يا معلمات ممكن تفهموني لييييييييش

[طالبة1990]

اليوم التاريخ ١-٩

باعطيج اسبوع او اسبوعين

تدرين شلون شهر

١-١٠ برجع لج بموضوعج هذا وبسألج ها بشري شخبارج


حبيبتي مابي اخرعج بس هذا الواقع

مافي احد متفائل وايجابي كثري

ومع ذلك انصدمت بالواقع


يعني تظنين اي وحدة تدش كلية التربية يعطونها مادة تحلطم وتشكي

ماتلاحظين ان هذا حال كل المعلمات

تظنين ان كل المعلمات سلبيات بطبيعتهم وشخصيتهم

ولاّ الواقع والصدمة الاليمة هي اللي اجبرتهم وحولتهم من شخصيات ايجابية الى سلبية


و على فكرة حبيت اوضح لج شغلة خريجات التربية ممنوع يشتغلون باي مكان ثاني

جنه اهمه اللي دافعين مصاريف دراستنا

مادري ليش يحتكروننا

بظنج ليش حاكرينا بهالمهنة

حبيبتي هالقرار حاطينه من زمان نتيجة التسررب الررهيييب من مهنة التدريس


وقبل استقالة الحكومة نزلت الحمود قرار بالسماح لخريجي التربية يشتغلون بمكان ثاني بس للاسف ما فعلوا قرار وطلع خرررطي



ارد اقولج اللي يده. بالماي مو مثل اللي يده بالناار


*

 

[fri2010]

انا اعرف ناس تربويات وراحو وزارات ثانيه وحدهم متحسفين

 

[لف ليدي]

التدريس والله حلو واو ماكنا نحب التدريس ماصرنا مدرسات لكن مثل ماقالو العدل في مدرسات حق كرف وفي مدرسات على الراحه والوزاره كل يوم طالعين في شغله وطلبات المشرفه وطلبات الناظره شي موطبيعي
وكل هذا كوم واللي معاج بالقسم كوم في مدرسات اعوذ بالله حش وحقد وحزازات لدرجه تكرهين الدوام وهذا ياثر حتى على تدريسج
والمشكله محد يقدر انج ام وزوجه ولج التزامات

 

[fri2010]

انا الحمدالله من ايام الجامعه ما اتكلم مع البنات الا بالدراسه

ومو هالكثر معاهم سلام عليكم وعليكم السلام

اذا احد سألني اجاوب اذا محد سأل لا يمكن اني افتح سالفه

واي شي ابيه اتكلم ويا الدكتور يعني بالمدرسه اتكلم مع رئيسة القسم وبس

واخر همي سوالف الحريم وهذرتهم اللي ما منها فايده

وقلت الف مره اكيد بتعب مافي احد ما اشتغل وما تعب

اما عن سوالف الحريم على قولت وحده اذا شفتهم تحجو بسالفه اخذ دربي واطلع

والا اطلب كل شوي احتياط عشان ما اسمعهم لووووووول

وعادي جدا اخذ شغلي للبيت بصراحه عندي اريح وانا من النوع المللولي ما احب اقعد من غير ما اسوي شي

فعادي اسوي شغلي بالمدرسه وبالبيت

واذا صج خلاص صار شي لا يطاق اكمل دراستي ما عندي مشكله

اللي يحب الشغل ما يتعب والحمدالله على كل حال

 

[بنات حواء2]

فراي اقولج شي
انا بالكليه كنت مالي شغل الا بنفسي و الي يستفسر مني اعطي عيني
بس شاطره و ملتزمه و م كثر ماكنت متيميزه كانت وحده تصير حق مرت حماي وياي و انا ما اعرفها بس قايله حق مرت حماي حرام مرت حماج وايد طيبه بس الكل مايحبها لانها صاكه علكل وحاقدين عليها ليش تلبس
تخيلي الاسباب السخيفه الي كارهيني عليها و حاقدين علي على اساسها شفتي التقييم العبيط الي قيموني على اساسه يعني لو انا فاشله و اروح بالبجامه جان حبوني
و هذا الحال بالمدارس صيري اتكاليه و لا تشتغلين و لا تتميزين و تعالي مبهذله و طلعي مبهذله بتنحبين من الكل
شوفي حبيبتي التذمر مو التدريس
بالعكس انا عشقي التدريس و طموحي التدريس من بعد المحاماة بس لمن تنزلين على الواقع راح تنصدمين وقولي ماقلت
و انتي بتعيشين هتجربه و صدقيني بعد التدريس بشهر بتيين تقولين
واي
تعالوا شوفولي حل
احنه مهمن نتكلم ماراح تقتنعين بس لمن تشوفين بعينج راح تقتنعين
شوفي موضوعي المثبت و راح تعرفين شكثر انا مندفعه و متفائله
لاكن للاسف هلوزاره يكسرونج
و يارب ما انكسر لاني راح اكره نفسي اذا كرهت شغلي الي انا احبه

 

[fri2010]

وييييه اذا على سالفه الملابس يمكن اقول لج منو قال هالكلمه عن ملابسي تنصدمين

كل ما تشوفني ليش كل يوم تلبسين لبس شنو هالفسق ولا وتقول حق ناس ثانيه عشان ايييون يقولون لي

ولا عطيتهم اي اهتمام اللبس اللي بلبسه حق نفسي

الكراف عادي احب الكراف

كلام القسم اخذ دربي واطلع

والا اقول حق الوكيله عطيني اشراف والا احتياط والا اي شي عشان ما اقعد وياهم

مافي تقدير او تقييم عادي المهم معاشي يمشي كل شهر خل يصير تقريري سيء الحمدالله خذيت التقدير اللي استاهله بالكليه

و الحمدالله الحمدالله اقسام الاجتماعيات بالمدارس اللي حطيتيها في الاستفتاءات الكل يمدحهم من جذي انا مرتاحه

من ان ممكن اللي يمدحونهم الناس يطلع وياي العكس ويطلعون مو زينين

لان دايما الامور وياي تصير عكس الناس ما ادري ليش!

ففكر بايجابيه وتفائل اكثر

وما تدرين بنت حوا بالكورس اللي ما داومتي فيه شنو صار في المدرسه اللي درستي فيها بالميداني

صدقني الله ما يرضى بالظلم ولا يحب يتعب عباده ولكن الصبر مفتاح الفرج والله المستعان

 

[بنات حواء2]

الله كريم

 

[ذكريات عشاق]

بنااااات هوب هوووب لاتتحبطووون مابقى شي نبي الحمااس اللي قبل شهر وينه

 

[fri2010]

ايه والله نبي الحماس اللي قبل شهر وينه :/

 

[قاهرتهم 2011]

بس ما ادري اشوفه من شغل الاداري اللي يقولون مو شغل المدرسه ان شغل عادي جدا

والحين اترك المايك لكم تعبرون عن رايكم

حبيبتي ما ينفع تقولين اشوف وراي لازم تجربين بالأول وبعدين تحكمين .. ما يصير تنتقدين المعلمات على شغله انتي ما جربتيها ولا تنسين انه الاعمال الاداريه مو من ضمن مهنتهم الاساسيه وهي المفروض شغلة موظفات اداريات ياخذون عليها معاش حتى لو عادي احنا كمعلمات نبي العدل في توزيع المهام كل انسان ياخذ معاش ويحلله ويرضي ربه قبل كل شي :eh_s(7):

 

[fri2010]

الحمدالله للحين متمسكه برايي

بس مو حابه اشوف موضوع تحبيط وتحطيم ومو باقي شي ونداوم بس كل هذا ما في الموضوع

 

[fri2010]

حبيبتي قاهرتهم بقول لج على شغله

ترا انا تخرجت شهر 1 ومن شهر 3 وانا قاعده اركض بأوراقي ما بين الديوان والوزاره والمنطقه

صج اني تعبت ورحت وراكضت ووقفت ببلعوم الموظفين عشان يخلصون اوراقي

مع هذا ما تذمرت وقلت اووف هذي اولها جذي شنو تاليها شنو اللي حادني على هالوظيفه وللعلم انا مو تربويه

و طبعا دخلت متاهات ما بين الامتحان التحريري والمقابله عشان اصير بس مدرسه

وغير المجلس الطبي وسوالفه وكنت اكتب يومياتي وشكثر تعبت وشقيت لكن الحمدالله حماسي عمره ما قل

وناس اجراءاتهم بس شهر او شهرين واتعبو ما تحملو

و بأمكاني اروح اي وزاره ثانيه ووزارات ثانيه من ثاني شهر من ينزل الاسم بالديوان يبلشون التوظيف

يعني المسأله مسأله صبر وقدره تحمل وضبط الاعصاب مع اني اعصب على اتفه الامور وحساسه لاقصى درجه

بس من النوع اللي انسى واحاول اقط ورا ظهري

 

[جيتك تعال]

حبيبتي بما انك بعدك ما داومتي ... فطبيعي تقولين هالكلام

شغل المعلمة هي عارفته وما تتذمر منه حتى لو كان وايد " هذا شغلها "

لكن الي يغث ويعطلك عن شغلك هو الاعباء الاخرى

الي ما تترك لك فرصة تخلصين شغلك فيها وهالشي يراكم شغلك الاصلي

اشراف ومراقبة وسوي هالامر ... ونفذي هالخطة وشغلة من رئيسة القسم

وشغلتين من المديرة ... وكم شغلة من المديرة المساعدة

وشكوى من ولي امر ... وطول نهارك لووية وروحة وجية

لا يكون عبالك شغلك بس طلبتك وكشاكيلهم بس

لااااا يبااا ... انتي داااومي وبتشوفيين

وناطرينك هني تقولين لنا شصاار معك

 

[كل شيء عادي]

حبيبتي مهما قلنالك ماراح تستوعبين التعب والكرف الغير طبيعي إلا بعد ماتجربين شهر واحد بس من التدريس
انا بصراحه راح اقترح بدل مايعاقبون المجرمين بالسجن يعاقبونهم بسنه تدريس وراح تكون عن عشر سنوات سجن

 

[قمرية الفيس]

انا كان غرامي التدريس مابي مستقبل غيرة ولما صرت مدرسة اكتشفت انه حلمي دمار وهو سبب تحطيمي النفسي لانه الاحباط وراج وراج

 

[LUXURY]

شوفي فراي

اللي تحب التدريس بتطنش كل سلبياته
واللي ماخذته وظيفه حق معاش وعطله ووقت الدوام مع مدارس عيالها ماراح تغيرين رايها

انا جربت الميداني وجربت التدريس نفس الشئ
اذا شايفه ان القسم ماعجبج والله اني اودي لابتوبي ومحد يتكلم
كيفي لافضيت باطقطق بالنت
وعندي جالكسي ومرات اودي كتاب اقرا ماعلي من احد

ونصاب الحصص مستحيل يكون 5 والحين الاجتماعيات اعتقد صارو وايد واغلب الاقسام صارو وايد يعني بتاخذين حصتين 3 بالكثير باليوم
واذا المعلمات بيقولون جدولنا ماجدولنا ومانتريق فانا اقول قعدو مبجر واكلو شي بالبيت او اذا بيتكم بعيد اخذولكم شي تمزمزون فيه بالسياره مو ضروري تقومين حزة الحزه لان بتكبرين المخده وتقولين ما اتريق
والجدول يتبدل يومي مو نفس وقت الحصص كل يوم فمن حق غيرج يكون عندها يوم حصص اولى ويوم حصص بالنص ويوم حصص اخيره

والتحضير والتصليح منتي ملزومه تودينه البيت واللي عندهم كتابين كل يوم كتاب يعني اخذي نفس الكتاب حق ال3 صفوف وصلحيهم على يومين تالي اخذي الكتاب الثاني وصلحيهم على يومين
واللي تعطي البنت حل او سؤال يحلونه بالصف تفر عليهم بالاحمر تصلح

أنا انجليزي عندنا املاء وواجب وكلمات وتعبير وورك بوك وعادي يمديننا
اصلا مرات اقول ماحليننا وايد مايسوى اصلحه كل اسبوع

كله يعتمد على حسن التدبير

واللي تقول مالنا شغل بالاعمال الاداريه لايكون عبالكم ان باجي الوظايف يسوون شغلهم ويقعدون؟؟ كلللللللل الوظايف بدون استثناء يشتغلون شغلهم واشغال ثانيه

بالاحتياط اللي يعطونهم صلحو والا حضرو دام مايمديكم
وامركم عجيب يعني لاعاجبينكم اللي معاكم بالقسم وماتبون تقعدون معاهم ولا تبون الاحتياط اللي يعطونكم فرصه تفجون عنهم؟؟
مادري اشتبون

والوسائل مو شرط تشترون شغلات غاليه وتحوسون , ممكن تشترون شغلات بسيطه وتسوون شي تستخدمونه يفيدكم ومايكلف
والافكار المواضيع ماتخلى ماشاء الله حتى في افكار من مواقع اجنبيه قوقل مايقول لا سوو سيرج واللي ماتعرف تطلع بالانجليزي في قاموس بقوقل يترجملكم الكلمه

آخر شئ حبيت أذكر كلمه ترن باذني قالنا اياها دكتور بالجامعه الله يذكره بالخير (التدريس استلمها بأمانه أو أتركهها بأمانه أكبر)
الواحد يكون ايجابي ويقول هالسنه بتكون غير
واللي ادارتها مو زينه فماكو شئ يضيع عند رب العالمين وحقكم بتاخذونه والعمل عباده ولازم تخلصون بعملكم
وكل الوظايف تلعب الواسطات فيها دور كبير
واللي شايفه نفسها وايد مكلفه على نفسها تخف شوي بس بدون لاتهمل وظيفتها
واللي تقول ما أغيب واحضر مبجر
الحضور مبجر ما يضيع
والغياب لج 14 مرضيه بالسنه الدراسيه
ولج استئذانات وعرضي
انتي ماتاخذينهم مو ذنب الأداره انتي حره
هذيل من حقج بدون لا يأثرون على تقييمج ماله داعي تخلينهم وتقولين مايقدرون مو ملزومين يقدرونج على تخليج عن حقج

وعلى سالفة اللبس انا حاشتني سوالف اكبر بس خليها على الله بالنهايه انا ماخذيت من جيب احد ولا خليت احد يشتريلي كيفي انا حره البس اللي ابيه واشتري مثل ما ابي

وهذا كل اللي اقدر اقوله

ماعليج دشي بنشاط وحيويه وحطي ببالج عند باب المدرسه قطي حياتج كلها ورا ظهرج ودشي وحده ثانيه
ولما تطلعين هم عند الباب قطي حياة العمل داخل سور المدرسه وردي فراي العاديه بيتكم
والله يوفق الجميع

 

[بنات حواء2]

Luxury
ائدج الراي بكل كلمه قلتيها
اذا عريوق لا تاكلون ضعفوا طالعه اشاعه عليه يقولون المدرسات متان
هههههههههههههههههههه
و الله قبل يومين دازين لي صوره المعلمات اول يوم حاطين صور معلمات و بيدهك جدور
ههههههههههههه
شصاير شنو بياكلون مجابيس من الصبح
ههههههههههههههه
انا عن نفسي ايام الميداني اقلاص النسكفي و اذا يعت شفتلي دقيقتين كليت سلطتي او الكلاب سندوش انا اييبهم جاهزين من دايت كير او امريكانا يعني الواحد كافي عليه 10 دقايق ياكل مو لازم انبسط و مجبوس ياي و برياني رايح هههههههههههه
ريوق خو ريوق
ههههههههههههههههه
ذكرتوني بانتصار الشراح بلولاكي ابي قيمر
هههههههههههههههه


بنسبه للوسايل تعبت و انا اقولهم لا تشترون الغالي حرام اصلن اشتري في شي اسمه اعادة تدوير و انا قاعده اشتغل على موضوع كبير يعلم البنات هشي و وعدتهم اني راح انزلهم ومن شغل ايدي صور اشلون تبتكرين وسيله من لا شي و من غير ماتقطين 100 فلس
بس البنات الله يهداهم مالهم خلق يشكون خيط بابره لانصير اتكاليين بعدين نقول فلوسنه راحت
طبيعي بتروح اذا كل اسبوع اروح دسمان و اقط 30 دينار بتروح و جنه العيد
غير لمن اروح سوق بو 100 كل شهر و لا طيور الجنه و اقطلي 10 دنانير من الى على فكره مره سويت درس نموذجي كله من بو 100 و العلب ب 200 مالت التوزيعات و كتيبات صممتهم بنفسي
بس الواحد يبيله ترتيب ينظم وقته و كل شي يصير وياه مضبوط
و على قولتكم بدال السوالف اشتغل انا ماكنت اسولف وقت الي يفضى وقت احضر على ورقه و اجهز وسايلي و اييب لابتوبي وياي اطبع تحضيري و اجهز فيديواتي
و لمن اروح البيت بس ارتب و اشتغل على اعادة التدوير و اليمعه و السبت وي اهلي
بنات لا تخلون السلبيات تغطي الايجابيات انا وياكم وظيفتنه متعبه لاكن كل وظيفه متعبه مافي احد مرتاح و اييبلي وحده تقول انا مرتاحه بدوامي و ماكو شغل رفيجتي بوزارة الكهربا كراف مو طبيعي و اختي بداخليه كراف مو طبيعي
اخوي ضابط بالمطافي بس مدرب تعب مو طبيعي مانشوفه اصلن اخوي موظف بالخطوط الجويه الكويتيه تعب و مانشوفه ريلي بالدفاع يقول من ادخل لين اطلع شغل خالتي بالصحه مرات امرها اشوفها حايسه وي الناس معفوسه فوق حدر
هذي كل الوزارات تعب يعني مو بس احنه خلونه متفائلين و مجتهدين و نبدي سنه يديده بمزيد من التفائل لا تخلون تجاربكم السابقه تحبطكم انا تحبطت و بجيت و تعبت بس شنو فادني هشي تعب نفسي و بعدين منو الي بيدري عيني محد مابيدري عني غير ربي
وربي بيراقبني في عملي فلازم اخلص لوجهه تعالى
ما اخاف من مسؤولتي ما اخاف من ناظره ما اخاف من موجه اخاف من ربي و بس لانه هذا الحرص هو الي بيدخلني الجنه
و هذا الحرص ممكن هو الي يخلي طالباتي يتميزون و يجتهدون و يوصلون و يصيرون باحسن المناصب في المستقبل
و لمن ادخل الحصه مو ادخلها عشان ادرس و بس
لالالالالا
خلكم حريصين على هشلغه
ادخل ادرس و انصح بطريقه حلوه
لمن اشوف الغلط ما اسكت
اشوف طالبه سرحانه و اسكت و اشرح اي كلام و مو مهم اطالبه لالالا هذي بحصتي و انا مسؤوله عنها انصحها اقولها انتبهي
و شكثر كنت انصح البنات بالميداني لي درجت يوم قيموني قالولي انتي اكثر ابله اثرت فينه انتي اكثر ابله بطلت عيونه على مستقبلنه هلكلمات هذي بس لمن اقراها اعرف شكثر انا نجحت بتدريس لانه التدريس مو بس تعليم لا تعليم و تقويم بنفس الوقت
خلكم حريصين على عيال الاوادم و عدوهم عيالكم منكم و فيكم

بنسبه للبس اي يلعب بالنفسيه
بس شنسوي نلبس التنانير لا حول و لاقوه و بيني و بينكم التنوره حلوه تسويج عروسه منو فيكم ماتبي تصير عروسه
هههههههههههههههههههههههههههه
لاحول ولا قوه
و قولوا الف الحمدلله على كل حال
عندنه اجازات حاسدينه عليها و مميزات حاسدينه عليها شفتوا يوم صار كادر المعلمين اشلون الكل بقق عينه شفتوا شصار دليل انكم بخير و نعمه مايعرفها الا ربي

و مثال من حياتي وحده اعرفها ولدت اول مادشيت المستشفى بتحمد لها السلامه امها مسكتني عند الباب ها خلصتي الكليه قلت لها لا باقيلي كورس و ممكن اكمل جان تبطل عيونها و طلعتها بره تكملين معاشج بيطق الالف بعد ليش تكملين
انا هني انصدمت معقوله هي حاسبه معاشي قبلي و الله انا ما كنت ادري جم بيكون معاشي اول ما اتعين قلت لها انا اكمل لاني احب ازيد ثقافتي مو علشان المعاش
و لاكن الحقيقه ان بعض الناس ماديين
و للاسف الغلب داشه هلوضيفه حب بالماده و المعاش مو عشان الوظيفه الله يسامحهم و هذا الشي هو الي يتعبهم نفسين

انا ما ادعي المثاليه و ان انا ما اتشكى ة اتعب من الي يصيرلي من ظلم و غيره لا مافي انسان يتحمل ان ينظلم او ينوخذ حقه او يشتغل و غيره حاط ريل على ريل لاكن اذا الواح بيقعد على هشغلات فعده و بالحبه راح يتعب راح يين و محد بيدي عنه
اجتهدوا و حبوا شغلكم و خلوا عنكم سفاسف الامور
و حب الشي يعمي و يصم

 

[مطيريه ماركه]

مآعليج من آلمتذمرين صج آلتدريس متعب بس وآلله ثمآره فوريّة
آخلصي آلنيّة وآلعمل وبـ تشوفين كل صعوبة تهون
وآلعطلة شي طبيعي مآنبيهآ تخلص

 

[اخت اخوانها]

مرحبااااا يااااعسولاااااات


والله بالنسبة لي ماااارد ع احد ،، مالي شغل فيهم يحبطوني او يقولون تعب قولي ماشكيت الحال

والله لما كنت ميداني كنت راده للقسم وتعباااانه جان تقولي وحدة ليش متعبه نفسج ؟؟ بالتعيين انصحج روحي للأوقاف والله يمدحون شغلهم يقولون مريح
قلت دامه مريح وحلو ليش مو انتي اللي تنقلين له ومتحمله ع قولتج عذاب التدريس ع الأقل انا ميداني ومستانسه بالحياة الجديدة جان تقول ودي بس تعودت ع المدرسة،، قلت لا موسالفه تعود اذا صج متأذية جان ماقعدتي ليما الحين

طبعاً انصددددددمت وبداخلها تلاقينها تقول انا ويييين نصحتها
ولما امتحن صفوفي امتحان قصير ولاحظت نازل مستواهم >>> اسوي لهم ورقة العمل جنها امتحان واخليه فجأة

اعيد لهم الامتحان .. عاد اللي بالقسم لاتتعبين نفسج وتصححين 50 ورقة من جديد ( بالطقاااق) كل وحدة حطيلها درجتها ووووبس

قلت لما اشكي الحال قولوا هالكلام اعتقد كلن مسؤلة عن صفها وادارتها وسكتوااااا


والحمدلله شكثر شغلات لو بحطها فبالي جان ماتشوفيني الف الحمدلله متحمسه للتدريس
يعني تلاقين اللي تخز جسمج واللي تقط عليج كلمة توقف قلبج ،، نفس وحدة معاي يعني بتنكت معاي تقول شالسالفة عالبدلة اليوم ناوية تحرينا
انا طبعااااا تبققت عيوني من الخوف من كلمتها >> الله يكافينا شر عينها وعين امثالها
واللي تغير اذا مدحتج المدرسة الأولى >>> مااالت ياااااحظي انتي مدرسة واقل شئ خبرتها سنتين يعني وضعج ثابت ومرتاحه المفروض ترفعين من معنوياتنا وتشدين من عزيمتنا موتزعلين الحمدلله والشكر


وكل اللي قلتلج عنه طنننننننشته بمزااااجي واقتناعي لأني بكللل بساطة احب مادتي ومرتاحة بالمدرسة فكل شئ اقطها ورااااا ظهري

بس هالاشكال لاااازم تعطينها كلمة ع قولة السوريين تسم البدن لأن غللللط تفتحين مجال للي مايستحون ،، في ناس تقولين ماانزل نفسي لمستواهم وناس لااااااا لازم تعطينها كلمة تخليها غصب تحشم نفسها قبل ماتكلمج




بالتووووفيق لنا جميييييييعاً ويااااارب سنة دراسية سعيييييدة وموووووفقه


وهذي بوسة حقج فروووووي وحق ام زنووووب امواااااااااااه

 

[fri2010]

بنات ترا صج انغثيت من كلمة

كل كلمه والثانيه انتي ما جربتي فما يصير تتكلمين وناطرينج من جم شهر شنو تقولين!!!

ياللا حتى انتو بعد ما جربتو سوالف روحة وردة الوزاره شفتوني تشكيت امبلا انا قلت اني تعبت بس ما قلت اوف شنو هالوظيفه اللي من اولها جذي جان قلت خل ارفض واروح وزاره ثانيه

انا من اول قلتها انا احب تخصصي وابي اكمل ماجستير بتخصصي بس الدكاتره انصحوني قبل ما اكمل لازم اجرب التدريس لتثبيت المعلومات اللي درستها

بس بعدين لما خذيت جم مقرر وشرحت فيهم محاضره كامله حبيت التدريس وخلاني اثق بنفسي اكبر وحسيت اني قادره على هالوظيفه

لاكسجوري وبنت حوا واخت اخوانها هذا الكلام اللي ودي اقراه

واتمنى للجميع تكون سنه خير علينا كلنا يارب