مدخل :-
يمرّ عيد .. ولا نعيّد , على شان
الحزن .. ما بين الحنايا .. تسيّد
ترى الكلام .. اللي تقوله لـ حمدان
يحسّ به ... لكن لسانه مقيّد
اصعب .. شعور / يمرّ في خاطر انسان
انّه .. يمر العيد .. ولا يعيّد !
تحقيق الاحلام .. حتّى لو ينسّق لي
عندي اماني .. ولا ودّي احقّقها
لان الاماني معك .. لو هي تحقق لي ,
مردّ الايام .. تحطب لي وتحرقها
ايّام ما كانت عيونك .. تشوّق لي
لو تطلب اسرق لك الضحكه .. ابسرقها !!
لكن سبقك الفراق .. اللّي مسبّق لي
وسحابة الضيق جات .. ولاح بارقها
يا دفتري / كم من الضيقه توثّق لي ؟
لو هي لهت في غيابي .. لا تضايقها
يحقّ لـ عيونها / تشتاق ... ويحق لي
اضيق .. واكذّب الكذبه , واصدّقها
العام .. من تسمع ابياتي تصفّق لي
واليوم .. تصفق يديني من مفارقها
يا ( ضيق صدر الغياب ) .. شويّ روّق لي
ما هو ضروري اسجّ الرجل .. وافهقها
يا صغر عقل الفراق .. ويا صغر عقلي ,
ما امداني احبّها .. عشان افارقها !
مخرج :-
خفت إنّي مقصّر .. وما خفت من كيدك
واللي على خاطري .. مردّه لساني ,
تبيني ابقى لك .. وما اروح من ايدك ؟
لاتكسر بخاطري , و ألف يتمنّاني !
تلقاني .. اليا انتثر شعرك , على جيدك
لكن .. لا زعلّتني ... مراح تلقاني !
]
![[[ عيون جابر ]]](/data/avatars/m/88/88982.jpg?1621060915){kind=avatar}
