يامساء الفرج بنات ابي وقفتكم

[مهمة]

مساء الخير عليكم خواتي كويتيات ومبروووك عليكم المطررر بنات انا مالي بعدالله الا انتوا ابي ادخل الموضوع بسرعه بنات انا من زمان عندي الايفون وطليقي هما عنده بس قبل ثماني شهور حطني بلوك ونا قبل اسبوع انصدمت مشالله انه فتح البلوك عني بنات انا اتمني انه يرجعلي ويلم عيالنا ونا قبل حاولت الاصلاح بس رفض انا صارلي اربع سنين منفصله بنات السؤال الي ابيكم تساعدوني بتفسيره شنو معناه انه فتح البلوك عني وهما في اشياء وايد تغيرت فيه
بليز بنات ساعدوني واي احس تعبت حيل الله يعينا

 

[انا لحبيبي .]

الله يقدملك الخير يارب العالمين ، ويناولك راحه البال

 

[للزين هيبه]

اذا بينكم عيال يا اختي اصلحي الموضوع
خلي واحد من العيال يحنن قلبه
ودام شال البلوك يمكن عباله نسيتيه او مو حافظه رقمه او انشغلتي بحياتج
الله يعطيج ع قد نيتج يالغاليه

 

[بحةة آلشۈق]

يمكن يبي يكلمك بس متردد الله يفرج عليك ي حبيبتي

 

[ام الاسيرالشهيد]

اسال الله ان يصلح فيما بينكما ويوفقكما لكل خير

 

[tbola]

ان شاء الله خير ياربي

 

[برنسيسة2007]

حبيبتي
ادعي الله في سجودج وتوكلي عليه
لكن لاتبادرين وتواصلينه اذا يبي اهو اللي يواصلج ديري بالج لاتواصلينه

وكل شي جايز يمكن عباله نسيتيه ومسحتي رقمه يمكن ناوي يواصلج .....الخ
اللي عليج ادعي الله ولا تواصلينه
وبالتوفيق

 

[*درر*]

الله. يكتب لك الخيراااااااا.

 

[دلع العتبان]

يمكن بالغلط يابنت الحلال اثقلي ولاتتكلمين اخاف يقول هاذي مراقبتني متى افتح يمكن صج يبي يرجعج

لحظات وصبررر

والله يصلح مابينكم ان كان فيه خير اللهم امين

 

[شرغوفة]

الله يصلح الي بينكم ياااارب وينولج الي فبالج غناتي والله يعطيج الي تبين ​

 

[أم ميميتو]

حبيبتي الله يصلح بينكم دام في بينكم عيال خليهم يتواصلون معاه عشان قلبه يحن و ترجعون حق بعض الله يكتبلج الي في الخير يارب

 

[سكوتي بذوقي]

الله يصلح بينكم يارب وتردون لبعض

 

[النك نيم]

الله كريم ولا تستعجلين

 

[مناير ...!]

الله يصلح حالكم
وماانصحج اتكلمينه وتبادرين لانه جذي بيدري انج كنتي اتابعينه

 

[semaasem]

الصبر جميل ادعي ربج ان الله يحنن قلبه عليج ويسخره لج

الله يصلح بينكم

 

[حبي للابد]

حركه فتح البلوك يمكن احنا الحريم نسويها ،،

هو لو يبي يرجعج بيجيج لي بيتكم ،،

ما يسوي حركااات ،، و خطط

الله يصلح بينكم انشالله*

 

[قــل مـا تـشـاء]

الله يحنن قلبه ويرد لج وللعيال ,,
ومافيها شي اذا بادرتي بالإصلاح بس الأهم من هذا أنج تقدمين تنازلات
وتعرفين الأخطاء اللي صارت بحياتج الأولية وتتلافيها قد ماتقدرين

 

[kndora]

حبيبتي يمكن سوا فورمات او شاله بالغلط

يا قلبي لا تتامليين واخر شي تنهدم امالج لا تفكرين بالموضوع

والي كاتبه الله بيصير

وعسى ربي يجمعكم دنيا واخره

 

[جلكسيه اس 3]

لاتحطين امال و اتفكين بالسالفه
و ادع ربج اذا كنتي تبين ترجعين له وندمانه
انا نفسج ندمانه عشان اعيالي بس اقول بقلبي خلاص كل شي انتهى

 

[!الجادل الصعب!]

يمكن شاله بالغلط
لو غير جهازه وحمل واتس جديد
لا تشغلين بالج فيه .. لو فباله رده ما نطر ٤ سنين
ياقلبي لا تعلقين بامل ضعيف !!