام ...واايد قاااعد يتألم ....

خالد : اللهم آمين ...اللهم آمين ......


صك خالد الخط ...وقعد يفكر ويفكر ويفكر بالسالفة ....كاان حيل متضاايق ....موشويه .....



اما دلال ونورة كانوا رايحيين سلايدر استيشن .....

دلال : نطري نورو ان ماقهرته مااكون انا دلال ....

نورة : يااحسرتنا ان درا خالد انج اهني ....

دلال : انا اعلمه مثل مايحرني والله لا احره ...يعرفني عنيده ....

نورة : خلاص دلول يمكن احنا فاااهمين االسالفة غلط ...يمكن في سوء فهم بالموضوع .....

دلال اتطق على الطاولة: مافي شي يبررله....لو انا اسوي جذي ...جاان ماكوو شي يشفعلي عنده .....

اسكتوااا مده .....

مشااري يدق على نورة ...

مشاري : هلا حبيبتي ...اشلونج ....

نورة : هلا....تمام

مشاري : ها وينكم؟؟؟

نورة : بسلايدر ....

مشاري : شنو بتتعشون هناااك ؟؟!!!

نورة : ايه طلبناا...

مشاري : اشفيج ..انا حاجز مطعم ...

نورة : انت قتلي سينما ...!!!

مشاري : سينما ومطعم ....

نورة : سوري مادري ....

مشاري : خلاص مو مشكلة باجر انروح ..استانسي حبيبتي ...


سكرت الخط من مشاري .....

دلال اتطالع نورة : سوري نورو ..انا طول الوقت قااعدة اتكلم عن نفسي ..نسيت اسألج اشلونج مع مشاري ....ان شاء الله مستانسة معاااه ...؟

نورة اتهز رااسها : اممم ...مشاري واايد طيب....

دلال : حييييييل ..ماتتخيلين اشكثر طيب وحبوب ...ومستاااانس معاااج حيل ...

نورة ضاق خلقها ...اتضيع الصقله ...

نورة : جنه تأخر الاكل ...

دلال حست ان نورة ماتبي تتكلم عن الموضوع ...

دلال : نورو ليش اتضيعين السالفة !!!!

نورة تستعبط : اي سالفة ....

دلال : نورو ليلحين مارتحتي حق مشاري ...ترا اهوا طااير فيج ....

نورة ساااكته ....

دلال : نورة الله يخليج لاتكسرين قلبه ....الله يخليج .....ترا مايستاهل.....


خالد ليلحين بالبيت ..ومن اول ماسكر الخط من خاله ماتحرك من مكااانه ...سالفة اتييبه وسالفه اتودييه ...حس ان متضاايق حيل ..واكثر انساانه يرتااح لهاا بالدنيا اهيا دلال ...دق على دلال ....

دلال بالمطعم ...قاعدين ياكلون... موبايلها يرن ....

دلال : نورو ..نورو دق خالد ...

نورة : خلاص كلميه عدل ...وسمعي شيقولج ...

دلال اتأشر بايدها جنها اتقول نطري : نطري شوفي شنو بسوي فيه ....

دلال : الو ....

خالد تضاايق : هلا حبيبتي ...

دلال : هلا ....

خالد : اشلونج ....

دلال: تمام ....

خالد يسمع اصوات يمها : صيحة ...انتي وين ؟؟؟

دلال : بسلايدر ....!!!!

خالد سكت مده ........: انا مو قايلج ماحب هالمكاان ..ليش رااايحة اهناك ...؟؟

دلال : كيفي ...!!!!

خالد : شنوو !!!

دلال : كيفي ...

خالد : دلال ...صيري مره .....وقومي طلعي الحين ...تدرين ان انا ماحب هالمكاان ...طاوله ابطن طاواله وخزني واخزك ....

دلال ابطفره : ايه عااادي..عيل لو اقولك ان في وااحد قطعني خز....

خالد انقهر : مستااانسه ...شوفي ...والله والله والله انا مالي خلق اصرخ ...بس اذا دقيت عقب 5 دقايق وانتي مو طالعة ..والله لا ايي ويرج من شعرج جداام الله وخلقه ....فااااااااااهمة ....

دلال : ماني طالعة ...واعلى مابخيلك ركبه ....بااي ...

نورة : ابيه دلال ليش جذي اتكلمينه ...

دلال اتلف ويها الصوب الثاني وحدها نقهره : خل تنفعه منيرة ....
اطلبت الحساب ...وادفعت...واركبت سيارتها ...

و يدق عليها خالد ماترد ...ويشكل عليها ....وهم ماترد ....

جان يدزلها مسج وكان حده معصب : مو مشكله لاتردين ...بس لا اشوف رقمج داق علي...

دلال قرت المسج ...انصفق ويهاا ....

دلال قلبها قام يرقع : ابيه نورو شوفي ...

نورة قرت المسج جان اتطالع دلال ....

نورة : شنو يعني ....

دلال : شنو يعني... هدني ....!!!<< عيونها شلال ادموع...

نورة اتهديها ..: لا تلقينه امعصب ....

دلال تبجي: لا ..خالد ولا مرة قالي جذي ...خمس اسنين ولا مره هدني ...

دلال ميته بجي : الحين اثبتلي ان بينهم شي ... لا ياربي مابي يهدني ...انا احبه ..انا بس كنت منقهره على سالفة منيره ....بس كنت بطلع حرتي ...ماتوقعت السالفة توصل لي هالحد....

نورة اتدمع عينها وبقلبها ( انا وياج مالنا حظ )......

دلال اتطالع نورة : قوليلي شسوي ؟؟

نورة : مادري دلال مادري ...

دلال : ادق عليه ...تمسك موبايلها واتكمل : ايه ادق عليه ....

نورة : لا لاتدقين ....تلقينه امعصب ..وراح يقعد يصرخ عليج ..ويمكن ايقط حجي مايثمنه...نطري لين يهده ....


اما خالد حده منقهر من دلال ويتنفس بسرعه ...وجنه شرا ر بتطلع من عينه .....

خالد بقلبه (( انا اعلمج يادلول والله لا اأدبج ...انا بروحا الي فيني كافيني...دراستي بصوب وخالي وانتي اتدزيديني بعد ... انا اعلمج ....)))

بس صج مسكين خالد ...كل شي تكود عليه ...وعنده امتحاان بااجر ومادرس ....بس شنقول ..اثنينهم ماينلامون ....

.........................................................................

 

[cute princess]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

امبيه كملي @@

كملي الحين (((


:eh_s(1):

بس زين تسوي فيه دلال لووووووووول :ggdw:

استانست انا وايد :eh_s(15):

كوكو مو ملاحظه انج وايد تدافعين عن خالد ؟ :080402ask_prv:

جني بديت اشك انج دلال او يمكن نوره :080402ask_prv:




اتغشمر لووووووول :krkrkr:

​

 

[روح مغليهآ]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

ياربيييييييي هذا الواحد لين عصب يقول اشياء مادري شلووون
امبي المفروض مايصير جذي بينهم عوروا قلبي اهمه الاثنين
وحتى منيره كاسره خاطري =(

 

[ikilled barbie]

رد : ياليت مت ـــــ ولا عشت افراقك 000خـــالــــد ودلال ــــ روايتي الثانية

اينن الباررررررررررت تسلم ايدج مشكوره
ننطرج على احر من الجمر

 

[✿¸3ώẪṧĤ»]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

تكفين كملي تكفيييييييييين

 

[*caramel macchiato*]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

امبيه كملي @@

كملي الحين (((


:eh_s(1):

بس زين تسوي فيه دلال لووووووووول :ggdw:

استانست انا وايد :eh_s(15):

كوكو مو ملاحظه انج وايد تدافعين عن خالد ؟ :080402ask_prv:

جني بديت اشك انج دلال او يمكن نوره :080402ask_prv:





اتغشمر لووووووول :krkrkr:

​

لول....لا لا لا .حشا..لايرووح بالج ابعيد ..لاني دلال ولاني نورة ...اصلا انا بريئة واتزوجت زواج تقليدي...:wqedqw:....ماتشوفين احط حرتي بالقصص ..لول..كل القصة من خيالي وماخذة من القصص الي حوالي اشوي ...والله ...:eh_s(2):

بس خالد يكسر خااطري ..لان واايد يحب دلال...بس طريقته غلط ...ومابيكم تظلمونه ...وبثثث:hjy5jewf:

 

[*caramel macchiato*]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

ياربيييييييي هذا الواحد لين عصب يقول اشياء مادري شلووون
امبي المفروض مايصير جذي بينهم عوروا قلبي اهمه الاثنين
وحتى منيره كاسره خاطري =(

ايه والله ...يعورون القلب ...بينهم اسنين....:eh_s(16):

 

[*caramel macchiato*]

رد: رد : ياليت مت ـــــ ولا عشت افراقك 000خـــالــــد ودلال ــــ روايتي الثانية

اينن الباررررررررررت تسلم ايدج مشكوره
ننطرج على احر من الجمر

الله يسلمج

 

[*caramel macchiato*]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

تكفين كملي تكفيييييييييين

ان شاء الله بااجر انزل باارت يديد ...لاني عندي شغل المدرسة :eh_s(11)::eh_s(11)::eh_s(11):


((( بلييييييييييييييييييز بنات دعواتكم...اطلع من التدريس واروح مكاان احس منه ))) دعواتكم :yaaaaaarb:

جان اكتبلكم باليوم 10 بارتااااات