يا بنات .. كلكم .. تعالوا ..

[تعب]

استغفر الله وانا اختي تعب ماعرف ربي يعني !!!!

لو سمحتي ثمني كلامج

أحسني الظن اختي
وردي واضح حبيت أوضح لج بما انج جمعتي وتكلمتي نيابة عن اهل الكويت كلهم
توضيح لا أكثر

 

[جوك احلى جو]

حسبي الله عليها حارقه قلبي

 

[فديتوني..q8]

احنا مو معاها اذا اهي سوت جذي

بس حرام نتهمها واحنا مو متاكدين
انت تقولين 95% اشاعات

احنا معاج لازم اتعاقب اذا اهي غلطانه
بس اهي ليما الحين متهمه مو مجرمة وما اثبتت ادانتها

تخيلي لو طلعت براءة وطلع المجرم شخص ثاني

شنو رده فعلج وانت ظالمه وحده مالها ذنب ومتهمه بدون دليل

خافوا الله واذا اهي ظالمه ربها بياخذ حق هالناس منها
حرام تشهرون فيها وبعايلتها الله ما يرضى

معآج 100%
آلله سبحآنه آهوآ آدرى بخلقه ..~


يعطيج آلعآفيـة صـآحـبـة آلموضوع ..~

 

[الـفـجـر الـبـعـيـد]

الله ياخذ حق هالضحايا والمصابات منها ...الله يمهل ولا يهمل

حسبي الله ونعم الوكيل

واللهم لا شماته

 

[لآ بيرلآ]

ودي اوضح و اقول ..

95% من جحي الجرايد اللي انتوا ماخذينه عذر عشان تدافعون عنها ..مو صج
هذا قصدي


لا باس راسها
و لا حاولت تنتحر .. يا ريت اي وحدة تعرف احد بالداخلية تقولهم شلون يدخلون الاكل حق المتهين

 

[Bq]

صج ليش بعضهم يوقفون معاها وأنا أي احد يتكلم عن الموضوع أقول
أمبله أهي كبيره يعني شنو هل غباء الي لمن تشب النار ناس مايموتون
لا أهي مططه من قبل ولا اهي تحت 18 عشان انقول انها ياهل لا
مخططه ولا مخططه بذكاء بعد حرقت ناس ما لهم ذنب بألي صار مو
حرام

 

[mama-fatma]

ليش اقولكم يمين تقولولي يسار ؟

اقولكم الحجي جذب مو قاعده اتفلسف انا ادري شقاعده اقول

و لا يا قلبي يا ماما فاطمة اهيا معترفة و خالصة من اول يوم

الحين من الواهي و من الخرعه يمكن تغير اقوالها بس ابشرج .. ترا ما غيرت اقوالها

يا حبايبي انتوا ليش مو راضين تفهمون ..
المرة على هدومها بانزين.. شنو تشربه ؟!

انا ماني عارفة انتوا ليش وايد مو هاينه عليكم

نظلمها لمن نييبها من بيت اهلها و نقولها ترا انتي حرقتي

بس الادله ..و البراهين .. و اعترافها بعظمة للسانها شتبين بعد حبيبتي ؟
بعدين حبيبتي انا و الحظ .. انا قاعده اقولج اعرف كل شي اول باول تقوليلي نقول عنها حجي و نألف ؟!!!
استغفرك يا رب .. انا كتبت الموضوع اوصل رسالة .. بس شكلكم ما فهمتوها

حبيبتي سبيس تون .. و الله انا حاسة و فاهمة بس لا تدعين هالدعاوي قولي حسبي الله ونعم الوكيل و خلاص
صدقيني عقاب الله عادل

حبايبي الباجين مشكورين كلكم ع المرور بس قولوني قب علي سامحوني

يا اختي يا حبيبتي هذي وجه نظرج وهذي وجهه نظري

بعدين من وين طلعت الفه ملابسها فيها بانزين اتقوا الله

 

[شوارفسكيه حمره]

الله يرحمهم ويغمد روحهم الجنه
ويصبر اهلهم
والله راح يعاقبها
الله يمهل ولا يهمل
حسبي الله ونعم الوكيل

 

[لآ بيرلآ]

يا ماما فاطمة انتي شفيج ؟!!

ليش ما تردين تقرين كلامي من اول و يديد لانج شكلج مو فاهمة شقاعده اقول!!!!

اتقي الله ؟ انتي اتقي الله بـ شي و 50 روح قاعده تضيعين حقهم بكلامج

سألي الادلة الجنائية يا ماما هدومها اللي كانت لابستهم يوم الحادث فيهم بانزين و الا لا
انتي ياية تتفلسفين ؟ انا مو قاعده اتفلسف

اهيا راحت و صبت البانزن و شبت الخيمة و مشت و وصلت البيت شافت الاخبار ماتت من الخرعة 40 ماتوا بساعه !!
راحت قدمت بلاغ عقبها بساعتين ان اهل المعرس قاعدين يتبلون عليها

مشكلتكم تتفلسفون و لمن الواحد مو هاين عليه اللي احترقوا و تفحموا تقولوله اتقي الله !!!!

انتي اللي اتقي الله و خافي ربج لو ميت لج احد بالخيمة جان هذا ويهي اذا قلتي خافوا ربكم !!

استغفرك يا رب .. انتي ماتدرين شقاعده تقولي انا ادري شقاعده اقول و هذا الفرق !!!!

 

[تعب]

السلام عليكم ..


بنات .. من صجي قاعده اتكلم و لا معصبة و لا شي ..
قلبي مات من كثر ما شفت الاسبوع اللي طاف قمت مااحس فيه خلاص ..
انتوا قاعدين تتكلمون و انتوا ماتدرون عن شي ..
من صجي انتوا ما تدرون عن شي ..

اخبار الجرايد نقعوها و شربوا مايها ..
انا تعبت خلاص ماني قادرة اسكت اكثر ..

ترا 95% من الاخبار مو صحيحة .. انتوا قاعدين تتكلمون وانتوا ما تدرون عن شي ..

انا مااقدر اقول تفاصيل يا جماعة بس ارجوكم رجاء حار حار حار ..
لا تنقلون الاخبار تكفون .. لا تقولون اشياء مالها داعي

يا جماعة الواحد اذا مات احد من اهله بمرض ما ينام الليل .. و الله و تصير حالته حالة

فـ ما بالكم باللي تفحمت مرته .. و الا بنته اللي عمرها 15 و الا 4 سنين كلتها النارو اهيا حية

انا استغرب من اللي يشتطون حق نصرة .. ندري ان الدعوة ممكن ترد ع الداعي

يا بنات انا عمري 23 .. اهيا اكبر مني باقل من شهر ..
لا تقولون ياهل يا بنات لا تقولون ياهل !!

البنية لمن توصل هالعمر واهيا متزوجة و ام عيال .. تكبر سبحان الله ..

و لا تقولون جريمتها وليدة اللحظة .. لا يا حبايبي المرة مخططة من قبلها بشهر او اكثر !!
من اول ما حددوا العرس و قالوا بنسويه بخيمة !!

دشوا قسم الحياة الزوجية .. شوفوا مشاكل بعض البنات مع حمولتهم !!
شي يبجي و يكدر و يضيق الخاطر !!
ما سمعت عن وحدة سوت سواتها !!

لا تقولون مو قصدها .. الجريمة اللي بالغلط و تروح فيها ارواح وجود النية من عدمها ما يهون من نتيجتها !!

انا دعمتج و انتي متي .. خلاص مسموحة يا انا .. مو قصدي !!
هذا مو منطق .. و اللي ما ترضونه على روحكم لا ترضونه على الناس !!

حتى ولد عمي الياهل اللي عمره 5 سنين ..
انا اكتب الموضوع و الاذان يأذن و رب الكعبة امس سألته امه جدامي ..
اذا عندك خيمة و فيها ناس .. و قطيت عليها جبريت و صارت كلها نار شيصير ؟!
كلمة وحدة رد .. عقب ثانيتين .. ( يموتون )
لا تقولولي اهيا ما حطت هالاحتمال .. او ع الاقل ما قالت في بوفيه في غاز في مكاين ..

انزين بتنتقم .. اوكي آمنا بالله .. من خواته ؟ هم آمنا بالله .. شكو الخيمة ؟ شكو العرس ؟! شكو الحريم ؟!

مو قاعده تاكل ؟ مو قاعده تشرب الحين ؟
ليش يعني مو هاين عليكم ؟!
بس عادي يهون عليكم الريال اللي مات من حسرته على 8 بنات و زوجة ؟
يهون عليكم الصبي اللي شاف جثة حامل متفحمة و بطنها محترق و راس الياهل مبين ؟ و الصبي لا قادر ينام و لا ياكل ؟!

انا مادري ليش الناس جذي .. من طقة يعني محد درا عنها خل ندري احنا عنها ؟!
ندري الرحمة بقلوبنا .. و الا جان نمنا الليل يوم السالفة .. جان ما همنا احد و اللي ماتوا ربي يرحمهم و خلاص

ليش وايد متهاونين بالمصيبة اللي صارت .. ترا الدعوة على الظالم حلال ..
اهيا ظلمت نفسها .. ظلمت زوجها و اهله ..
ظلمت عروسته اليديدة اللي مالها ذنب و ماتوا امها و خالاتها و خواتها ..
ظلمت اللي حضروا العرس و ماتوا موتة بشعة او تشوهوا تشوهات ما يصلحها شي ..
ظلمت اهل المنطقة اللي موناقصة مصايب .. ظلمت اهالي المتوفين و الجريحات ..
يتيمتهم .. رملتهم .. حرمتهم من الخالة و الاخت و الرفيجة و بنت العم و بنت الخال و الحفيدة و البنت و الام !!
وظلمت اهل الكويت كلهم .. اللي انا و انتي و انتوا كلكم منهم ..
ظلمت سعوديات الله يعين اهاليهم ..
شوف شنو سوت هذا كله .. و تبون نرحمها ؟! ما قلنا حرقوها اعتراف و اعترفت شتبون بعد ؟!

لا تقولون من حرتها .. حرتها ما تهون و لا تبرر سواتها ..
لا تقولون حطي نفسج مكانها .. لا تقولون حطي نفسج بموقفها و اخت ريلها تدق تحرج !!
يبا بالطقاق لا كان ريل و لا كانت حمولة ..

تكفون لمن تطري عليكم .. ذكروا اللي راحت ملامحها .. ذكروا اللي راحت مرته و بناته ..
ذكروا اللي ما عنده ام و لا يدة و لا خالة .. ذكروا هذا كله ..
و عقبه .. قولوا حسبي الله و نعم الوكيل و احترموا مشاعرنا و مشاعر الجميع ..

ومشكورين .. ​

طيب انتي اللي تعرفين كل شي والتفاصيل حسب ردج عندج كلها
وتعبتي وانتي كله ساكته
اذكري مصدرج أو انتظري الحكم مثلنا

 

[عزيزه النفس]

لا حول ولا قوة الا بالله العلي العظيم

 

[شوارفسكيه حمره]

صلوا عالنبي شفيكم ترى الوقت ماراح يرد ويتعدل كل شي خلاص اللي صار صاار والناس ماتت واهي بتاخذ جزاها بالدنيا وبالاخره
ليش حارين نفسكم علشانها انتوا ما بيدكم شي كل شي بيد الله ثم الحكوومه
خلاص الناس ماتت وماتوا شهدا وانشالله كلهم بيدشوون الجنه
ادعوا حق اهلهم انه الله يصبرهم لانهم صج تعبانين وصج محتاجين حق دعاوينا

 

[mama-fatma]

يا ماما فاطمة انتي شفيج ؟!!

ليش ما تردين تقرين كلامي من اول و يديد لانج شكلج مو فاهمة شقاعده اقول!!!!

اتقي الله ؟ انتي اتقي الله بـ شي و 50 روح قاعده تضيعين حقهم بكلامج


سألي الادلة الجنائية يا ماما هدومها اللي كانت لابستهم يوم الحادث فيهم بانزين و الا لا
انتي ياية تتفلسفين ؟ انا مو قاعده اتفلسف

اهيا راحت و صبت البانزن و شبت الخيمة و مشت و وصلت البيت شافت الاخبار ماتت من الخرعة 40 ماتوا بساعه !!
راحت قدمت بلاغ عقبها بساعتين ان اهل المعرس قاعدين يتبلون عليها

مشكلتكم تتفلسفون و لمن الواحد مو هاين عليه اللي احترقوا و تفحموا تقولوله اتقي الله !!!!

انتي اللي اتقي الله و خافي ربج لو ميت لج احد بالخيمة جان هذا ويهي اذا قلتي خافوا ربكم !!

استغفرك يا رب .. انتي ماتدرين شقاعده تقولي انا ادري شقاعده اقول و هذا الفرق !!!!

شهالثقه الي تتكلمين فيها ين مصادرج

انا اكيد مثل اي كويتيه متعاطفه مع اهل الضحايا
بس انا اتكلم عن وحده متهمه فقط ماثبتت ادانتها وليما اللحين بالتحقيق

 

[كويتيه رزتها ملكيه]

يا ماما فاطمة انتي شفيج ؟!!

ليش ما تردين تقرين كلامي من اول و يديد لانج شكلج مو فاهمة شقاعده اقول!!!!

اتقي الله ؟ انتي اتقي الله بـ شي و 50 روح قاعده تضيعين حقهم بكلامج

سألي الادلة الجنائية يا ماما هدومها اللي كانت لابستهم يوم الحادث فيهم بانزين و الا لا
انتي ياية تتفلسفين ؟ انا مو قاعده اتفلسف

اهيا راحت و صبت البانزن و شبت الخيمة و مشت و وصلت البيت شافت الاخبار ماتت من الخرعة 40 ماتوا بساعه !!
راحت قدمت بلاغ عقبها بساعتين ان اهل المعرس قاعدين يتبلون عليها

مشكلتكم تتفلسفون و لمن الواحد مو هاين عليه اللي احترقوا و تفحموا تقولوله اتقي الله !!!!

انتي اللي اتقي الله و خافي ربج لو ميت لج احد بالخيمة جان هذا ويهي اذا قلتي خافوا ربكم !!

استغفرك يا رب .. انتي ماتدرين شقاعده تقولي انا ادري شقاعده اقول و هذا الفرق !!!!

مااقصرتى كفيتى ووفيتى وردودج كامله000 حسبى الله ونعم الوكيل فيها 00اللهم أرنا الحق حقا و أرزقنا اتباعه و أرنا الباطل باطلا و ارزقنا أجتنابه

 

[منوووووله]

الخبر بفلووس بكره ابلاش

وحسبي الله ونعم الوكيل

 

[لآ بيرلآ]

مصدري ؟!

هههه ضحكتيني .. انا المصدر بكبره

و تتطنزين؟!! اخت تعب
اشكرج حبيبتي .. ان غدا لناظره لقريب

انتي ياللي هامتج نصرة وايد و مو هاينه عليج ..
و ماهموج الجثث و الناس اللي صارت رماد و اندفنت و حتى الويوه ما تبين .. مو هاينة علي ..

انا ماتكلمت بس جذي .. انا مو هاين علي .. و قاعده اقولكم 3\4 الحجي اللي قاعدين تتناقلونه جذب × جذب

و تدرون شلون .. الشرهة علي
و حبايبي اللي حاسين فيني يا بنات اقولكم ادعوا لهم .. و صدقوني ربي بيورينا فيها يوم ..

الله يعين العيال و الاطفال اللي هذي امهم ..
و الله يعين اهالي الضحايا يا بعد عمري دمعتهم و الله ..

بلاكم ما شفتوا اللي انا شفتها يا فاطمة و يا تعب .. ما شفتوا اللي شفتهم

بس ما عليه .. خلوا الطنازة والتفلسف ينفعكم

 

[لآ بيرلآ]

و على فكرة ماما تفلسف انتي و تعب

سألوا اي احد يفهم .. و قولوله .. شلون متهمة تمثل جريمة و اهيا بريئة ؟!

و عشان ما تقولولي مصادر و سخافات ... ترا اللي يمثل الجريمة .. المجرم .. فقط لا غير ..
مافيها روح و تعال .. ما فيها احتمالات اهيا يعني اهيا ..

دافعوا يلا و غردوا حق حبيبتكم نصرة ..

 

[لآ بيرلآ]

و صج صج قلوب بارد عديمة احساس ..

خليتي اللي انا كتبته كله .. و مسكتي كلمة انا مو قادرة اسكت اكثر
الله و اكبر .. استغفرك يا رب و اتوب اليك ..

 

[تعب]

مصدري ؟!

هههه ضحكتيني .. انا المصدر بكبره

و تتطنزين؟!! اخت تعب
اشكرج حبيبتي .. ان غدا لناظره لقريب

انتي ياللي هامتج نصرة وايد و مو هاينه عليج ..
و ماهموج الجثث و الناس اللي صارت رماد و اندفنت و حتى الويوه ما تبين .. مو هاينة علي ..

انا ماتكلمت بس جذي .. انا مو هاين علي .. و قاعده اقولكم 3\4 الحجي اللي قاعدين تتناقلونه جذب × جذب

و تدرون شلون .. الشرهة علي
و حبايبي اللي حاسين فيني يا بنات اقولكم ادعوا لهم .. و صدقوني ربي بيورينا فيها يوم ..

الله يعين العيال و الاطفال اللي هذي امهم ..
و الله يعين اهالي الضحايا يا بعد عمري دمعتهم و الله ..

بلاكم ما شفتوا اللي انا شفتها يا فاطمة و يا تعب .. ما شفتوا اللي شفتهم

بس ما عليه .. خلوا الطنازة والتفلسف ينفعكم

يا انج غريبة
احنا ما ندافع ولا تخلطين الأوراق وتستخدمين الشهداء وأهلهم كورقة
الله يرحم من مات والله يشملهم برحمته
رحمة الله واسعه
احنا نقول الحكم ما صدر وللحين القضاء ما قال كلمته
واذا في احد يتطنز فهي انتي وتستخفين بعقول الناس
يعني شنو انتي المصدر بكبره؟؟؟؟؟؟؟؟ ؟؟
اذا هذا ردج ما ينشره عليج صج

 

[تعب]

و صج صج قلوب بارد عديمة احساس ..

خليتي اللي انا كتبته كله .. و مسكتي كلمة انا مو قادرة اسكت اكثر
الله و اكبر .. استغفرك يا رب و اتوب اليك ..

الله يسامحج ولا أشره عليج