يبيلي تعديل من فوق لي تحت حطي منحبطه تكفون ساعدوني

[ليش نحب ؟؟]

اختي انا رايي روحي حق عيادة جلدية واخذي شي طبي ومضمون
المشاكل الي عندج تبي استشارة طبيب

فكرت والله بس يبيله روحه ورده
انا قلت اجرب باشياء طبيعيه و كويتيات ما يقصرون
ان ما نفع معاي بروح عيادة

 

[Killer^Girl]

http://www.q8yat.com/t811479.html

 

[!@Bling@!]

حبيبتي والله :**

البنات ماقصرووو ،، كفوو ووفووو ،،

بس عندي اضافه بخصوص التعرق ،،

في دوا ينباع تحطينه بالاسبوع مره يقلل التعرق ،، ويمنعه بعد ،،

وفي ناس يضبط معاهم حتى بالاسبوعين مره تخيلي ! من كثر ما اهوا قوي ماينباع الا بوصفه طبيه ،،

طريقته نفس المحلول تحطينه وقت النوم ،،

اسمه drysol

بحثي عنه بالنت وشوفي ،، اتوقع في ناس تبيعه ،،، انا بصراحه شريته من النت ،، عجيــــــــــب مع اني ماشتكي من هالمشكله حمدلله بس جذي استخدمه مره بالشهر بالصيف عشان مابي عباياتي يتوصخون لووووووووول شرايكم بالكسل >.<"



وسلامتج ،، وان شالله نشوفج احلى عروووووسهـ ..

3>

وترا اهم شي اهممممم شي ،، الثقه بالنفس ،، بحثي بالنت مصااااادر شكثر تتحجى عن هالموضوع ،، في شغلات عمليه تقدرين تطبقينها ،،

دام عندج النت ،، يعني مالج عذر ،، كل شي تحت كبسة زر << متعوب عليها الجمله دير بالكم هه لوووووول


وكلناااا نحبـــــــــج :**


< شوي صرت عاطفيه عاتي عاتي

تشآآو ياحلوه

 

[ليش نحب ؟؟]

http://www.q8yat.com/t811479.html

مشكووورة حبيبتي موضوعج مفيد وايد :eh_s(17):

 

[ليش نحب ؟؟]

حبيبتي والله :**

البنات ماقصرووو ،، كفوو ووفووو ،،

بس عندي اضافه بخصوص التعرق ،،

في دوا ينباع تحطينه بالاسبوع مره يقلل التعرق ،، ويمنعه بعد ،،

وفي ناس يضبط معاهم حتى بالاسبوعين مره تخيلي ! من كثر ما اهوا قوي ماينباع الا بوصفه طبيه ،،

طريقته نفس المحلول تحطينه وقت النوم ،،

اسمه drysol

بحثي عنه بالنت وشوفي ،، اتوقع في ناس تبيعه ،،، انا بصراحه شريته من النت ،، عجيــــــــــب مع اني ماشتكي من هالمشكله حمدلله بس جذي استخدمه مره بالشهر بالصيف عشان مابي عباياتي يتوصخون لووووووووول شرايكم بالكسل >.<"



وسلامتج ،، وان شالله نشوفج احلى عروووووسهـ ..

3>

وترا اهم شي اهممممم شي ،، الثقه بالنفس ،، بحثي بالنت مصااااادر شكثر تتحجى عن هالموضوع ،، في شغلات عمليه تقدرين تطبقينها ،،

دام عندج النت ،، يعني مالج عذر ،، كل شي تحت كبسة زر << متعوب عليها الجمله دير بالكم هه لوووووول


وكلناااا نحبـــــــــج :**


< شوي صرت عاطفيه عاتي عاتي

تشآآو ياحلوه

حبيبتي مشكووووووووووورة وااايد وان شالله بجرب الكريم لاني اعاني وايد من هالمشكله
وتسلمين ياقلبي وايد رفعتي من معنوياتي :eh_s(17):

 

[ii DareeN ii]

نصيحتي لج راجعي طبيب جلدية شاطر يعطيج كريمات حق الاندر ارم والمنطقه الحساسه لاتخبصين بروحج انا خبصت بروحي وصار معاي تسلخات حرقت روحي

وهم بنفس الوقت يعطيج لاين كريمات حق البشره يعالج لج اول شي لحبوب عقب يعطيج شي نضاره وتوحيد لون

لشعر سوي جلسات حمامات زيت او حمامات كريم تستخدمينه بصورة منتضمة مع شامبو حلو عندج سنصلك حلو وهم لوريال كرستاز حلو بالصالونات ودهن برشوت الازرق

ودايما خلطي عندج زيت ليمون وزيت زيتون وزيت اللوز بغرشه وتدهني فيها كل ماصار لج وقت تفتح الجسم بصورة عامة بس اذا السواد وايد احسن لج روحي طبيب

 

[ليش نحب ؟؟]

مشكوورة يا قلبي بس تدرين الحين تبدي الدومات ماكو وقت حق الروحه والرده

 

[bobo lover]

اول شي نصيحة ورب الكعبة اهم من كل شي
روحي حللي وشوفي نسبة الحديد عندج
انا قطيت والله ما يزيد عن 100 دينار على شامبو وامبولات للشعر خلال 4 شهور ومافاد معاي كللش.. ليش؟ توني محللة وطلع عندي فقر دم والحديد ناقص!!! انصدمت شلون وانا من فترة متبرعه بالدم بالجامعه... امي زفتني على التبرع وتوبة اتبرع قبل لا اشوف نسبة دمي

المهم، سوي تحليل دم شامل واخذي حبوب حديد واكليهم قبل النوم اذا خايفة تفتح الشهية
وروحي بعد هالخطوة للصالون ضرووووري تقصين شعرج، ماشاءالله عقب ما حشيت شعري حش خف التساقط
حتى الكوافيره تقول انتي نص شعرج ميت

هني عاد ابدي بجلسات الشعر:
عندج زيت السمسم سخينه بالميكرويف ودلكي فروة راسج فيه
وزيت النرجيل زين وخلطي معاه شوي من زيت كيشور وادعيلي
وبنفس الوقت روحي اشتري امبولات ضد التساقط وشامبو للقشرة من فيجي منتجاتهم للشعر حلوة

وسوي مرة بالاسبوع بس حمام زيت بالصالون واشتري حمام زيت بوناويل المشمش من الجمعية
لا تشترين اللي بالقمح لانه ما ينفع وجني مو حاطة شي
وبس

البشرة لازم تشوفين التحاليل مثل ما قلت لج
انا اختي الكوليسترول والدهون زايدة عندها الهبلة كله من الكاكاو
ومن قطعته وخلت اكلها صحي خفت الحبوب منها
واستعملي صابونه المرة والكركم اللي لونها بني، مو الكركم، لان الكركم بروحها حارة حيل عالويه
واهم شي شوي لج منقوع مرة ومسحي ويهج عالاقل مرتين وشوفي النتيجة الزينة

والفخوذ والاباط ما نفع معاي غير الاسكينول
مسحيهم يوميا مرة او مرتين وادعيلي والله بتنصدمين من النتيجة حييل فادني (انا استخدم الليمون والخيار)

وللمنطقةاللي بين الفخذين ماكو احسن من الدوكوين فورت ورتن اي بس حاولي ما تستعملينهم لفترة طويلة لان سمعت لهم اضرار
ولا تنسين ترطبينهم يوميا بمرط بيبانثين تراااا عجييييب هالمرطب واحسن من الفازلين
انا استمل الازرق لانه سريع الامتصاص وما يدوخ

وبس عفية ادعيلي ان الله يوفقني ويشافي اوخيتي

اسفه عالهذرة

 

[للابداع اصول]

البنات ماقصرووو
وبالتوفييق

 

[وحدة كويتية]

اانا ماراح اقولج حطي وحطي من هالكريييمات والزيوت
اهم شي تغذيتج
شربي مااااي كثييير وابعدي عن الكاكاو والدهون مو شرط تسويين دايت لا خلي تغذيتج سليمه
وروحي دكتور خليه يفحص الغدد اللي عندج
واذا تعدلت كل امورج
عاااد الحين يجي دور الكريمات والزيوت للتعديل واصلاح ما افسده الدهر ههههه>>>> حلوه الدهر
المهم اهتمي بنفسج زياده ولاتياسين هذا مانفع وهذا مانفع كل شي يبي استمرار وصبر
وبالنهايه الله يشفيج ويريح قلبج*

 

[kAmMoOnH]

بالتوفيق
وانصحك بشرتك حساسه راجعي الطبيب اهم شي لأن يمكن تسوين اشياء بسيطه وتضرك اكثر فارجعي اولا"
عشبة المر مرره روعه للألتهابات
بالتوفيق يالغلا
والحنه لا تستعملينها لحالها حطي معاها زبادي