يا انا يا هالدكتور '' اروح له المكتب ولا لأ؟

[(كويتيه عسل)]

كلامي لرفيجتج :

هذا موريلج علشان تتدلعين عليه ولا تاخذين بعد راينا تروحين ولا لأ ؟ الحمد الله والشكر

المفروض يحطلج صفر وانتي كبيره ادري بمصلحتج موياهل

بالابتدائي يركض وراج حمدي ربج الدكتور هد الطالبات

بروحهم في القاعه علشانج وطالعلج وكل ساعه يطرشلج طالبه

انا من رايي لا تروحين علشان تسقطين وتعيدين المادة عند

دكتور ثاني علشان تعرفين قيمته

الله ماعطاج من هالدكاتره القشران اللي لو بتطلعين وقت الامتحان يقولج مع السلامه لو تموتين ماتعيدينه

 

[عادت ذكرياتي]

تختبر عادي ود. صج غلط وكلمته كلش ما تليق بمستوى دكتور بس أهم شي حس بغلطته وبس


تتعوذ من الشيطان وتختبر

 

[طـفولية]

عفوا هذا ترى دكتور مو ريلها و الا اخوها تعانده و تقوله مابي و مادري شنو !!

اهيا الخسرانه و الا الدكتور شهادته بيده و معاشه يوصل كل شهر !!

ما تبي كيفها لا تمتحن خل تعيد الماده

حلوه هذي حتى اعتذار مو عاجبها شهالدلع :\ !!

نفس كلامها بالظبط

 

[(كويتيه عسل)]

ياحليلها بعد تدلع ماتبي بطقاق لا تمتحن

كاااااااااااااااااااااااااااااااااك :krkrkr:ايه والله بالطقاق

رفيجة صاحبة الموضوع :

لا تمتحنين حبوبه علشان كرامتج

وياااااااارب انشالله السنه اليايه تاخذين هالمادة عند دكتوره قشره علشان تتدلعين عندها عدل

هههههههههههههههههههههههههه

 

[miS.Toot]

استغفرالله ياااربي
شكله عجبها الوضع الدكتور يعتذرلها وهي جالسه تدلع ودموع ودراما
بس برضه الدكتور غلطان لو اني منه ما اتصرف تصرفه والله حبيبتي بكيفها
تعيد ما تعيد هذا شي راجعلها

 

[أإلع ـشق دلع ـهـأإ]

.




الحمد لله والشكر !!

شكو تزعل وتعااند ؟!

سبها سب امهااا ؟!


حبيبتي مااتبي كيفهااا اهي الخسراانه زين منه الاستاااذ تكرم وعااد لهاا الامتحااان ..

خليهاا تسقط وتعيد الماااده ..








.

 

[الحوراء_بنت نجد]

خخخخخخخخخخخخخ ضحكتني تحمد ربهااا الدكتور ويعتذر لهااا
احنا يغلطون علينا ونراكض وراهم كأناااا احنا الغلطانيين بس عشان لايحقدون علينا ويرسبونااا
قولي لهااا ترى مو زوجك يترجااك أنتِ الخسرانة مو هي

\
/

 

[شوشو الشقيه]

عادي اختي
تره واايد دكاتره من هذا النوع
قسم بالله ودج تمسكينهم من رقبتهم وتطحين فيهم ضرب


انا واايد حصلت من هذا النوع من الدكاتره
حقاره وقله ادب

والله الدكاتره الاجانب احسن من عرب الف مره
اخلاق وادب ويعاملون الطالب باحترام
لاني
جربت تدريس العرب عراقييين والادرننين ..........
وجربت تدريس ذكور من الغرب اقصد نيوزلاندا و هولندا

فرق السما والارض
على رغم هم اجانب مسيح ولكن شوفي تعاملهم
ادب واحترام ويعامل الطالب احترام شديد


يعني اختي لا تعاندين اكثر
تره هو ليس خسران
عنده شهادته وشغله
انتي خسرانه

شنو تسوين شنو تقولين له

 

[شوشو الشقيه]

انا جربت جذي معا استاذ هو يكون المشرف على مشروعي
هو عراقي بس
هو طيب بس اللله لا يسامحه
هو مطلوب م\نا كل اسبوع لازم نروح له نعرض عليه شنو الي سويناه
في مشروعي
لان بعد 4 اشهر نسلم المشروع
مره رحت له انا وصديقتي وارويه شنو انا مسويه
المهم رحت له اعرض عليه المشروع
يقولي شفتي الماوس علىر اسج
انا طالعنه
منصدمه واستاذنت منه قلت له استاذ عندي محاضره
ولا كلمة قلت له
بس طلعت من المكتب مع صديقتي
قسم بالله معصبه
وكنت بروح اضربه وااو اتهاوش معاه
بس مسكت اعصابي وبكل ادب استاذنت منه قلت عندي محاضرة
يوم ظهرت من المكتب
خرجت من المبني عصبت لدرجه فوق ما تصورين
لدرجه صديقاتي قاموا يهدوني لا يوجد فايده

وصلت البيت قمت ابكي بكاء فوق ما تصورين
حتى دعاء قمت ادعي عليه
الله لا يربحه لا دنيا ولا اخره
وانا الحين ادعي عليه الله لا يربحه لا دنيا ولا اخره
عساه ما يذوق طعم الراحه

انا عمري في حياتي كله
لم اقلل ادبي على معلمة او معلم
ولم اتهاوش مع استاذه او ولا مره رفعت صوتي على معلمه

فكانت صدمه منه
سكت
وضبطت اعصابي وظهرت من المكتب انا وصديقتي
بس
الله يعلم

انا اخلاقي ما تسمح له ارد عليه
ولا عمري رفعت صوتي على معلمة في المدرسه
اخر عمري اتهاوش مع هذا الاستاذ الخايس
لان اخلاقي لا تسمح له فسكت عن هذا الخايس
انا طوال عمري كله عمري لم اتهاوش مع معلمه او ارفع صوتي عليها
اخر عمري اتهاوش مع هذه الخايس
اخلاقي لا تسمح لي
بعد انا احسن منه الخايس


بعد 4 اشهر لما عرضت مشروعي قدام 3 دكاتره
لان يوم برزنتيشن

في اخر العرض شكرته
حتى قال شوشو هذا الشكر من قلبج

قلت له اي استاذ نعم


بس الله يعلم انا لا احلله على كلمة الي قالها لي
انا من النوع الي احترم المعلم
ومستحيل اغلط على معلم
ولم اغلط عليه
فهو غلط علي وقال شفتي هذا الماوس على راسج
من حسن اخلاقي اني سكت ولا كلمة قلت له فقط ظهرت من المكتب واستاذنت منه قلت له استاذ على محاضرة
وخرجت
على رغم انا دلوعه ابوي في البيت
والي ابوي ابوي عمره لم يقول لي هذه الكلمة
فكف غريب كانت قويه علي
انا لا احلله ليوم الدين

 

[الوفى عنواني]

سلام عليكم

بدش بالموضوع ع طووووول

انا ماحب اسلوب دكتورنا اذا جا يعلق ع البنات الي يسولفون عند البكلاس فحيل يعني تعليقاتة احس مو لايقة ع دكتور يعني الكلاس الاخير قط كلمة ع البنات الي يسولفون عندة بالكلاس قال بنات الي تبي تطلع خلتطلع بس لاتسولفون وبعدها قال والله لو حيوانات عرفت اتصرف معاها انا تسبهت عاد خلاص احترمنا احنا الي قاعدين مالنا شغل فيهم الي يسولفون حتى لو كان يقصدهم بس مو جذي يعني يتعامل معاهم عاد انا رفعت ايدي قلت دكتور ممكن اطلع قال اوكي وطلعت وانا محترة شنو كل مرة بيسمعنا هالكلام يعني بس اهو مايقصدنا ترا بس احس مو محترمنا احنا الي قاعدين انا ماحب اسمع هالكلام المهم عندنا بعدها امتحان يعني يعطينا محاظرة بعدها الامتحان يوم جا وقت الامتحان قالهم نادوها و دز لي بنت تناديني ونان رفضت اروح و هم مرة ثانية يت البنت ومارحت وخلا وحدة من البنات تكلمني بالفون بس هم عندة مابي اروح حدي مقهورة وقاعد ابجي ع هالكلام شنو حيوانات يتفاهم معاهم احسن المهم اهو طلع لي برا انا كنت قاعدة ع الكراسي الي برة جان يناديني قالي تعالي ليش ماتبين تمتحنين قلتلة مابي امتحن قال مو دارسة يعني اهو اصلا حس انة من الكلمة لان سال البنات لما طلعت قالهم ليش تبي تطلع عاد رفيجاتي يعني بيرقعون لي قالو تبي تدرس لان حس من الكلمة انا طلعت مو عشان ابي ادرس وهذا السؤال سالة لما طلعت ماكنت موجودة قالي مودارسة قلت لا دارسة بس مابي ادخل عاد انا ماعرف اجذب قلتلة بطني يعورني شوفو غبائي قال عشان الكلمة يعني ترا انا ماقصدج انا عرف اسمج لو اقصدج قلت اسمج بس مو قاصدج وانا طول الوقت عيني ع الارض مبية يشوف دموعي المهم مادشيت الامتحان قال شوفي مو تيني المكتب ماراح اعيدة لج قالتلة ماراح ايلك ولما خلصو النات الامتحان قالهم اتصلو عليها اعيده لها الاسبوع الياي و انا مادري اعيدة ولا اصمم ع الموقف وماروح شراي ..؟؟؟؟

ترا اهو محترم وحبوب بس مرات لما يتنرلفز يقط حجي ع اللبنات الي يسولفون






وملاحظة السالفة مو لي الرفيجتي بس كاتبتة ع السانها عشان تفهمون السالفه
اقولها تروح ولا لا ؟؟؟؟؟؟؟؟
*

لاتلومينه واضح الدكتور مقضي وقته مع الحيوانات مو متعود على البشر
خليها تروح ولاتعند مسويه فيها حساسة يبا مصلتحها اهم شيء وهالدكتور اللي يقطه مردود عليه

 

[لورا آشلي]

يا بنت الحلااااال قوليلها بتشوفين اعبر من جذي

ليتها تجي ع الكلام و بس ..

تشوفين الظلم بعينج وتسكتين غصبن عليج عشان مستقبلج

 

[ƒédaîtn¥ ZoO'3a]

صحيح الكلمة الي قطها مو حلوة بس موووووو عننننهاا !!! خل تحمد ربها ان الدكتور بيعيدلها الامتحان

 

[ام متلق]

الحل انج تقنعينها وتفهمينها وتخلينها تستوعب شي واحد اذا فهمته عدل بتنحل كل المشكله ان الدكتور مو زووووووووجها بس

 

[حوريه عسل]

انتي بالاداريه؟؟
لان فيه دكتور مر علي جذي ويع :/ بس ماقال حيوانات قوويه ‍!

 

[الملكهA]

اي والله ليش العناد


وانتي شكو مالج شغل


امتحني وجنه العيد

وعلى فكره

ترى اهو مو مجبور يبرر لج ولاحتى يسالج ليش ماتتمتحنين

يقدر يناديج مره ويطقج بالطوووفه

بالعكس هذا اننساان راقي

يمكن يقط جم كلمه بس من العصبيه بعد لاتلومينه

 

[{ سحر الوَرد *]

/ .. ~ بـِـسـْـمـ ،، الله الرّحـْـمـَـنْ ،، الـرّحـِـيـْـمْـ } .. \

. : + : .
أصلا اهيا ماخذة السالفة شخصية جذي ليش؟

اهيا طالبة واهو الدكتور يعني لا بينهم معرفة ولا شي

اللي عليها تحضر المادة وتختبر وتسوي اللي عليها وهو عليه الشرح والدرجات


أما إنها تطلع من الكلاس وتعاند وتركب راسها؟!

سوري يعني بس كللللش ماله داعي!

هالحركات العناد والتغلي على الربع، الأهل، الناس اللي يعرفونج وتعرفينهم أي

موو دكتور! لا وبعد اهي مالها خص فالموضوع

بصراحة موقفها يضحك =) الكلام مو موجه لها أصلا تقوم تطلع ولا بعد تعاند!

ليش كل هذا؟ الدكتور مابينقصه شي تراها سواء قدمت ولا ماقدمت

هي اللي بتخسر درجاتها على شي مالها علاقة فيه


تكبر عقلها وايد أحسن.. ياما بتعيش وبتشوف بالجامعة سواء من دكاترة ولا إدارة ولا غيرهم! ولو تمت على هالإسلوب هي بتضر نفسها بالأخير.. بعد زين من الدكتور معطيها ويه ومطرش لها كم بنت وراح لها بنفسه

ترى دكاترة غيره يحطونها براسهم ويرسبونها بالمادة كاملة بعد مو بس بالاختبار حتى لو كانت أشطر الشطار واهي رايحة تدرس وتحصل شهادة فخلها تحط هالهدف ببالها وبس ماتسوي أشياء بدون تفكير بعدين تتحسف ^^


يبة قوليلها تكبر راسها وتمشي الموضوع عادي وماتعيدها.. لأن صج ترى الحركة كلش مب حلوة منها ولا لها داعـــي أبــداً.. ولا تقولين عنيدة وراسها يابس أي ماختلفنا بس لازم تحاسب اهي وين وشنو الموقف والعناد هذا مب ويا كل من في ناس علاقتج فيهم لازم تكون رسمية وماتدخلين فيها الاطباع الشخصية...


وبعدين الواحد قبل مايحكم على الناس يفكر بأسبابهم.. يمكن كذا مرة سكتهم ماسكتوا! هم غلطانين من اساس يتحجون بالكلاس واكيد الكلمة طلعت منه بدون مايقصد! بعد قال "لو" ما قال إنتو حيوانات ماتفهمون


شكلها رفيجتج توها يديدة ماتعودت على جو الجامعة؟؟

الله يوفقكم يارب

. : + : .

/ .. ~ يـِحـْفـَـظكـُـم ،، الله ،، ويِـرعَـاكُـمْـ } .. \


. . .
. .
.

B y e
❤
​

 

[تبطي عظم!]

اهي الخسرانه مو الدكتور تعاند على حساب نفسها ودرجاتها

دام قال ماقصدتج خلاص بع ليش هالعناد ~

 

[LoLaTi]

وايد مكبره الموضوع وسويتي سالفه من ولا شي يعني الريال قالج ما اقصدج وان الكلمة مو لج وفوق هذا المسكين يبي يعيد لج الامتحان شتبين اكثر من جذي تبينه يبوس راسج ويترجاج مثلا؟؟ شهالدلع

 

[منو انا]

بحط نفسي بمكان رفيجتج لو انا مكانها ارووح اهم شئ مستقبلي

 

[غاالي أبوي]

توكلي وروووووووووووووحي إمتحني......!!!!!