يا أبله حللّي معاشج !!!! ... سؤالي يبيله جواب من المعلمة الى الناظرة ردوا علي ؟؟

[أثير88]

مهاااااوي سالفة اشيل قشي واخذه للبيت
بهذا يا كثر ما سويتها طبعا بسبة الاحتيااااط والاشراف
غير المناوبة العام اخذت اولى وتعرفين صف واحد بس طلعت عيوني بالاحتياط والمناوبة
جنه ماكو غيري والطامة الكبرى اشيل احتياط قسم مو قسمي
هالسالفة ما احبها كلش قسمي مو كثير غياب وطبعا دايم اسمي ينزل ديراكت بالاحتياط
مرات احس اسمي مطبوع بدفتر الاحتياط بالله عليج متى يمدج تخلصين حصتج واقعدي عني بالصف لما يخلصون الوجبة
طبعا انا مالي حق اتريق ولا شنو عقب يطلعلي فجأة منااااااااااوبة
وطبعا بسبة مدرستي وكرافهم اجهضت والحمدلله ربي رزقني وعسى الله يثبته
بصرااااااحة اتمنى من وزارة التربية تخصص ناااس لسالفة الاحتياط والمناوبة والاشراف
الواحد له طاااااقة بأي وقت ينفجججججر

 

[zqertya]

بنات انا شايفه القرار بعيوني ان المعلم بس وظيفته التدريس

اما الاحتياط والمنابه والاشراف الادري وغيره وظيفه شؤؤون الطلبه

انا شفته انصدمت وقتلهم عيل ليش يحاسبونا اذا اعترضنا على الاحتياط هذا قرار من الوزاره وهذي مو وظيفتنا ولا تقولي رئسية القسم وحتى الوكيله لازم تسوين جذي ولا شلون انقيمج لازم تعاونين مع الاداره ولا اقول حق رئيسة القسم الشغل الى اشتغله مع الاداره مو كثر الدرجه اللي حاطينها بالتقييم عن التعاون ولا تقول اهما جذي

 

[ياحلاتي قمر]

اي والله انا قالتلي رئيسة قسمي حسبي الله عليها توها يديدة وماتعرفني ولا تعرف شغلي وفوق هذا كنت 18 حصة بالاسبوع وشغل لي الراس ومحد يقدر
ادارات فاشلة وحريم يحبون القيل والقال وبنات قليلات ادب محد يسنعهم
وفوق هذا نحلل معاشنا
احنا تحللنا من الضغط والاضطهاد حسبي الله ونعم الوكيل على الي كرهني بالتدريس

 

[طموحه بزياده]

الله 18 حصة نصابج!!



بنات ودي اعرف حقوقي قبل ما انخرط بالعمل


جم حدي حصة بالاسبوع واللي فوقه يحق لي اعترض!!

 

[Winter Q8]

الله 18 حصة نصابج!!



بنات ودي اعرف حقوقي قبل ما انخرط بالعمل


جم حدي حصة بالاسبوع واللي فوقه يحق لي اعترض!!

نصابج العلوم ابتدائي 15 حصة ..
طبعا حتى لو اعترضتي بيقصون عليج بكلمتين و يخلونج تاخذين الاحتياط غصب ..
بمدرسة من المدارس اللي رحت لها اللي تغيب يعطونها الحصة السابعة ..
و مرة كان عندي حصة وحده صاروا بقدرة قادر 5 حصص و حصتين اجتماع و كان يومها نشاط :d:d الله ياني موقادرة انسى هاليوم من التعب حسبي الله و نعم الوكيل اللي تستاذن على اساس بترجع و يدبسونج بحصتها و لا تكون مسجلة بسجل الاحتياط لانها الحبيبة الغالية ,,

 

[غلا،،]

الله يعييييين عشان جذي انحشت من تخصص تدريس ودشيت مكتبات ههههههه
لان مهنة التدريس مو سهله
وفوق روسنا بعد بعض هالمديرات الي ما يقدرون
الله يعطيكم العافيه

 

[MEMO GirL]

كلامج بالصميم
.i agree 100%
الله يعيينا بس

 

[جوانا2011]

عندنا وعندكم خير ...احنا الاستئذان سبع ساعات خلال الفصل الدراسي الواحد ..... وامدرسه = 24 حصه دراسيه من غير المناوبه والاحتياط والاشراف
ويبونا نعطي ونبدع .. ماحسوا انهم هم الي بدعوا فينا بهالقرارات المتخلفه مدري وش يحسون فيه لما كل يوم والثاني مطلعين مثل هالقرارات

 

[ترف بابا]

يعني انا دخلت ماكنت احسب ان النقاش عن كراف المدرسة

حسبالي احد متكلم عليچ..

معاچ حق .. ترا احنا لو تدققون التدريس مو متعبنا بالعكس متعه

لكن اللي مخلينا نذبل ومرهقنا الاعباء الثانية اللي اكثرها الاحتياط والمناوبه

تقص وتخرب اليوم وتضيع الوقت علي بدل ما اخلص شغله اخذها للبيت

خاصة سالفة كل قسم يشيل احتياط معلماته الا قسمنا يشيل احتياط اي معلمة من اي قسم !!

 

[سندس 90]

عاااد سبحااان الله كل هالتعععب اللي بالمدرسه على انه متعه
اولاً احتسبوا الاجر لانكم معلمات " وكاد المعلم ان يكون رسولا "
وانا اعششق شي اسمه تدريس
احب اتكللم واحب القرطاسيه وهالسوالف
واحب الطالبات هصوصا متوسط وابتدائي
ومااحب اقعد بمكتب لاني مللووووله
احب اشتغل واثبت نفسي
وعسى ربي ينولي طموحي ومرادي
وعسى ربي يوفقكم ويرزقكم ويعيين اللي تعبانه منكم

 

[المـــــها]

آمين
و ان احب التدريس و اعطي من قلبي و لكن ماقدر استغل يومي من طلباتهم لا قادرة أحضر و لا اضبط شغلي و لا اتناقش مع المعلمات ولالا شي
بعدين الحين حتى الكتب خلونا نفرزها و نضبط الكتب لكل صف و امينات المكتبة قاعدين يطالعونا مرتاحين و احنا غبرنا بالمخزن

 

[RowTow]

آمين
و ان احب التدريس و اعطي من قلبي و لكن ماقدر استغل يومي من طلباتهم لا قادرة أحضر و لا اضبط شغلي و لا اتناقش مع المعلمات ولالا شي
بعدين الحين حتى الكتب خلونا نفرزها و نضبط الكتب لكل صف و امينات المكتبة قاعدين يطالعونا مرتاحين و احنا غبرنا بالمخزن

ههه لا و تتأمر عليج, حطي هنيييي يا أبله!!!
و الله آنا في جم وحده بغيت أهبدهم بالكتب اللي شايلتهم, يعني ألحين ياللي ما تستحين مو كافي قاعدين نسوي شغلج اللي عليج انتي! و هذا الشغل الوحيد اللي يتعبج طول السنه! عالأقل احترمي نفسج و احترمي التاس اللي قاعده تساعدج!
آنا شفت بالإداريات و الأبلات عندنا قلة أدب ما شفتها بحياتي. مو محترمات, و المشكله كل وحده فيهم مرا شطولها.

أستغفر الله.

 

[شقاوتي غير]

الله يعطيكم العافيه

بس معقوله ياابلات محد فيكم حاول يشوف شنو حقوقكم وشنو واجباتكم ؟؟!!

بعيد عن الاداره طبعاا ، انا ان شاء الله ان تخرجت راح اروح الوزارة وراح اطلب اثبات الي علي والي مو علي

عاد انا طفااااااااارتي الظلم وطفاارتي احد يامرني على شي مو من حقي اسويه الا اذا طلعت مني من طيب خاطر !!

 

[المـــــها]

بلى نعرف بس هالأشياء يسمونها تعاون
و احنا عادي عندنا بس مو لدرجة الضغط اللي حتى شغلنا الأساسي مافي وقت لما نسويه بالمدرسة

 

[شقاوتي غير]

اي حبيبتي بس الي مثل حالتكم لو عطيتو من قلب او بادرتوا بشي راح تتعبون اغلب الاداره مايبين بعينهم هالشي وفوق هذا كله لو عطيتهم شيفكج منهم بتعطين لما تتعبين

بس محد مرتاح الا البنت القوية الي توقف عند كل وححده عند حدودها

اذا انا من البداية سويت الي علي بس وبينتهم اني فاهمه شنو الي لي وشنو الي علي محد اقدر يتكلم وخاصة الناظره والوكيلة


قسم بالله الغرب عندهم مهنة التدريس مهنة عظيييمه محد يقدر يهين هالمهنة من الادارة قبل الصغير يكفي احترااااااااااام وتعزيز ذات


اما عندنا حنا اهانه وكل هذا حقد وحسد اللهم ياكافي ونسوا الي يقول " قم للمعلم ووفه التبجيلا كاد المعلم ان يكونا رسولا

 

[سندس 90]

من صجكم تشتغلوووون ششغل امينات المخزززن ؟؟

 

[(كويتيه عسل)]

على طاري الكتب هذيك المره الست الهانم أمينة المخزن غايبه

والوكيله تقولي كل الابلات قاعدين يرتبون الكتب الا انتي

وفي ابلات عشتو اللي مدلعينهم مايكلمونهم

انا رديت عليها قلتلها قاعده احضر لان الكتب اليديده توها توصل ورئيسة القسم تبيه الحين

قلتلها اخلص واروح وانا كنت بطنش

والوكيله مصره الا اروح الحين

وانا اشلت اغراضي وانا موعاجبني

جان تقولي الوكيله بس بس خلاص مانبي مولازم بس لا تقولون بعدين ليش ماعطيتوني امتياز وراحت زعلت


وانا من داخلي اقول بالطقااااااااااق زعل بويعل


خل يولون زين اذا لوكيله ذابحها الشغل والكتب خليها اهيا ترتب الكتب

 

[PuPa^^SWeeT]

^^^^


شنو المشكلة لو كل وحدة قامت بشغلها ؟؟؟؟



يعني امينة المخزن شغلها الكتب


شالمانع انها اتغلف ؟؟؟؟

 

[@الجود@]

ااي زوالله صاجه حسبي والله ونعم الوكيل\..

المفروض الاحتياط والاشراف والمناوبه مو ع المعلماااات

 

[مرسى الورد]

فعلا حبيباتي الاستئذان اربع. مرات ومدته ثلاث ساعات لكن النشره خاشينها ومستحيل تطلع من يكرف لهم اذا طلعت المعلمه سبحان الله قريت النشره بالنت وثاني يوم كانت منفذة الخدمه تمشي فيها بالاداره عشان تتعمم عالاقسام نطرت لييييييييـ نهاية الدوام وماشفتها اختفت سبحان الله مادري وين راحت لكن احنا كمعلمات عندنا جهل كبير بحقوقنا والاداره المدرسيه مايترس عينها شي تمص عافية المعلم وناسيه انه له حقوق ايضا مثل ماله واجبات ولاننسي الميزانيه اللي تلهفها بعض الادارات ولما تروحين تصورين ورقه تقولج ممنوع ياابله
ثم حطت لج الة تصوير لا وبفلوس ع حسابج مع ان الوزاره تلزمهم بالتصوير للمعلمات