يا ام رجيم التمر >اذا ضعفتي>هذا وجهي :@

[Pizza Queen]

السلام عليكم ورحمة الله وبركاته :eh_s(7):​

شلونكم ديناصورات اقصد بطوطات ​

حابه اشاركم بشي ​

انا اقرا رجيم التمر واللبن جان اقول بقلبي اذا ضعفتوا هذا وجهي >عاد انا اللي بقلبي على لساني ​

عشان جذي قلت خل اكتب هالموضوع ​

لانه فعلا اللي بقلبي على لساني <خلاص درينا ​

بنات انا وزني كان فوق الـ80 :eh_s(16):بس الحمدلله بديت انزل ​

لين الحين وصلت لـ 64 وللحين مستمره ابي تقريبا 55 ​

بالاسبوعين انزل 6 كيلوا ​

وبشرتي صارت تهبل ​

والاحلا اني صرت البس ملابس اختي ​

لا وقطيت كل ملابسي الكبيره وهذا اكبر فرحه لما تجيبين جيس اسود مال زباله كرمكم الله ​

وتبدين تقطين الملابس اللي تخبخب عليج <قمت الفرحه والراحه والثقه ​

يابنات ​

التمر ​

سكر سكر سكر ​

والسكر ​

اول عدو للرجيم ​

انا سمعت محاضره اجنبيه امريكيه ​

واهيا اللي ساعدتني افهم شلون اخسر وزن ​

قالت مو مهم اشكثر تاكلين ​

مو مهم جم سعره حراريه ​

المهم نوعيه الاكل ​

والسكر مثل ماقلت العدو الاول​

والصدمه ​

قالت ممنوع الخبز بانواعه حتى الاسمر >هالمعلومه اثبتت بمخي لانها غريبه ​

بنات يمكن اذا ضليتو على التمر وشفتي نفسج تنزلين ​

لاتستانسين ​

لانه السكر والدهون >خصوصا السكر ​

يتجمع بالحوض والفخوذ ​

يعني بتصيرين عرموووووووطه >هذي معلومه من مدرب اجنبي انا سامعتها ​

<لاني احب اسمع كله انجليزي ​

المهم ​

شنو ناكل ​

ناكل خضره وفواكه ​

جهال <بنرجع نقول لكم شنو فايدت الخضار والفواكه ​

الله يهديكم مايبي لها دكتور رجيم ولا تعدين 7 و6 تمرات ههههه​

حطي جدامج سله فيها رقي كيوي <ركزي عالكيوي تفاح افندي <احبه غريب فروت ​

واشتري بطل ماي واااااااااحد لتر ​

وكل ماخلص عبيه خخخخ >انا جذي ​

كثري ماي ماراح تجوعين ابد ​

كثري جررجير >>للدم ميه ميه ​

بنات راح تضعفين بسرعه وبصوره صحيه وتصيرين جنج ورده :rerrerek:​

نصيحه من القلب والله يعلم ​

تعبت وانا اكتب لكم ​

انشالله اسمع كلمه حلوه منكم صديقاتي :eh_s(2):

نسيت اقول لكم البطاط سلقوه واكلوه بدون اضافات بطاطه كل ماحسيتي انج بتمووووووووتين جوع وزهقتي من الفواكه والخضار ​

 

[بطوووطة$بيضة]

انا ماجربت رجيم التمر بس في بنات جربوه وانزلوا عليه وايد......

 

[Pizza Queen]

اذا اعتمدتي على نوع واحد من الاكل

راح تردين كل اللي نزلتيه من اول وجبه تاكلينها بعد الرجيم

لانج راح تهجمين على الاكل ههههه

لكن الفواكه والخضار

مارح ينقص جسمج شي كل انواع الفيتامينات والعافيه والصحه

نسيت اقول شي

ترا انا نزلت مع اني كنت ماامارس الرياضه بس للامانه متى ماطق في بالي يعني مره بالاسبوع اتمشى ساعه

واذا خربطت كاكاوا وجذي ارد التزم بعدها علطول

ووزني مايتاثر لانه صحي الحمدلله وهالدايت نفس protect للجسم

مااقول لكم ماخربط لا اخربط بس بالاسبوع مره او مرتين وارجع على رجيمي

راح ترتاحين وحتى صعب تمرضين ​

 

[FDET NFSY]

مشكووووره ع الموضووع


بس انا مستمره لتمر واللبن واحسه فادني

 

[Dalo0o3a Cute]

حبيبتي انا ما جربت رجيم التمر بس ان شاء الله بجربه

بس في معلومه اولا الرجيم عباره عن واجبه غذائيه كامله ما يصير رجيم يعتمد بس على الفواكه او غيره او نقطع النشويات حتى الحلويات ما نقطعها ناكل شي بسيط وهالشي قاله دكتور اوز بامريكا


رجيم التمر يعتبر وجبه غذائيه كامله شلووووون .؟ :eh_s(10):
الحليب فيه بروتين ومعادن وكالسيوم والتمر فيه فيتامينات ومعادن

بس في ثغره بهالرجيم معروف الهرم الغذائي اساسه الكربوهيدرات ؟؟؟
اهني تيي الحكمه من اكل 7 تمرات ..
بالاول الرسول عليه الصلاة والسلام وصه بهالشي وعلميا اكتشف باحث امريكي اذا اكلنا التمر عدد فردي تتحول السكريات الى كربوهيدرات تمد الجسم بالطاقه وتفيده عكس اذا اكلنا زوجي يتحول الى سكريات الضاره وهذا الي انتي تكلمين عنه

وهالشي بعد تكلم عنه بطل كمال الاجسام اخصائي التغذيه الكويتي سالم العنزي قال افيد شي في فتره الرجيم التمر ولازم ينوكل فردي

ورجيم التمر ما ينفع من غير حركه ,, اي رجيم بالعالم ما ينفع من غير رياضه

وانا قريت وااايد تجارب اهني ومنتديات ثانيه ان هالرجيم روووعه

وحبيبتي حتى اللي يسوي رجيم ما ياكل وااايد فواكه لان الفواكه صحيح فيها فيتامينات وفوايد بس هم سكريات وهالكلام من مصدر موثوق اخصائيه تغذيه تقول جذي

وان شاء الله اذا جربته بكتب تجربتي معنه وزني حيل مثالي بس انا ابي اصير عصقوله

وموفقه ويا رب تضعفون بصحه وعافيه

:eh_s(7):

 

[Pizza Queen]

عارفه كل الكلام اللي قلتيه بس

هالرجيم غير

اهوا مو بس رجيم

اهوا بعد نظام غذائي حلو لحياتج كلها

جسمي شد وبعض الفاكهه تحرق الدهون

ونعومه بجسمي

عندي صديقتي روسيه

يالله على جسمها ورشاقتها

وربي ماعمري شفتها تاكل غير الفاكهه

وبس تشرب من هالماي

ابتعدي عن السكريات بما فيها التمر

وبتضعفين

انا عن نفسي ماشيه عليه وماراح اخليه

نازله تقريبا فوق 15 كيلو

كل اسبوع انزل 3 كيلو

مع اني اخربط

ومرات اشتهي الخبز فاكل الصبح توسته سمرا محمصه مع جبنه دايت

والحلو اني انوع بالنوع اللي اكله

كل مره سلطه شكل

كل مره نوع فاكهه غير

تقريبا كل اسبوعين اكل دجاج مشوي او لحم مشوي

بعد بس استيك واحد

نصيحه لاتفكرين انج تخسرين بسرعه

فكري انج تغيرين حياتج للافضل


يعني مو بس تمر تمر تمر

وبعد التمر والرجيم

بتردين دبلااات اذا رديتي لعادتج القديمه

عودي نفسج وانتي بطوطه على نظام غذائي سليم ومنوع عشان اذا ضعفتي وصرتي ررشيقه ماتردين للخرابيط ​

 

[روحي تحبك...]

امممممممممم

كلامج مقنع ومو مقنع مو القصد اني اجذبج لا

بس من جسم لي جسم يفرق

ممكن انتي جربتي رجيم التمر واللبن وما نفع مع جسمج

مع وحده ثانيه ممكن ينفع


فهو يعتمد على بنية الجسم... انا اعرف وحده لبنانيه جسم خيااااااااااال ويوميا تاكل من كنتاكي

يوميا تخيلي والله ما اجذب عليج اشوفها كل يوم

مافي كرش مافي فخوذ

ليش لانها تحرقه بالمشي والحركه



ارد اقولج يعتمد على بنية الجسم وقابليته للاكل والرجيم




وانا مع اختي دلوعه كيوت



وسوري عالاطاله

 

[صمتها ونه]

ايعطيييج العااافيييييييييه حبووبه

بس مدري احس رجييييم التمر خووش رجيييم


الوكااد لاهنتي يالغلا

 

[لحظآتَ]

الله يهداج شنو فواكه وخضار
حسيتني ماوكلي ولا طرزان
لازم ننوع شوي اكيد بنزهق
بس اللي فهمته ان ناكل اي شي بس مايكون فيه المحظورات اللي تسبب السمنه
بعدين يابنات امر الله من سعه خففوا بعد
خو ماكو حل وسط يا اما تدبون دب الموت بهالاكل
يا اما ماتاكلون بالمره
خير الامور الوسط اكلي لقمه لقمتين بالكثير 3 وخلاص قومي عبي بطنج مااي ولا نعنااع ولا اي شي
وانسي الأكل
واذا جعتي اكلي سلطه وتبوله او حبة فاكهه او اي شي بدون سكر ودهوون
واستغني عن الخبز فترة لين توصلين للوزن اللي تبينه

وبس بعد

 

[ريم خانم]

التخفيف احلى شي تنزلين براحتك وماتحسين بحرمان وفوق هذا وزنك مايرجع بسرعه صدقوني عن تجربه

 

[لعنبآك دهورتني!]

بالعكس حلوو هالرجيم وسرييع يعني تنقصين كيلو بيوم واحد

وطبيعي بكل رجيم اذا هديتيه ورجعتي مثل اكلج اللي قبل راح يرجع وزنج دبلاات

واهم شي الريااضه لانها تشد الجسم واذا ماسويتي الرياضه باي رجيم راح يترهل
الجسم وتصيرين مثل العرموطه مو بس بهالرجيم

 

[LadY BuG 80]

هههههههههههههههههههههههههههههههههههههه العنوان يحر بذات البنات الي مسوين رجيم اتمر و البن ​

ما الومهم لو توطوا في كرشتك ههههههههههههههههههه يعني فوق جوعهم و تقشفهم داخله تتحدين و تكسررين مياديفهم ههههههههههه ​

مشكوره لذكر تجربتك مشالله نزول موفق .. معقوله 3 كيلو في الاسبوع !! ​

رجيم اتمر و البن انا سويته اسنه الي طافت السبوع كامل,, اكيد فيه حرمان و قمت الحرمان و كنت اشتهي ملح ودي اخذ ملح العلبه و الحسه هههههههههههه يعني مافكرت في الاكل بس ابي ملح ​

المهم نزلت 4.8 و بطني راح لانه مافي حجم كبير للخمس تمرات ... اول يومين بعد ارجيم تحكمت في نفسي لاني ما ابي ارجع الي نزلته كان اكلي خفيف ​

بس اليوم الثاث و هجمت مثل انمر الجايع و كنت ابلع اي شي في طريقي .. اشوه سلموا عيالي ..

و من هليوم ما قدرت اتحكم في نفسي جووووع فضيع ما همتني رشاقه و كيلوات انا طالعه من مجاعه اشوف ادنيا ولا شي بس ابي اشبع ​

5 ايام رجعت 3.5 يعني احتفظت بكيلو تقريبا و هاذا كان النزول اطبيعي كيلو في الاسبوع .. الجسم بياخذ حقه ​

اكيد في بنات سووه و تحكمو في نفسهم و ما زادوا الي خسروه .. ​

يعني مو كل وحده تتوفق برجيمها تقول انا اصح و البقيه كلهم غلط ... ناس ضعفانه على الصحي المتنوع و ناس على حساب الكالوري و ناس على اصنف الواحد و في على الو كارب و و و انواع

لانه اناس اذواق على قولت المثل كل على ذوقك و البس على ذوق اناس ​

انا عن نفسي رجيمي كوكتيل احب اغير كل مره شي ​

الحين ودي اسئالك اشلون تاكلين اخضار يعني اسلطات تسوين عليهم دريسينغ ولا بدون ! ​

الخضار تاكلينه مسلوق ولا ممكن ادامات و حمسات ( اكيد مع تخفيف ازيت ) ​

 

[يارب أغفرلي]

أختي معـــــــــــــــــــــــــــــــــــــــــــــــاليش شنو كيوي وفواكه خضروات
شنو من أكلات لاأعشاب أ،ــــــــــــا

اي رجيـــــــــــــــــــــــــــــــــــم فيه خضروات وفواكه نزوله بطي جدااااااااااااااااااااااااا


وحنا ياشعوب العربيه كل شي نبيه بسرعه


وهاذي لاأجنبيه مــــــــــــــــــــا سمعت عن حياة الرسول عليه الصلاة والسلام وكيف كان وجبة التمر وجبه أساسيه

بيت لاتمر فيه جياع أهله


وبعدين أقدر أتحداااااااااااااااااااك أذا صلحتي هالرجيم ومــــــــــــــــــــانزلتي

اتحدى أي وحدى


مثلا عندكم انا مثال حي مباشر


اسوي هالرجم واشرب ببسي والله والله انه نزل وزني


واذا قصدك الوزن يرجع

ماراح يرجع الا بعد 4 شهور او اكثر


واذا رجع نعمله مره ثانيه

بالله وش ورانا عااااااااااااااااادي


ههههههههههههههههههههههههههههههه


هههههههههه هيا بنا ياقروب التمر واللبن على مضاررررب رجيم الخضرووات والفواكه سوف نقااااااااااااااتلهم هيا

 

[غرام مرمر]

انا مسويته صارلي يومين على التمر واللبن والحمدلله نزلت كيلوووو يالله وينك ياللي تحدااا

 

[Pizza Queen]

مشكووووووورين عالمرور

كتون كاندي هههههههههههههههههههههههههههههههههههه

يابنات الرسول ياكل تمر

بس شلون كانت حياته

مثل حياتج ونشاطج اليومي !!!!!!!!!!!

الرسول كان في ترحال وسفر وغزوات وعمل وسباحه وركوب الخيل

وانتي جدام التيفي وتاكلين تمر هههههههههههه

وبعدين يقول لج اكل تفاحه قبل النوم تغنيك عن زيارة طبيب

حبايبي

انا اكل مرات توست اسمر عشان اغير

وحده بس مدهونه ببن دايت

اشرب مياه فيتامينات بدون اي كالوريز

وانا قلت لكم لاتفكرون بالرجيم بس

فكروا تغيرون اسلوب حياتكم للابد

ومولازم اتحدا

وزني يكفي والحمدلله اخربط وزني تمام

وكل مالي بنزول بدون مضاعفات

الحمدلله

اذكروا الله عاد ههههههه
​

 

[Pizza Queen]

يوه نسيت ااجاوب​

كتوون ​

انا اسوي سلطاتي بنفسي بدون خل ​

ليمون اوكي ​

واكثر الجرجير حييييل زين ​

مع خس ​

وشمندر بعد زين ​

واذا حسيت بجوع قوي اقوم اسلق لي بطاطه بماي بدون اي اضافات مثل الملح ​

تشششششششششششششبع وتخلصج من الدهون اللي بالجسم ​

والله انا ماامارس الرياضه كثير بس ماترهلت احس الفواكه خصوصا الكيوي والاناناس وهم البطاط تمتص وتحرق الدهون بالجسم ​

 

[مافي امان]

آنا ماجربت رجيم التمر والله حيرتوني مدري شسوي

 

[روحي تحبك...]

جربي يا قلبي وما عليج

 

[Pizza Queen]

آنا ماجربت رجيم التمر والله حيرتوني مدري شسوي

اللي تحسين انج بترتاحين عليه وبساعدج جربيه

وموفقه :eh_s(22):

 

[swanyway]

لحظه مافهمت

تاكلين لحوم وبقوليات عشان البروتين ؟ تشربين حليب وتاكلين منتجات الالبان ؟ طيب النشويات موب لازم خبز مكرونة ولا رز ؟


ولا بس خضرة وفاكهة ؟؟

اذا تاكلين هالاشياء بس مركزة على الخضرة اقولك عفيه عليج , يشبه نظامج نظام التخفيف كثيير

اذا لا , اقولج النظام بيتعبج لو رديتي لحياتج الطبيعية لان مو معقولة بتقلبين نباتية الجسم يحتاج كل المغذيات مو بس فيتامينات